HighLight News

             ၁၅.၇.၂၀၂၅ ရက်နေ့၊ နံနက် (၁၀:၃၀) နာရီအချိန်တွင် ရေကြည်မြို့နယ် အ.မ.က ဝက်ရုပ်ကျောင်းတွင် ကျောင်းသား၊ ကျောင်းသူ (၁၈၅) ဦးအား ရေကြည်မြို့နယ် သဘာဝဘေးအန္တရာယ်ဆိုင်ရာ စီမံခန့်ခွဲရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ စားသုံးသူ အသိပညာပေး ဆောင်ရွက်ခဲ့ပါသည်။

             ထိုသို့ အသိပညာပေးရာတွင် သဘာဝဘေးအန္တရာယ်ဆိုင်ရာ စီမံခန့်ခွဲရေးဦးစီးဌာနမှ မြို့နယ်ဦးစီးမှူးသည် သဘာဝဘေးအန္တရာယ် (၉) မျိုးအကြောင်းနှင့် စားသုံးသူရေးရာဦးစီးဌာနမှ မြို့နယ်တာဝန်ခံသည် စားသုံးသူအခွင့်အရေး(၈) ချက်အကြောင်း အသိပညာပေးဟောပြောခဲ့ကြောင်း သိရှိရပါသည်။

DOCA (ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင် ငပုတောမြို့နယ် မြို့နယ်ရုံးရှိ ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ ဆန်စက်ပိုင်ရှင်များအသင်းတို့နှင့် ပူးပေါင်း၍ (၂၁.၇.၂၀၂၅) ရက်နေ့ နံနက်(၀၈:၀၀) နာရီအချိန်တွင် ငပုတောမြို့နယ်ရှိ အထွေထွေအုပ်ချုပ်ရေးဦးစီးဌာနရုံးတွင် ပင်စင်စားဝန်ထမ်းများအား ဆီနှင့် ဆန်များကို သက်သာသောဈေးနှုန်းဖြင့် ရောင်းချပေးမှုနှင့် ကျန်းမာရေးစစ်ဆေးမှုများ ပြုလုပ်ခဲ့ပါသည်။

          ထိုသို့ရောင်းချရာတွင် ဌာနဆိုင်ရာများမှ ပင်စင်စားဝန်ထမ်းများအား သက်သာသောဈေးနှုန်းများဖြင့် ဆီနှင့်ဆန်များ ဝယ်ယူရရှိနိုင်ရေးအတွက် ဆောင်ရွက်ပေးခဲ့ပါသည်။ ဆီ(၅၀)သား လျှင်(၃၅၀၀) ကျပ်နှင့် ဧည့်မထဆန်တစ်ပြည်လျှင် (၂၂၀၀)ကျပ်ဖြင့် ရောင်းချပေးခဲ့ပါသည်။ ဆက်လက်၍လည်း ပင်စင်စားဝန်ထမ်းများအား ကျန်းမာရေးဦးစီးဌာနရှိ ဝန်ထမ်းများမှ ကျန်းမာရေးစစ်ဆေးမှုများ ပြုလုပ်ပေးခဲ့ပါသည်။

DOCA (ဧရာဝတီ)

                   ကျုံပျော်ခရိုင်၊ ကျုံပျော်မြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံးတွင် ကျုံပျော်ခရိုင်အတွင်း မြို့နယ်များရှိ စားအုန်းဆီသတ်မှတ်စျေးဖြင့် ရောင်းချဖြန်ဖြူးခြင်းလုပ်ငန်း ဆောင်ရွက်လျက်ရှိသော ကျုံပျော်မြို့နယ်မှ လက်လီရောင်းချသူ (၁၆၉) ဦးသို့ (၂၁.၇.၂၀၂၅) ရက်နေ့တွင် လည်းကောင်း၊ ရေကြည်မြို့နယ်မှ လက်လီရောင်းချသူ ( ၉၃ ) ဦးနှင့် ကျုံပျော်ခရိုင်အတွင်း လက်ကား ဆီကိုယ်စားလှယ် (၁၀)ဦးသို့ (၇.၇.၂၀၂၅) ရက်နေ့တွင်လည်းကောင်း၊ ကျောင်းကုန်းမြို့နယ်မှ လက်လီရောင်းချသူ (၁၁၁)ဦးသို့ (၈.၇.၂၀၂၅) ရက်နေ့တွင်လည်းကောင်း Capital Connect Co;Ltd ၏ တာဝန်ရှိသူများမှ EOS စနစ် အသုံးပြုရာတွင် လိုအပ်သောစနစ်ထည့်သွင်းခြင်းနှင့် စနစ်အသုံးပြုနည်းသင်တန်းပေးခြင်းအား ဆောင်ရွက်ခဲ့ကြောင်း သတင်းရရှိပါသည်။

DOCA (ဧရာဝတီ)

         ကျုံပျော်မြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်းများသည် မြို့နယ်ကုန်ဈေးနှုန်းတည်ငြိမ်ရေး လုပ်ငန်းအဖွဲ့ဝင်များ၊ ဌာနဆိုင်ရာများမှ တာဝန်ရှိသူများနှင့် အတူ (၂၂.၇.၂၀၂၅) ရက်နေ့၊ နံနက် (၀၉း၀၀) နာရီအချိန်တွင် မြို့မစည်ပင်သာယာဈေးရုံးတွင် ဈေးအတွင်း စားအုန်းဆီလက်လီရောင်းချသော လုပ်ငန်းများနှင့် တွေ့ဆုံ၍ လုပ်ငန်းရှင် အသိပညာပေး ဆွေးနွေးခဲ့ပါသည်။

           ထိုသို့ အသိပညာပေးဆွေးနွေးရာတွင် စားအုန်းဆီများအား သတ်မှတ်ရည်ညွှန်းဈေးဖြင့်ရောင်းချရန်၊ အပတ်စဉ်ထုတ်ပြန်သည့် စားအုန်းဆီရည်ညွှန်းဈေးအား ဗီနိုင်းဖြင့် စားသုံးသူများ မြင်သာမည့်နေရာတွင်ချိတ်ဆွဲကာရောင်းချရန် ပြောကြားခဲ့ကြောင်း သိရှိရပါသည်။

DOCA (ဧရာဝတီ)

         ပုသိမ်ခရိုင်၊ သာပေါင်းမြို့နယ်၊ ၂၁.၇.၂၅ ရက်နေ့တွင် မြန်မာ့စီးပွားရေးဘဏ်ရှေ့၌ မြို့နယ်ကုန်ဈေးနှုန်းတည်ငြိမ်လျော့ကျရေးကော်မတီ အတွင်းရေးမှူး စားသုံးသူရေးရာဦးစီးဌာနမှ မြို့နယ်ဦးစီးမှူးသည် မြို့နယ်ဆီကုန်သည်နှင့် ဆီလုပ်ငန်းရှင်များအသင်းနှင့် ပူးပေါင်း၍ သာပေါင်းမြို့နယ်ရှိ မစဖအဖွဲဝင်များ၊ မြို့ပေါ်လုံခြုံရေးတပ်ဖွဲ့ဝင်များနှင့် ဌာနဆိုင်ရာ (၃၄) ခုတို့အား  (၁) ဦးလျှင် (၅၀) ကျပ်သားနှုန်းဖြင့်  ပိဿာချိန် (၉၉၀) အား (၅၀) ကျပ်သားလျှင် (၃၃၅၀) ကျပ်ဖြင့် ရောင်းချခဲ့ကြောင်း သိရှိရပါသည်။

DOCA(ဧရာဝတီ)