၂၃-၆-၂၀၂၆ ရက်နေ့တွင် စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး ဦးစီးမှူးရုံးနှင့် ကွပ်ကဲမှုအောက်ရှိ ခရိုင်ဦးစီးမှူးရုံးများတွင် ဝန်ထမ်းများအား ဝန်ထမ်းစွမ်းဆောင်ရည်မြှင့်တင်ရန်နှင့် အရည်အသွေးများ မြင့်မားတိုးတက်လာစေရန်အတွက်” အထက် ဌာနအကြီးအကဲများ၏ လမ်းညွှန်ချက်နှင့် တိုင်းဒေသကြီးဦးစီးမှူး အစီအမံဖြင့် နိုင်ငံဝန်ထမ်းကျင့်ဝတ်(၃၀)ပါး အရွတ်ဆိုပြိုင်ပွဲကျင်းပခဲ့ရာ တိုင်းဒေသကြီးဦးစီးမှူးရုံးမှ ဝန်ထမ်း ( ၂၉ )ဦး၊ ခရိုင်/မြိုနယ်တာဝန်ခံရုံးများမှ ( ၁၉ )ဦး ဝင်ရောက်ယှဉ်ပြိုင်၍ ကျား( ၁၀) ဦး၊ မ( ၃၈ )ဦး၊ စုစုပေါင်း ( ၄၈ ) ရှိကြောင်း သိရသည်။
အဆိုပါ ဝန်ထမ်းများ စွမ်းဆောင်ရည်မြှင့်တင်ရေးနှင့် အရည်အသွေးများမြင့်မား တိုးတက်စေရန် နိုင်ငံဝန်ထမ်းကျင့်ဝတ်(၃၀)ပါး အရွတ်ဆိုပြိုင်ပွဲကို တိုင်းဒေသကြီး ဦးစီးမှူးရုံးရှိ ဝန်ထမ်းများနှင့် မုံရွာခရိုင်ဦးစီးမှူးရုံးရှိ ဝန်ထမ်းများအား တိုင်းဒေသကြီး ဦးစီးမှူးရုံးတွင်လည်းကောင်း၊ ခရိုင်ဦးစီးမှူးရုံးမှ ဝန်ထမ်းများအား Online ဖြင့် ချိတ်ဆက်၍ ယှဉ်ပြိုင်စေပြီး သတ်မှတ်ထားသည့် အမှတ်ပေးစည်းမျဉ်းစည်းကမ်းများ၊ စာလုံးပေါင်းသတ်ပုံ၊ တိကျမှန် ကန်မြန်ဆန်စွာ ရွတ်ဆိုနိုင်မှုကို အကဲဖြတ်အမှတ်ပေး၍ ဝန်ထမ်းများ၏ စွမ်းဆောင် ရည်မြင့်တင်နိုင်ခြင်းများကို လေ့ကျင့် ဆောင်ရွက်ပေးလျက်ရှိကြောင်း သတင်းရရှိပါသည်။
DOCA(စစ်ကိုင်း)