HighLight News

            ၂၀၂၅ ခုနှစ် ဇွန်လ (၉) ရက်နေ့တွင် သာစည်မြို့နယ် သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန၊ မြို့နယ်သစ်တောဦးစီးမှူးမှဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာနနှင့် ဌာနဆိုင်ရာများအားလုံးပါဝင်သောအဖွဲ့သည် သာစည်မြို့နယ်၊ ပြည်ညောင်ကျေးရွာ၊ သစ်တောကြိုးဝိုင်း၊ အပါချီဘီလပ်မြေ စက်ရုံအနီးတွင် မိုးရာသီအကြို သစ်ပင်စိုက်ပျိုးခြင်း အခမ်းအနားကို ကျင်းပပြုလုပ်ခဲ့ပါသည်။

           သစ်ပင်စိုက်ပျိုးခြင်းသည် ရာသီဥတုပြောင်းလဲမှုကို ထိန်းညှိပေးခြင်း၊ လေထုညစ်ညမ်းမှုကို ကာကွယ်ပေးခြင်း၊ စွမ်းအင်များ(ထင်း၊မီးသွေး)စသည်တို့ကို လုံလောက်စွာရရှိနိုင်ခြင်း၊ သစ်ပင်များ၏ အရွက်၊ အသီး၊ အခေါက်၊ အမြစ် စသည့်အစိတ်အပိုင်းများကို အစားအသောက်၊ ဆေးဝါး၊ အလှကုန်၊ နေထိုင်စရာတို့ကို ဖန်တီးနိုင်ခြင်း၊ တောရိုင်းတိရိစ္ဆာန် ဇီဝမျိုးစုံတို့ ကျင်လည်ကျက်စားရာ နေရာဒေသဖြစ်ခြင်း၊ သစ်ပင်သစ်တောများသည် သဘာဝဘေးအန္တရာယ်များဖြစ်သော ရေကြီးရေလျှံမှု၊ မြေပြိုမှု၊ မြေတိုက်စားမှု၊ လေပြင်းမုန်တိုင်းများကို အကာအကွယ်ပေးခြင်းတို့ကို ရရှိနိုင်သဖြင့် ဒေသမျိုးရင်း အဖိုးတန်သစ်မျိုးများ၊ ရာသီအလိုက် ဖူးပွင့်နိုင်သည့် အပင်များ၊ ကြီးမြန်သစ်မျိုးများ၊ အရိပ်ရ သစ်မျိုးများစသည်ဖြင့် စနစ်တကျ ရွေးချယ်စိုက်ပျိုးသင့်ကြောင်း၊ မိုးရာသီအကြိုနှင့် မိုးရာသီ ကာလများတွင် မြေဆီစိုစိုက် သစ်ပင်စိုက်ပျိုးနိုင်ရန်  အပင်ပျိုးမှန်၊ နည်းစနစ်မှန်၊ အချိန်မှန်၊ ပြုစုစောက်ရှောက်မှုမှန်ကန်စွာ စိုက်ပျိုးနိုင်ရေးအတွက် ကြိုးပမ်းဆောင်ရွက်လျက်ရှိကြောင်း သိရှိရပါသည်။

          သစ်ပင်စိုက်ပျိုးခြင်းသည် ထာဝရကုသိုလ်ပြုခြင်းဖြစ်သကဲ့သို့ အကျိုးကျေးဇူးများစွာ ရရှိသဖြင့် “ ပူနွေးကမ္ဘာ တားဆီးရာ ဖြေရှာတစ်ခု တောပြုစု” ဆောင်ပုဒ်ဖြင့် စုပေါင်းသစ်ပင်စိုက်ပျိုးခြင်း ပြုလုပ်ခဲ့ခြင်းဖြစ်ကြောင်း သတင်းရရှိပါသည်။

DOCA(မန္တ‌လေး)

           မန္တလေးတိုင်း‌ဒေသကြီး၊မိတ္ထီလာခရိုင်၊ စားသုံးသူရေးရာဦးစီးဌာန၊ခရိုင်ဦးစီးမှူး၏လမ်းညွှန်မှုဖြင့်သာစည်မြို့နယ်၊ ကွမ်းခြံရိုး(အလက)ကျောင်းမုန့်ဈေးတန်းတွင်  စားသုံးသူများဘေးအန္တရာယ် ကင်းရှင်းစေရေးအတွက် ၂၀၂၅ခုနှစ်၊ ဇွန်လ (၁၁) ရက်နေ့ နံနက်(၁၁၃၀)နာရီချိန်တွင် ကွမ်းခြံရိုး(အလက) ကျောင်းမှ ဆရာများနှင့်ပူးပေါင်း၍ ကွင်းဆင်းစစ်ဆေးခဲ့ပါသည်။

          ထိုသို့ဆောင်ရွက်ရာတွင် ကျောင်းမုန့်ဈေးတန်း၌ ရောင်းချနေသော လေဖောင်းမုန့်များ၊ အချို ရည်ဗူးများ၊ ပေါင်မုန့်မျိုးစုံနှင့် ဝေဖာချောင်းများတွင် စားသုံးသူကာကွယ်ရေးဥပဒေတွင် ပြဌာန်းထား သည့် ကုန်အညွှန်းအမှတ်အသားဖော်ပြခြင်းဆိုင်ရာအချက်များ ကိုက်ညီပြည့်စုံမှုရှိပြီး မြန်မာ့ရိုးရာ မုန့်များကိုလည်း ရောင်းချကြောင်းစစ်ဆေးတွေ့ရှိရပြီး ဆိုင်ရှင်များအား မြန်မာနိုင်ငံစားသုံးသူ ကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) ပါ ဥပဒေများအကြောင်း၊ စီးပွားရေး လုပ်ငန်းရှင်၏ တာဝန်များအကြောင်း၊ စားသုံးသူ၏အခွင့်အရေးနှင့်တာဝန်များ အကြောင်းနှင့် မိမိဌာန မှဆောင်ရွက်နေသည့် လုပ်ငန်းများအကြောင်းတို့ကို အသိပညာပေးဆွေးနွေးခဲ့ပြီး လက်ကမ်းစာစောင် များလည်း ဖြန့်ဝေပေးခဲ့ကြောင်း သိရှိရပါသည်။

DOCA(မန္တလေး)

               စားသုံးသူရေးရာဦးစီးဌာန၊ မန္တလေးတိုင်းဒေသကြီး၊မိတ္ထီလာခရိုင်၊ ခရိုင်ဦးစီးမှူး၏ လမ်းညွှန်မှု ဖြင့် မိတ္ထီလာမြို့နယ်တာဝန်ခံနှင့် ဝန်ထမ်းများသည် ၂၀၂၅ ခုနှစ်၊ ဇွန်လ ၁၇ ရက်နေ့တွင် အထွေထွေအုပ်ချုပ်ရေးဦးစီးဌာန၊မြို့နယ်စိုက်ပျိုးရေးဦးစီးဌာန၊ နယ်စည်ပင်သာယာရေးအဖွဲ့ပါဝင်သော ပူးပေါင်းအဖွဲ့ဖြင့် မိတ္ထီလာမြို့မဈေးကြီးအတွင်းရှိ စိုက်ပျိုးရေးပစ္စည်းအရောင်းဆိုင်များ၌  ကွင်းဆင်း စစ်ဆေးခဲ့ပါသည်။

               ထိုသို့ ကွင်းဆင်းစစ်ဆေးခဲ့ရာတွင်  စိုက်ပျိုးရေးအရောင်းဆိုင်များ၌  တရားမဝင် ပိုးသတ်ဆေးနှင့် ပေါင်းသတ်ဆေးများရှိ/ မရှိ၊ CPA သတ်တမ်းလွန်နေခြင်းရှိ/ မရှိ၊ ရောင်းချခွင့် လိုင်စင်များရှိ/ မရှိ၊ စိုက်ပျိုးရေးဆေးရောင်းချသူများသည် စိုက်ပျိုးရေးမှဖွင့်လှစ်သော သင်တန်းများ တက်ရောက်ထားခြင်းရှိ/ မရှိစစ်ဆေးခဲ့ကြောင်း၊ စိုက်ပျိုးရေးအရောင်းဆိုင်များမှ စိုက်ပျိုးရေး သုံးပစ္စည်းများ ရောင်းချရာတွင် လက်အိတ်၊ mask များတပ်ဆင်၍ ရောင်းချရေး၊ ဆေးကြောရန် ရေဘေစင်များထားရှိရေး၊ ရောင်းချသည့် အရောင်းဆိုင်များ၏ လေဝင်၊ လေထွက် ကောင်းမွန်စေရန်၊ ဆေးရောင်းချသည့် ဆိုင်များအတွင်း ကလေးသူငယ်များနှင့် အစားသောက်များ မထားရှိရေး၊သက်ဆိုင်ရာ ဥပဒေလုပ်ထုံးလုပ်နည်း စည်းကမ်းချက်များနှင့် အညီ လိုက်နာဆောင်ရွက်နိုင်ရေး အသိပေးပြောကြားခဲ့ကြောင်း သတင်းရရှိပါသည်။

DOCA(မန္တလေး)

             စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဒေါ်အေးအေးမော်(ရုံးအုပ်)နှင့် ဝန်ထမ်းများ၊ ဈေးစည်ပင်တာဝန်ခံတို့နှင့် ပူးပေါင်း၍ ၁၇.၆.၂၀၂၅ ရက်နေ့၊ နေ့လယ် (၁၂:၀၀) နာရီအချိန်တွင် ဘိုကလေးဈေးအတွင်းရှိ အချိုရည်ဘူးများနှင့်မုန့်မျိုးစုံ ရောင်းချသည့် ဆိုင်များ အား  ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

            ထိုသို့ စစ်ဆေးရာတွင် ဆိုင်အတွင်းရှိ အချိုရည်အမျိုးမျိုးအား  စားသုံးသူကာကွယ်ရေး ဥပဒေပါ အခန်း(၁၈)ရှိ ကုန်အညွှန်းအမှတ်အသားပြည့်စုံမှန်ကန်စွာ ရေးသားဖော်ပြထာခြင်းရှိ/ မရှိတို့ကို စစ်ဆေးခဲ့ပြီး  ကုန်ပစ္စည်းအတုအပများ မရောင်းချမိစေရေး အသိပညာပေး ပြောကြားခဲ့ကြောင်း သိရှိရပါသည်။

DOCA(ရန်ကုန်)

             စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ဒေါ်အေးအေးမော် (ရုံးအုပ်) နှင့် ဝန်ထမ်းများသည် ၁၆.၆.၂၀၂၅ ရက်နေ့၊ နံနက် (၁၁:၀၀) နာရီအချိန်တွင် တာမွေ(Orange ) ရှိ Sprite အချိုရည်ဘူးများအား ဈေးကွက်စောင့်ကြည့်စစ်ဆေးခြင်း လုပ်ငန်းများ ဆောင်ရွက်ခဲ့ပါသည်။

             ထိုသို့ စစ်ဆေးရာတွင် ထိုင်းဘာသာဖြင့် ကုန်အညွှန်းအမှတ်အသားဖော်ပြသည့် Sprite အမှတ်တံဆိပ် အချိုရည်ဘူးများတွင် အစိမ်းရောင် ပလပ်စတစ်ဘူးများဖြင့် ထုတ်ပိုးမှု ပုံစံတူထားသည့် Sprite အချိုရည်ဘူးများ ရောင်းချခြင်းရှိ/ မရှိ၊ အစားအသောက်နှင့် ဆေးဝါးကွပ်ကဲ ရေးဦးစီးဌာနတွင် မှတ်ပုံတင်ထားခြင်းရှိ/ မရှိနှင့် မြန်မာဘာသာဖြင့် ကုန်အညွှန်းအမှတ်အသား ဖော်ပြထားခြင်းရှိ/ မရှိတို့ကို စစ်ဆေးခဲ့ခြင်းဖြစ်ကြောင်းနှင့် သက်ဆိုင်ရာဌာနများ၏ ခွင့်ပြုထားသော ကုန်စည်များကိုသာ ရောင်းချပေးရန် အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)