ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်တာဝန်ခံနှင့် ဝန်ထမ်းတို့သည် ဆန်စက်လုပ်ငန်းရှင်များအသင်းရုံးတွင် (၆.၈.၂၀၂၆)နေ့ (၁၀:၀၀)နာရီအချိန်တွင် ဆန်စက်လုပ်ငန်းရှင်အသင်းအား စားသုံးသူကာကွယ်ရေးအသိပညာပေးဟောပြောခဲ့ကြောင်း သိရသည်။
အဆိုပါဟောပြောပွဲသို့ ဆန်စက်လုပ်ငန်းရှင်အသင်း ဥက္ကဌအပါအဝင် (၉)ဦးတက်ရောက်ခဲ့ပြီး မြို့နယ်တာဝန်ခံက စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင် အခွင့်အရေးနှင့် တာဝန်များ၊ စီးပွားရေးလုပ်ငန်းရှင်အတွက် တားမြစ်ချက်များ စားသုံးသူရေးရာကိစ္စရပ်များနှင့် ပတ်သက်၍ ဆောင်ရွက်နေသည့် ကိစ္စရပ်များ၊ မိတ်ဖက်ဌာနများနှင့် ပူးပေါင်းပါဝင်ကူညီဆောင်ရွက်နေသည့် ကိစ္စရပ်များအား ဟောပြောခဲ့ပါသည်။ ဆက်လက်၍ မြို့နယ်တာဝန်ခံက စားသုံးသူကာကွယ်ရေ းလုပ်ငန်းဆောင်ရွက်နေမှုများအကြောင်း၊ ထုတ်လုပ်သူလုပ်ငန်းရှင်အနေဖြင့် မိမိတို့ထုတ်လုပ်သည့် ကုန်ပစ္စည်းများအား ထုတ်ကုန်လုံခြုံ စိတ်ချရမှုရှိစေရန် စံချိန်၊ စံညွှန်း၊ အရည်အသွေးမှီ ကုန်ပစ္စည်းများ ထုတ်လုပ်ရာတွင် ထုတ်ပိုးမှုစနစ်၌ ပါဝင်ရမည့်အချက်များ၊ စားသုံးသူကာကွယ်ရေးဉပဒေပါ စီမံခန့်ခွဲမှုနည်းလမ်းများနှင့် ပြစ်မှု၊ ပြစ်ဒဏ်များ အကြောင်းများနှင့် စားသုံးသူနစ်နာဆုံးရှုံးမှုရှိပါက တိုင်ကြားနိုင်သည့် Call Center 1535 သို့ တိုင်ကြားနိုင်ကြောင်း စားသုံးသူများသာမက လုပ်ငန်းရှင်များပါ စားသုံးသူကိစ္စရပ်များနှင့် ပတ်သက်၍ သိရှိလိုသည်များ ပြောကြားခဲ့ကြောင်း သတင်းရရှိပါသည်။
DOCA (ဧရာဝတီ)