ပြည်တွင်းကုန်သွယ်မှုသတင်း

ကျွန်းလှမြို့ရှိ  ကုန်မျိုးစုံရောင်းဝယ်ရေးဆိုင်များ နှင့် ဆီသန့်စက်များတွင် မြေပဲလုံးဆံများကို ဒေသ တွင်း ထွက်ရှိသည်များနှင့် မန္တလေးမြို့မှ မှာယူရောင်းချ လျက်ရှိကြောင်း သိရှိရပါသည်။

ယခု ဩဂုတ်လ ဒုတိယပတ်အတွင်း ရောင်းချသည့် မြေပဲလုံးဆံ ဈေးနှုန်းများမှာ မြေပဲလုံးဆံ တစ်ပြည့်လျှင်(၁၂၀၀၀)ကျပ်၊ နို့ဆီဘူး(၄)ဘူးလျှင်(၆၀၀၀)ကျပ်နှင့် နို့ဆီ(၁)ဘူးလျှင်(၁၅၀၀) ကျပ် ဈေးနှုန်းတို့ဖြင့် လည်းကောင်း မြေပဲဆီ ဈေးနှုန်းအနေဖြင့် မြေပဲဆီ တစ်ပိဿာလျှင်(၁၈၀၀၀)ကျပ်၊ (၁၀)ပိဿာတစ်ပုံးလျှင်(၁၈၀၀၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး အလားတူပင် မြေပဲပတ် တစ်ပိဿာလျှင်(၄၃၀၀)ကျပ်၊ (၅၀)ကျပ်သားလျှင် (၂၁၅၀) ကျပ်တို့ဖြင့် ရောင်းချလျက်ရှိကြောင်း သိရသည်။

DOCA(စစ်ကိုင်း)

ကျွန်းလှမြို့နယ် အတွင်းရှိ ကျေးရွာများမှ တောင်သူများသည် နှစ်ရှည်သီးနှံများ၊ စားဖိုဆောင်သီးနှံ များအပြင် ဆီထွက်သီးနှံများနှင့် ပဲမျိုးစုံတို့ကို စိုက်ပျိုးရောင်းချလျက်ရှိရာမှ   ရသီပေါ် ဆီထွက်သီးနှံဖြစ် သည့် မြေပဲတောင့်အစိုများကို ဈေးကွက်အတွင်း ရောင်းချလျက်ရှိကြောင်း သိရှိရပါသည်။

၂၀၂၅ ခုနှစ်၊ ဩဂုတ်လ ဒုတိယပတ်အတွင်း ကျွန်းလှမြို့ ဈေးကွက်များအတွင်း၌ ရောင်းချနေသော  မြေပဲတောင့်အစို ဈေးနှုန်းအနေဖြင့် မြေပဲတောင့်အစို တစ်ပြည့်လျှင်(၃၀၀၀)ကျပ်၊ နို့ဆီဘူး(၄)ဘူးလျှင် (၁၅၀၀)ကျပ် နှင့် မြေပဲတောင့်အစို အပြုတ် တစ်ပြည်လျှင်(၅၀၀၀)ကျပ်၊ နို့ဆီ(၄)ဘူးလျှင်(၂၅၀၀)ကျပ်နှင့်  နို့ဆီ(၁)ဘူးလျှင်(၁၃၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း သတင်းရရှိပါသည်။

DOCA(စစ်ကိုင်း)

            ကျွန်းလှမြို့နယ်အတွင်းရှိ ကျေးရွာများတွင် ဒေသထွက် ပေါ်ဦးပေါ်ဖျား မျှစ်စိမ်းများကို  ရှာဖွေ၍ ဈေးကွက်အတွင်းသို့ ရောင်းချကာ မျှစ်များ လှိုင်လှိုင်ပေါလာသည့်အတွက် ဈေးနှုန်း ကျဆင်းပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

           ဩဂုတ်လ ပထမပတ်အတွင်း မျှစ်စိမ်း တစ်ပိဿာလျှင်(၃၅၀၀)ကျပ်၊ (၅၀)ကျပ်သားလျှင် (၂၀၀၀)ကျပ်၊ မျှစ်ပြုတ် တစ်ပိဿာလျှင်(၃၅၀၀)ကျပ်၊ (၅၀)ကျပ်သားလျှင်(၂၀၀၀)ကျပ် ဈေးနှုန်း တို့ဖြင့် ရောင်းချလျက်ရှိခဲ့ပြီး ယခု ဩဂုတ်လ ဒုတိယပတ်အတွင်း မျှစ်စိမ်း တစ်ပိဿာလျှင်(၂၅၀၀)ကျပ်၊ (၅၀)ကျပ်သားလျှင်(၁၃၀၀)ကျပ်၊ မျှစ်ပြုတ် တစ်ပိဿာလျှင်(၃၀၀၀)ကျပ်၊ (၅၀)ကျပ်သားလျှင်(၁၅၀၀) ကျပ် ဈေးနှုန်းတို့ဖြင့် ရောင်းချလျက်ရှိသောကြောင့် ယခင်အပတ်ထက် မျှစ်စိမ်း တစ်ပိဿာလျှင်(၁၀၀၀) ကျပ်၊ မျှစ်ပြုတ် တစ်ပိဿာလျှင်(၅၀၀)ကျပ်ဈေးနှုန်းတို့ ဆက်လက်ကျဆင်းလျက်ရှိပြီး  အရောင်း အဝယ် ဖြစ်လျက်ရှိကြောင်း သိရ ပါသည်။

DOCA(စစ်ကိုင်း)

ကျွန်းလှမြို့၊ သစ်ရာမြိုင်‌ဈေးကွက်တွင် စားဖိုဆောင်သီးနှံများဖြစ်သည့် ခရမ်းသီး၊ ကြက်ဟင်းခါးသီး၊ ရုံးပတီသီး၊ ပဲတောင့်ရှည်သီး၊ သခွားသီး၊ ခရမ်းချဉ်သီး၊ ရွှေဖရုံသီး  တို့ကို စိုက်ပျိုး သည့်အနက် ဗုံလုံသီး (ခေါ်)ပဲလင်းမြွှေသီးများကို စိုက်ပျိုးလျက်ရှိကြောင်း သိရသည်။

ယခု ဩဂုတ်လ ဒုတိယအပတ်တွင် ဗုံလုံသီး(ခေါ်)ပဲလင်းမြွှေသီး ဈေးနှုန်းများမှာ ဗုံလုံသီး(ခေါ်) ပဲလင်းမြွှေသီး အကြီး တစ်တောင့်လျှင် လက်လီဈေး(၈၀၀)ကျပ်၊ အလတ် တစ်တောင့်လျှင် လက်လီဈေး (၆၀၀)ကျပ် နှင့် အသေး တစ်တောင့်လျှင် လက်လီဈေး(၄၀၀)ကျပ် အလားတူပင် သခွားသီး ဈေးနှုန်း အနေဖြင့် ဒေသထွက် ရိုးရိုး ဗမာသခွားသီး အကြီး(၁)လုံးလျှင်(၈၀၀)ကျပ် နှင့် အလတ်(၁)လုံးလျှင် (၆၀၀)ကျပ်၊ အသေးတစ်လုံးလျှင်(၅၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး ယခင် အပတ်ထက် ဗုံလုံသီး(ခေါ်)ပဲလင်းမြွှေသီး နှင့် သခွားသီး ဈေးနှုန်း အနည်းငယ်စီ ကျဆင်းပြီး  အရောင်းအဝယ်ဖြစ်လျက် ရှိကြောင်း သိရှိရ ပါသည်။

DOCA(စစ်ကိုင်း)

             မိတ္ထီလာခရိုင်တွင်း သာစည်မြို့နယ်ရှိ ညောင်တိုကျေးရွာတွင် ရွှေဖရုံသီးများကို စီးပွားဖြစ် စိုက်ပျိုးခဲ့ရာ ယခုအခါ တွင်အိုးဖရုံသီးများကိုပါတိုးချဲ့စိုက်ပျိုးလာကြောင်းသိရပါသည်။ ရွှေဖရုံသီး/ အိုးဖရုံသီးများကိုဇူလိုင်လလယ်မှစ၍စတင်ထွက်ရှိပြီးအောက်တိုဘာလလောက်ထိခူးဆွတ်နိုင်ကြောင်း၊ ၊ ဈေးကွက်တွင် ဒေသတွင်း ထွက်ရှိသောရွှေဖရုံသီး ၊ အိုးဖရုံသီးများအပြင် ရှမ်းပြည်နယ်မှလာသော ရှမ်းဖရုံသီးများဝင်ရောက်လျှက်ရှိကြောင်း ၊  ရွှေဖရုံသီး ၊အိုးဖရုံသီး များမှာအလုံးအနေတော်ဖြစ်၍ တစ် လုံးဈေးရောင်းချပြီး ၊ ရှမ်းဖရုံသီးများ မှာ အလုံးကြီးများဖြစ်၍ ပိဿာဈေးဖြင့် ရောင်းချကြကြောင်း သိရ ပါသည်။

          ဈေးကွက်အတွင်း ဝင်ရောက်မှုအနေဖြင့် တစ်ရက်လျှင် ဒေသတွင်းရွှေဖရုံသီး/အိုးဖရုံသီး အလုံး(ဂျွန်)(၆၀)ပါအိတ် (၂၀/၃၀)ဝင်ရောက် လျှက်ရှိပြီး ၊ ရှမ်းပြည်နယ်ဘက်မှ ရှမ်းဖရုံသီး (၃၀၀/ ၄၀၀)ဝင်ရောက်လျှက်ရှိကြောင်း ၊ တင်ပို့မှုအနေဖြင့် ဒေသတွင်းအပြင် တောင်သာ ၊ ပခုက္ကူ ၊ ရန်ကုန် ၊ မော်လမြိုင်မြို့များသို့ (၂)ရက်ခြားတင်ပို့မှုရှိကြောင်း ၊ဈေးနှုန်းအနေဖြင့် ရွှေဖရုံ/အိုးဖရုံ လက်ကားဈေး အလုံး(ဂျွန်) (၆၀)ပါတစ်အိတ် (၃၀၀၀၀/)ကျပ် ၊ ရှမ်းဖရုံတစ်ပိဿာ (၁၁၀၀/)ကျပ် ၊ လက်လီဈေး အနေဖြင့် အိုးဖရုံ/ရွှေဖရုံ အလုံးအရွယ်အစားအလိုက် တစ်လုံး (၅၀၀-၈၀၀)ကျပ် ၊ ရှမ်းဖရုံ တစ်ပိဿာလျှင် ၁၃၀၀/ကျပ် ဈေးတို့ဖြင့် အရောင်းအဝယ်ဖြစ်လျှက်ရှိကြောင်း မိတ္ထီလာမြို့ ဟင်းသီးဟင်းရွက်(ဘဲကန်)လက်ကားဈေးမှသိရှိရပါသည်။

DOCA (မန္တလေး)