ပြည်တွင်းကုန်သွယ်မှုသတင်း

    မြိတ်မြို့နယ်အတွင်းရှိ ဈေးများနှင့် အသီးအနှံရောင်းချသည့် ဆိုင်များတွင် ပျားလိမ္မော်သီး များရောင်းချမှု စတင်မြင့်တက်လာကြောင်း တွေ့ရှိရသည်။ ပျားလိမ္မော်၏ အရသာသည် ခံတွင်းရှင်းပြီး အချိုဓာတ်နှင့် အချဥ်ဓာတ်ရရှိကာ အရည်ရွှမ်းသည့် အသီးဖြစ်သည်။ ဗီတာမင်Cဓာတ် ကြွယ်ဝစွာ ပါဝင်သောကြောင့် ခန္ဓာကိုယ်အတွက် အကျိုးပြုသည့် အသီးအနှံတစ်မျိုးဖြစ်ပါသည်။ ပျားလိမ္မော် သည် ဗီတာမင်များစွာ ပါဝင်သောကြောင့် ကိုယ်ခံအားစနစ်ကို တိုးတက်ကောင်းမွန် စေသော ကြောင့် လူအများက ဝယ်ယူစားသုံးကြပါသည်။

      ယခု၂၀၂၆ခုနှစ်၊ဇန်နဝါရီလ ပထမပတ်တွင် မြိတ်မြို့နယ်အတွင်း ရောင်းချနေသော ပျား လိမ္မော်သီး ဈေးနှုန်းများမှာ တစ်ပိဿာလျှင် (၁၀၀၀၀)ကျပ်နှင့် တစ်ကီလိုလျှင် (၆၅၀၀)ကျပ်တို့ဖြင့် ရောင်းချနေကြောင်း သိရှိရပါသည်။ ပျားလိမ္မော်သီးများကို ရှမ်းပြည်နယ်ဘက်က လိမ္မော်ခြံတွေ ကနေ အဓိကတင်သွင်းလာတာဖြစ်ပြီး သစ်သီးလက်ကားဒိုင်များမှတစ်ဆင့် ဝယ်ယူရောင်းချလျက်ရှိပါသည်။ မြိတ်မြို့နယ်အတွင်း ရောင်းချနေသော ပျားလိမ္မော်သီးများသည် အရည်အသွေး ကောင်းမွန်မှုကြောင့် ဒေသခံများ၏ နှစ်သက်မှုကို ရရှိထားပြီး ကျန်းမာရေးအတွက် အထောက် အကူပြုသော အသီးအနှံဖြစ်သည့်အတွက် အိမ်ရှင်မများ၏ ဈေးဝယ်စာရင်းတွင် ပါဝင်လာကြောင်း သိရှိရပါသည်။

DOCA(တနင်္သာရီ)

    မန္တလေးတိုင်းဒေသကြီး၊ ကျောက်ဆည်ခရိုင်တွင် သီးနှံမျိုးစုံ စိုက်ပျိုးအောင်မြင်ဖြစ်ထွန်းလျက် ရှိပြီး ဆည်ရေသောက် ဒေသတစ်ခုဖြစ်သောကြောင့် သီးနှံမျိုးစုံ စိုက်ပျိုးလျက်ရှိရာ တစ်နှစ်ပတ်လုံး စိုက်ပျိုး၍ရသော ဝယ်လိုအားရှိသော ချဉ်ပေါင်သီးနှံကိုလည်း စိုက်ပျိုးလျက်ရှိရာ စိုက်ပျိုးသော မျိုးများမှာ ချဉ်ပေါင်လက်ချား၊ ချဉ်ပေါင်ခါးနှင့် ဘီးလပ်ချဉ်ပေါင်မျိုးများကို စိုက်ပျိုးကြပါသည်။ အများဆုံးစိုက်ပျိုးသောမျိုးမှာ ဘီးလပ်ချဉ်ပေါင်မျိုးဖြစ်ပြီး အသီးသီး ချိန်တွင်လည်း ချဉ်ပေါင်ဖူးကိုပါ ရောင်းချရသောကြောင့် ဝင်ငွေနှစ်မျိုးရရှိကြောင်း ဝါဆိုလနှင့် သီတင်းကျွတ်လများတွင် အများဆုံး စိုက်ပျိုးကြကြောင်း၊ စိုက်ပျိုးစနစ်အနေဖြင့် ထယ်ထိုး၊ ထယ်မွှေကာ မြေတွင် တစ်တန်းနှင့်တစ်တန်း (၂)ပေခွာပြီး (၄)လက်မခြား၍ အစေ့ချ စိုက်ပျိုး ကြကြောင်း၊ (၁)ဧက စိုက်ပျိုးမှုမျိုးအနေဖြင့် ချဉ်ပေါင်စေ့(၁)ပြည် ကုန်ကျကြောင်း၊ မျိုးစေ့ (၁)ပြည်လျှင်(၅၀၀၀/-)ကျပ် ပေးရကြောင်း၊ တစ်ဧက ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း ကုန်ကျစရိတ်(၃၀၀၀၀၀/-) ကျပ်ခန့် ကုန်ကျကြောင်း၊  စိုက်ပျိုးပြီး (၁)လခွဲသားတွင် အရွက်၊ ကိုင်းနှင့် အပင်များခူးညှပ်၍ ရောင်းချ နိုင်ပြီဖြစ်ကြောင်း၊ အနေတော် အပင်ပေါက် ကလေးများကိုနုတ်၍ အစီးလေးများဖြင့် ရောင်းချပါက တစ်ဧက အစီးပေါင်း (၁၀၀၀၀)စီးခန့် ထွက်ရှိကြောင်း၊ ယခင်လတွင် လက်ကားဈေးနှုန်းအနေဖြင့် ချဉ်ပေါင်တစ်စီးလျှင်(၈၀/-)ကျပ်၊ လက်လီစျေးအနေဖြင့် (၁၀၀/-)ကျပ် စျေးနှုန်းများဖြင့် ရောင်းဝယ် လျှက်ရှိပြီး၊ ယခုလတွင် ချဉ်ပေါင်တစ်စီးလျှင် (၁၀၀/-)ကျပ်၊ လက်လီဈေးနှုန်းအနေဖြင့် (၁၅၀/-) ကျပ်ဖြင့်ရောင်းဝယ်လျက်ရှိကြောင်း ၊ ဆောင်းရာသီအချိန်တွင် သီးနှံများအနည်းငယ်ရှားပါးသော ကြောင့် ယခင်လထက် ဈေးနှုန်းအနည်းငယ် မြင့်တက်လျက်ရှိကြောင်း ၊ အဈေးကွက်အနေဖြင့် ကုန်စိမ်းပွဲရုံများ နှင့် ကုန်စိမ်းပွဲစားများမှ အခင်းထဲအရောက် လာရောက်ဝယ်ယူသူများရှိသလို ကုန်စိမ်းပွဲရုံများသို့လည်း တိုက်ရိုက်တင်ပို့ ရောင်းချပေးလျက်ရှိကြောင်း၊ (၁)ဧက အကျိုးအမြတ် အနေဖြင့် စိုက်ပျိုးစရိတ်နုတ်ပြီး (၇၀၀၀၀၀/-)ကျပ် ခန့်မြတ်ကြောင်း၊ ချဉ်ပေါင်ရွက်ကိုမျှစ် သို့မဟုတ် ပုစွန်၊ ဝက်သားတို့နဲ့ရောကြော်ပြီးသော်လည်းကောင်း ၊ ချဉ်ရည်ဟင်းအနေနဲ့သော်လည်းကောင်း ၊ ဟင်းချိုချက်ပြီး သော်လည်းကောင်း စားသုံးနိုင်ကြောင်း ၊ ချဉ်ပေါင်သီးနှံကို တောင်သူများမှ မိသားစုဝင်ငွေတိုးပြီး စီးပွားဖြစ်သောကြောင့် တိုးချဲ့စိုက်ပျိုးလျက်ရှိကြောင်း တောင်သူတစ်ဦး ပြောကြားချက်အရ သိရှိရပါသည်။ 

DOCA(မန္တလေး)

  မန္တလေးတိုင်းဒေသကြီး၊ တောင်သာမြို့နယ်အတွင်း မိုးကြက်သွန်နီများ ကို စက်တင်ဘာလ၊ အောက်တိုဘာလတို့တွင် စတင်စိုက်ပျိုးကြပြီး၊ ဒီဇင်ဘာလ၊ ဇန်နဝါရီလတို့တွင် ရိတ်သိမ်းထွက်ပေါ် လေ့ရှိပါသည်။ တောင်သာမြို့နယ် ယခင်နှစ်မိုးကြက်သွန်နီစိုက်ဧကမှာ (၂၂၅)ဧက စိုက်ပျိုး ခဲ့ကြောင်း၊ ယခုနှစ်စိုက်ပျိုးထားရှိမှုဧကမှာ  (၂၈၀)ဧကစိုက်ပျိုးထားရှိပြီး၊ ရိတ်သိမ်းပြီးဧက (၁၅၀) ဧက၊ တစ်ဧကအထွက်နှုန်းအနေဖြင့် (၂၁၀၀)ဧကထွက်ရှိကြောင်း၊ ယခုနှစ်တွင် ယခင်နှစ် ထက် စိုက်ဧက(၅၅)ဧကပိုမိုစိုက်ပျိုးထားကြောင်း မြို့နယ်ကြေးတိုင်နှင့် မြေစာရင်းဦးစီးဌာန၏ စာရင်းများ အရသိရှိရသည်။

    တောင်သာမြို့နယ်ကုန်စည်ဒိုင်၌ မိုးကြက်သွန်နီကြီးစတစ်ပိဿာလျှင် (၂၇၀၀-၃၀၀၀)ကျပ်၊ အလတ်စတစ်ပိဿာလျှင်(၂၀၀၀-၂၅၀၀)ကျပ်၊ အသေးစတစ်ပိဿာလျှင်(၅၀၀-၁၅၀၀)ကျပ်ခန့် ပေါက်ဈေးများဖြင့် အရောင်းအဝယ်ဖြစ်လျက်ရှိကြောင်း သိရှိရသည်။ တင်ပို့မှုအနေဖြင့် မြင်းခြံမြို့၊ မန္တလေးမြို့၊ပခုက္ကူမြို့နှင့် ရန်ကုန်မြို့သို့တင်ပို့ကြောင်း၊ တောင်သာမြို့နယ်ကြက်သွန်နီ အရောင်း အဝယ်လုပ်ငန်း လုပ်ကိုင်သူတစ်ဦး၏ ပြောပြချက်အရ သိရှိရသည်။

DOCA(မန္တလေး)

    မိုးနှမ်းများကို မေလ၊ ဇွန်လနှင့်ဇူလိုင်လတို့တွင် စတင်စိုက်ပျိုးကြပြီး ဩဂုတ်လ၊ စက်တင် ဘာလနှင့် အောက်တိုဘာလတို့တွင် ရိတ်သိမ်းထွက်ပေါ်လေ့ရှိကြောင်း သိရှိရသည်။ ၂၀၂၅-၂၀၂၆ခုနှစ်၊ တောင်သာမြို့နယ်အနေဖြင့် မိုးနှမ်းစီမံကိန်း (၄၆၅၇၈)ဧကလျာထားခဲ့ပြီး စိုက်ပျိုးပြီး ဧက (၄၆၅၇၈)ဧကတွင် ဧကအားလုံးရိတ်သိမ်းခဲ့ပြီး တစ်ဧကအထွက်နှုန်းအနေဖြင့် (၅-၆)တင်းခန့် ထွက်ရှိခဲ့ကြောင်း  မြို့နယ်ကြေးတိုင်နှင့် မြေစာရင်းဦးစီးဌာန၏ စာရင်းများအရ သိရသည်။ တစ်ဧက လျှင်မျိုးစေ့(၄)ပြည် စိုက်ပျိုးကြောင်း၊ ထွန်ကြောင်းဆွဲပြီး ကြဲပတ်စနစ်ဖြင့် စိုက်ပျိုးကြောင်း၊ တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် (၃၂၀,၀၀၀)ကျပ်ခန့် ကုန်ကျကြောင်း၊ ထွက်ပေါ်ချိန်ရောင်းဈေးအနေဖြင့် တစ်တင်းလျှင်(၉၀,၀၀၀) ကျပ်ခန့်ရရှိကြောင်း၊ တောင်သူအကျိုးအမြတ်အနေဖြင့် (၂၀၀,၀၀၀)ကျပ်ခန့်ရရှိပြီး အကျိုးအမြတ်ရရှိကြောင်း မိုးနှမ်း စိုက် တောင်သူစ်ဦး၏ပြောပြချက်အရသိရှိရသည်။ တောင်သာမြို့နယ်တွင် မိုးနှမ်းများကို ကန်ရွာ၊ ကုန်းသာရွာ၊ နန်းတည်ရွာ၊ ထနောင်းကုန်းရွာ နှင့် ဇရပ်ကြီးကျေးရွာများတွင် စိုက်ပျိုးထားရှိကြောင်း၊ နှမ်းကိုကြိတ်ခွဲ၍ ဒေသတွင်းကျေးရွာများ၌ နှမ်းဆီအဖြစ်အသုံးပြီး နှမ်းစေ့ကို မုန့်လုပ်ငန်းနှင့် လဖက်ပဲကြော်လုပ်ငန်းများတွင် အသုံးပြုကြ သည်။ နှမ်းဆီကြိတ်ဖတ်များကိုလည်း တိရိစ္ဆာန်အစာအဖြစ် အသုံးပြုကြပါသည်။ ကျေးရွာများမှ ထွက်ရှိသောနှမ်းများကို မြင်းခြံမြို့ရှိပွဲရုံများသို့ တင်ပို့ရောင်းချ ကြောင်းသိရှိရသည်။

DOCA(မန္တလေး)

   မြင်းခြံမြို့ရှိရပ်ကွက်နှင့် ကျေးရွာများတွင် မိသားစုတစ်နိုင်တစ်ပိုင်စားဝတ်နေရေးအတွက် MSME လုပ်ငန်းဖြစ်သော အမှုန့်ကြိတ်စက်များဖြင့် အမှုန့်အမျိုးမျိုးကြိတ်ခွဲထုတ်လုပ် ရောင်းချ လျက်ရှိကြောင်း၊ ၂၀၂၆ခုနှစ် ဇန်နဝါရီလ၌ နနွင်းမှုန့်တစ်ပိဿာလျှင် (၁၇၀၀၀)ကျပ်၊ အရောင်တင် မှုန့်တစ်ပိဿာလျှင် (၁၉၀၀၀) ကျပ်၊ ငရုတ်ခွဲကြမ်း တစ်ပိဿာလျှင် (၁၈၀၀၀) ကျပ်ပေါက်ဈေး များဖြင့် ရောင်းချလျက်ရှိကြောင်း၊ ယခင်လနှင့်နှိုင်းယှဉ်ပါက ယခုလတွင် နနွင်းမှုန့်၊ အရောင်တင်မှုန့် နှင့် ငရုတ်ခွဲကြမ်းအစစုံ တစ်ပိဿာလျှင် (၁၀၀၀)ကျပ်ခန့်ဈေးနှုန်းများ ကျဆင်းခဲ့ကြောင်း သိရရှိသည်။ ငရုတ်နှင့် နနွင်းတက်များ ထွက်ပေါ်ချိန်ဖြစ်သောကြောင့် ဈေးနှုန်းများ ကျဆင်းခြင်း ဖြစ်ကြောင်း၊ အရည်အသွေးအမျိုးအစား ပေါ်မှုတည်၍ ဈေးနှုန်းများ အနည်းငယ် ကွာခြားကြောင်း၊ နနွင်းမှုန့်၊ အရောင်တင်မှုန့်နှင့် ငရုတ်ခွဲကြမ်းများကို ဟင်းလျာများချက်ပြုတ်ရာ၌ နေ့စဉ်ဟင်းလျာ များ ချက်ပြုတ်ရာတွင် အသုံးပြုသောကြောင့် အရောင်းအဝယ်ကောင်းကြောင်း၊ စက်ကြိတ်ခွဲရာ၌ တစ်လလျှင် (၁၅-၂၀) ရက်သာ ကြိတ်ခွဲထုတ်လုပ်ရကြောင်း၊ သုံးစွဲမှုအနေဖြင့် မြို့‌ပေါ်ရှိရပ်ကွက်များ နှင့် ကျေးရွာများအပါအဝင်  တောင်သာမြို့နှင့် နွားထိုးကြီးမြို့သို့ တင်ပို့ရောင်းချကြောင်းသိရှိရသည်။ အမှုန့်ကြိတ်ခွဲ  ထုတ်လုပ်ရန်အတွက် ကုန်ကြမ်းသီးနှံဖြစ်သော နနွင်းတက်များကို ကျောက်ဆည်မြို့ မှဝယ်ယူကြောင်း၊ ဒေသတွင်းထွက်ရှိသော ငရုတ်သီးခြောက်အတောင့်များကို ကြိတ်ခွဲထုတ်လုပ် ကြောင်း သိရှိရသည်။

DOCA(ရန်ကုန်)