ပြည်တွင်းကုန်သွယ်မှုသတင်း

     ကျွန်းလှမြို့နယ်အတွင်းရှိ ကျေးရွာများတွင် စိုက်ပျိုးရေးကို အဓိကထားလုပ်ကိုင်ကြရာမှ စားဖိုဆောင်သီးနှံဖြစ်သည့် ခါကြက်ဥ(ဗမာ)မျိုးကို တစ်ပိုင်တစ်နိုင် စိုက်ပျိုးကြပြီး သစ်ရာမြိုင်ဈေးကွက် အတွင်းသို့ လာရောက် ပို့ဆောင်ရောင်းချကြပါသည်။

     ခါကြက်ဥများကို ခါကြက်ဥ(တရုတ်)နှင့်ခါကြက်ဥ(ဗမာ)ဟူ၍ ခါကြက်ဥ(၂)မျိုးရောင်းချလျက်ရှိရာ ယခုအချိန်တွင် ဒေသတွင်း ထွက်ရှိသည့် ခါကြက်ဥ(ဗမာ)ဥများ ရှားပါးလာသည့် အချိန်ဖြစ်၍ တရုတ် ခါကြက်ဥကို မန္တလေးမြို့နှင့် ရှမ်းပြည်နယ်တို့မှ ဝယ်ယူရောင်းချလျက်ရှိပါသည်။

    ယခု ဩဂုတ်လ ဒုတိယအပတ်၌ သစ်ရာမြိုင်ဈေးအတွင်း ရောင်းချလျက်ရှိသော  ခါကြက်ဥ ဈေးနှုန်းမှာ ခါကြက်ဥ(တရုတ်)တစ်ပိဿာလျှင် (၁၅၀၀၀)ကျပ်၊ (၅၀)ကျပ်သားလျှင်(၇၅၀၀)ကျပ်နှင့် ခါကြက်ဥ(ဗမာ)ဥ တစ်ပိဿာလျှင်(၁၂၀၀၀)ကျပ်၊ ၅၀ကျပ်သားလျှင်(၆၀၀၀)ကျပ်၊ (၂၅)ကျပ်သားလျှင် (၃၀၀၀)ကျပ်ဈေးနှုန်းဖြင့်လည်းကောင်း၊ အလားတူပင်  မုန်ညင်းထုတ် ဈေးနှုန်းများမှာ မုံညှင်းထုတ် တစ်ပိဿာလျှင်(၁၂၀၀၀)ကျပ်၊ ၅၀ကျပ်သားလျှင်(၆၀၀၀)ကျပ်၊ (၂၅) ကျပ်သားလျှင်(၃၀၀၀)ကျပ် ဈေးနှုန်းများဖြင့် ရောင်းချလျက်ရှိပြီး ယခင်အပတ်နှင့် နှိုင်းယှဉ်ကြည့်ပါက ဈေးအနည်းငယ်မြင့်တက် လျက်ရှိကြောင်း သိရသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်အတွင်း ဩဂုတ်လ ဒုတိယပတ်တွင် ဖြစ်ပေါ် နေသော ပဲဈေးနှုန်းများအနေဖြင့် မြေပဲလုံးဆံနီ( ၁ )ပိဿာလျှင် ( ၈၈၀၀)ကျပ်၊ ပဲကြီး ( ၁ ) တင်းလျှင် ( ၁၃၃၀၀၀)ကျပ်၊ ပဲနီလုံး(ရိုးရိုး) ( ၁ ) တင်းလျှင် ( ၁၀၁၀၀၀)ကျပ်၊ စွန်တာနီနှင့် စွန်တာပြာ( ၁ ) တင်း လျှင် ( ၁၀၆၀၀၀)ကျပ် ဈေးနှုန်းများရှိကြောင်း ပဲမျိုးစုံကုန်စည်ဒိုင်ထံမှ သိရသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်အတွင်း ဩဂုတ်လ ဒုတိယပတ်တွင် ဖြစ်ပေါ် နေသော ဆီထွက်သီးနှံဈေးနှုန်းများအနေဖြင့် နှမ်းဖြူ( ၁ )တင်းလျှင် ( ၁၀၅၀၀၀)ကျပ်၊ နှမ်းနက် ( ၁ )တင်းလျှင် ( ၂၂၀၀၀၀)ကျပ်၊ နှမ်းညို( ၁ ) တင်းလျှင် ( ၈၇၀၀၀)ကျပ်၊ နေကြာ( ၁ ) တင်း လျှင် ( ၅၄၀၀၀)ကျပ်၊ မြေပဲလုံးဆံဖြူ( ၁ )ပိဿာလျှင် ( ၇၉၀၀)ကျပ်နှင့် CPပြောင်း ( ၁ )တင်းလျှင် ( ၂၇၀၀၀) ကျပ် ဈေးနှုန်းများရှိကြောင်း ပဲမျိုးစုံကုန်စည်ဒိုင်ထံမှ သိရသည်။

DOCA(စစ်ကိုင်း)

       စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်အတွင်း ဩဂုတ်လ ဒုတိယပတ်တွင် ဖြစ်ပေါ် နေသော ပဲဈေးနှုန်းများအနေဖြင့် ကုလားပဲဖြူလုံးကြီး( ၁ )တင်းလျှင် ( ၈၂၅၀၀)ကျပ်၊ ကုလားပဲဝါ (ထိုင်ဝမ်) ( ၁ ) တင်းလျှင် ( ၈၀၅၀၀)ကျပ်၊ ထောပတ်ပဲ ( ၁ ) တင်းလျှင် ( ၇၅၀၀၀)ကျပ်၊ ပဲပုတ်( ရှမ်း) ( ၁ ) တင်း လျှင် ( ၈၉၀၀၀)ကျပ်၊ ပဲပုတ်(ဗမာ)( ၁ ) တင်းလျှင် (၁၃၃၀၀၀)ကျပ် ဈေးနှုန်းများရှိကြောင်း ပဲမျိုးစုံကုန်စည်ဒိုင်ထံမှ သိရသည်။

DOCA(စစ်ကိုင်း)

     မိတ္ထီလာမြို့မဈေးကြီး၌ ဩဂုတ်လ ပထမအပတ်တွင် အခြေခံစားကုန်ဈေးနှုန်းများမှာ ရွှေဘို ပေါ်ဆန်း ဆန်တစ်ပြည်လျှင်  (၆၂၅၀) ကျပ်၊ ဧည့်မထဆန်တစ်ပြည် (၃၃၅၀) ကျပ်၊ ငစိန်ဆန်တစ်ပြည် (၃၀၀၀) ကျပ်၊ ဆီဈေးနှုန်းများမှာ တစ်ပိဿာလျှင် ပဲဆီ (၁၈၀၀၀)ကျပ်၊ နှမ်းဆီ တစ်ပိဿာလျှင် (၁၃၀၀၀-၁၇၀၀၀)ကျပ်၊ ကြက်သွန်နီ အလတ်စတစ်ပိဿာလျှင် (၁၃၀၀)ကျပ်၊ ရှမ်းကြက်သွန်ဖြူ (သစ်) တစ်ပိဿာလျှင် (၅၅၀၀)ကျပ်၊ ကုလားပဲခြမ်းတစ်ပိဿာလျှင် (၆၅၀၀)ကျပ်၊ အာလူး တစ် ပိဿာလျှင် (၃၅၀၀) ကျပ်၊ ဆားတစ်ပိဿာ လျှင် (၁၆၀၀)ကျပ်၊ သကြားတစ်ပိဿာ (၆၀၀၀) ကျပ် ၊ ငရုတ်ရှည် တစ်ပိဿာလျှင် (၁၀၀၀၀)ကျပ် ၊ ငရုတ်ပုတစ်ပိဿာလျှင် (၁၈၀၀၀)ကျပ်၊ CP ကြက်သားတစ်ပိဿာ လျှင် (၁၆၅၀၀)ကျပ်၊ ဒေသကြက် (ဗမာကြက်) တစ်ပိဿာလျှင် (၃၀၀၀၀) ကျပ်၊ ဝက်သားနှင့်ဆိတ်သားမှာ ပိဿာလျှင် (၃၈၀၀၀)ကျပ်၊ အမဲသားတစ်ပိဿာလျှင် (၃၈၀၀၀) ကျပ်၊ ငါးမြစ်ချင်း တစ်ပိဿာလျှင် (၁၈၀၀၀)ကျပ်၊ ကြက်ဥ တစ်လုံး (၄၀၀) ကျပ်၊ ဘဲဥတစ်လုံး (၅၀၀) ကျပ်၊ ငါးပိတစ်ပိဿာလျှင် (၅၀၀၀)ကျပ်၊ ငါးတံခွန်ခြောက်တစ်ပိဿာ(၁၅၀၀၀)ကျပ် တို့ဖြင့် အရောင်း အဝယ် ဖြစ်လျှက်ရှိကြောင်း ယခင်လနှင့်ကာလတူနှိုင်းယှဉ်လျှင် ကုလားပဲခြမ်းတစ်ပိဿာလျှင် (၂၀၀)ကျပ်ဈေးနှုန်းမြှင့်တက်လာကြောင်း၊ တခြားစားဖိုဆောင်သီးနှံများမှာ ဈေးနှုန်းများတည်ငြိမ်နေ ကြောင်းသိရသည်။

   DOCA (မန္တလေး)