ကရင်ပြည်နယ်၊ ဘားအံမြို့ ဘားအံစက်မှုဇုန် ဇုန်(4)၊အကွက်အမှတ် (214)ရှိ “ပူတူးလေး” ငါး အရေခွံကြော်နှင့် ဝက်ခေါက်ကြော် ထုတ်လုပ်ရေးလုပ်ငန်းသည် ဒေသထွက်ကုန်ကြမ်းများကို အသုံး ပြု၍ တန်ဖိုးမြှင့်စားသောက်ကုန်များ ထုတ်လုပ်လျက်ရှိသည့် MSME လုပ်ငန်းတစ်ခုဖြစ်သည်။
အဆိုပါလုပ်ငန်းတွင် ငါးအရေခွံနှင့် ဝက်ခေါက်များကို စနစ်တကျပြုပြင်ထုတ်လုပ်၍ စားသုံးသူ များအဆင်ပြေစွာ ဝယ်ယူစားသုံးနိုင်ရန် ထုပ်ပိုးထုတ်လုပ်ရောင်းချလျက်ရှိသည်။ ထုတ်ကုန်ထုပ်ပိုးမှု အပေါ်တွင် ထုတ်လုပ်သည့်ရက်စွဲ၊ သက်တမ်းကုန်ဆုံးရက်၊ ဆက်သွယ်ရန်အချက်အလက်များနှင့် အဟာရတန်ဖိုးများကို ဖော်ပြထားသည့်အတွက် စားသုံးသူများအနေဖြင့် ထုတ်ကုန်အချက်အလက် များကို သိရှိစစ်ဆေး၍ ရွေးချယ်ဝယ်ယူနိုင်မည်ဖြစ်သည်။ ဒေသထွက်ကုန်ကြမ်းများကို အခြေခံ၍ တန်ဖိုးမြှင့်ထုန်ကုန်များထုပ်လုပ်ခြင်းသည် ကုန်ကြမ်းများ၏ တန်ဖိုးကိုမြှင့်တင်ပေးနိုင်သည့်အပြင် ဒေသခံများအတွက် အလုပ်အကိုင်နှင့် ဝင်ငွေရလမ်းများ ဖန်တီးပေးနိုင်မည်ဖြစ်သည်။ ထို့အပြင် ကရင်ပြည်နယ်၏ဒေသထွက်ကုန်များကို အရည်အသွေးကောင်းမွန်စွာထုတ်လုပ်ထုပ်ပိုး၍ ဈေးကွက်အတွင်း ပိုမိုကျယ်ပြန့်စွာ ဖြန့်ဖြူးရောင်းချနိုင်ရေးအတွက်လည်း အထောက်အကူပြုမည်ဖြစ်သည်။
ထို့ကြောင့် ဒေသထွက်ကုန်များကို အခြေခံသည့် ကုန်ထုတ်လုပ်မှုလုပ်ငန်းများ ပိုမိုဖွံ့ဖြိုးလာ ခြင်းဖြင့် ဒေသစီးပွားရေးတိုးတက်လာစေရန်၊ တစ်ဦးချင်းဝင်ငွေတိုးတက်လာစေရန်နှင့် ကရင်ပြည်နယ်၏ ဒေသထွက်ကုန်များ ဈေးကွက်ယှဉ်ပြိုင်နိုင်စွမ်း မြင့်လားလာစေရန် အထောက်အကူပြုနိုင် မည်ဖြစ်သည်။
DOCA(ကရင်)