ပြည်တွင်းကုန်သွယ်မှုသတင်း

           စစ်ကိုင်းတိုင်းဒေသကြီး၊ မုံရွာမြို့၊ သံလမ်းဈေးတွင် ရာသီ‌ပေါ်ထန်းမြစ်များ ရောင်းချ လျက်ရှိကြောင်း သိရှိရပါသည်။အညာဒေသထွက် ရာသီစာထန်းမြစ်များကို ဆောင်းဦးကာလ အတွင်းသာရရှိနိုင်သည့် ရာသီပေါ်သီးနှံဖြစ်သည့်အတွက် အရောင်းအဝယ်ကောင်း လျက်ရှိကြောင်း သိရှိရပါသည်။

          ၂၀၂၅ခုနှစ်၊ ဒီဇင်ဘာလ တတိယအပတ်အတွင်း ရောင်းချနေသော ထန်းမြစ် ဈေးနှုန်းမှာထန်းမြစ် (၂၅)ချောင်း (၁)စီးလျှင် (၂၅၀၀) ကျပ်မှ (၄၀၀၀) ကျပ်အထိ ‌ရောင်းချလျက်ရှိကြောင်း ထန်းမြစ်ရောင်းချသူထံမှ သိရှိရပါသည်။

DOCA(စစ်ကိုင်း)

                မုံရွာမြို့နယ်ရှိ တောင်သူများသည် ခရမ်းချဉ်ကို တစ်ပိုင်တစ်နိုင်မှ စီးပွားဖြစ် တစ်နှစ်ထက်တစ်နှစ် တိုးချဲ့စိုက်ပျိုးလာကြပြီး နတ်တော်လတွင် မုံရွာစျေးကွက်သို့ ခရမ်းချဉ်သီး ဝင်ရောက်မှု အပေါ်မူ အနည်းငယ်လျော့ကျခြင်း၊ ယခုနှစ်တွင် တောင်သူများသည် မိုးများ၍ စိုက်ခင်းများ ပိုးကျခြင်းကြောင့်  အထွက်နှုန်းနည်းရခြင်းဖြစ်ပြီး  စျေးနှုန်းအနည်းငယ်မြင့် တက် လျက်ရှိကြောင်း သိရှိရပါသည်။

      မုံရွာမြို့ရှိ နန္ဒာဝန်ဈေး၊ ဈေးဟောင်း၊ သံလမ်းဈေး၊ မြသလ္လာဈေး၊ ကန်သာယာဈေး၊ သာစည်ဈေးများတွင် ခရမ်းချဉ် တောင်ကြီးသီး အင်းသီး၊ တိုင်ထောင်သီးနှင့် ဗမာ (ကျားခြေယာ)သီးဟူ၍ အမျိုးအစားခွဲခြား ရောင်းချလျက်ရှိပါသည်။ ဒီဇင်ဘာလ တတိပတ် အတွင်း ရောင်းချလျက်ရှိသော ခရမ်းချဉ်သီး လက္ကားစျေးအနေဖြင့် အင်းသီးတစ်ပိဿာလျှင် ၈၀၀၀ ကျပ်၊ လက်လီစျေး အင်းသီး တစ်ပိဿာလျှင်    ၁၀၀၀၀ ကျပ်၊ တိုင်ထောင်သီး လက်က္ကားတစ်ပိဿာလျှင်  ၆၅၀၀ ကျပ်၊ လက်လီတစ်ပိဿာလျှင် ၇၂၀၀ ကျပ်၊ ဗမာသီး (ကျားခြေယာ) လက်က္ကား တစ်ပိဿာလျှင်   ၈၀၀၀ ကျပ်၊ လက်လီတစ်ပိဿာလျှင် ၁၀၀၀၀ ကျပ်တို့ဖြင့် ရောင်းချလျက်ရှိပြီး ရာသီစာဖြစ်၍ အရောင်းသွက်နေကြောင်း သိရှိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ မုံရွာမြို့၊ မန်ကျည်းပင် ဈေးအတွင်းတွင် သံပရာသီးနှင့် ရှောက်သီးများ ရောင်းချလျက်ရှိကြောင်းသိရှိရပါသည်။ သံပရာသီးနှင့် ရှောက်သီးများကို ဒေသတွင်း တစ်နိုင်တစ်ပိုင် အနေဖြင့် စိုက်ပျိုးကြပြီး စားဖိုဆောင်သီးနှံများကို  စိုက်ပျိုးထားကြသည့် သံပရာသီးနှင့် ရှောက်သီး များစိုက်ပျိုးသော တောင်သူများ ဝင်ငွေတိုးတက်လျက်ရှိကြောင်း သိရှိရပါသည်။   

          ၂၀၂၅ ခုနှစ်၊ ဒီဇင်ဘာလ တတိယအပတ်အတွင်း ရောင်းချနေသော သံပုရာသီးနှင့် ရှောက်သီးဈေးနှုန်းမှာ သံပုရာသီး အရွယ်အစား အကြီး/အသေး အပေါ်မူတည်၍ တစ်လုံးလျှင် (၁၅ဝ) ကျပ်မှ (၇)လုံးလျှင် (၁၀၀၀) ကျပ်ဖြင့်လည်းကောင်း ၊ ရှောက်သီး (အသေး) (၁)လုံးလျှင် (၃၀၀)ကျပ်နှင့် ရှောက်သီး (အကြီး) (၁)လုံးလျှင်(၅၀၀)  ဈေးနှုန်းတို့ဖြင့် အရောင်းအဝယ် ဖြစ်လျက် ရှိကြောင်း ကုန်စိမ်းသီးနှံမျိုးစုံ ရောင်းချနေသော ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင် ရှောက်ပန်းသီးနှင့် သင်္ဘောသီးများ ရောင်းချလျက်ရှိကြောင်းသိရှိရပါသည်။ ကုန်စိမ်းသီးနှံမျိုးစုံကို ရောင်းချ သည့်အလုပ်ဖြင့် အသက်မွေးဝမ်းကြောင်းပြုရာမှ ရှောက်ပန်းသီးနှင့် သင်္ဘောသီးကို မိမိတို့‌ ဒေသတွင်း ထွက်ရှိသည့်သီးနှံများကို ရောင်းချလျက်ရှိကြောင်း သိရှိရပါသည်။ 

          ၂၀၂၅ ခုနှစ် ၊ ဒီဇင်ဘာလ တတိယအပတ်အတွင်း မုံရွာမြို့ ကန်သာယာဈေးရှိ  သစ်သီးဆိုင်များတွင် ရှောက်ပန်းသီးဈေးနှုန်းမှာ တစ်လုံးလျှင် (၂၀၀၀) ကျပ် ၊  သင်္ဘောသီး ဈေးနှုန်းမှာ တစ်လုံးလျှင် (၂၅၀၀) ကျပ် နှုန်းဖြင့်  ရောင်းချလျက်ရှိရာ လူကြီးလူငယ်မရွေး ကြိုက်နှစ်သက်သည့်အတွက် အရောင်းအဝယ်ဖြစ်လျက်ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)

               စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင် မင်းကွက်သီးနှင့် သခွားမွှေးသီးများ ရောင်းချလျက်ရှိကြောင်းသိရှိရပါသည်။ ဈေးကွက်အတွင်း ရောင်းချနေသော မင်းကွက်သီးများကို မော်လမြိုင်ဒေသထွက် မင်းဂွတ်သီးများ ဈေးကွက်အတွင်းဝင် ရောက်လျက်ရှိ ကြောင်းသိရှိရပါသည်။မုံရွာဒေသထွက် သခွားမွေးသီးများ ဈေးကောင်းရ လျက်ရှိနေကြောင်း သတင်းရရှိသည်။ သခွားမွေးသီးကို မုံရွာမြို့ အနီးတဝိုက် ကျေးရွာများတွင်တနိုင်တပိုင်စိုက်ပျိုးကြသည့်အပြင်စီးပွားဖြစ်လည်းစိုက်ပျိုးကြပါသည်။သခွားမွေးသီးများရောင်းချဝယ်ယူရာတွင်အရွယ်အစားလိုက်ပြီး ဈေးနှုန်းကွာ ဟမှုရှိပါသည်။

          ၂၀၂၅ ခုနှစ် ၊ ဒီဇင်ဘာလ တတိယအပတ်အတွင်း မုံရွာမြို့ ကန်သာယာဈေးရှိ  သစ်သီးဆိုင်များတွင် မင်းကွက်သီးဈေးနှုန်းမှာ မင်းကွက်သီးအသေး (၁)လုံး လျှင် (၄၀၀) ကျပ်၊ မင်းကွက်သီး အလတ်(၁)လုံးလျှင် (၆၀၀) ကျပ်နှင့် မင်းကွက်သီးအကြီး (၁)လုံးလျှင် (၁၀၀၀) ကျပ် ဖြင့်ရောင်းချပြီး သခွားမွေးသီး အလုံးကြီး တစ်လုံးလျှင် (၂၅၀၀၊၄၅၀၀) ကျပ်၊ သခွားမွေးသီး အလုံးလတ်တစ်လုံးလျှင် (၂၅၀၀၊ ၃၀၀၀) ကျပ်၊ သခွားမွေးသီး အလုံးသေး တစ်လုံးလျှင် (၈၀၀၊၁၀၀၀) ကျပ် နှုန်းဖြင့်  ရောင်းချလျက်ရှိရာ လူကြီးလူငယ်မရွေး ကြိုက် နှစ်သက်သည့်အတွက် အရောင်းအဝယ်ဖြစ်လျက်ရှိကြောင်း သစ်သီးဆိုင်များမှ သိရှိရပါ သည်။

DOCA(စစ်ကိုင်း)