ပြည်တွင်းကုန်သွယ်မှုသတင်း

    မန္တလေးတိုင်းဒေသကြီး ၊ ကျောက်ဆည်ခရိုင်သည် သီးနှံမျိုးစုံ အောင်မြင်ဖြစ် ထွန်းလျက်ရှိရာ ၎င်းသီးနှံများအနက် ဆောင်းငရုတ်သီးနှံကိုလည်း မြစ်သားမြို့နယ်အတွင်းရှိ ရွှေကြာအင်း၊ ထနောင်း ကုန်း၊ သိုတန်ရွာများတွင် အများဆုံးစတင်စိုက်ပျိုးလျက်ရှိပါသည်။ ဆောင်းငရုတ်ကို အောက်တိုဘာ နှင့်နိုဝင်ဘာလများတွင် စတင်စိုက်ပျိုးကြပြီး ဖေဖော်ဝါရီနှင့်မတ်လများတွင် စတင်ထွက်ရှိမှာ ဖြစ်ကြောင်း ၊ မျိုးအနေဖြင့် ၆၉၂ ၊ သာမို၊ဒီမွန်မျိုးများကို အများဆုံး စိုက်ပျိုးရကြောင်း၊ရာသီမရွေး စိုက်ပျိုးနိုင်သောကြောင့် တောင်သူများမှ တစ်နှစ်ပတ်လုံး စိုက်ပျိုးလာကြပါသည်။ငရုတ်စိုက် ပျိုးရာတွင် ပျိုးထောင်း၍ ဘောင်စိုက်စနစ်ဖြင့် စိုက်ပျိုးကြပါသည်။ ဆောင်းငရုတ် စိုက်ပျိုးမှု (၁) ဧက ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် စုစုပေါင်း(၁၅၀၀၀၀၀/-)ကျပ် ခန့်ကုန်ကျကြောင်း၊ မြေဆီမြေဩဇာ ကျွေးသည့်အပေါ်မူတည်၍ အပင်သက်တမ်းကြာနိုင်ပြီး အသီးအပွင့်များ ဝေစာကာအထွက်နှုန်း ပိုကောင်းကြောင်း၊ ယခင်နှစ်ဆောင်းငရုတ်အထွက်တင်း အနေဖြင့်(အစို) တင်း(၂၀၀)ကျော် ထွက်ရှိပြီး တစ်ဧက အခြောက်တင်း (၈၀)ခန့် ထွက်ရှိကြောင်း၊ ပိဿာအနေဖြင့် အစိုပိဿာ (၁၀၀၀)ထွက်ရှိပြီး အခြာက်ပိဿာ(၃၀၀-၄၀၀)ထွက်ရှိကြောင်း၊ ယခင်နှစ် ငရုတ်သီးဈေးနှုန်းအနေဖြင့် ငရုတ်အညှာခြွေ တစ်ပိဿာလျှင်(၁၃၀၀၀/-)ကျပ် ၊ အညှာပါ တစ်ပိဿာလျှင်(၁၁၀၀၀)ကျပ်၊ငရုတ်သီးမှုန့်တစ်ပိဿာလျင်(၁၈၀၀၀/-)ကျပ်ဖြင့်ရောင်းဝယ်ခဲ့ကြောင်း၊ ယခင်နှစ် ဆောင်းငရုတ် တစ်ဧက အကျိုးအမြတ်အနေဖြင့် စိုက်ပျိုးစရိတ်နုတ်ပြီး(၁၈၀၀၀၀၀)ကျပ် ခန့်မြတ်ကြောင်း ၊ ယခုလက်ရှိ ငရုတ်သီး ပေါက်ဈေးအနေဖြင့် အညှာခြွေ တစ်ပိဿာလျှင် (၁၃၀၀၀/-)ကျပ် ၊ အညှာပါ တစ်ပိဿာလျှင်(၁၁၀၀၀)ကျပ်၊ အမှုန့်တစ်ပိဿာလျှင် (၂၀၀၀၀/-) ကျပ်ဖြင့် ရောင်းဝယ်လျက်ရှိကြောင်း၊ ငရုတ်သီးထွက်ပေါ်ချိန်တွင် တောင်သူများမှ မြို့ပေါ်ပွဲရုံများသို့ တင်ပို့ ရောင်းချလျက်ရှိပြီး ပွဲရုံများမှတစ်ဆင့် မန္တလေး၊ရန်ကုန်မြို့များသို့ တင်ပို့ရောင်းချလျက်ရှိ ကြောင်း၊ ဆောင်းငရုတ် ထွက်ပေါ်ချိန်တွင်လည်း ဈေးနှုန်းများကောင်းမွန်ပါက တောင်သူများ အကျိုးအမြတ် ပိုမိုဖြစ်ထွန်းနိုင်မည်ဖြစ်ကြောင်း ဆောင်းငရုတ်စိုက်ပျိုးသော တောင်သူတစ်ဦးထံမှ သိရှိရပါသည်။ 

DOCA(မန္တလေး)

    မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်ဒေသတစ်ခု ဖြစ်သော ကြောင့်စပါး၊ပဲ၊ပြောင်း၊နှမ်းသီးနှံမျိုးစုံအောင်မြင်ဖြစ်ထွန်းလျက်ရှိရာ၄င်းသီးနှံများအနက် စပါးသီးနှံကို ကျောက်ဆည်ခရိုင်အတွင်းတွင် ဇွန်လမှစတင်၍ စိုက်ပျိုးလျက်ရှိရာ မိုးစပါးစိုက်ပျိုးမှု အနေဖြင့် ကျောက်ဆည်ခရိုင်အတွင်း (၁၃၇၁၈၁)ဧက စိုက်ပျိုးထားရှိပြီး ယခုအချိန်တွင် မိုးစပါများဖြိုင်ဖြိုင် ရိတ်သိမ်းနေပြီဖြစ်ပါသည် ။ ကျောက်ဆည်မြို့နယ်အတွင်း မိုးစပါးကို အရည်အသွေးကောင်း ၊ စျေးကောင်းရရှိသော ဧရာပဒေသာ စပါး နှင့် မနောသုခစပါး မျိုးများကို အဓိကထား စိုက်ပျိုး ကြကြောင်း၊ မိုးစပါးစိုက်ပျိုးမှုတွင် ပျိုးထောင်စိုက်ပျိုးမှုနှင့်ပတ်ကြဲ စိုက်ပျိုးမှုများကို စိုက်ပျိုးကြ ကြောင်း ၊ (၁)ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် စုစုပေါင်း (၁၀၀၀၀၀၀)ကျပ် ဝန်းကျင်ခန့် ကုန်ကျကြောင်း၊ ယခုအချိန်တွင် (မိုးစပါး)များ ဖြိုင်ဖြိုင်ရိတ်သိမ်း နေပြီဖြစ်ကြောင်း ၊ အထွက်နှုန်းအနေဖြင့်(၇၅-၈၀)တင်းခန့်ထွက်ရှိကြောင်း၊ (၁)ဧကအကျိုးမြတ် အနေဖြင့်(၇၆၀၀၀၀/-)ကျပ် ရရှိကြောင်း စပါးစိုက်ပျိုးသော တောင်သူတစ်ဦး၏ ပြောကြားချက်အရ သိရှိရပါသည်။ ယခုလက်ရှိ စပါးစျေးနှုန်းအနေဖြင့် မနောသုခစပါး(မိုး) တင်း(၁၀၀)လျှင် (၁၄၀၀၀၀၀-၁၅၀၀၀၀၀)ကျပ် ၊ မနောသုခ ဆန်(သစ်) ၂၄ပြည် တစ်အိတ်လျှင် (၅၅၀၀၀-၆၀၀၀၀/-)ကျပ် ၊ ဧရာပဒေသာစပါး တင်း(၁၀၀)လျှင် (၂၁၀၀၀၀၀-၂၂၀၀၀၀၀/-)ကျပ် ၊ ဧရာပဒေသာဆန်(သစ်) ၂၄ပြည် တစ်အိတ်လျှင် (၈၅၀၀၀-၉၀၀၀၀)ကျပ် စျေးနှုန်းများဖြင့် အ‌ရောင်းအဝယ်ဖြစ်နေကြောင်း ပွဲစားများထံမှ သိရှိရပါသည်။

DOCA(မန္တလေး)

              ၂၀၂၅ ခုနှစ်၊ ဒီဇင်ဘာလ ၁၄ ရက်နေ့၊ (၁၀း၃၀)နာရီ အချိန်တွင် ထားဝယ်မြို့၊ အိမ်ရှေ့ပြင် ရပ်ကွက်၊ ရေးလမ်းရှိ ဟိုင်းဝေးကားဂိတ်ယာဥ်ရပ်နားစခန်းသို့ မြန်မာနိုင်ငံဆီကုန်သည်နှင့် ဆီလုပ်ငန်း ရှင်များ အသင်း၏ စီစဥ်မှုဖြင့် Kaung Hlyan New Asia Co,Ltd မှ တင်ပို့ရောင်းချသည့် စားအုန်းဆီ ၁ ပေပါ လျှင် ၁၁၀ ပိဿာပါ စားအုန်းဆီ (၇၈)ပေပါကို ယာဥ်မောင်းဦးဇေယျာလင်း၊ ယာဉ်အမှတ် 7K-6531/ Hino မော်တော်ယာဥ်ဖြင့်တင်ဆောင်၍ ရောက်ရှိလာရာ စားသုံးသူရေးရာဦးစီးဌာန၊ တိုင်း ဒေသကြီးဦးစီးမှူး ဦးစိုးဦး၊ အထူးစုံစမ်းစစ်ဆေးရေးဦးစီးဌာနမှ စုံစမ်း‌ရေးမှူးနှင့် ထားဝယ်ခရိုင် စားအုန်းဆီ ဖြန့်ဖြူးခြင်းလုပ်ငန်းကြီးကြပ်ရေးအဖွဲ့မှ တာဝန်ရှိသူများက သွားရောက်စစ်ဆေးခဲ့ ကြောင်း၊ အဆိုပါ စားအုန်းဆီ (၇၈) ပေပါအား ကုမ္ပဏီ၏လက်ကားအ​ရောင်းကိုယ်စားလှယ်မှ တစ်ဆင့် ထားဝယ်မြို့၊ အိုးလုပ်ရပ်၊နိဗ္ဗာန်လမ်းရှိ ဦးဘိုသစ်၏ ယမုံလှိုင်ကုန်စုံဆိုင်အပါအဝင် လက်လီဆိုင် ၁၅ ဆိုင်မှတစ်ဆင့် သတ်မှတ်ရည်ညွှန်းစျေးအတိုင်း စားသုံးသူများအား ရောင်းချပေးသွားမည် ဖြစ်ကြောင်းသိရှိရပါသည်။

DOCA(တနင်္သာရီ)

         ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ် ဈေးကွက်တွင် ၂၀၂၅ခုနှစ် နိုဝင်ဘာလမှစ၍  ပဲတီစိမ်းမျိုးများကို ရန်ကုန်မှမှာယူပြီး တောင်သူများကို မျိုးအနေဖြင့် အရောင်းအဝယ်ဖြစ်လျက်ရှိကြောင်း သိရသည်။  ပဲတီစိမ်းသီးနှံများကို ဆောင်းရာသီတွင် တောင်သူများ စိုက်ပျိုးကြပြီး ဓနုဖြူမြို့နယ် အတွင်း ကျေးရွာများတွင် ၁၂၄၁ဧက စိုက်ပျိုးပြီးကြောင်း မြို့နယ်စာရင်းများအရ သိရသည်။

            လက်ရှိတွင် ပဲပွဲရုံများမှ ပဲမျိုးသန့်များကိုသာ ရန်ကုန်မှ မှာယူရောင်းချနေကြပြီး မြို့နယ်အတွင်းတွင် ပဲမျိုးအသန့်မရှိသည့်အတွက်ကြောင့် ရန်ကုန်မှ Export ပဲသန့်များကို မှာယူရောင်းချရသဖြင့် အနည်းငယ် ဈေးကောင်းမွန်နေကြောင်း၊ ပဲတီစိမ်း မျိုးသန့် ယခုနှစ်မှာ အားနည်းသဖြင့် ပဲသန့်ကိုသာ စိုက်ပျိုးနိုင်ရန် ရောင်းချပေးနေရကြောင်း  ပွဲရုံပိုင်ရှင်မှ ရှင်းပြသည်။  ဒေသတွင်း စိုက်ပျိုးသော ပဲတီစိမ်းများ စတင်ထွက်ပေါ်နေသော်လည်း အနည်းငယ် သာဝယ်ယူလျက်ရှိကြောင်း၊ ရောင်းချသော ပဲတီစိမ်းသန့် ရေဆင်း၁၄ နှင့် ဝါးခယ်မ အတိုပဲတီစိမ်း  တို့ဖြစ်သည်။ တောင်သူများ ပဲတီစိမ်းကို စတင်စိုက်ပျိုးချိန်တွင် မိုးအနည်းငယ်ရွာ၍ အပင်များပျက်စီးသဖြင့် ထပ်မံ၍ မျိုးများဝယ်ယူစိုက်ပျိုးရကြောင်း မျိုးဈေးအနေဖြင့် ပဲတီစိမ်းမျိုးသန့် ရေဆင်း၁၄ အသစ် ၁တင်း လျှင် ငွေကျပ် ၁၄၀၀၀၀ကျပ် နှုန်းဖြင့်လည်းကောင်း၊ ဝါးခယ်မ အတိုမျိုးအနေဖြင့် ၃ တင်းလျှင် ၆၈၀၀၀၀ ကျပ်ဖြင့်လည်းကောင်း ရောင်းချရပြီး ပဲတီစိမ်းမျိုးသန့် ရေဆင်း၁၄ မျိုးကို ရောင်းချနိုင်မှုအနေဖြင့် ၂၀၂၅ခုနှစ် နိုဝင်ဘာလနှင့် ဒီဇင်ဘာလအတွင်း ၁တင်းခွဲ အိတ်အရေအတွက် ၁၅၀ ခန့်နှင့် ဝါးခယ်မ အတိုမျိုးကို ၅၀၀ အိတ်နီးပါး ရောင်းချပေးခဲ့ရကြောင်း သိရသည်။ ဒေသစိုက်ပျိုးထွက်ရှိသော ပဲတီစိမ်းဈေးအနေဖြင့် ၁တင်းလျှင် ၁၁၅၀၀၀ ကျပ်ဖြင့် အရောင်းအဝယ်ဖြစ်လျက်ရှိကြောင်း  သိရှိရပါသည်။

DOCA (ဧရာဝတီ)