ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ဟင်းသီးဟင်းရွက်များ၊ အသား၊ ငါးမျိုးစုံ ရောင်းချလျက်ရှိရာ တစ်နိုင်တစ်ပိုင် အသေးစားစီးပွားရေး လုပ်ငန်းအနေဖြင့် ကြက်ကင်၊ ငါးကင်နှင့် အခြားအကင်မျိုးစုံ စသည်ဖြင့် ရောင်းချနေကြောင်း၊ ကြက်သားနှင့် ငါးတို့ကို ကန့်ဘလူ မြို့မဈေးမှ ဝယ်ယူရကြောင်းသိရှိရသည်။

      ၂၀၂၅ခုနှစ်၊ နိုဝင်ဘာလ တတိယပတ်အတွင်း ကန့်ဘလူမြို့တွင် ရောင်းချနေသော အကင် ဈေးနှုန်းများမှာ အရွယ်အစားနှင့် အမျိုးအစားပေါ်မူတည်၍ ကွာခြားမှုရှိပြီး ငါးကင်အသေးတစ် ကောင်လျှင်(၃၅၀၀မှ ၅၀၀၀)ကျပ်၊ အကြီးတစ်ကောင်လျှင် (၈၀၀၀မှ ၁၂၀၀၀)ကျပ်၊ ကြက်ပေါင် (၁)ကင်လျှင်(၅၈၀၀)ကျပ်၊ ကြက်ရင်ပုံ(၁)ကင်လျှင် (၈၂၀၀)ကျပ်၊ ကြက်သဲမြစ်(၁)ချောင်း (၅၀၀) ကျပ်၊ ကြက်ခြေထောက်(၃)ချောင်း(၂၀၀၀)ကျပ်၊ ရုံးပတီသီး(၁)ကင်(၅၀၀)ကျပ်နှင့် အသားတုကင် (၁၀)ချောင်း (၁၂၀၀)ကျပ်ဖြင့်ရောင်းချလျက်ရှိပြီး နိုဝင်ဘာလ ဒုတိယပတ်ဈေးနှုန်းများနှင့် နှိုင်းယှဉ် ပါကတတိယပတ်အတွင်း ကြက်ပေါင်(၁)ချောင်းလျှင်(၂၀၀)ကျပ်နှင့် ကြက်ရင်ပုံ(၁)ကင်လျှင် (၃၀၀) ကျပ်ဈေးနှုန်းကျဆင်းသွားကြောင်း  အကင်မျိုးစုံရောင်းချသည့်ဆိုင်မှ သိရသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင်  ရောင်းချလျက်ရှိသော ဆီတို့ဟူးများကို ကချင်ပြည်နယ် ဟိုပင်မြို့နှင့် မိုးညှင်းမြို့တို့မှ ဝယ်ယူရောင်းချကြောင်း၊ ဆီတို့ဟူးကို ကြက်သွန်နီပါးပါးလှီးကာ ဆီစိမ်းဆမ်းပြီး သုပ်စားကြသလို၊ တစ်ချို့ကကြော်ချက်၍ စားသုံးကြ ကြောင်း၊ ဆီတို့ဟူးသည် ခံတွင်းမြိန်စေသည့် အရန်ဟင်းတခွက်ဖြစ်ပြီး ပုံမှန်အရောင်းအဝယ်ဖြစ် လျက်ရှိကြောင်း သိရသည်။

   ၂၀၂၅ ခုနှစ်၊ နိုဝင်ဘာလ တတိယပတ်အတွင်း ဆီတို့ဟူးလက်လီ(၁)သေတ္တာလျှင် (၄၂၀၀) ကျပ်၊ လက္ကား(၁)သေတ္တာလျှင် (၄၀၀၀)ကျပ်၊ (၁၀)ကျပ်သားလျှင်(၁၀၀၀)ကျပ်နှင့် (၁)ထုပ်လျှင် (၅၀၀)ကျပ်ဖြင့် အရောင်းအဝယ်ဖြစ်လျက်ရှိရာ နိုဝင်ဘာလ ဒုတိယပတ် ဈေးနှုန်းများနှင့်နှိုင်းယှဉ် ပါကတတိယပတ်အတွင်း ဆီတို့ဟူး(၁)သေတ္တာလျှင် (၂၀၀)ကျပ် ဈေးနှုန်းမြင့်တက်လာကြောင်း လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

        စစ်ကိုင်းတိုင်းဒေသကြီး၊ ကန့်ဘလူမြို့ အမှတ်(၂)ရပ်ကွက်တွင် တစ်နိုင်တစ်ပိုင်ကောက်ရိုးမှို စိုက်ပျိုးခြင်းဖြင့် တစ်ဖက်တစ်လမ်းမှ မိသားစုအပိုဝင်ငွေရရှိနေကြောင်း၊ ထိုသို့ကောက်ရိုးမှိုစိုက်ပျိုး ရာတွင် ၆ပေ ၃ပေရှိ မှိုတစ်ဘောင်ကို မှိုမျိုးစေ့ထုတ်(၄)ထုတ်နှင့် ကုန်ကြမ်းပစ္စည်းများဖြစ်သည့် ထုံး အနည်းငယ်၊ ဂျပ်စက္ကူ(၁၀)ပိဿာခန့်၊ ဖွဲနု၊ နွားချေး (၃)အိတ်၊ ဝါး၊ ဗေဒါပင်နှင့် ကောက်ရိုးတို့အသုံး ပြုရကြောင်း သိရသည်။

     ကောက်ရိုးမှိုစိုက်ပျိုးပြီး (၁၀)ရက်မြောက်နေ့မှာတော့ အောင်မြင်ဖြစ်ထွန်းပြီး ဈေးကွက်ဝင်  မှိုတွေကို နှုတ်ယူရောင်းချနိုင်ကြောင်း၊ ကိုယ့်မိသားစုအတွက်လည်း ဟင်းတစ်ခွက်ဖြစ်တာ ကြောင့် အိမ်ခြံဝင်းကျယ်ပြီး မြေပိုရှိတဲ့သူတွေအနေနဲ့ ကောက်ရိုးမှိုကို တစ်ပိုင်တစ်နိုင်စိုက်ပျိုး သင့်ကြောင်း၊     ၂၀၂၅ ခုနှစ်၊ နိုဝင်ဘာလ တတိယပတ်အတွင်း ကန့်ဘလူမြို့မဈေးတွင်  ကောက်ရိုးမှို တစ်ပိဿာလျှင် လက်လီဈေး(၁၀၇၀၀)ကျပ်၊ လက်ကားဈေး (၁၀၂၀၀)ကျပ်နှင့် (၅၀)ကျပ်သားလျှင် (၅၅၀၀)ကျပ်ဖြင့်ရောင်းချလျက်ရှိရာ ယခုနိုဝင်ဘာလ ဒုတိယပတ်ဈေးနှုန်းများနှင့် နှိုင်းယှဉ်ပါက တတိယပတ်အတွင်း ကောက်ရိုးမှို(၁)ပိဿာလျှင်(၂၀၀)ကျပ် ဈေးနှုန်းမြင့်တက်လာကြောင်း ကောက်ရိုးမှိုစိုက်ပျိုးရောင်းချသူ ဦးဝင်းဦးထံမှ သိရသည်။

DOCA(စစ်ကိုင်း)

   ၂၀၂၅ ခုနှစ် ၊နိုဝင်ဘာ စတုတ္ထပတ်အတွင်း ကရင်ပြည်နယ်၊ ဘားအံမြို့ပေါ်ရှိ City Market များနှင့်စားသောက်ဆိုင်များတွင် အသင့်စား “ဆိတ်ချေးခါးဟင်းလျှာ”များ ရောင်းအားကောင်းလျက် ရှိကြောင်း သိရသည်။

       ဆိတ်ချေးခါးဟင်းလျာနှင့်ပတ်သက်၍ လုပ်ငန်းရှင်ဦးချိက ဆိတ်ချေးခါးဟင်းလျာမှာ ကရင် လူမျိုးတို့၏ ဒေသအစားအစာတစ်ခုဖြစ်ပြီး ကရင်ပြည်နယ်တစ်ခုတည်းတွင်သာ ရရှိနိုင်ပါသည်။ ဆိတ်ချေးခါးဟင်းလျားတွင် ဆိတ်ခေါင်း၊ ဆိတ်ကလီစာ၊ ဆိတ်နံရိုးနု၊ ဆိတ်ချေး ပါအူနုများကို ဂျင်း၊ စပါးလင်၊ ကြက်သွန်ဖြူ၊ ကြက်သွန်နီ၊ ရှောက်နူသီးရွက်၊ ရှမ်းနံနံ၊ စသည့် ဟင်းခတ် အမွှေး အကြိုင်များကို စုပေါင်းရောနှောလုံးပြီး ဆီမပါ နူးအိစွာ ချက်ပြုတ်ထားခြင်းဖြစ်ကြောင်းနှင့်ဒေသတွင်း ဖြန့်ချီရုံသာမက အခြားမြို့များနှင့်တဖက်ထိုင်းနိုင်ငံသို့ တင်ပို့ရောင်းချ၍ လူကြိုက်များလျက်ရှိကြောင်း သိရပါသည်။

          အဆိုပါ ဒေသထုတ်ကုန် အသင့်စား “ဆိတ်ချေးခါးဟင်းလျာ” ကို နှစ်ပတ်တစ်ကြိမ် လက်လီ/ လက်ကား ဖြန့်ဖြူးရောင်းချလျက်ရှိသည်။ ယခင်လ၏ “ဆိတ်ချေးခါး ဟင်းလျာ” ဈေးနှုန်းများမှာ လက် ကားဈေး “ဆိတ်ချေးခါး” အထုပ်(၁၀၀)လျှင် (၆၀၀၀၀၀) ကျပ်၊ “ဆိတ်ချေးခါး” အထုပ်(၅၀)လျှင်              (၃၀၀၀၀၀) ကျပ်နှုန်းနှင့်လက်လီဈေးနှုန်း အထုပ်(၁)ထုပ်လျှင် (၆၅၀၀) ကျပ်နှင့်ယခုလ ၊နိုဝင်ဘာ စတုတ္ထပတ်တွင်  ဒေသထုတ် ကုန် အသင့်စား “ဆိတ်ချေးခါးဟင်းလျာ” ဈေးနှုန်းများမှာ လက်ကားဈေး “ဆိတ်ချေးခါး” အထုပ်  (၁၀၀) လျှင် (၆၀၀၀၀၀) ကျပ်၊ “ဆိတ် ချေးခါး” အထုပ်(၅၀)လျှင် (၃၀၀၀၀၀) ကျပ်နှုန်းနှင့် လက်လီ ဈေးနှုန်း အထုပ်(၁)ထုပ်လျှင် (၇၀၀၀) ကျပ်နှုန်းတို့ဖြစ် ရောင်းချလျက်ရှိကြောင်း၊ ယခင်လ “ဆိတ်ချေးခါး” ဈေးနှုန်းနှင့်ယခုလ “ဆိတ်ချေးခါး” ဈေးနှုန်း နှိုင်းယှဉ်လျှင် “ဆိတ်ချေးခါး” တစ်ထုပ်(၁) ဈေးနှုန်း( ၅၀၀ ) ကျပ်နှုန်း ကွာဟကြောင်း၊ ယခုနှစ် “ဆိတ်ချေးခါ”ဈေးနှုန်း အနည်းငယ် ကွာဟရခြင်းမှာ “ဆိတ်ချေးခါ”တွင် ပါဝင်ပစ္စည်းနှင့်ပါကင်အိတ် ဈေးနှုန်းမြင့်ခြင်းတို့ကြောင့်ဖြစ်ကြောင်း နှင့် “ဆိတ်” နှင့်ပတ်တက်၍ အမယ်သစ်များဖြစ်သည့် “ဆိတ်ပဲ” “ဆိတ်စွတ်ပြုတ်”  “ဆိတ်ခေါင်းသုပ်” စသည်ဟင်းလျာများကိုပါနောက်ထပ် ထုပ်လုပ်သွားမည်ဖြစ်ကြောင်း သိရသည်။

DOCA(ကရင်)

 ၂၀၂၅ ခုနှစ်၊ နိုဝင်ဘာလ စတုတ္ထပတ်တွင် ကရင်ပြည်နယ်၊ ဘားအံမြို့ရေပေါ်ဈေးတွင် ရာသီစာသီးနှံဖြစ်သည့် မန်ကျည်းသီးစိမ်းနုများ စတင်ထွက်ရှိ၍ ဈေးကောင်းလျက်ရှိကြောင်း သိရသည်။ မန်ကျည်းသီးပင်သည် အသီး၊ အရွက်၊အခေါက်စသည်ဖြင့် တစ်ပင်လုံးအသုံးဝင်ပြီးသည်။ မန်ချည်းသီးစိမ်းနုကို ငပိစိမ်းစာဖြင့်ကြော်စားစား စားသုံးပေးပါက ခံတွင်းတွေ့ပြီး ထမင်းမြိန် စေသည်။ မန်ကျည်းသီးစိမ်းနုတစ်ပိဿာလက်ကားဈေးနှုန်း (၁၀၀၀၀)ကျပ်နှင့် လက်လီဈေး တစ်ဆယ်သားလျှင်(၁၅၀၀)ကျပ်တို့ဖြင့် အရောင်းအဝယ်ဖြစ်လျက်ရှိကြောင်း သိရသည်။

DOCA(ကရင်)