ပြည်တွင်းကုန်သွယ်မှုသတင်း

    ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့နယ် ဈေးလမ်းရပ်ကွက်တွင် ကိုယ်တိုင် စိုက်ပျိုးထုတ်လုပ်ရောင်းချသူများ၏ ဈေးဆိုင်များတွင် နေ့စဉ်နံနက် (၇:၀၀) နာရီမှ (၁၁:၃၀) အထိရောင်းချရာ ကုန်စည်၊ သားငါး၊ ဟင်းရွက်ဟင်းသီးဈေးနှုန်းများမှာ  ဆီတစ်ပိဿာလျှင် (၇၀၀၀) ကျပ်နှုန်းဖြင့်ဆီ (ပိဿာ ၄၅)  ၊ ကြက်သား  မွေးမြူရေးတစ်ပိဿာလျှင် (၁၈၀၀၀) ကျပ်နှုန်းဖြင့် (၁၀) ပိဿာ၊ဆိတ်သား တစ်ပိဿာ လျှင်(၂၂၀၀၀)ကျပ်နှုန်းဖြင့် (၅)ပိဿာ၊ ဝက်သား တစ်ပိဿာလျှင် (၁၉၀၀၀/) ကျပ် ဈေးနှုန်းဖြင့် ဝက်သား(၃၀)ပိဿာ၊ နှုန်းဖြင့် (၃၀) ပိဿာ၊  သခွားသီး၊ ပဲသီး၊ ခရမ်းချဉ်သီး၊ ပဲတောင့်ရှည်၊ ပြောင်းဖူး၊ ‌  ရုံးပတီသီး၊ ဗူးညွန့်၊ သံပုရာသီး၊ ချဉ်ပေါင်ရွက်၊ငှက်ပျောသီး၊ ကန်စွန်းရွက် စသော အသီးအနှံများနှင့် ကြက်သွန်နီ၊ပန်းမံများကို ပြည်သူများအား ချိုသာ သောဈေးနှုန်းဖြင့် လိုအပ်သလောက် နေ့စဉ် ဝယ်ယူရရှိနိုင်ပြီး၊ သာယာဝတီမြို့နယ်၏ ကိုယ်တိုင် စိုက်ပျိုး ထုတ်လုပ်ရောင်းချသူများ ရောင်းချပေးသော အရောင်း ဈေးဆိုင် များ တွင်ဝယ်ယူ ရရှိနိုင်ကြောင်း သိရှိရပါသည်။

DOCA(ပဲခူး)

          စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ မှော်ဘီခရိုင်၊ မှော်ဘီမြို့နယ်ခွဲရုံး ဒေါ်ဖြူဖြူမြင့်၊ ဒုကြီးကြပ်ရေးမှူးသည် ၂၀၂၅ ခုနှစ်၊ စက်တင်ဘာလ ၁၁ ရက် နေ့လယ် (၁၄:၃၀) နာရီအချိန်တွင် ဝေမာကုမ္ပဏီမှ ခွဲတမ်းရစားသုံးဆီ (၂၀) လုံးရောက်ရှိမှုအား ကွင်းဆင်းစစ်ဆေးခဲ့ကြောင်း သိရှိရပါသည်။

        ထိုသို့ကွင်းဆင်းစစ်ဆေးခဲ့ရာတွင် မှော်ဘီမြို့နယ် ဆီကိုယ်စားလှယ်က ခွဲတမ်းရရှိလာသော စားအုန်းဆီများကို ရည်ညွှန်းဈေး၊ သယ်ယူပို့ဆောင်ခကုန်ကျစရိတ်နှင့် ၂% အမြတ်တို့ဖြင့် လက်လီ/ လက်ကားဆိုင်များသို့ ခွဲဝေရောင်းချပေးသွားမည်ဖြစ်ကြောင်း၊ ၎င်းတို့မှတစ်ဆင့် ပြည်သူများသို့ ပြန်လည်ရောင်းချမည်ဖြစ်ကြောင်း သိရှိရပါသည်။

DOCA (ရန်ကုန်)

  စားအုန်းဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီသည် စားအုန်းဆီများ သတ်မှတ်အရည်အ သွေး၊ စံချိန်စံညွှန်းများနှင့်အညီများနှင့်အညီ စားသုံးသူပြည် သူများ ကျန်းမာရေးနှင့်ညီညွတ်သော စားသုံးဆီများသုံးစွဲနိုင်ရေး၊ ဈေးနှုန်းတည်ငြိမ်စွာ ဝယ်ယူစားသောက် နိုင်ရေး ကြီးကြပ်ထိန်ကျောင်း၍ သက်ဆိုင်ရာ ကုမ္ပဏီများက စားအုန်းဆီများပြည်ပမှ တင်သွင်းလျက် ရှိရာ ရန်ကုန်တိုင်းဒေသကြီး ၊ ကြည့်မြင်တိုင်မြို့နယ် KIPT ဆိပ်ကမ်းတွင် ၁၀.၉.၂၀၂၅ ရက်နေ့ MT . BAUHINIA V.06/25OP သင်္ဘောဖြင့် Star 3 ဆီကန်သို့ 3000 MT၊ Star 4 ဆီကန်သို့ 2300 MT စုစုပေါင်းတန်ချိန် 5300 MT ဝင်ရောက်လျက်ရှိကြောင်း သိရှိရပါသည်။

   ထို့အပြင် ရန်ကုန်တိုင်းဒေသကြီး သီလဝါဆိပ်ကမ်း၊ ဗားကရာ (သဲကွင်း) ဆိပ်ကမ်း၊ ကြည့်မြင်တိုင်မြို့နယ် ကမ်းနားဈေးဆိပ်ကမ်း၊ KIPT ဆိပ်ကမ်းသို့ ဆီသင်္ဘောများ ဆိုက်ကပ်ပြီး ကြည့်မြင်တိုင်မြို့နယ် ဗားကရာဆိပ်ကမ်းသို့  ၁၁.၉.၂၀၂၅ ရက်နေ့တွင် MT. RM 2V 10/25 သင်္ဘောဖြင့် LLJ ဆီကန်သို့  1200 MT ၊  LLF  ဆီကန်သို့ 2200 MT၊ LLM  ဆီကန်သို့ 1600 MT စုစုပေါင်း တန်ချိန်(5000) ဝင်ရောက် လျက်ရှိကြောင်း သိရှိရပါသည်။

DOCA(ရန်ကုန်)

    ရွှေဘိုမြို့တွင် အသား/ငါးများ၊ ရာသီပေါ်အသီးအနှံများ၊ သစ်သီးဝလံများ၊ လူသုံးကုန်ပစ္စည်း များ ရောင်းချလျက်ရှိရာ သောက်ရေအိုးများကိုလည်း ရောင်းချလျက်ရှိပါသည်။ ဇိမ်ခံပစ္စည်းများဖြစ် သည့် ရေခဲသေတ္တာ၊ Water Cooler များရှိသည့်အနက် အေးမြသည့်အရဿာကို ပေးစွမ်းနိုင်သည့် မြန်မာ့လက်ဖြစ်သောက်ရေအိုးများကို အများဆုံးဝယ်ယူအသုံးပြုကြပါသည်။ရေအိုးများကို နွေ၊ မိုး၊ ဆောင်းရာသီမရွေး ဝယ်ယူအသုံးပြုကြကြောင်း၊ ရွှေဘိုမြို့တွင် ရောင်းချသည့် ရေအိုးများမှာ အမြို့ မြို့အနယ်နယ်မှ လာရောက်သည့် ရေအိုးများဖြစ်ကြောင်း၊ ရွှေဘိုမြို့တွင် စစ်ကိုင်းမြို့မှ ထွက်ရှိသည့် စစ်ကိုင်းအိုး၊ ရွှေဘိုခရိုင် ခင်ဉီးမြို့နယ် မြင်းဒေါင်းရွာမှထွက်ရှိသည့် မြင်းဒေါင်းအိုး၊ ရေဦးခရိုင် တန့် ဆည်မြို့နယ်မှ ထွက်ရှိသည့် တန့်ဆည်အိုး၊ မန္တလေးတိုင်း၊ စဉ့်ကူးမြို့နယ်မှ ထွက်ရှိသည့် ခက်သင် အိုး တို့ဖြစ်ကြောင်း၊ ၂၀၂၅ခုနှစ်၊ စက်တင်ဘာလ (ဒုတိယ)ပတ်တွင် ဖြစ်ပေါ်နေသော သောက်ရေအိုး ဈေးနှုန်းများမှာ စစ်ကိုင်းအိုးကြီး(၁)လုံးလျှင် (၁၀၀၀ဝိ/-)ကျပ်၊ စစ်ကိုင်းအိုးသေး(၁)လုံးလျှင် (၇၀၀ဝိ/-)ကျပ်၊  မြင်းဒေါင်းအိုး(ကြီး)(၁)လုံးလျှင် (၆၀၀ဝိ/-)ကျပ်၊ တန်ဆည်အိုး(ကြီး) တစ်လုံးလျှင် (၇၅၀ဝိ/-)ကျပ်၊ ခက်သင်အိုးကြီး(၁)လုံးလျှင် (၇၀၀ဝိ/-)ကျပ်ဖြင့်  အရောင်းအဝယ်ဖြစ် လျှက်ရှိ ကြောင်း ရေအိုးဝယ်ယူရာတွင် ရေအိုးများမှာစိမ့်ခြင်း၊ ရေအိုးတွင် အပေါက်သေးလေးများပါ ရှိတတ် သည့်အတွက် ရေအိုးရောင်းချသည့်ဆိုင်မှ ရေထည့်ကာ စမ်းသပ်ပေးကြောင်း၊ ရေစမ်းသပ် ခိုင်းခြင်းကို ရေစမ်းခြင်းဟု ခေါ်ဆိုကြောင်း၊ ရေအိုးဝယ်ယူရာတွင် ရေစမ်းပြီးဝယ်ယူမှသာ အဆင် ပြေကြောင်း သိရှိရပါသည်။ ရေအိုးရောင်းချသူများမှလည်း ရေအိုးများကို မကွဲစေရန်အတွက် တစ် လုံးနှင့်တစ်လုံး မတိုက်မိစေရန် စနစ်တကျစီရီကာ တင်ထားရကြောင်း ရေအိုးရောင်းချသည့် လုပ် ငန်းရှင်ထံမှ သိရှိရပါသည်။

DOCA (စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံး အနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် စီးပွားရေးလုပ်ငန်းရှင်များနှင့် တွေ့ဆုံ၍ အခြေခံစားကုန်ဈေးနှုန်းများ၊ ဓါတ်မြေဩဇာနှင့် ပိုးသတ်ဆေးဈေးနှုန်းများအား အပတ်စဉ်တင်ပြလျက်ရှိပါ သည်။

        စက်တင်ဘာလ၊ ပထမအပတ်တွင် ရွှေဘိုမြို့၌ ရောင်းချလျက်ရှိသော ဓါတ်မြေဩဇာနှင့် ပိုးသတ်ဆေးဈေးနှုန်းများမှာ အာမို၊ ကျွဲနက်တံဆိပ် (၁၅:၁၅:၁၅)ကွန်ပေါင်း ဓါတ်မြေဩဇာတစ်အိတ်လျှင် (၁၉၆၀၀ဝိ/-) ကျပ်၊ ဇာမဏီတံဆိပ်(၁၃:၅:၇) ကွန်ပေါင်းဓါတ်မြေဩဇာတစ်အိတ်လျှင်(၉၈၀၀ဝိ/-)ကျပ်၊ MCတံဆိပ် (၁၅:၁၅:၁၅) ကွန်ပေါင်းဓါတ်မြေဩဇာ တစ်အိတ်လျှင်(၁၆၇၀၀ဝိ/-)ကျပ်နှင့် ဒီမွန်1.8တံဆိပ် ထိသေ/စားသေ(အဆိပ်ငွေ့) 500ccတစ်ဗူးလျှင်(၂၂၀၀ဝိ/-)ကျပ်၊ ဇိုင်ကလုံးတံဆိပ် ပင်လုံးပြန့်ပိုးသတ်ဆေး တစ်လီတာတစ်ဗူးလျှင်(၇၂၀၀ဝိ/-)ကျပ်၊ ငှက်ကြီးတောင်တံဆိပ် ထိသေ/စားသေ(အဆိပ်ငွေ့) 100cc တစ်ဗူးလျှင်(၃၀၀၀ဝိ/-)ကျပ်ဖြင့် ရောင်းချလျက်ရှိပြီး အာမို၊ ပုလဲတံဆိပ် ကွန်ပေါင်းဓါတ်မြေဩဇာ၊ ပန်းဖူးတံဆိပ်ဓါတ်မြေဩဇာ၊ ရှောင်လင်တံဆိပ် ထိသေ/စားသေ (အဆိပ်ငွေ့)ပိုးသတ်ဆေးများမှာ ဈေးကွက်အတွင်းပစ္စည်းပြတ်လျက်ရှိကြောင်း၊ ယခုအချိန်တွင် မိုးစပါးများစိုက်ပျိုးနေချိန်ဖြစ်၍ ဓါတ်မြေဩဇာနှင့် ပိုးသတ်ဆေးများ အရောင်းအဝယ်ကောင်းကြောင်း  ဓါတ်မြေဩဇာနှင့်ပိုးသတ်ဆေး အရောင်းဆိုင်များမှတာဝန်ရှိသူများနှင့် ဆက်သွယ်မေးမြန်းမှုအရ သတင်းရရှိပါသည်။

DOCA (စစ်ကိုင်း)