တနင်္သာရီတိုင်းဒေသကြီး၊ ထားဝယ်မြို့သို့ အခြားဒေသများမှ အာလူးများနေ့စဉ်ဝင်ရောက် လျက်ရှိပြီး ထားဝယ်ဒေသတွင် အာလူးကို အဓိကအားဖြင့် ရှမ်းပြည်နယ်၊ အောင်ပန်း၊ ဟဲဟိုးနှင့် ပြင် ဦးလွင်ဒေသများမှ ကုန်တင်ယာဉ်များဖြင့် တင်သွင်းလျက်ရှိပြီး ဒေသတွင်းစျေးကွက်အတွင်းအရောင်း အဝယ်သွက်လျက်ရှိကြောင်း သိရှိရပါသည်။
လက်ရှိတွင် အာလူးစားသုံးမှုမြင့်တက်နေခြင်းကြောင့် လက်ကားနှင့်လက်လီစျေးကွက်များ၌ ဝယ်လိုအားကောင်းနေပြီး စားသောက်ဆိုင်များ၊ ဟိုတယ်များနှင့် အိမ်ထောင်စုများမှ ပုံမှန်ဝယ်ယူ အသုံးပြုလျက်ရှိသလို အထူးသဖြင့် အကြော်လုပ်ငန်းများနှင့် အာလူးအခြေခံထုတ်လုပ်သူများ၏ ဝယ်လိုအားများကြောင့် စျေးကွက်အတွင်း ရောင်းအားကောင်းလျက်ရှိပြီး ထားဝယ်မြို့ရှိ စည်ပင် သာယာစျေးကြီးများနှင့် ရပ်ကွက်စျေးများတွင် ရောင်းချနေသာ စျေးနှုန်းများအရ အာလူး တစ်ပိဿာ လျှင် ကျပ် (၅၀၀၀)ခန့်ရှိကြောင်း သိရှိရပါသည်။
ယခုကာလများတွင် အာလူးများပုံမှန်ဝင်ရောက်မှုများရှိပြီး ဝယ်လိုအားလည်းကောင်းမွန်လျက်ရှိသလို အာလူးအရည်အသွေး၊ အရွယ်အစားနှင့်သယ်ယူပို့ဆောင်စရိတ်များအပေါ်မူတည်၍ စျေးနှုန်းအတက်အကျရှိသော်လည်း အများအားဖြင့် တည်ငြိမ်လျက်ရှိကြောင်း၊ ယခုကာလအတွင်း သယ်ယူပို့ဆောင်ရေးလမ်းကြောင်းများ ပုံမှန်လည်ပတ်နိုင်မှုကြောင့် ကုန်စည်စီးဆင်းမှုများ အဆင် ပြေချောမွေ့လျက်ရှိသလို လာမည့်ကာလများတွင်လည်း အာလူးဝင်ရောက်မှုဆက်လက်တည်ငြိမ်နိုင် မည်ဆိုပါက ထားဝယ်ဒေသရှိ ပြည်သူများအနေဖြင့် အာလူးကိုနေ့စဉ်စားသုံးကုန်တစ်မျိုးအဖြစ် အသုံးပြုလျက်ရှိရာ စျေးကွက်အတွင်း ပုံမှန်ဝင်ရောက်မှုရှိခြင်းသည် ဒေသအတွင်း စားသောက်ကုန် ဖူလုံရေးအတွက် များစွာအထောက်အကူပြုလျက်ရှိကြောင်း သိရှိရပါသည်။
DOCA(တနင်္သာရီ)