ပြည်တွင်းကုန်သွယ်မှုသတင်း

      ရွှေဘိုခရိုင်အတွင်း နိုဝင်ဘာလ ဒုတိယပတ်တွင် ရွှေဘိုပေါ်ဆန်း စပါး/ဆန် ဈေးနှုန်းများ မြင့်တက်နေပါသည်။ရွှေဘိုခရိုင်မှ အခြားတိုင်းဒေသကြီးများသို့ နိုဝင်ဘာလ ဒုတိယပတ် အတွင်း ရွှေဘိုပေါ်ဆန်းဆန်စီးထွက်မှုမှာ ရန်ကုန်သို့ (၃၇၄၄၆)အိတ်၊ မန္တလေးသို့ (၁၀၂၄၅) အိတ်၊ကျောက်ပန်းတောင်းမြို့သို့ (၃၆၀)အိတ်၊ မိတ္ထီလာမြို့သို့ (၂၃၅)အိတ်၊ ရှမ်းပြည်နယ် တောင်ပိုင်းသို့ (၃၆၀၀)အိတ်၊မူဆယ်သို့(၂၇၀)အိတ်၊ နေပြည်တော်သို့ (၁၃၄၅)အိတ်၊ပဲခူးသို့ (၁၈၄၅)အိတ်၊ ပြည်မြို့သို့ (၅၄၅)အိတ်၊ တောင်ငူသို့ (၉၂၀)အိတ်၊ ကရင်ပြည်နယ် ဘားအံသို့(၂၆၆၀)အိတ်၊ ကချင် ပြည်နယ်သို့ (၃၂၉၅)အိတ်၊ မွန်ပြည်နယ်သို့ (၅၃၈၅)အိတ်၊ မကွေးတိုင်းသို့ (၅၄၀)အိတ်၊ စုစုပေါင်းအိတ်ရေ(၆၈၆၉၁)၊တန်အားဖြင့် (၃၄၃၄)တန် စီးထွက်ခဲ့ပါသည်။

      ရွှေဘိုမြို့၏ နိုဝင်ဘာလ ဒုတိယပတ်တွင် ဖြစ်ပေါ်ခဲ့သော ဈေးနှုန်းများမှာ ရွှေဘို ပေါ်ဆန်းစပါး တင်း၁၀၀လျင် ကျပ် ၅၀၀၀၀၀၀၊ ရွှေဘိုပေါ်ဆန်း ဆန် ၂၄ပြည်ပါ တစ်အိတ်လျင် ကျပ်၁၇5၀၀၀ဖြင့် အရောင်းအဝယ် ဖြစ်နေကြောင်း သိရှိရပါသည်။

DOCA(စစ်ကိုင်း)

      ရွှေဘိုခရိုင်အတွင်းတွင် နိုဝင်ဘာလ ဒုတိယပတ်တွင် စပါး/ဆန်ဈေးနှုန်းများ အနည်းငယ် မြင့်တက်နေပါသည်။ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ နိုဝင်ဘာလ ပထမပတ် တွင် ရန်ကုန်သို့ (၄၂၉၉၉)အိတ်၊ မန္တလေးသို့ (၂၇၆၈၂) အိတ်၊ နေပြည်တော်သို့ (၁၁၃၁)အိတ်၊ပဲခူးတိုင်းသို့ (၄၀၄၀)အိတ်၊ မကွေးတိုင်းသို့ (၈၅၀)အိတ်၊ ရှမ်း(တောင်)သို့ (1၀၆၃၃)အိတ်၊ ကချင်ပြည်နယ်သို့ (၃၀၀၅)အိတ်၊ မွန်ပြည်နယ်သို့ (၃၂၈၉)အိတ်၊ ကရင်ပြည်နယ်သို့ (၃၃၅၅)အိတ် ၊မူဆယ်သို့ (4၈၀)အိတ်၊ဧရာဝတီသို့ (၇၀၀)အိတ် စုစုပေါင်း အိတ်ရေ ၉၈၁၆၄ တန်အားဖြင့် ၄၉၀၈တန် စီးထွက်ခဲ့ပါသည်။

    နိုဝင်ဘာလ ဒုတိယပတ်တွင် ရန်ကုန်သို့ (၅၉၈၈၆)အိတ်၊ မန္တလေးသို့ (၃၇၄၀၆) အိတ်၊ နေပြည်တော်သို့ (1၉၃၅)အိတ်၊ပဲခူးတိုင်းသို့ (၆၃၃၅)အိတ်၊ မကွေးတိုင်းသို့ (၁၁၂၀)အိတ်၊ ရှမ်း(တောင်)သို့ (၁၁၆၃၇)အိတ်၊ ကချင်ပြည်နယ်သို့ (၃၅၄၈)အိတ်၊ မွန်ပြည်နယ်သို့ (၅၅၈၅)အိတ်၊ ကရင်ပြည်နယ်သို့ (၂၆၆၀)အိတ် ၊မူဆယ်သို့ (၃၆၀)အိတ်၊ စုစုပေါင်း အိတ်ရေ ၁၃၀၄၇၂ တန်အားဖြင့် ၆၅၂၄တန် စီးထွက်ခဲ့သည့် အတွက် ယခင်အပတ်နှင့် နှိုင်းယှဉ်လျှင် ယခု အပတ်အတွင်း အိတ်ရေ ၃၂၃၀၈၊ တန်အားဖြင့် ၁၆၁၅တန် ပို၍ စီးထွက် ခဲ့ပါသည်။

   ရွှေဘိုမြို့၏ နိုဝင်ဘာလ ဒုတိယပတ်တွင် ဖြစ်ပေါ်ခဲ့သော စပါး/ဆန်  ဈေးနှုန်း များမှာ ရွှေဘိုပေါ်ဆန်းစပါး တင်း၁၀၀လျင် ကျပ် ၅၀၀၀၀၀၀၊ ရွှေဘိုပေါ်ဆန်း ဆန် ၂၄ပြည်ပါ တစ်အိတ်လျင် ကျပ်၁၇5၀၀၀ ၊  ဧရာမင်းစပါး တင်း 100လျှင် ကျပ် 2၅00000၊ဧရာမင်းဆန် ၂၄ပြည်ပါ တစ်အိတ်လျင် ကျပ်၁၂5၀၀၀၊ ရွှေဝါထွန်းစပါး တင်း100လျှင် ကျပ်1၃00000၊ရွှေဝါထွန်း ဆန် 24ပြည်ပါတစ်အိတ်လျှင် ကျပ် 6၀000ဖြင့် အရောင်းအဝယ် ဖြစ်နေကြောင်း သိရှိရပါသည်။

DOCA(စစ်ကိုင်း)

       မြန်မာနိုင်ငံစက်သုံးဆီ တင်သွင်း/သိုလှောင် ဖြန့်ဖြူးခြင်းလုပ်ငန်း ကြီးကြပ်ရေး ကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်း လက်ကားဈေးနှုန်းများအား နေ့စဉ် ထုတ်ပြန်ပေးလျက်ရှိပါသည်။

    ရွှေဘိုမြို့တွင် စက်သုံးဆီဆိုင် (၂၂)ဆိုင် ပုံမှန် ဖွင့်လှစ်ရောင်းချလျက်ရှိပြီး ၂၀၂၅ခုနှစ် နိုဝင်ဘာလ ပထမပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၇၅၀)ကျပ်၊ ဓါတ်ဆီ(95)တစ်လီတာလျှင် (၂၈၃၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၆၅၀)ကျပ်၊ ဒီဇယ်(ပရီမီယမ်)တစ်လီတာလျှင် (၃၁၉၀)ကျပ်ဖြင့် ရောင်းချလျက်ရှိကြောင်း သိရသည်။

   ယခု ၂၀၂၅ခုနှစ် နိုဝင်ဘာလ ဒုတိယပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၇၃၀)ကျပ်၊ ဓါတ်ဆီ(95)တစ်လီတာလျှင် (၂၈၀၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၆၈၅)ကျပ်၊ ဒီဇယ်(ပရီမီယမ်)တစ်လီတာလျှင် (၃၂၃၀)ကျပ် ဖြင့် ရောင်းချနေသောကြောင့် ယခင်အပတ်နှင့် နှိုင်းယှဉ်ပါက ဓါတ်ဆီ(92) တစ်လီတာလျှင် (၂၀)ကျပ်၊ ဓါတ်ဆီ(95)တစ်လီတာလျှင် (၂၅)ကျပ် ဈေးနှုန်းကျဆင်းခဲ့ပြီး၊  ဒီဇယ် (ရိုးရိုး)တစ်လီတာလျှင် (၃၅)ကျပ်နှင့် ဒီဇယ် (ပရီမီယမ်) တစ်လီတာလျှင် (၄၀)ကျပ်  ဈေးနှုန်း မြင့်တက်လျက်ရှိကြောင်း စက်သုံးဆီ အရောင်းဆိုင်များမှ သတင်း ရရှိသည်။

DOCA(စစ်ကိုင်း)

         တန်ဆောင်းမုန်းလအခါသမယအချိန်တွင် မန္တလေးစျေးကွက်သို့    မန္တလေးတိုင်းဒေသကြီးရှိ၊  ပြင်ဦးလွင်မြို့နယ်၊မိုးကုတ်မြို့နယ်နှင့် ရှမ်းပြည်နယ်တို့ မှ ထွက်သည့်‌ထောပတ်သီးများ ဝင်ရောက်မှု များပြားလျက်ရှိပြီး၊စျေးအနည်းငယ်ကျဆင်းကာ အရောင်းသွက်လျက်ရှိကြောင်း သိရှိရပါသည်။  ၂၀၂၅ ခုနှစ်နိုဝင်ဘာလပထမပတ်အတွင်း  ဖြစ်ပေါ်သည့်   စျေးနှုန်းများမှာ ထောပတ်သီး ၁လုံးလျှင် အလုံး(ကြီး) ၁၅၀၀ ကျပ်နှင့် ၂၀၀၀ကျပ်၊ ဟက်စ် (Hass) မျိုးမှာ  Kg စျေးနှင့်ပိဿာစျေးနှစ်မျိုးဖြင့် ရောင်းချလျက်ရှိပြီး၊ တစ်ပိဿာလျှင်  ၁၂၀၀၀ ကျပ် နှင့် ၁၆၀၀၀ ကျပ်တို့ ဖြင့် ရောင်းချ လျက်ရှိ ပါသည်။ ထောပတ်သီးအလုံးအရွယ်အစားအပေါ် မူတည်၍စျေးကွာခြားမှုရှိကြောင်း  သိရှိရပါသည်။  တန်ဆောင်းမုန်းလအခါသမယဘုရားပွဲနှင့်အလှူပွဲတော်များကျင်းပသည့် အချိန်ဖြစ်၍ သစ်သီးမျိူးစုံ စျေး ကွက်တွင် ထောပတ်သီးမှာ  အရောင်းသွက်လျက်ရှိကြောင်း သိရှိရပါသည်။

DOCA(မန္တလေး)

    စစ်ကိုင်းတိုင်းဒေသကြီး၊ ကန့်ဘလူခရိုင်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေးကို အဓိကထားလုပ်ကိုင်ကြရာ အိမ်ခြံဝင်းများနှင့် ယာကွက်များတွင် ကန်ဇွန်းဥနှင့် မုန်လာဥဖြူတို့ကို တစ်ပိုင်တစ်နိုင် စိုက်ပျိုးကြပြီး ကန့်ဘလူမြို့မဈေးတွင် ရောင်းချရကြောင်း၊ ကန်စွန်းဥကို အစိမ်းစားတာ၊ ပြုတ်စားတာနှင့် ကန်စွန်းဥပူတင်း စသည်ဖြင့် အမျိုးမျိုးပြုလုပ်စားသုံး ကြကြောင်း၊ မုန်လာဥဖြူကို  စားသောက်ဆိုင်၊ ထမင်းဆိုင်နှင့် အိမ်ရှင်မများက ဝယ်ယူလျက် ရှိကြောင်းသိရသည်။

    ၂၀၂၅ ခုနှစ်၊ နိုဝင်ဘာလ တတိယပတ်အတွင်း ကန့်ဘလူမြို့မဈေးတွင် ရောင်းချနေသော  ကန်ဇွန်းဥဈေးနှုန်းမှာ လက်လီ(၁)ပိဿာလျှင် (၄၁၀၀)ကျပ် လက်က္ကား(၁)ပိဿာလျှင် (၄၀၀၀)ကျပ် နှင့်(၂၅)ကျပ်သားလျှင် (၁၀၀၀)ကျပ်ဈေးနှုန်းဖြင့်လည်းကောင်း၊ မုန်လာဥဖြူအကြီး(၃)ဥလျှင် (၆၀၀) ကျပ်၊ မုန်လာဥဖြူ(အသေး)(၃)ဥလျှင် (၅၀၀)ကျပ်ဈေးနှုန်းတို့ဖြင့် ရောင်းချလျက်ရှိရာ ယခင်နိုဝင် ဘာလ၏ ဈေးနှုန်းများနှင့်နှိုင်းယှဉ်ပါက ယခုပတ်အတွင်း ကန်စွန်းဥ(၁)ပိဿာလျှင် (၂၀၀)ကျပ် ဈေးနှုန်းကျဆင်းသွားကြောင်း ဈေးသည်များထံမှ သိရသည်။

DOCA(စစ်ကိုင်း)