ပြည်တွင်းကုန်သွယ်မှုသတင်း

ပြည်‌ထောင်စုနယ်မြေ၊ နေပြည်တော်အတွင်း မိုးကောင်းရေသောက်နှင့် နွေစပါးစိုက်ပျိုးမှု မရှိ သောလယ်မြေများတွင် မိုးစပါးရိတ်သိမ်းမှုအများဆုံးတွေ့ရှိရပါသည်။ နွေစပါးစိုက်ပျိုးခဲ့သော လယ် မြေများတွင် စိုက်ပျိုးထားရှိမှုများသည်လည်း အနှံထွက်ရှိလာသည့်အနေအထားများကို တွေ့ရှိလာရ ပါသည်။ မိုးစပါးသစ်ထွက်ရှိလာမှုအား အခြောက်ခံစက်ရှိ ဆန်စက်ကြီးများမှ ဝယ်ယူမှုအနေအထား ကိုသာတွေ့ရှိရပါသည်။ တောင်သူများအနေဖြင့် ရိတ်ချွေစက်ကျ(အစို)ဖြင့် ရောင်းချမှုများနှင့် နေလှန်း အခြောက်ခံပြီး သိမ်းဆည်းနေမှုများကို တွေ့ရှိနေရပါသည်။

          မိုးစပါးသစ် ဈေးနှုန်းများဖြစ်ပေါ်နေမှုတွင် မနောသုခစပါးနှင့် ဆင်းသုခစပါးရိတ်သိမ်းမှုများ သာ တွေ့ရှိနေရပြီး၊ ဈေးနှုန်းဖြစ်ပေါ်မှုတွင် တူညီစွာရှိနေသည်ကို တွေ့ရပါသည်။ မနောသုခစပါး (အစို) တစ်တင်း(၁၅)ပိဿာလျှင်(၁၂၀၀၀)ကျပ် ရှိနေပါသည်။ ယခင်နှစ်လက်ကျန် မိုးစပါးဟောင်း (မနောသုခ) တစ်တင်း(၁၄)ပိဿာ (၂၀၀၀၀)ကျပ် ဈေးနှုန်းဖြစ်ပေါ်နေပါသည်။ မိုးစပါးသစ်ကြိတ်ခွဲမှုများမှ မိုးဆန်သစ်များအား ရန်ကုန်နှင့်မန္တလေးတိုင်းတွင်းရှိ ရမည်းသင်းနှင့် ပျော်ဘွယ်မြို့များသို့ တင်ပို့မှုရှိနေပါသည်။ဒေသတွင်း စားသုံးမှုတွင် မိုးဆန်ဟောင်း ရန်ကုန်၊ ပဲခူးတိုင်းတို့မှ ဝင်ရောက်သော ဆန်များကိုသာ စားသုံးမှုရှိနေသည်ကို သိရှိရပါသည်။

     မိုးစပါးဖြိုင်ဖြိုင်ရိတ်သိမ်းနေပြီး နွေစပါးများဆန်စက်များတွင် လက်ကျန်ရှိနေမှုများနှင့် မိုးစပါးဟောင်းလက်ကျန်များ တောင်သူများလက်ဝယ်ထိ ကျန်ရှိနေမှုများ သိရှိနေရသဖြင့် စပါး လက်ကျန်အင်အား ကျန်ရှိမှု အားကောင်းနေပါသည်။ ရန်ကုန်နှင့် ပဲခူးတိုင်းမှ ဆန်ဝင်ရောက်မှု ပုံမှန် ရှိနေပြီး ဒေသတွင်း ကြိတ်ခွဲထုတ်လုပ်မှုများသည် ဒေသတွင်းဈေးကွက်များတွင်သာ ဖြန့်ဖြူးမှုများရှိသဖြင့် ဆန်ဈေးနှုန်းတည်ငြိမ်နေပြီး ဆန်ဖူလုံမှုရှိနေမည် ဖြစ်ပါသည်။

DOCA(ပြည်ထောင်စုနယ်မြေ)

       ပြည်ထောင်စုနယ်မြေ၊ နေပြည်တော်အတွင်း အားလူးအနေဖြင့် ဈေးကွက်များသို့ တင်ပို့သည့် အောင်ပန်းဈေးကွက်သို့ အာလူးပုံမှန်ဝင်ရောက်မှုမရှိသည်ကို သိရှိရပါသည်။ အာလူးအရည်အသွေး (သက်တမ်း နု)အနေအထားအရ မှာယူမှုလျော့ကျခဲ့ရပြီး ကုန်ပစ္စည်းဝင်ရောက်မှုလျော့ကျမှုနှင့်အတူ ဈေးနှုန်းမြင့်တက်မှုရှိလာခဲ့ပါသည်။

        ကုလားပဲခြမ်းဝင်ရောက်မှုတွင် မန္တလေးနှင့်မိတ္ထီလာတို့မှ ပုံမှန် ဝင်ရောက်မှုရှိလာခဲ့သဖြင့် ဈေးနှုန်းပြန်လည်ကျဆင်းမှု ရှိလာသည်ကို တွေ့ရှိရပါသည်။ ပဲနီလေး၊ ပဲပြာလေးကဲ့သို့ အခြားပဲများ ဈေးနှုန်းကျဆင်းမှုရှိသည်နှင့်အတူ ကုလားပဲ ဈေးနှုန်းကျဆင်းလာမှုကိုလည်း တွေ့ရှိလာခဲ့ရပါသည်။

‌     ဒေသတွင်းမွေးမြူရေးခြံများမှ မန္တလေးဈေးကွက်များသို့ တင်ပို့မှုရှိခဲ့သည်ဟု သိရှိရပါသည်။ ကြက်ပေါက်ရရှိမှုအားနည်းခဲ့ပြီး မွေးမြူမှုအရေအ တွက် လျော့ကျမှုရှိခဲ့သည်ကိုလည်း သိရှိရပါသည်။ ‌ဒေသတွင်းမွေးမြူရေးခြံများနှင့် ဒေသတွင်းနီးစပ်သည့် မွေးမြူရေးခြံများတွင် ဝယ်လိုအားများခဲ့ပြီး ခြံဖမ်းဈေးနှုန်းမြင့် တက်ခဲ့ပြီး လက်လီဈေးကွက်များတွင် ဈေးနှုန်းမြင့်တက်မှုကို တွေ့ရှိလာရပါသည်။

     ရန်ကုန်ငါးဒိုင်ဈေးနှုန်းအနေအထားအရ  ဒေသတွင်းငါးပွဲရုံများတွင် အကောင်လိုက်ဈေးနှုန်း (11000)ကျပ်မှ (12000)ကျပ်သို့မြင့်တက်ခဲ့ပါသည်။ ငါးအကောင်အရွယ်အစားကောင်းမွန်မှုကြောင့် သာ လက်လီဈေးနှုန်းတွင် (400) ကျပ်မြင့် တက်မှုသာရှိခဲ့သည်ဟု သိရှိရပါသည်။

DOCA(ပြည်ထောင်စုနယ်မြေ)

     တနင်္သာရီတိုင်းဒေသကြီး၊ မြိတ်မြို့၊   ဆိပ်ငယ်စည်ပင်သာယာဈေးနှင့် အခြားသောဈေး များတွင်   မိုးရာသီအတွင်း ငါး၊ပုဇွန်နှင့် ရေထွက်ပစ္စည်းများ အရောင်းသွက်လျက်ရှိကြောင်း သိရှိရပါသည်။ ၂၀၂၅ခုနှစ်  အောက်တိုဘာလတတိယပတ်အတွင်း ဖြစ်ပေါ်ခဲ့သည့်စျေးနှုန်းများမှာ ဘီးဇင်း(ငါးကေားရှပ်) တစ်ပိဿာလျှင် (၁၇၀၀၀)ကျပ်၊ ဇယောအကြီးတစ်ပိဿာလျှင် (၂၄၀၀၀) ကျပ်မှ အငယ်တစ်ပိဿာလျှင်(၁၈၀၀၀)ကျပ်၊   ငါးမုန့်ဖြူတစ်ပိဿာ လျှင်(၃၀၀၀ဝ)ကျပ်၊ ကုလားကုတ်တစ်ပိဿာလျှင် (၁၈၀၀ဝ)ကျပ်၊ ကပြုန်းတစ်ပိဿာလျှင် (၁၈၀၀၀)ကျပ်၊ ကပြေမ တစ်ပိဿာလျှင် (၁၂၀၀၀)ကျပ်၊ ပလာတူးတစ်ပိဿာလျှင်(၁၀၀၀၀)ကျပ်၊ ဖောင်ကင်းမွန် တစ်ပိဿာလျှင် (၂၅၀၀၀)ကျပ်၊ ခူတစ်ပိဿာလျှင် (၁၅၀၀၀)ကျပ်၊ ဟင်းချိုမ အသားသီးသန့် တစ်ပိဿာလျှင် (၂၀၀၀၀)ကျပ်၊ ဂဏာန်းမဲအကြီးတစ်ပိသာလျှင် (၁၀၀၀၀)ကျပ်မှ ဂဏာန်းမဲ အလတ်တစ်ပိဿာလျှင် (၆၀၀၀)ကျပ်၊ သဲဂဏာန်းတစ်ပိဿာလျှင် (၁၆၀၀၀)ကျပ်ရှိပြီး အခြား သောငါးဈေးနှုန်းများလည်း အသီးသီးရှိကြောင်း သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်မြို့ပေါ်ရှိဈေးအတွင်း အောက်တိုဘာလဒုတိယပတ်၌ ရောင်း ချလျက်ရှိသော အခြေခံစား သောက်ကုန်များဖြစ်သော ဖျာပုံပေါ်ဆန်း တစ်ပြည်လျှင် ၅၇၀၀ ကျပ်၊ ဧည့်မထဆန်တစ်ပြည်လျှင်၂၈၀၀ကျပ်၊ ကြက်သွန်နီတစ်ပိဿာလျှင်၂၃၀၀ကျပ်၊ ကြက်သွန်ဖြူ(ရှမ်း) တစ်ပိဿာလျှင် ၁၀၀၀၀ကျပ်၊ ကြူကုတ်တစ်ပိဿာလျှင် ၁၂၀၀၀ ကျပ်၊ ချင်း တစ်ပိဿာလျှင် ၇၀၀၀ကျပ်၊ ငရုတ်ခြောက်(အရှည်)တစ်ပိဿာလျှင် ၁၄၀၀၀ကျပ်၊ ငရုတ်ခြောက် (အပု)တစ်ပိဿာ လျှင် ၂၈၀၀၀ကျပ်၊ အာလူးတစ်ပိဿာလျှင် ၈၀၀၀ကျပ်၊ မန်ကျည်းသီးမှည့် အစေ့မပါ တစ်ပိဿာလျှင် ၁၀၀၀၀ ကျပ်၊သကြားတစ်ပိဿာလျှင် (၅၅၀၀)ကျပ်၊ ကြက်ဥတစ်လုံးလျှင် ၅၀၀ကျပ်နှင့် ဘဲဥတစ်လုံး လျှင် ၆၅၀ကျပ်တို့ အသီးသီး ရှိကြပါသည်။

     အခြေခံစားသောက်ကုန်များမှာ မြိတ်မြို့ပေါ်အတွင်း ရောင်းချလျက်ရှိသော အသား မွေးမြူရေးကြက်(စီပီ) ကြက်သားတစ်ပိဿာလျှင် ၂၄၀၀၀ ကျပ်၊ကြက်သား(ဒေသကြက်)တစ် ပိဿာလျှင် (၃၁၀၀၀)ကျပ်၊ ဆိတ်သားတစ်ပိဿာလျှင် ၃၉၀၀၀ ကျပ်၊ ဝက်သားတစ်ပိဿာလျှင် ၃၆၀၀၀ကျပ်၊ အမဲသားတစ်ပိဿာလျှင် ၂၆၀၀၀ကျပ် အသီးသီး ရောင်းဝယ်နေကြပြီး ဈေးနှုန်းများ တည်ငြိမ်နေကြောင်း သိရှိရပါသည်။

DOCA(တနင်္သာရီ)

      တနင်္သာရီတိုင်း၊ မြိတ်ခရိုင်သည် ပင်လယ်ကမ်းရိုးတန်းဒေသဖြစ်သည့်အလျောက် ငါး၊ ပုဇွန် များကို ဖမ်းဆီရမိလျက်ရှိပြီး ဒေသထွက်ကုန်အဖြစ် ပုဇွန်ချဉ်သည်လည်း ထင်ပေါ်ကျော်ကြားလျက်ရှိ သည်။ မြိတ်ခရိုင်တွင် ပုလော‌ဒေသမှ ထွက်ရှိသော ပုဇွန်ချဉ်သည် လူကြိုက်အများဆုံးဖြစ်သည်။ ခရီးသွားသူများနှင့် အလည်အပတ်သွားရောက်သူများက ဝယ်ယူလျက်ရှိကြပြီး အခြားဒေသများသို့ လည်းတင်ပို့ရောင်းချလျက်ရှိပါသည်။ ပုဇွန်ချဉ်ပြုလုပ်ရာတွင် ခေါင်းနှင့် ကျောဘက်မှ အမဲရောင် ပုဇွန်ဂျီးများ ဖယ်ရှားပေးရပြီး လိုအပ်သောဆားနှင့် ခပ်မာမာချက်ထားသောဆန်များဖြင့်လေလုံသော ဗူးတွင် ထည့်ကာ အပူချိန်မြင့်မြင့်ဖြင့်ထားရှိရပြီး နောက်၃ရက်ခန့်တွင် ပုဇွန်ချဉ်ရရှိကြောင်း သိရှိရပါ သည်။

    မြိတ်မြို့တွင် ၂၀၂၅ခုနှစ်၊ အောက်တိုဘာလစျေးနှုန်းအရ ပုဇွန်ချဉ်အငယ်တစ်ဗူးလျှင် ၈၀၀၀ ကျပ်နှင့် ဗူးကြီး တစ်ဗူးလျှင် ၂၇၀၀၀ကျပ်ရှိပြီး ရန်ကုန်နှင့် အခြေားဒေသသို့တင်ပို့လျက်ရှိကြောင်း သိရှိရပါသည်။

DOCA(တနင်္သာရီ)