ပြည်တွင်းကုန်သွယ်မှုသတင်း

   မြန်မာတို့၏ ဆယ့်နှစ်လရာသီပွဲတော်များတွင် သီတင်းကျွတ်မီးထွန်းပူဇော်ပွဲသည် အစည်း ကားဆုံးဖြစ်သည်။ ဘုရား၊ စေတီ၊ ပုထိုးကျောင်းကန်များ၊ လမ်းများ၊ အိမ်များတါင် ဆီမီးထွန်းညှိ ပူဇော်ကြပါသည်။ ခေတ်ကာလ တဖြည်းဖြည်းရွေ့လျောလာသောအခါ မီးထွန်းပွဲတော်များကို ပုံသဏ္ဌာန်အမျိုးမျိုးဖြင့် ပြောင်းလဲကျင်းပလာကြပါသည်။ သီတင်းကျွတ်အခါသမယမှာ ဆီးမီး မြိုင်မြိုင်ပူဇော်နိုင်ဖို့ ရောင်တော်စဉ်နဲ့ ထွန်းညှိဖို့ အထွန်းခံဖယောင်းတိုင် ကုန်ကြမ်းဈေးလေး အနည်းငယ်တက်သွားသည့်အတွက် ဖယောင်းတိုင် ဈေးလေးပါ အနည်းငယ်တက်သွားပေမဲ့ လူသုံး ကုန် ဈေးကွက်အတွင်း ဖယောင်းတိုင်များ ဈေးကောင်းနေပြီး ထုတ်လုပ်သည့်လုပ်ငန်းရှင်များလည်း ရောင်းအားတက်နေကြောင်း ဖယောင်းတိုင်လုပ်ငန်းလုပ်ငန်းရှင်များနှင့် ကုန်မျိုးစုံပစ္စည်းအရောင်း ဆိုင်ပိုင်ရှင်များထံမှ သိရှိရပါသည်။ ရောင်စုံဖယောင်းတိုင်အသေးတစ်ထုပ်လျှင် ယခင်က ကျပ် (၇၅၀) မှ ယခင် သီတင်းကျွတ် ကာလတွင် ရောင်စုံဖယောင်းတိုင် အသေးတစ်ထုပ်လျှင် ကျပ် (၉၀၀) ၊ အနီရောင်သတ်သတ်၊ အဝါရောင်သတ်၊ အဖြူရောင်သတ်သတ်၊ ရွှေရောင်၊ ငွေရောင်၊ အစိမ်းရောင်သတ်သတ်ချည်းပါသည့် (၂၁) ချောင်းပါ ဖယောင်းတိုင် တစ်ထုတ်လျှင် ကျပ် (၁၂၀၀)၊ ဓါတုဖယောင်းတိုင် အလတ် အချောင်း(၅၀) ပါတစ်ထုတ်လျှင် ကျပ် (၃၅၀၀)၊ ငါးချောင်းပါ ဖယောင်းတိုင်အလတ်အမျိုး အစားတစ်ထုတ်လျှင် ကျပ် (၁၅၀၀)၊ ငါးချောင်းပါ ဖယောင်းတိုင်အကြီး တစ်ထုတ်လျှင် ကျပ် (၂၅၀၀)၊ အလှရောင်စုံဖယောင်းတိုင်များမှာ ဒီဇိုင်းကိုလိုက်ပြီး အကြီး အသေး ဆိုဒ်ပေါ်မူတည်၍ အနည်းဈေးမှာ တစ်တိုင်လျှင် ကျပ် (၁၀၀၀) မှ ကျပ် (၁၀၀၀၀) အထိရှိပြီး ဘုရားဆီးမီး ပူဇော်မည့် သူများအနေဖြင့် စိတ်ကြိုက်ဝယ်ယူ ပူဇော်နိုင်ကြပါသည်။ လက်ရှိကာလ တွင် ဖယောင်းတိုင်မှာ ဝယ်လိုအားကောင်းနေပြီး ဈေးကွက်လိုအပ်ချက် မြင့်မားနေကြောင်း သိရှိရပါ သည်။ သီတင်းကျွတ်အတွက် ရောင်စုံဖယောင်းတိုင်ဈေးကွက်အနေဖြင့် ဈေးနှုန်းအနည်းငယ် မြှင့်တက်လာသော်လည်း အရောင်းအဝယ်သွက်လျက်ရှိကြောင်း သိရှိရပါသည်။

DOCA(ပဲခူး)

     မြန်မာနိုင်ငံစက်သုံးဆီတင်သွင်းသိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေး ကော်မတီ မှ တိုင်းဒေသကြီး၊ ပြည်နယ်အလိုက်  မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ်ထုတ်ပြန်ပေးလျက်ရှိပါသည်။

     ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်တွင် စက်သုံးဆီဆိုင်(၈)ဆိုင် ရှိရာ ၂၀၂၅ခုနှစ် ယခင်စက်တင်ဘာလ (ဒုတိယပတ်)တွင် ဖြစ်ပေါ်ခဲ့သော စက်သုံးဆီဈေးနှုန်းများမှာ ဓာတ်ဆီ(92) တစ်လီတာလျှင်(၂၉၆၄)ကျပ်၊ ဓာတ်ဆီ(95) တစ်လီတာ လျှင်(၃၀၃၄)ကျပ် ဒီဇယ်ရိုးရိုး တစ်လီတာ လျှင်(၂၆၁၄)ကျပ်၊ ဒီဇယ်(ပရီမီယမ်)တစ်လီတာလျှင် (၃၂၁၉)ကျပ် ဖြင့်ရောင်းချလျှက်ရှိ ကြောင်းသိရပါသည်။

        ယခု အောက်တိုဘာလ (ဒုတိယပတ်)တွင် ဖြစ်ပေါ်ခဲ့သော စက်သုံးဆီ ဈေးနှုန်းများမှာ ဓာတ်ဆီ(92) တစ်လီတာလျှင်(၂၇၆၃)ကျပ်၊ ဓာတ်ဆီ(95) တစ်လီတာ လျှင်(၂၈၃၉)ကျပ် ဒီဇယ်ရိုးရိုး တစ်လီတာ လျှင်(၂၅၄၄)ကျပ်၊ ဒီဇယ်(ပရီမီယမ်) တစ်လီတာလျှင် (၃၀၉၄)ကျပ် ဖြင့်ရောင်းချလျှက်ရှိ ကြောင်းသိရပါသည်။

         ယခုအပတ်နှင့် နှိုင်းယှဉ်ပါက ဓာတ်ဆီ (92)တစ်လီတာလျှင် (၂၀၁)ကျပ်၊ ဓာတ်ဆီ (95) တစ်လီတာလျှင် (၁၉၅)ကျပ် ၊ ဒီဇယ်ရိုးရိုးဈေးနှုန်းမှာ တစ်လီတာ (၇၀)ကျပ်၊ ဒီဇယ် (ပရီမီယမ်)  တစ်လီတာ လျှင်(၁၂၅)ကျပ် ဈေးကျသွားကြောင်း သိရပါသည်။

DOCA(ပဲခူး)

  ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် အနေဖြင့် မြို့နယ်များအပါအဝင် ၁၅တန်နှင့်အထက် ဆန်စက်အလုံးရေ (၄၈)လုံး ရှိပြီး စပါးကြိတ်ခွဲထွက်ရှိမှုမှ ဆန်များကို ရန်ကုန်တိုင်းဒေသကြီးသို့ အဓိကထား၍ တင်ပိုနေပြီး ရန်ကုန်မှတဆင့် အခြားဒေသများသို့ နေ့စဉ် ပုံမှန် (စီးထွက်) လျက်ရှိကြောင်း သိရသည်။

   ညောင်တုန်းမြို့နယ် ၂၀၂၅ ခုနှစ် စက်တင်ဘာလ ၁လအတွင်း ဆန်တင်ပို့မှုအနေဖြင့် ၁၃၆၅၅၀အိတ်၊ တန်အားဖြင့် ၆၈၂၇ တန်နှင့်  ဆန်ကွဲအနေဖြင့် ၄၂၂၉၂ အိတ်၊ တန်အားဖြင့်၂၁၁၀တန် တင်ပို့နိုင်ခဲ့ပြီး ယခင်လနှင့် တင်ပို့မှု အနေဖြင့် ဆန် ၁၁၃၂၅၀ အိတ် နှင့် တန်အားဖြင့်  ၅၆၆၀ တန်ကိုလည်းကောင်း၊ ဆန်ကွဲ ၃၃၅၁၀ အိတ်နှင့် တန်အားဖြင့်၁၆၇၅တန် တင်ပို့ခဲ့ကြောင်း ယခုလအနေဖြင့် ဆန်အိတ် ၂၃၃၀၀အိတ် ပိုမိုတင်ပိုခဲ့ကြောင်းနှင့်  ၈၇၈၂အိတ် ပိုမိုတင်ပို့နိုင်ခဲ့ကြောင်း ပန်းတိုင်စစ်ဆေးရေးဂိတ်စာရင်းများအရ သိရသည်။

DOCA(ဧရာဝတီ)

            ၂၀၂၅ ခုနှစ်၊ အောက်တိုဘာလ (၂၃) ရက်နေ့တွင် ဘုရင့်နောင်ကုန်စည်ဒိုင်သို့ ကြက်သွန်နီ ဝင်ရောက်ရာဒေသများဖြစ်သည့် ဆိပ်ဖြူ၊ မုံရွာဒေသတို့မှ ကြက်သွန်နီ (၇၂၂၀၀၀) ပိဿာဝင်ရောက် ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၂၈၈၈၀၀) ကျန်ရှိကြောင်း ကုန်စည်ဒိုင်သတင်းအရသိရှိရ သည်။ ဆိပ်ဖြူ ကြက်သွန်နီ (အသစ်) အချော တစ်ပိဿာ ကျပ် ၄၅၀၊ အသန့်မှာတစ်ပိဿာ ကျပ် ၁၀၀၀၊ အကြီးမှာ ကျပ် ၁၅၀၀၊ ရှယ်မှာ ကျပ် ၁၈၀၀၊ မုံရွာ ကြက်သွန်နီ(အသစ်)အချော တစ်ပိဿာ ကျပ် ၅၀၀၊ အသန့်မှာ တစ်ပိဿာ ကျပ် ၁၀၀၀ ၊ အကြီးမှာ ကျပ် ၁၄၅၀၊ ရှယ်မှာ ကျပ် ၁၈၀၀ ဈေးတို့အသီးသီးရှိကြောင်း စုံစမ်းသိရှိရပါ သည်။

          ယခုတစ်ပတ် ကြက်သွန်နီဈေးနှုန်းများမှာ ယခင်အပတ်အထက် ဈေးအနည်းငယ်ကျသွား ကြောင်းသိရှိရပါသည်။

  DOCA (ရန်ကုန်)

     ကျွန်းလှမြို့နယ်အတွင်းရှိ ကျေးရွာများတွင် စိုက်ပျိုးရေး နှင့် မွေးမြူရေးကို အဓိကထား လုပ်ကိုင် ကြရာ စားဖိုဆောင်သီးနှံတစ်ခုဖြစ်သည့် ဥစားပိန်းဥကို တစ်ပိုင်တစ်နိုင် နှင့် မိမိပိုင်နေအိမ်ဝင်းအတွင်းနှင့် ယာမြေများတွင်  စိုက်ပျိုးရောင်းချလျက်ရှိသော်လည်း အထွက်နည်းသည့်အတွက် ရွှေဘိုမြို့ ၊ မန္တလေးမြို့ တို့မှလည်း မှာယူရောင်းချကြောင်းသိရသည်။

    ၂၀၂ ၅ ခုနှစ်၊ အောက်တိုဘာလတတိယအပတ်တွင် ကျွန်းလှမြို့၊ သစ်ရာမြိုင်ဈေးအတွင်း ဖြစ်ပေါ် နေသော ဥစားပိန်းဥ ဈေးနှုန်းမှာ ဥစားပိန်းဥ တစ်ပိဿာလျှင်(၃၂၀၀)ကျပ်၊ ၅၀ကျပ်သားလျှင်(၁၆၀၀) ကျပ် နှင့် ၂၅ကျပ်သားလျှင်(၈၀၀)ကျပ် ဈေးနှုန်းများဖြင့် လည်းကောင်း အလားတူပင် ကန်ဇွန်းဥဈေးနှုန်းအနေဖြင့် ကန်ဇွန်းဥ တစ်ပိဿာလျှင်(၄၀၀၀)ကျပ်၊ (၅၀)ကျပ်သားလျှင်(၂၀၀၀)ကျပ် နှင့် (၂၅)ကျပ်သား လျှင်(၁၀၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး ကန်ဇွန်းဥ နှင့် ဥစားပိန်းဥကို ပဲတီဆံ၊ ကုလားပဲ တို့ဖြင့် ဟင်းချိုချက်၍လည်းကောင်း၊ ဥစားပိန်းဥကို ပြုတ်၍ ဆီ နှင့် ဆားနယ်ပြီး ရေနွေးကြမ်းဖြင့် စားသုံးကြသလို တာလပေါဟင်းချက်ရာတွင်လည်း အသုံးပြုကြသောကြောင့် လူကြီး/ လူငယ်အရွေး ကြိုက်နှစ်သက်သည့်အတွက် အရောင်းအဝယ်ဖြစ်နေကြောင်း ကုန်စိမ်းသီးနှံအစုံ ရောင်းချသူများ ထံမှ သိရပါသည်။

DOCA(စစ်ကိုင်း)