ပြည်တွင်းကုန်သွယ်မှုသတင်း

           ခေါင်းလောင်းပုံသဏ္ဍာန် အနီရောင်အသီးကို နှင်းသီးဟုခေါ်ကြသည်။ နှင်းသီးဟုဆိုသော်လည်း နှင်းကျသောဆောင်းရာသီတွင်သာ အသီးသီးခြင်းမဟုတ်ဘဲ ဆောင်အကုန်နွေအကူးနှင့် မိုးဦးကျချိန်တို့တွင်လည်း သီးလေ့ရှိသော ရာသီစာသီးနှံတစ်မျိုးဖြစ်သည်။ နှင်းသီးသည် ချိုမြမြအရသာရှိသည်။ အရည်ရွှမ်းသဖြင့် ရေငတ်လည်းပြေစေသည်။ စျေးနှုန်းသက်သာသဖြင့် နှင်းသီးပေါ်ချိန်ရောက်သောအခါ လူအများစုက ပန်းသီးအစားနှင်းသီးကိုသာ ရွေးချယ်စားကြသည်။ အခွံရဲရဲနီလေ ပိုချိုလေ ဖြစ်သည်။ အပေါ်ယံအခွံမာတင်းနေသော အသီးများက လတ်ဆတ်မှုရှိသဖြင့် အရည်ပိုရွမ်းသည်။ နှင်းသီးကို ပြည်တွင်း၌ သရေစာသစ်သီးအဖြစ် စားသုံးလေ့ရှိကြပြီး တခြားနိုင်ငံများ၌ နှင်းသီးကို အ ချိုရည်၊ ယို၊ ဂျယ်လီအဖြစ် ပြုလုပ်စားသုံးကြသည်။ ထားဝယ်ဒေသတွင် နှင်းသီးကို ဘုပျိုသီးဟု လည်းခေါ်ကြသည်။ ထားဝယ်မြို့နယ် သပြေချောင်းစျေးတွင် နှင်းသီးကို (၁၅)လုံးလျှင် (၁၀၀၀/-) ကျပ်ဖြင့်ရောင်းချနေကြောင်း သိရှိရပါသည်။

DOCA(တနင်္သာရီ)

          တနင်္သာရီတိုင်းဒေသကြီးအတွင်း စားသုံးရန်လိုအပ်လျက်ရှိသော စားဖိုဆောင်သုံးသီးနှံများကို မြန်မာနိုင်ငံအနှံ့အပြားမှ မှာယူတင်သွင်းလျက်ရှိရာ ယခုအပတ်တွင် ကော်ဖီထုပ်၊ ပန်းကော်ဖီနှင့် မန်ကျည်းသီးများ ဝင်ရောက်လျက်ရှိပါသည်။

          ယခုအပတ်တွင် ကော်ဖီထုပ်(၁)လုံး ၁၀၀ဝိ/-ခန့်မှ ၂၀၀ဝိ/-ခန့်အထိ လက်ကား ဈေးနှုန်း များဖြစ်ပေါ် လျက်ရှိပြီး  နေပြည်တော် တပ်ကုန်းမှ ထားဝယ်မြို့သို့အများဆုံး တိုက်ရိုက်တင်သွင်း လျက်ရှိရာ တစ်ရက်လျှင် အနည်းဆုံး(၆)ဘီးကား(၃)စီးခန့် ဝင်ရောက်လျက်ရှိပြီး ကော်ဖီထုပ်များမှာ ကားတစ်စီးလျှင် အလုံးရေ (၈၀၀)ကျော် ပါရှိသည်။ ကားတစ်စီးတွင် ကော်ဖီထုပ်များအပြင် ပန်းကော်ဖီ၊ မန်ကျည်းသီး၊ ခရမ်းသီး၊ ခရမ်းချဉ်သီးနှင့် မုန်ညှင်းထုပ်များလည်းပါရှိပါသည်။

          နေပြည်တော် တပ်ကုန်းမြို့မှ ထားဝယ်မြို့သို့ (၆)ဘီးကားတစ်စီးလျှင် တစ်ခေါက်အတွက် ငှါးရမ်းခ (၂၅)သိန်းခန့် ကုန်ကျစရိတ်ပေးချေရကြောင်း သိရှိရပါသည်။

DOCA(တနင်္သာရီ)

           ၂၀၂၅ ခုနှစ်၊ ဖေဖော်ဝါရီလ ၁၈ ရက်နေ့၊ နံနက်(၀၈း၃၀)နာရီအချိန်တွင် ထားဝယ်မြို့၊ အိမ်ရှေ့ပြင်ရပ်ကွက်၊ ရေးလမ်းရှိ ရတနာဦးယာဥ်ရပ်နားစခန်းသို့ မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ စီစဥ်မှုဖြင့် Kaung Hlyan New Asia Co,Ltd မှ တင်ပို့ရောင်းချသည့် စားအုန်းဆီ ၁ ပေပါ လျှင် ၁၁၀ ပိဿာပါ စားအုန်းဆီ (၉၀)ပေပါကို ယာဥ်မောင်းဦးသိန်းထွန်း ၊ယာဉ်အမှတ် 4A-7389/ Nissan Diesel မော်တော်ယာဥ်နှင့် အလားတူ (၀၉း၀၀) နာရီအချိန်တွင် အိမ်ရှေ့ပြင်ရပ်ကွက်၊ ရေးလမ်းရှိ ရွှေမြင့်မိုရ်ယာဥ်ရပ်နားစခန်းသို့ Yadanarbon Global Network Distribution Co,Ltd မှ စားအုန်းဆီ ၁ ပေပါလျှင် ၁၁၀ ပိဿာပါ စားအုန်းဆီ (၃၀)ပေပါကို ယာဥ်မောင်း ဦးထွန်းထွန်းမြင့် ယာဉ်အမှတ် 1I-6178/ FUSO မော်တော်ယာဥ်တို့ဖြင့်တင်ဆောင်၍ အသီးသီးရောက်ရှိ လာရာ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးမှ ဦးစီးအရာရှိ ဒေါ်အေးအေးလွင်နှင့်တာဝန်ရှိ သူများက သွားရောက်စစ်ဆေးခဲ့ကြောင်း၊ အဆိုပါ စားအုန်းဆီ စုစုပေါင်း (၁၂၀) ပေပါအား ကုမ္ပဏီ၏ လက်ကား အ​ရောင်းကိုယ်စားလှယ်မှ တစ်ဆင့် ထားဝယ်မြို့၊ အနောက်ရပ်၊ ဦးကျော်ရင်လမ်းရှိ ဦးစန်းအောင်၏ အောင်ပွဲရုံ ကုန်စုံဆိုင်အပါအဝင် လက်လီဆိုင် ၁၅ ဆိုင်မှတစ်ဆင့် သတ်မှတ်ရည်ညွှန်းစျေးအတိုင်း စားသုံးသူများအား ရောင်းချပေးသွားမည်ဖြစ်ကြောင်း သိရှိရပါသည်။

DOCA(တနင်္သာရီ)

ရွှေဘိုမြို့ရှိ ဈေးများတွင် ရာသီပေါ်သီးနှံများကို ရောင်းချလျက်ရှိရာ ယခုအချိန်တွင် ရာသီပေါ်ဟင်းသီးဟင်းရွက်များ ပေါများသည့်အတွက် အချို့ကို ကြော်စား၍သော်လည်းကောင်း၊ ရေရှည်စားရန်အတွက် အချဉ်တည်၍သော်လည်းကြောင်း ရောင်းချလျက်ရှိပါသည်။

ဖေဖော်ဝါရီလ၊ တတိယအပတ်တွင် ရွှေဘိုရှိဈေးများ၌ ရောင်းချသည် မုန်လာချဉ်ဈေးနှုန်းမှာ လဘက်ရည်အကြမ်းပန်းကန်းလုံး(၁)လုံးလျှင် (၅၀ဝိ/-)ကျပ်၊ အစိတ်သားလျှင် (၁၀၀ဝိ/-)ကျပ်၊ ပဲတီချဉ်ဈေးနှုန်းမှာ ပန်းကန်းလုံး(၁)လုံးလျှင် (၅၀ဝိ/-)ကျပ်၊ အစိတ်သားလျှင် (၁၂၀ဝိ/-)ကျပ်၊ မုန်ညှင်းချဉ်ဈေးနှုန်းမှာ ပန်းကန်းလုံး(၁)လုံးလျှင် (၃၀ဝိ/-)ကျပ်၊ အစိတ်သားလျှင် (၈၀ဝိ/-)ကျပ်ဖြင့် အရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

 နတ်တလင်းခရိုင်၊ နတ်တလင်းမြို့နယ်အတွင်းရှိ ရွာများတွင်   ငရုတ်၊  ကြက်သွန်၊ ပန်းဂေါ်ဖီ စသည့် သီးနှံမျိုးစုံကို  စိုက်ပျိုးသည့်အပြင်  စားဖိုဆောင်သီးနှံများကိုလည်း  တောင်သူဦးကြီးများသည် အပိုသီးနှံများအဖြစ်  ရာသီအလိုက်စိုက်ပျိုးကြပါသည်။  ပဲကြီးသီးနှံများကို   လယ်ကန်သင်းရိုးများတွင် အပိုဝင်ငွေတိုးစေရန်အလို့ငှာ  တစ်ပိုင်တစ်နိုင် စိုက်ပျိုးခဲ့ကြသည်။ ဘောင်စိုက်စနစ်ဖြင့် စိုက်ပျိုးပြီး တစ်ကျင်းတွင် သုံးစေ့သာထည့်ပြီးအစေ့သေးပါက  လေးစေ့ထည့်၍ စိုက်ပျိုးရကြောင်း ၊   ပဲကြီးသက်တမ်းမှာ (၅)လ(သို့မဟုတ်)  (၆)လအတွင်းရှိပါသည်။  ပဲကြီးအမျိုးအစားအပေါ်မူတည်၍    ရက်ကြာနိုင်ကြောင်း၊ ဇန်နဝါလနှင့် မတ်လများတွင် ခူးဆွတ်ကြပါသည်။        စိုက်ပျိုးပြီး  (၄)လကြာလျှင် အဖူးအပွင့်များ စတင်ဖူးပွင့်ပြီး အသီးအတောင့်များ ရင့်လာပါကခူးဆွတ်ရပါ သည်။  ရောင်းချရန်အတွက်      ရင့်မှည့်သော ပဲကြီးများကို  ခူးဆွတ်ပြီး အခွံခွာရပါ သည်။  ပဲကြီးသီးနှံအား ပဲကြော်ဖို လုပ်ငန်းသမားများက အဓိကထား၍ ဝယ်ယူသိုလှောင်ကြပါသည်။ ပဲကြီးသီးနှံအစိုသည်လည်း ဈေးများအတွင်း ရောင်းချမှုများရှိခဲ့ကာ ၂၀၂၅ခု၊  ဖေဖေါ်ဝါရီလ ဒုတိယပတ်တွင် တစ်ပိဿာလျှင် လက်ကား (၅၀၀၀) ကျပ်မှ (၅၅၀၀)ကျပ် လက်လီ (၁၀)သား (၇၀၀)ကျပ်ရောင်းချကြောင်းသိရပါသည်။ ယခင်နှစ်တွင် ပဲကြီးအခြောက် ပိဿာ (၂၀)တစ်တင်းလျှင် (၈၀၀၀၀) ကျပ်၊ ယခုနှစ်တွင် ပဲကြီးအခြောက်ပိဿာ(၂၀) တစ်တင်းလျှင် (၇၅၀၀၀) ကျပ်တို့ဖြစ် ပြီးပဲကြီးကိုဟင်းချိုချက်၍ သော်လည်းကောင်း၊    ပဲကြီးသနှပ်ချက်၍ သော်လည်း ကောင်း၊   ပဲကြော်ပဲလှော်ဖိုများကလည်း ကြော်လှော်ပြီးရောင်းချကြပါသည်။ ပဲဖူးကြော်များကို လက်ဖက်နှင့်တွဲ၍လည်း စားသုံး၍တောင်သူဦးကြီးများအနေဖြင့်လည်း   ဝင်ငွေတိုးသော ပဲကြီးကို တိုးချဲ့ စိုက်ပျိုးသင့်ပါကြောင်း ရေးသားတင်ပြအပ်ပါသည်။   

DOCA(ပဲခူး)