ပြည်တွင်းကုန်သွယ်မှုသတင်း

     ဧရာဝတီတိုင်းဒေသကြီးသည် စိုက်ပျိုးရေး၊ မွေးမြူရေး လုပ်ငန်းများနှင့် လယ်ယာထွက်ကုန် အခြေခံတန်ဖိုးမြင့်  စားသောက်ကုန်ချော ထုတ်လုပ်ငန်းများ မြှင့်တင်ဆောင်ရွက်ရေးလုပ်ငန်းများဖြင့် ဖွံ့ဖြိုး တိုးတက်သော တိုင်းတစ်တိုင်းဖြစ်သည်။ ဧရာဝတီသည် မြန်မာနိုင်ငံ၏ အဓိက စပါးကျီဟု ဆန်အိုးကြီးပမာ တင်စား ခေါ်ဝေါ်ရလောက်အောင် လယ်ယာထွက်ကုန် စပါးမျိုးကောင်း မျိုးသန့်များ စိုက်ပျိုးထွက်ရှိသည်။ ဧရာဝတီတိုင်းဒေသကြီး အတွင်းတွင် ခရိုင် ၅ခုရှိပြီး ပုသိမ်ခရိုင်၊ မအူပင်ခရိုင်၊ မြောင်းမြခရိုင်၊ ဟင်္သတခရိုင်၊ ဖျာပုံခရိုင်တို့ရှိပြီး ဒေသတွင်းစပါးကို အဓိကထားစိုက်ပျိုးကြသည်။ ဧရာဝတီခရိုင်အသီးသီးမှ ဆန်နှင့် ထွက်ရှိသော ဆန်ကွဲများကို ရန်ကုန်သို့ အဓိကထားတင်ပို့ပြီး ဆန်ကွဲကို ရန်ကုန် စက်မှုဇုန်ကြီးများသို့ တင်ပိုကြောင်း သိရသည်။

     မအူပင်ခရိုင်မှ ထွက်ရှိသော ဆန်များကို ၂၀၂၅ခုနှစ် ဇန်နဝါရီလ တင်ပို့မှုအနေဖြင့် ၂၆၄၆၄၃ အိတ်၊  တန်အားဖြင့် ၁၃၂၃၂ တန်ကိုလည်းကောင်း၊ ဖေဖော်ဝါရီလက ဆန် ၃၇၆၈၄၉အိတ်၊ တန်အားဖြင့် ၁၈၈၄၂တန်ကိုလည်းကောင်း၊ မတ်လ ဆန် ၅၂၃၉၂၀ အိတ်၊ တန်အားဖြင့် ၂၆၁၉၆တန်ကိုလည်းကောင်း၊ ဧပြီလ ဆန် ၁၀၈၀၅၂ အိတ်၊ တန်အားဖြင့် ၅၄၀၂တန်ကိုလည်းကောင်း၊ မေလ ဆန် ၂၃၀၆၃၈အိတ်၊ တန်အားဖြင့် ၁၁၅၃၂တန်ကိုလည်းကောင်း၊ ဇွန် ဆန် ၁၆၃၆၅၁အိတ်၊ တန်အားဖြင့် ၈၁၈၂တန်ကိုလည်းကောင်း၊ ဇူလိုင်လ ဆန် ၂၄၀၉၉၇အိတ်၊ တန်အားဖြင့် ၁၂၀၅၀တန်ကိုလည်းကောင်း၊ ဩဂုတ်လ ဆန် ၁၅၉၈၉၅အိတ်၊ တန်အားဖြင့် ၇၉၉၅ တန်ကိုလည်းကောင်း၊ စက်တင်ဘာလက ဆန် ၁၇၆၇၈၅အိတ်၊ တန်အားဖြင့် ၈၈၃၉တန်ကိုလည်းကောင်း တင်ပို့ခဲ့ကြောင်း သိရသည်။

     ဧရာဝတီတိုင်းဒေသကြီး၊ မအူပင်ခရိုင်ဒေသထွက် ဆန်များကို တင်ပို့ရာတွင် သီလဝါဆိပ်ကမ်း၊သံလျင်မြို့၊ ဆူးလေဆိပ်ကမ်း ပန်းပဲတန်းမြို့၊ Asiaworld ဆိပ်ကမ်းအလုံမြို့၊ ဇုန်-၂ ရွှေပြည်သာမြို့၊ ကျိုက်ဝိုင်းဈေး မရမ်းကုန်းမြို့၊ ကားကြီးဝန်း ဘုရင့်နောင်မြို့၊ ဇုန်-၃ လှိုင်သာယာမြို့၊ ယုဇန ၂လမ်း၊ ဘုရင့်နောင်မြို့၊ ၁ရပ်ကွက်မရမ်းကုန်းမြို့၊ ကျိုက်ဝိုင်းဈေး၊ မရမ်းကုန်းမြို့၊ ပဲခူးဈေးကြီး၊ ပဲခူးမြို့၊ သုဇနလမ်း၊ ထောက့်မြို့၊ ရွှေလင်ပန်းစက်မှုဇုန်လှိုင်သာယာမြို့၊ ပိတောက်လမ်း ဘုရင့်နောင်၊ AWPT ဆိတ်ကမ်းအလုံမြို့ တို့သို့ တင့်လျက်ရှိကြောင်း သိရှိရပါသည်။

     အခြားမြို့နယ်ဆန်များကို ဇန်နဝါရီလက ၄၁၁၀၁၂ အိတ်၊ ဖေဖော်ဝါရီလက ၄၀၂၅၂၂အိတ်၊  မတ်လ ၃၆၄၄၁၇အိတ်၊ ဧပြီလ ၁၇၇၇၄၇အိတ်၊ မေလ ၂၇၈၀၁၀အိတ်၊ ဇွန်လ ၂၀၇၉၂၂ အိတ်၊ ဇူလိုင် ၃၀၆၂၉၁အိတ်၊ ဩဂုတ်လ ၁၀၉၄၉၀အိတ်၊ စက်တင်ဘာလ ၁၈၈၂၀၀အိတ်ကို တင်ပို့ကြောင်း သိရသည်။

     မအူပင်ခရိုင်မှ ထွက်ရှိသော ဆန်ကွဲ များကို ၂၀၂၅ခုနှစ် ဇန်နဝါရီလ တင်ပို့မှုအနေဖြင့် ၁၂၅၃၅၉ အိတ်၊  တန်အားဖြင့် ၆၂၆၈ တန်ကိုလည်းကောင်း၊ ဖေဖော်ဝါရီလက ဆန် ၁၀၇၆၃၉ အိတ်၊ တန်အားဖြင့် ၅၃၈၁ တန်ကိုလည်းကောင်း၊ မတ်လ ဆန် ၈၃၁၃၀ အိတ်၊ တန်အားဖြင့် ၄၁၅၆ တန်ကိုလည်းကောင်း၊ ဧပြီလ ဆန် ၄၆၃၈၁ အိတ်၊ တန်အားဖြင့် ၂၃၁၉ တန်ကိုလည်းကောင်း၊ မေလ ဆန် ၇၈၇၅၄အိတ်၊ တန်အားဖြင့် ၃၉၃၈ တန်ကိုလည်းကောင်း၊ ဇွန် ဆန် ၈၄၆၅၈ အိတ်၊ တန်အားဖြင့် ၄၂၃၃ တန်ကိုလည်းကောင်း၊ ဇူလိုင်လ ဆန် ၆၁၅၄၀အိတ်၊ တန်အားဖြင့် ၃၀၇၇ တန်ကိုလည်းကောင်း၊ ဩဂုတ်လ ဆန် ၄၉၈၉၀ အိတ်၊ တန်အားဖြင့် ၂၄၉၅ တန်ကိုလည်းကောင်း၊ စက်တင်ဘာလက ဆန် ၆၃၂၇၃ အိတ်၊ တန်အားဖြင့် ၃၁၆၄ တန်ကိုလည်းကောင်း တင်ပို့ခဲ့ကြောင်း သိရသည်။

    အခြားမြို့နယ်ဆန်များကို ဇန်နဝါရီလက ၁၅၆၀၀၆ အိတ်၊ ဖေဖော်ဝါရီလက ၁၄၅၄၅၀ အိတ်၊  မတ်လ ၁၃၄၃၀၀ အိတ်၊ ဧပြီလ ၅၁၄၃၉ အိတ်၊ မေလ ၇၃၄၉၉ အိတ်၊ ဇွန်လ ၈၁၈၁၈ အိတ်၊ ဇူလိုင်  ၇၂၂၄၀ အိတ်၊ ဩဂုတ်လ ၅၁၉၂၅ အိတ်၊ စက်တင်ဘာလ  ၇၃၂၅၀ အိတ်ကို တင်ပို့ကြောင်း သိရသည်။

     ဆန်ကွဲ များကို ရန်ကုန်သို့အဓိကထား တင်ပို့ပြီး ရန်ကုန် ဘုရင့်နောင်၊ ရွှေပြည်သာ၊ ဆူးလေ၊ လှိုင်သာယာ ပွဲရုံ၊ မရမ်းကုန်းပွဲရုံ၊ အလုံဆိပ်ကမ်း အလုံမြို့ ၊ ရန်ကုန်စက်မှုဇုန်များနှင့် ပဲခူးမြို့ တို့ကိုသာ နေ့စဉ်စီးထွက်ကြောင်း သိရသည်။

       စပါးဈေးနှုန်းအနေဖြင့် ၂၀၂၅ခုနှစ် အောက်တိုဘာလ စတုတ္ထပါတ် ပေါ်ဆန်း စပါး (၅၀)ပေါင် တင်း ၁၀၀ ကွင်းဈေး ၂၆၂၀၀၀၀ကျပ်၊ မြို့ဈေး ၂၆၅၀၀၀၀ကျပ်၊ ပေါ်ဆန်း ၄၆ပေါင် တင်း၁၀၀ ကွင်းဈေး ၂၄၀၀၀၀၀ကျပ်၊ မြို့ဈေး ၂၄၃၈၀၀၀ကျပ်၊ ပေါ်ဆန်း ဆန် (၁၀၈)ပေါင် တစ်အိတ် လတ်စ ၁၁၅၀၀၀ကျပ်၊ ထိပ်စ ၁၂၀၀၀ကျပ်၊ ဆင်းသုခ စပါး(၅၀)ပေါင် တင်း ၁၀၀ဈေး ၁၃၇၀၀၀၀ကျပ်၊ မြို့ဈေး ၁၄၀၀၀၀၀ကျပ်၊ ဆင်းသုခ စပါး(၄၆)ပေါင် တင်း ၁၀၀ ကွင်းဈေး ၁၂၆၀၄၀၀ကျပ်၊ မြို့ဈေး ၁၂၈၈၀၀၀ကျပ်၊  ဆင်းသုခဆန် (၁၀၈)ပေါင် တစ်အိတ်ဈေး လတ်စ ၄၉၀၀၀၊ ထိပ်စ ၅၅၀၀၀ကျပ်၊ GW-11 စပါး(၅၀) ပေါင် တင်း၁၀၀ ကွင်းဈေး၁၃၀၀၀၀၀ကျပ်၊ မြို့ဈေး ၁၃၅၀၀၀၀ကျပ်၊ GW-11 စပါး(၄၆)ပေါင် တင်း၁၀၀ ၁၁၆၈၄၀၀ ကျပ်၊ မြို့ဈေး ၁၁၉၆၀၀၀ကျပ်၊ GW-11 ဆန်အိတ် (၁၀၈)ပေါင် တစ်အိတ် လတ်စ ၄၈၀၀၀ကျပ်၊ ထိပ်စ ၄၉၀၀၀ကျပ်ဈေးရှိကြောင်း ဈေးကွက်အတွင်းမှ သိရသည်။

DOCA(ဧရာဝတီ)

 အပူပိုင်းဒေသဖြစ်သာ မြင်းခြံခရိုင်သည် ဆည်ရေသောက် အသင့်တင့်ရှိ၍ ပဲမျိုးစုံ၊ ပြောင်း၊ မြေပဲ၊ ဆီထွက်သီးနှံနှင့် ကြက်သွန်နီများစိုက်ပျိုးလျက်ရှိရာ ပဲစဉ်ငုံ(မိုးဦး) သီးနှံကိုလည်း စိုက်ပျိုး ထားရှိကြောင်းသိရှိရသည်။ ၂၀၂၅-၂၀၂၆ ခုနှစ်၊ ဘဏ္ဍာနှစ်တွင် မြင်းခြံခရိုင်ချုပ်အနေဖြင့် စိုက်ပျိုးထားရှိသော ပဲစဉ်းငုံ(မိုးဦး) စိုက်ဧကပေါင်း (၁၀၂၁၆၅) ဧက စိုက်ပျိုး ထားရှိကြောင်း ခရိုင် ကြေးတိုင်နှင့် မြေစာရင်းဦးစီးဌာန၏ စာရင်းများအရသိရှိရသည်။ မြို့နယ် များအနေဖြင့် စိုက်ပျိုး ထားရှိမှုမှာ မြင်းခြံမြို့နယ်တွင် (၆၀၀၃)ဧက၊                   တောင်သာမြို့နယ်တွင် (၁၈၃၆၁) ဧက၊ နွားထိုးကြီး မြို့နယ်တွင် (၇၇၈၀၁)ဧကစိုက်ပျိုးထားရှိကြောင်း၊ (၂၇၂၆)ဧက ပဲစဉ်းငုံသီးနှံကို ‌မေလနှင့် ဇွန်လ တို့တွင် စတင်စိုက်ပျိုးပြီး ဖေဖော်ဝါရီလနှင့် မတ်လတို့တွင် ရိတ်သိမ်းထွက် ပေါ်ကြောင်း၊ တစ်ဧက ကုန်ကျ စရိတ်အနေဖြင့် (၃၇၀၀၀၀) ကျပ်ခန့်ကုန်ကျကြောင်း၊  သက်ကြီးရွှေဒင်္ဂါးမျိုး များကို  စိုက်ပျိုးကြကြောင်း၊ ယခင်နှစ်ထွက်ပေါ်ချိန် ပဲစဉ်းငုံအနီတစ်တင်းလျှင် (၁၀၇၅၀၀) ကျပ်ပေါက် ဈေးများရှိကြောင်း၊ အထွက်နှုန်းအနေဖြင့်(၁၀)တင်းခန့် ထွက်ရှိကြောင်း၊ တစ်ဧကအကျိုး အမြတ်အနေဖြင့်(၇၀၅၀၀၀) ကျပ်ရရှိခဲ့ကြောင်း၊ ယခုလက်ရှိ မြင်းခြံဈေးကွက်၌ ဖြစ်ပေါ်နေသော ၂၀၂၅ခုနှစ်၊ အောက်တိုဘာလတတိယပတ်တွင် ပဲစဉ်းငုံနီတစ်တင်းလျှင် (၈၁၀၀၀) ကျပ်၊ အဖြူတစ်တင်းလျှင် (၇၆၀၀၀) ပေါက်ဈေးများဖြင့် အရောင်းအဝယ် ဖြစ်လျက်ရှိကြောင်း၊ ပဲစဉ်းငုံများလှိုင်လှိုင်ထွက်ပေါ်ချိန်တွင် တောင်သူများကိုယ်တိုင် မြို့ပေါ်ရှိပွဲရုံများသို့ လာ‌ရောက်ရောင်း ချကြောင်း၊ ၎င်းပွဲရုံများမှတဆင့် မန္တလေးမြို့နှင့် ရန်ကုန်မြို့သို့တင်ပို့ရောင်းချကြောင်း၊ မိုးကို မျှော်ပြီးစိုက်ပျိုးရသော သီးနှံဖြစ်သောကြောင့် ရာသီဥတုကောင်းမွန်ပါက အထွက်နှုန်းပိုမိုထွက် ရှိနိုင်မည်ဖြစ်ကြောင်း၊ ထွက်ပေါ်ချိန်တွင် ဈေးကောင်းပါကအကျိုးအမြတ် ပိုမိုရရှိနိုင်မည်ဖြစ်ကြောင်း ပဲစဉ်ငုံစိုက်တောင်သူတစ်ဦး၏ ပြောပြချက်အရသိရှိရသည်။

DOCA (မန္တလေး)

‌

          မြင်းခြံမြို့နယ်သည် ဧရာဝတီမြစ်၏ အရှေ့ဘက်ကမ်းတွင်တည်ရှိပြီး ပဲမျိုးစုံ၊ ဆီထွက်သီးနှံ၊ ပြောင်း၊ ထန်းလုပ်ငန်းစသည့် လယ်ယာစိုက်ပျိုးရေး လုပ်ငန်းများလုပ်ကိုင်လျက်ရှိရာ မိုးငရုတ် များကိုလည်းစိုက်ပျိုးထားကြောင်း၊  မိုးငရုတ်ကို မေလနှင့် ဇွန်လ တို့တွင် စတင်စိုက်ပျိုးပြီး၊ အောက်တိုဘာနှင့် နိုဝင်ဘာလတို့တွင် ရိတ်သိမ်းမည်ဖြစ်ကြောင်း၊ စိုက်ပျိုးချိန်မှ ရိတ်သိမ်းချိန် ကာအထိ (၄) လခန့်ကြာမြင့်ကြောင်းသိရှိရသည်။

            ၂၀၂၅-၂၀၂၆ ခုနှစ်၊ မြင်းခြံမြို့နယ်တွင်  မိုးငရုတ်စိုက်ဧကပေါင်း (၇၆) ဧကစိုက်ပျိုးထားရှိ ကြောင်း မြို့နယ်ကြေးတိုင်နှင့်မြေစာရင်းဦးစီးဌာန၏ စာရင်းများအရသိရှိရသည်။ မိုးငရုတ်များကို နဘူးအိုင်ရွာ၊ တလုပ်ရွာ၊ တောပုရွာ၊ အနိမ့်ရွာနှင့် ပတ္တာကျေးရွာများတွင် စိုက်ပျိုးထားကြောင်း သိရှိရသည်။ ယခင်နှစ်တစ်ဧက အထွက်နှုန်းအနေဖြင့် (၄၀၃) ပိဿာခန့်ထွက်ရှိကြောင်း၊ ဈေးကွက် တင်ပို့မှုအနေဖြင့် မြင်းခြံမြို့ရှိ ပွဲရုံများနှင့် မန္တလေးမြို့သို့ တင်ပို့ရောင်းချကြောင်း သိရှိရသည်။ ၂၀၂၅ခုနှစ်၊ အောက်တိုဘာလ တတိယပတ်တွင် ငရုတ်သီးစိမ်း  ၂၅ ကျပ်သားလျှင် (၁၀၀၀)ကျပ်၊ တစ်ပိသာလျှင် (‌၃၅၀၀) ကျပ်ပေါက်ဈေးများဖြင့်ရောင်းချကြောင်း၊ ယခင်စက်တင်ဘာလ တတိယပတ်နှင့်နှိုင်းယှဉ်ပါက ယခုလတွင် ငရုတ်သီးစိမ်းတစ်ပိဿာလျှင် (၁၀၀၀) ကျပ်ခန့်ဈေးနှုန်း ကျဆင်းခြင်းဖြစ်ကြောင်း၊ ယခုအချိန်တွင် မြင်းခြံဈေးကွက်သို့ ပုပ္ပါးမြို့၊ ကျောက်ဆည်မြို့နှင့် မြစ်သားမြို့တို့မှထွက်ရှိသော ငရုတ်သီး စိမ်းဝင်ရောက်လာသောကြောင့် ဈေးနှုန်းကျဆင်းခြင်း ဖြစ်ကြောင်း၊ ဈေးကွက် တင်ပို့မှုအနေဖြင့် မြင်းခြံမြို့ရှိပွဲရုံများနှင့် မန္တလေးမြို့သို့ တင်ပို့ရောင်းချကြောင်း သိရှိရသည်။

DOCA (မန္တလေး)

            မြင်းခြံမြို့ရှိ မြို့နေလူထုနှင့် ကျေးရွာများတွင် မိသားစုစားဝတ်နေရေးအတွက် သံပုရာသီးများ ကိုအချဉ်တည်ပြီး Value added ထုတ်ကုန်အဖြစ် ပြုပြင်ပြောင်းလဲပြီး သံပုရာသီးသနပ်များကို ဈေးကွက်အတွင်း ဖြန့်ဖြူးရောင်းချလျက် ရှိကြောင်းသိရှိရသည်။ အေးမြသီတာဈေးနှင့် စံပြဈေးများတွင် ၂၀၂၅ခုနှစ်၊ အောက်တိုဘာလတတိယပတ်၌ ‌ရောင်းချ နေသော သံပုရာသီးသနပ် လက်ကားဈေး တစ်ပိဿာလျှင်(၅၅၀၀)ကျပ်၊ လက်လီဈေး ၂၅ကျပ်သားလျှင် (၁၅၀၀)ကျပ်ခန့်ပေါက် ဈေးများဖြင့် ရောင်းချရကြောင်း၊ ဈေးနှုန်းအတက်အကျမရှိဘဲ ယခင်စက်တင်ဘာလဈေးနှုန်းများအတိုင်း ရောင်းချ လျက်ရှိကြောင်း၊ ရဟန်းရှင်လူ သားသတ်လွတ်သမားများ စားသုံးမှုများ၍ အရောင်းအဝယ် ကောင်းကြောင်း၊ နေ့စဉ် Value added ထုတ်ကုန်ဖြစ်သော သံပုရာသီးသနပ် လက်လီ၊ လက်ကားရောင်းချရမှုအနေဖြင့် (၇-၁၀)ပိဿာ ခန့်‌ရောင်းချရကြောင်း၊ ‌ဒေသထွက်သံပုရာသီးများ ဖြစ်သောကြောင့် ဈေးနှုန်းချိုသာကြောင်း၊ ပိုလျှံသောသံပုရာသီးများကို Value added ထုတ်ကုန်အဖြစ်ထုတ်လုပ်ပြီးရောင်းချသောကြောင့် သံပုရာသီးသနပ်များဈေးနှုန်းချိုသာစွာ ဝယ်ယူ စားသုံးရကြောင်း၊ သံပုရာသီး သနပ်ထုတ်လုပ်‌ရာတွင် ဆား၊ ဆီ၊ ကြက်သွန်ဖြူ၊ ငရုတ်သီးမှုန့်၊ သကြားနည်းနည်း၊ မဆာလာ စသည်တို့နှင့် ရောစပ်ကာပြုလုပ်ရကြောင်း၊ မြန်မာ့သံပုရာသီးသနပ်သည် ထမင်းမြိန်၍ အာဟာရပြည့်ဝပြီး စားသုံးမှုများသောကြောင့် အရောင်းအဝယ်ကောင်းကြောင်း သံပုရာသီးသနပ် ပြုလုပ်ရောင်းချသူ၏ ပြောပြချက်အရသိရှိရသည်။

DOCA (မန္တလေး)

   မြင်းခြံမြို့၊ အေးမြသီတာဈေး၌ ရာသီပေါ်ဟင်းသီးဟင်းရွက်နှင့် အသီးအနှံမျိုးစုံရောင်း ဝယ်လျက်ရှိရာ မိုးထောပတ်ပဲအစိုများကိုလည်း ရောင်းချလျက်ရှိကြောင်းသိရှိရသည်။ ရာသီပေါ် မိုးထောပတ်ပဲအစိုများကို ပုပ္ပါးမြို့မှတင်သွင်းပြီး ဒေသတွင်းဖြန့်ဖြူးရောင်းချကြောင်း၊ ၂၀၂၅ခုနှစ်၊ အောက်တိုဘာလ ဒုတိယပတ်တွင် မိုးထောပတ်ပဲအစို နို့ဆီတစ်ဗူးလျှင် (၁၀၀၀)ကျပ်၊ တစ်ပြည်လျှင် (၇၅၀၀) ကျပ်ခန့်ပေါက်ဈေးများဖြင့်ရောင်းချလျက်ရှိကြောင်း၊ ယခင်စက်တင်ဘာလ ဒုတိယပတ်တွင် မိုးထောပတ်ပဲ ပေါ်ဦးပေါ်ဖျားနို့ဆီတစ်ဗူးလျှင် (၁၅၀၀) ကျပ်၊ တစ်ပြည်လျှင် (၁၁၅၀၀) ကျပ်ခန့်ပေါက်ဈေးများဖြင့် ရောင်းချခဲ့ကြောင်း၊ ကာလတူနှိုင်းယှဉ်ပါက ယခုလတွင် ယခင်လ ထက် မိုးထောပတ်ပဲ(အစို) နို့ဆီတစ်ဗူးလျှင် (၅၀၀)ကျပ်ခန့်၊ တစ်ပြည်လျှင် (၄၀၀၀) ကျပ်ခန့်ဈေးနှုန်း များကျဆင်းခဲ့ကြောင်း၊ ရာသီပေါ်ကာလဖြစ်ပြီး မိုးထောပတ်ပဲများပေါများစွာ ထွက်ပေါ်လာပြီ ဖြစ်သောကြောင့် ဈေးနှုန်းများကျဆင်း ခြင်းဖြစ်ကြောင်း၊ မိုးထောပတ်ပဲအစို များသည် ဟင်းလျာအဖြစ် စားသုံးမှုများပြီး အရာင်းအဝယ်ကောင်းကြောင်း၊ ရောင်းချမှုအနေဖြင့် နေ့စဉ်ကုန်ချိန် (၁၀-၁၅) ပြည်ခန့်ရောင်းကုန်ကြောင်း ကုန်စိမ်းရောင်းချသူ၏ ပြောပြချက်အရ သိရှိရသည်။

DOCA(မန္တလေး)