ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့၊ အောင်ဟိတ်ကျေးရွာ တွင် ရာသီပေါ်သီးနှံများကို စိုက်ပျိုး ရောင်းချလျက်ရှိရာ လယ်တောနှင့် အိမ်ခြံနောက်ဘက် အစပ်မြေလွန်များပေါ်တွင် မြို့ပျက်ခရမ်း(ခေါ်) ခရမ်းခဆော့သီးအပင်များ ပေါများစွာပေါက်ရောက်လျက်ရှိသည်။  သဘာဝပေါက်ပင်မှ တဆင့် တိုးချဲ့၍ တစ်ပိုင်တစ်နိုင် နည်းစနစ်တကျ စိုက်ပျိုးပြုစုကြောင်း သိရသည်။

        မအူပင်မြို့နယ်၊ အောင်ဟိတ်ကျေးရွာတွင် စိုက်ပျိုးထားသော ခရမ်းခဆော့သီးများသည် ကုန်ကျစရတ်နည်းပါးပြီး ထွက်ရှိလာသော အသီးများကို ကျေးရွာမှ မြို့ပေါ် ဘုရားပန်းရောင်းသူများထံ တို့စရာသီးနှံတစ်ခုအဖြစ် ရောင်းချကြရာ နှစ်စဉ် အပိုဝင်ငွေ ရလျက်ရှိသည်။ ၂၀၂၅  ခုနှစ်၊ အောက်တိုဘာလ စတုတ္ထပတ်အတွင်း ကုန်စိမ်းရောင်းချ သူများထံ  ခဆော့သီးများကို လက်ကား ဈေးနှုန်းများမှာ ၄ခိုင်လျှင် ၃၀၀ကျပ်ဖြင့်ရောင်းချပြီး သုံးလအတွင်း ခရမ်းခဆော့စီး အစီးရေ ၂၅၀၀အထိ ရရှိကြောင်း၊  လက်လီ ဈေးအနေဖြင့် ၁စီးလျှင် ၅၀၀ကျပ် ဈေးကွက်အတွင်းရောင်းချရကြောင်း ကျေးရွာမှ စိုက်ပျိုးသူများအနေဖြင့် ၃လအတွင်း ၇၅၀၀၀၀ကျပ် အကျိုးအမြတ်ရရှိပြီး ကုန်စိမ်းရောင်းချသူများမှလည်း အကျိုးအမြတ် ၃လအတွင်း ၅သိန်းကျပ် ရရှိသဖြင့် သဘာဝအပင်သီးနှံမှ နှစ်စဉ် အပိုဝင်‌ငွေ ရရှိပြီး ခရမ်း ခဆော့သီးပင်သည် ကုန်ကျစရိတ်သက်သာ၍ စိုက်ပျိုးသင့်သော အပင်တစ်မျိုးဖြစ်ကြောင်း၊ ခရမ်းကစော့သီးမှာ ဗီတာမင် C ကြွယ်ဝစွာပါဝင်နေပြီး ခန္ဓာကိုယ်မှာ ဗီတာမင် C ချို့တဲ့မှုကြောင့်ဖြစ်စေနိုင်တဲ့ ကျန်းမာရေးပြဿနာတွေကို အထိရောက်ဆုံးကာကွယ်ပေးနိုင်ကြောင်း သိရသည်။

DOCA(ဧရာဝတီ)

          ပြည်တွင်းစားဆီကြိတ်ခွဲမှုနှင့်ပြည်ပသို့တင်ပို့သည့်နှမ်းအား မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ်တွင် စိုက်ပျိုးမှု ၁၁၀၅၈၀၁ ဧက၊ရိတ်သိမ်းမှု ၁၀၂၃၁၁၀ ဧက၊ အထွက် နှုန်း ၅.၄၀ တင်းနှင့် အထွက်စုစုပေါင်း ၅၅၂၃၅၀၃ တင်းဖြစ်ကြောင်း သိရပါသည်။  မန္တလေးပွဲစား၊ ကုန်သည် စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်အောက်တိုဘာလတတိယပတ်အတွင်း နှမ်း အမျိုးအစားအလိုက်ပေါက်စျေးများမှာ ၃တင်းဝင်အိတ် (၄၅ပိဿာပါ) တစ်အိတ်လျှင် နှမ်းဖြူ (ဂျပန်) ၃၀၅၀၀၀ကျပ်နှင့် ၃၁၅၀၀၀ကျပ်၊နှမ်းညို(သစ်) ၂၆၅၀၀၀ ကျပ်နှင့် ၂၇၅၀၀၀ ကျပ်၊ တစ်ပိဿာ စျေး မှာ နှမ်းဖြူ(ဂျပန်)၆၇၇၈ကျပ်နှင့် ၇၀၀၀ ကျပ်၊နှမ်းညို(သစ်) ၅၈၈၉ ကျပ်နှင့် ၆၁၁၁ ကျပ်စျေးတို့ ဖြစ်ပေါ် လျက်ရှိကြောင်းသိရပါသည်။ ယခင်နှစ် ကာလတူ ပေါက်စျေးမှာ တစ်ပိဿာလျှင်  နှမ်းဖြူ(ရိုးရိုး) ၈၃၃၃ ကျပ်နှင့် ၈၅၅၅ ကျပ်၊ နှမ်းညို ၆၀၀၀ ကျပ်နှင့် ၆၃၃၃ ကျပ်တို့ဖြစ်ပေါ်ခဲ့ပြီး၊ ယခုနှစ် နှင့်ယခင်နှစ် ကာလတူ စျေးနှိုင်းယှဉ်ပါက နှမ်းစျေးမှာ အနည်းငယ်ကျ ဆင်းသွားကြောင်း သိရပါသည်။

DOCA(မန္တလေး)

           စျေးကွက်အတွင်းသို့ မန္တလေးတိုင်းဒေသကြီး၊မိုးကုတ်မြို့နယ်နှင့် ရှမ်းပြည်နယ်မြောက်ပိုင်း တို့မှထွက်သည့် သစ်အယ်သီးများ အောက်တိုဘာလတတိယပတ်အတွင်း ဝင်ရောက်မှုများပြား လျက် ရှိပြီး၊ အရောင်းသွက်လျက်ရှိကြောင်း သိရှိရပါသည်။ စျေးကွက်အတွင်း သစ်အယ်သီးအား အစိမ်း အတိုင်း ပြည်ချိန် (သို့မဟုတ်)ကီလိုဂရမ်ချိန်၍ ရောင်းချခြင်း၊ လှော်၍ အသင့်စားအစာအဖြစ် ရောင်းချခြင်းတို့တွေ့ ရှိရပါသည်။ မန္တလေးစျေးကွက်တွင် ၂၀၂၅ ခုနှစ်အောက်တိုဘာလတတိယပတ် အတွင်း သစ်အယ်သီးလက်လီစျေးနှုန်းများမှာ ၁ ပြည်လျှင် (လုံးကြီး) ၃၀၀၀၀ ကျပ်နှင့် ၄၂၀၀၀ ကျပ်၊ (လုံးလတ်) ၂၅၀၀၀ ကျပ်နှင့်၃၀၀၀၀ကျပ်၊(လုံးသေး) ၁၈၀၀၀ကျပ်နှင့် ၂၃၀၀၀ကျပ်စျေးဖြင့် ရောင်းချလျှက်ရှိကြောင်း သိရှိရပါသည်။ မန္တလေးမြို့၊ရှမ်းစျေးရှိစျေးသည်တစ်ဦး၏ပြောပြချက်အရ ယခင်နှစ် ပေါက်စျေးနှင့်နှိုင်းယှဉ် ပါက သစ်အယ်သီး ၁ ပြည်လျှင် ၄၀၀၀ ကျပ်နှင့် ၈၀၀၀ ကျပ်အထိ စျေးနှုန်းမြင့်တက်သွားကြောင်း သိရှိရပါသည်။

DOCA(မန္တလေး)

  မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ မြို့ပတ်ဝန်း ကျင်ရှိ ပန်းတော်ပြင်၊ ဥယျာဉ်၊ မယ်ဇလီကျေးရွာများမှ ထွက်ရှိသည့် ရာသီစာကီလိုမာလကာသီးများ ဝင်ရောက်အရောင်းအဝယ်ဖြစ်လျက်ရှိကြောင်း သိရသည်။

    ၂၀၂၅ ခုနှစ်၊ အောက်တိုဘာလ(စတုတ္ထပတ်)တွင် ကီလိုမာလကာသီး(၁)လုံးလျှင် (အလုံး အကြီးအသေးအလိုက်)ကျပ်(၇၀၀-၁၀၀၀)ဖြင့် အရောင်းအဝယ်ဖြစ်လျက်ရှိကြောင်း သိရသည်။ အောက်တိုဘာလဆန်းမှစတင်၍ ဇေယျာသီရိဈေးသို့ စတင်ဝင်ရောက်ခဲ့ပြီး ယခု(စတုတ္ထပတ်)အထိ ဈေးနှုန်းပြောင်းလဲမှုမရှိကြောင်း၊ ပေါ်ဦးပေါ်စချိန်ဖြစ်သည့်အတွက်ဈေးကောင်းသော်လည်း အရောင်း အဝယ်မှာသွက်လျက်ရှိကြောင်း သိရှိရပါသည်။

DOCA(မကွေး)

   မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေး၌ မြို့ပတ်ဝန်း ကျင်ရှိ ညောင်ပင်သာ၊ ဥယျာဉ်၊ မယ်ဇလီတောကျေးရွာများမှ ထွက်ရှိသည့် သစ္စာပန်းများသည် ၂၀၂၅ခုနှစ် အောက်တိုဘာလ(တတိယပတ်)မှ စတင်၍ ဝင်ရောက်အရောင်းအဝယ် ဖြစ်လျက်ရှိ ကြောင်း သိရသည်။

   ၂၀၂၅  ခုနှစ်၊ အောက်တိုဘာလ(စတုတ္ထပတ်)တွင် သစ္စာပန်း(၃)ခက်ပါ(၁)စီးလျှင် ကျပ် (၄၀၀)ဖြင့် ရောင်းချလျက်ရှိပြီး (တတိယပတ်)တွင်ပေါ်စအချိန်အတိုင်း ဈေးနှုန်းပြောင်းလဲမှု မရှိပဲ အရောင်းအဝယ်ဖြစ်လျက်ရှိကြောင်း၊ ပေါ်ဦးပေါ်ဖျားဖြစ်သည့်အတွက် အရောင်းအဝယ်သွက်ပြီး ဈေး ကောင်းလျက်ရှိကြောင်း သိရှိရပါသည်။

DOCA(မကွေး)