ပြည်တွင်းကုန်သွယ်မှုသတင်း

     ပန်းစျေးကွက်သို့ မန္တလေးတိုင်းဒေသကြီးရှိ အမရပူရခရိုင်၊ပြင်ဦးလွင်ခရိုင်၊ကျောက်ဆည်ခရိုင်နှင့်မိတ္တီလာခရိုင်တို့မှထွက်သည့်ပန်းများ၊ စစ်ကိုင်းတိုင်းဒေသကြီးနှင့်ရှမ်းပြည်နယ်၊ တောင်ကြီး ဒေသတို့မှထွက်သည့်ပန်းတိမ်ငိုပန်းများ ဝင်ရောက်မှုများပြားလျက်ရှိပြီး၊ အရောင်းသွက်လျှက်ရှိ ကြောင်း သိရှိရပါသည်။  ပန်းတိမ်ငိုပန်းများမှာ အဖြူရောင်၊ ဆင်စွယ်ရောင်၊ ခရမ်းရောင်နှင့် မရမ်း ရောင်အစီးများ တွေ့ရှိရပြီး၊ ဆင်စွယ်ရောင်ပန်းမှာ ဝယ်ယူသူများ ပိုမိုနှစ်သက်ကြောင်း သိရှိရပါ သည်။ ၂၀၂၅ခုနှစ်အောက်တိုဘာလတတိယပတ်အတွင်း ဖြစ်ပေါ်သည့်လက်လီစျေးနှုန်းများမှာ ပန်းတိမ် ပန်း(၁၀ခက်ပါ) ၁ စီးလျှင်ပန်းအခက်(ကြီး)  ၃၀၀၀ကျပ်နှင့် ၃၅၀၀ကျပ်၊ ပန်းအခက်(သေး) ၂၀၀၀ကျပ်နှင့်၂၅၀၀ကျပ်စျေးတို့ဖြင့်ရောင်းချပြီး၊ ပန်းအခက်အကြီးအသေးအပေါ်မူတည်၍စျေးကွာ ခြားမှုရှိကြောင်းသိရှိရပါသည်။ ဝါတွင်းကာလဘုရားပွဲနှင့် အလှူပွဲတော်များ ကျင်းပသည့် အချိန်ဖြစ် ၍ ပန်းတိမ်ပန်းမှာ  မန္တလေးစျေးကွက်အတွင်း ဝယ်ယူမှုများပြားလျက်ရှိကြောင်း သိရှိရပါသည်။

DOCA(မန္တလေး)

  မြန်မာနိုင်ငံတွင် ငှက်ပျောသီးအမျိုးအမည်များစွာရှိသည့်အနက် သီးမွှေးငှက်ပျောသီးသည်လည်း လူကြိုက်များပြီး စားသုံးမှုများသော ငှက်ပျောသီးမျိုးကွဲတစ်ခုဖြစ်သည်။ နာမည်နှင့်လိုက်ဖက်အောင် မွှေးပျံ့သောရနံ့ရှိသောကြောင့် သီးမွှေးဟုခေါ်ဆိုခြင်းလည်းဖြစ်ကာ အသီးအရွယ်အစားသည် အလယ် အလတ်ရှိပြီး ရင့်မှည့်လာသောအခါ အရသာအလွန်ချိုမွှေးပါသည်။ သီးမွှေးငှက်ပျောကို မြန်မာနိုင်ငံရှိ နေရာဒေသအနှံ့အပြားတွင် စိုက်ပျိုးကြသော်လည်း ကချင်ပြည်နယ်နှင့်ရှမ်းပြည်နယ်၊ မြောက်ပိုင်းတို့တွင် အဓိကစိုက်ပျိုးပြီး တရုတ် နိုင်ငံသို့ စီးပွားဖြစ်တင်ပို့ရောင်းချလျက်ရှိပါသည်။

   တောင်ငူမြို့နယ်၊ ညောင်ပင်လေးဈေးထဲတွင် ရာသီပေါ်သီးနှံများရောင်းချလျက်ရှိရာ ငှက်ပျောသီး အရောင်းဆိုင်များတွင် သီးမွှေးငှက်ပျောသီး အသေး၊ အလတ်၊ အကြီးအရွယ်အစားအလိုက် ၂၅၀၀-၃၀၀၀-၃၅၀၀ ကျပ်အထိဈေးနှုန်းအမျိုးမျိုးရှိပြီး ရှမ်းပြည်မြောက်ပိုင်းမှ သယ်ယူရောင်းချ လျက်ရှိကြောင်း သိရသည်။

DOCA(ပဲခူး)

        မန္တလေးစျေးကွက်သို့ မန္တလေးတိုင်းဒေသကြီးရှိ အမရပူရခရိုင်၊ပြင်ဦးလွင်ခရိုင်၊ကျောက်ဆည် ခရိုင်နှင့်မိတ္တီလာခရိုင်တို့မှထွက်သည့်အသီးများနှင့်စစ်ကိုင်းတိုင်းဒေသကြီးတို့ မှထွက်သည့်ဇီးဖြူသီး များ   ဝင်ရောက်မှုများပြားလျက်ရှိပြီး၊   အရောင်းသွက်လျက်ရှိကြောင်းသိရှိရပါသည်။  ၂၀၂၅ ခုနှစ် အောက်တိုဘာလတတိယပတ်အတွင်း ဖြစ်ပေါ်သည့် စျေးနှုန်းများမှာ  ဇီးဖြူသီး ၁၀လုံးလျှင် အလုံး (ကြီး) ၁၃၀၀ကျပ်နှင့်၁၅၀၀ကျပ်၊အလုံး(လတ်)  ၁၀၀၀ ကျပ်နှင့် ၁၂၀၀ကျပ်၊ အလုံး(သေး) ၇၀၀ ကျပ် နှင့် ၉၀၀ကျပ်စျေးတို့ဖြစ်ပြီး၊အလုံးအရွယ်အစားအပေါ်မူတည်၍စျေးအနည်းငယ်ကွာခြားမှုရှိကြောင်း  သိရှိရပါသည်။ ဇီးဖြူသီးမှာအချဉ်သုတ်၍ရောင်းချသူများမှ သုံးစွဲမှုများပြားသည့် အတွက်အရောင်း သွက်လျက်ရှိကြောင်း ထနောင်းပင်စျေးရှိ ကုန်စိမ်းရောင်းချသူ တစ်ဦး၏ပြောပြ ချက်အရသိရှိရပါသည်။

DOCA(မန္တလေး)

  ကရင်ပြည်နယ်၊ သံတောင်ကြီးမြို့နယ်မှ ဒေသခံပြည်သူများသည် မိသားစုတစ်နိုင်တစ်ပိုင် စီးပွားရေးလုပ်ငန်းများစွာ လုပ်ကိုင်လျက်ရှိပြီး ဒေသထွက်ကုန်အများအပြားထုတ်လုပ်လျက်ရှိပါသည်။ သံတောင်ကြီးမြို့သည် အအေးပိုင်းတောင်ပေါ်ဒေသဖြစ်ပြီး ကော်ဖီ၊ လက်ဖက်၊ ဖာလာ၊ ဒူးရင်းသီး၊ ငှက်ပျောသီး စသည် တို့ကိုစိုက်ပျိုးကြပြီး လုပ်ငန်းများစွာရှိသည့်အနက် ပျားရည် ငှက်ပျောခြောက် လုပ်ငန်းသည်လည်း လူသိများပြီး နာမည်ကျော်ကြားသော စားသောက်ကုန်လုပ်ငန်းတစ်ခုဖြစ်ပါသည်။

   ပျားရည်ငှက်ပျောခြောက်ပြုလုပ်ရန် ဒေသခံထုတ်လုပ်သူများသည် သဘာဝပျားရည်စစ်စစ်ကိုသာ အသုံးပြုပြီး ရင့်မှည့်ပြီးမပျော့လွန်းသောဖီးကြမ်းငှက်ပျောသီးကိုအသုံးပြုကာ ငှက်ပျောသီးများကို အခွံနွှာပြီး သံပုရာရည် သို့မဟုတ် ရှောက်ရည်အနည်းငယ်ရောထားသောရေဖြင့် ခဏတာ စိမ်ထား ပေးကာ ငှက်ပျောသီးများကို အရှည်လိုက်ထက်ခြမ်းခွဲပြီး လှီးဖြတ်ထားပေးပါသည်။ လှီးဖြတ်ထားသော ငှက်ပျောသီးများကို ပျားရည် သုတ်လိမ်းပေးပြီး ခြောက်သွေ့သောဝါးဖျာပေါ်၌ ဖြန့်ခင်းထားကာ ၃ ရက် မှ ၅ ရက်ခန့်အထိ ‌နေပူလှန်းပေးရပါသည်။ နေပူလှန်းနေစဉ်အတွင်း ငှက်ပျောခြောက်များ အညီအမျှ ခြောက်စေရန် မကြာခဏလှန်ပေးကာ စေးပိုင်ပြီးအတော်အသင့်မာသော အနေအထားရောက်လျှင် နေပူလှန်းခြင်းကိုရပ်လိုက်ပြီး ငှက်ပျောသီးခြောက် များကို အအေးခံပြီးနောက် လေလုံဘူး သို့မဟုတ် ပလတ်စတစ်အိတ်ထဲသိမ်းဆည်းထားရပါသည်။

    သဘာဝပျားရည်စစ်စစ်နှင့်အရည်အသွေးကောင်းမွန်သော ငှက်ပျောသီးကို အသုံးပြုပြီး ဒေသ ထွက်ကုန် တစ်ခုအနေဖြင့် ပျားရည်ငှက်ပျောခြောက်ကို ထုတ်လုပ်ရောင်းချခြင်းကြောင့် အရသာမှာ ချိုမြိန်ပြီး စားကောင်းလှပါသည်။ ပျားရည်ငှက်ပျောခြောက်ကို သံတောင်ကြီးဒေသသို့ လာရောက် လည်ပတ်သော ခရီးသွားဧည့်သည် များသို့ လက်ဆောင်ပစ္စည်းအဖြစ်ရောင်းချခြင်း၊ အနယ်နယ် အရပ်ရပ်သို့ ဖြန့်ဖြူးရောင်းချခြင်းတို့ကြောင့် ပျားရည်ငှက်ပျောခြောက်ထုတ်ကုန်သည် လူသိများလာပြီး နာမည်ရလျက်ရှိနေပါသည်။

DOCA(ပဲခူး)

          မန္တလေးစျေးကွက်သို့ မန္တလေးတိုင်းဒေသကြီးရှိ အမရပူရခရိုင်၊ပြင်ဦးလွင်ခရိုင်၊ကျောက်ဆည် ခရိုင်နှင့်မိတ္တီလာခရိုင်တို့မှထွက်သည့်အသီးများ၊စစ်ကိုင်းတိုင်းဒေသကြီးနှင့် ရှမ်းပြည်နယ်တို့ မှ ထွက် သည့်မာလကာသီးများဝင်ရောက်မှုများပြားလျက်ရှိပြီး၊အရောင်းသွက်လျက်ရှိကြောင်းသိရှိရပါသည်။  ၂၀၂၅ ခုနှစ်အောက်တိုဘာလတတိယပတ်အတွင်း ဖြစ်ပေါ်သည့်စျေးနှုန်းများမှာ မာလကာသီး ၁ လုံး လျှင် အလုံး(ကြီး) ၂၅၀၀ ကျပ်နှင့် ၃၀၀၀ကျပ်၊   အလုံး(လတ်)  ၁၅၀၀ ကျပ် နှင့် ၂၀၀၀ ကျပ်၊ အလုံး (သေး)၁၀၀၀ ကျပ်နှင့် ၁၃၀၀ ကျပ်စျေးတို့ ဖြင့် ရောင်းချပြီး၊ ဝါတွင်းကာလဘုရားပွဲတော်များ၊ အလှူ ပွဲများကျင်းပသည့်ရာသီချိန်ဖြစ်၍မာလကာသီးများစျေးကွက်အတွင်းအရောင်းသွက်လျှက်ရှိကြောင်း မြင်းတန်းစျေးရှိ  သစ်သီးရောင်းချသူတစ်ဦး၏ပြောပြချက်အရ သိရှိရပါသည်။

DOCA(မန္တလေး)