ပြည်တွင်းကုန်သွယ်မှုသတင်း

        မန္တလေးစျေးကွက်သို့ ပဲသီးမျိုးစုံဝင်ရောက်လျက်ရှိပြီး၊ ပဲဇီးကွက်မှာ  ပြည်တွင်းစားသုံးမှု များပြားသည့် ပဲတစ်မျိုးဖြစ်ကြောင်း သိရပါသည်။ ပဲဇီးကွက်မှာ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးနှင့် မကွေးတိုင်းဒေသကြီးတို့တွင် စိုက်ပျိုးမှုများပြီး၊ မန္တလေးတိုင်းဒေသကြီးအတွင်း  ၂၀၂၄- ၂၀၂၅ ခုနှစ်တွင် ပဲဇီးကွက်အပါအဝင် ပဲမျိုးစုံစိုက်ပျိုးမှု   ၁၀၁၉၄၇၇ဧကဖြစ်ကြောင်း သိရှိရပါသည်။   

        မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင်  ၂၀၂၅ခုနှစ် နိုဝင်ဘာလစတုတ္ထ ပတ်အတွင်းဖြစ်ပေါ်သည့် ပေါက်စျေးမှာ ပဲဇီးကွက်(ဗမာ) ၃တင်းဝင်တစ်အိတ်လျှင်၄၅၀၀၀၀ ကျပ်နှင့် ၄၆၀၀၀၀ကျပ်၊တစ်ပိဿာလျှင် ၇၇၂၅ကျပ်နှင့် ၇၈၉၇ ကျပ်တို့ဖြစ်ကြောင်း သိရှိရပါသည်။ ယခင်နှစ် ကာလတူပေါက်ဈေးမှာ ၃တင်း ဝင်တစ်အိတ်လျှင်၂၉၀၀၀၀ကျပ်နှင့် ၃၀၀၀၀၀ကျပ်၊ တစ်ပိဿာလျှင် ၄၉၇၉ကျပ်နှင့် ၅၁၅၀ကျပ်ဖြစ်ပြီး၊ ယခုနှစ်နှင့်ယခင်နှစ် ကာလတူ ပေါက်စျေးနှိုင်းယှဉ်ချက် မန္တလေးစျေးကွက်တွင် ပဲဇီးကွက်စျေးပိုမိုရရှိကြောင်း သိရှိရပါသည်။

DOCA(မန္တလေး)

       မန္တလေးပဲမျိုးစုံစျေးကွက်သို့ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်တို့မှ ထွက်သည့်ပဲစင်းငုံသီးနှံများ ဝင်ရောက်လျက်ရှိကြောင်း သိရပါသည်။ ပဲစင်းငုံမှာ ပြည်တွင်းစားသုံးမှုနည်းပြီး ပြည်ပသို့တင်ပို့ရောင်းချသည့် ပဲတစ်မျိုးဖြစ်ပါသည်။ မန္တလေးတိုင်းဒေသကြီးတွင် ပဲမျိုးစုံစိုက်ပျိုးမှုများပြားပြီး၊ ၃၁.၁.၂၀၂၅ ရက်နေ့အထိ ၂၀၂၄-၂၀၂၅ ခုနှစ် ပဲစင်းငုံသီးနှံ စိုက်ပျိုးမှု(၃၈၀၀၇၇)ဧက၊ ရိတ်သိမ်း(၃၁၁၀၀၇)ဧက၊ အထွက်နှုန်း (၉.၃၃)တင်းနှင့် အထွက် (၂၉၀၁၃၃၃)တင်းဖြစ်ကြောင်း သိရပါတယ်။ မန္တလေးပွဲစား၊ကုန်သည်၊ စက်ပိုင်များမဟာကထိန်တော်အသင်းတွင် ၂၀၂၅ ခုနှစ်နိုဝင်ဘာလစတုတ္ထပတ်အတွင်း ဖြစ်ပေါ်လျက်ရှိသောပေါက်စျေးမှာ ၃တင်းဝင် တစ်အိတ်လျှင်ပဲစင်းငုံ(နီ) ၂၄၃၀၀၀ကျပ်၊ပဲစင်းငုံ(ဖြူ)၂၂၅၀၀၀ကျပ်နှင့်၂၂၈၀၀၀ကျပ်၊ တစ်ပိဿာ ပေါက်စျေးမှာ ပဲစင်းငုံ (နီ)၄၀၅၀ကျပ်၊ ပဲစင်းငုံ(ဖြူ)၃၇၅၀ကျပ်နှင့် ၃၈၀၀ကျပ်တို့ဖြစ်ကြောင်း သိရှိရပါသည်။ ယခင်နှစ်ကာလတူပေါက်စျေးမှာ ၃တင်းဝင်တစ်အိတ်လျှင် ပဲစင်းငုံ(နီ)၄၆၀၀၀၀ကျပ်၊ တစ် ပိဿာစျေးမှာပဲစင်းငုံ(နီ)၇၆၆၇ကျပ်ပြီး၊ ယခင်နှစ်စျေးနှင့်ယခုနှစ်နှိုင်းယှဉ်ပါက ပဲစင်းငုံသီးနှံပေါက် စျေးမှာ လျော့နည်းသွားကြောင်း တွေ့ရှိရပါသည်။

DOCA(မန္တလေး)

            မြင်းခြံမြို့၊အေးမြသီတာဈေး၌ ဟင်းသီးဟင်းရွက်မျိုးစုံ ရောင်းချလျက်ရှိသည့်အနက် စားဖိုဆောင်သီးနှံဖြစ်သော ချဉ်ပေါင်ဖူးသီးနှံများကိုလည်း ‌ရောင်းချလျက်ရှိကြောင်း၊ ၂၀၂၅ခုနှစ်၊ နိုဝင်ဘာလ၌ ချဉ်ပေါင်ဖူး ၂၅ ကျပ်သားလျှင်(၁၅၀၀)ကျပ်ခန့် ပေါက်ဈေးများဖြင့် ရောင်းချ လျက်ရှိကြောင်း၊ ရာသီပေါ်ဖြစ်၍ စားသုံးမှုများပြားပြီး အရောင်းအဝယ်ဖြစ်လျက် ရှိကြောင်း၊ ချဉ်ပေါင်ဖူးသည် အာဟာရကြွယ်ဝပြီး ကိုယ်ခံအားကိုမြှင့်တင်ပေးခြင်း၊ ကိုလက်စထရော နှင့် သွေးတွင်းအဆီများကျစေပြီး တုပ်ကွေးနှင့်အအေးမိရောဂါကိုကာကွယ်ပေးကြောင်း၊ ဗီတာမင်စီကြွယ်ဝသောကြောင့် အသားအရေကြည်လင်ဝင်းပကြောင်း၊ စားသုံးမှုအနေဖြင့် ချဉ်ပေါင် ဖူးကိုမြေပဲထောင်း၊ ပဲကျက်မှုံ၊ဆီချက်တို့ဖြင့် သုပ်စားခြင်း၊ ပုစွန်တို့ဖြင့်ကြော်ချက်စားခြင်း၊ ထောင်းစားခြင်း၊ ချဉ်ပေါင်ဖူးဖျော်ရည်ခြင်း၊ ဟင်းရည်ချက်ခြင်းနှင့်  ရေနွေးကြမ်းအနေဖြင့်လည်းသုံးဆောင်နိုင်ကြောင်း အမျိုးမျိုးပြုလုပ်စားသုံးကြသောကြောင့် ဈေးကွက်တစ်ခုအဖြစ် ရောင်းဝယ်လျက်ရှိသည်။

DOCA(မန္တလေး)

               မက္ကာ‌ဒေးမီးယားစေ့သည် အခွံမာမာလေးနဲ့အတွင်းမှာ အဖြူဆံလေးပါ၍  စားရသည်မှာချိုချို ဆိမ့်ဆိမ့်လေးနှင့် ချောကလက်ထဲမှာ ပါလေ့ရှိသလိုစားလို့လည်း တော်တော်လေး အရသာရှိပြီး ကျန်းမာစေကြောင်း၊ နို့ထဲမှာရောကြိတ်ပြီး သောက်ကြသလို နို့နှင့်စိမ်ပြီးလည်း သောက်ပေး ကြကြောင်း၊ အခွံ၏အရောင်မှာ အစိမ်းရောင်ဖြစ်ပြီး အတွင်ဆံ‌ကအဖြူရောင် ဖြစ်ကြောင်း၊ မီးအေးအေးဖြင့်လှော်လိုက်ပါက အခွံလေးကချောကလက်လေးလို အညိုရောင်သန်းသည့် အရောင် ဖြစ်သွားပြီး အာဟာရဓာတ်တွေကို ပြည့်ပြည့်ဝဝရရှိကြောင်း၊ စားလိုက်ရင် ချိုစိမ့်စိမ့်လေးနဲ့ အရသာ ရှိကြောင်းသိရှိရသည်။ ပရိုတင်းဓာတ်၊ ဗီတာမင်အီး၊ သကြားဓာတ်၊ အမျှင်ဓာတ်နှင့် အဆီဓာတ် များပါဝင်ကြောင်း၊ ပြည့်ဝဆီကြွယ်ဝသောကြောင့် အသင့်အတင့် စားသုံးပါက  နှလုံးကျန်းမာစေသလို သွေးတွင်က အကျိုးမပြုသော ကိုလက်စထရောတွေကို ကျဆင်းစေပြီး နှလုံးသွေးကြော ကျဉ်းစေကြောင်း၊ အဆာခံနိုင်ပြီး အစားအစားချင်စိတ် ခဏခဏမဖြစ်အောင် လုပ်ဆောင်ပေးသလို ကိုယ်အလေးချိန်ကို ထိန်းညှိပေး၍ ဝိတ်ချချင်သူများအတွက်လည်း သင့်တင့်သောပမာဏကို စားသုံးခြင်းဖြင့် ကျန်းမာရေနှင့်ညီညွတ်သော ဓာတ်စာ တစ်မျိုးဖြစ်ကြောင်း၊ သွေးတွင်းသကြားဓာတ်ကို ထိန်းညှိပေးသောကြောင့် ဆီးချိုရှိသူများအတွက် အထူးသင့်တော်ပြီး အမျှင်ဓာတ်ပါဝင်သောကြောင့် ဝမ်းမချုပ်ခြင်းကိုကာကွယ်ပေးကြောင်း၊ မက္ကာဒေးမီးယားစေ့တွင် ဗီတာမင်အီးပါဝင်သောကြောင့် နေ့စဉ်စားသုံးမှုတွင် သင့်တင်သောပမာဏ ပါဝင်အောင်စားသုံးခြင်းဖြင့်  ကင်ဆာရောဂါကို ကာကွယ်ကြောင်း၊ မပြည့်ဝဆီကြွယ်ဝသောကြောင့် သင့်တင့်စွာစားသုံးခြင်းဖြင့် သွေးတွင်းမှ အကျိုးမပြုသော ကိုလက်စထ‌ရောတွေကို ကျဆင်းစေပြီး နှလုံးသွေးကြောကျဉ်းရောဂါကိုကာကွယ်ပေး၍ နှလုံးကို ကျန်းမာစေကြောင်း စာပေများမှ ဖတ်ရှု့သိရှိရသည်။

DOCA(မန္တလေး)

         ပြည်တွင်းစားသုံးမှုများပြားခြင်းနှင့် ပြည်ပတင်ပို့သည့်ပဲပုတ်မှာ အရောင်းသွက်လျက်ရှိပြီး၊ မန္တလေးတိုင်းဒေသကြီးအတွင်း၂၀၂၄-၂၀၂၅ခုနှစ်တွင်ပဲပုတ်အပါအဝင်ပဲမျိုးစုံစိုက်ပျိုးမှု ၁၀၁၉၄၇၇ ဧက ဖြစ်ကြောင်း သိရှိရပါသည်။ မန္တလေးပွဲစား၊ ကုန်သည်၊ စက်ပိုင်များ မဟာကထိန်တော်အသင်း တွင်၂၀၂၅ ခုနှစ်နိုဝင်ဘာလစတုတ္ထပတ်အတွင်း ပေါက်စျေးမှာ ၃တင်းဝင်တစ်အိတ်လျှင် ပဲပုတ် (ရှမ်း) ၂၈၅၀၀၀ကျပ်နှင့်၂၉၅၀၀၀ကျပ်၊ ပဲပုတ်(ဗမာ)၃၂၀၀၀၀ကျပ်နှင့် ၃၃၀၀၀၀ကျပ်၊ ပဲပုတ်(စက်ပဲ)၂၇၅၀၀၀ ကျပ်နှင့် ၂၈၅၀၀၀ ကျပ်၊တစ်ပိဿာပေါက်စျေးမှာ ပဲပုတ်(ရှမ်း) ၅၃၅၂ကျပ်နှင့် ၅၅၄၀ကျပ်၊ ပဲပုတ် (ဗမာ) ၆၀၀၉ကျပ်နှင့် ၆၁၉၇ ကျပ်၊ ပဲပုတ်(စက်ပဲ)၅၁၆၄ကျပ်နှင့် ၅၃၅၂ကျပ် တို့ဖြစ်ကြောင်း သိရှိရပါသည်။ ယခင်နှစ်ကာလတူ တစ်ပိဿာစျေးမှာ ပဲပုတ်(ရှမ်း)၆၅၇၃ကျပ်နှင့် ၇၇၀၀ ကျပ်၊ ပဲပုတ် (ဗမာ)၉၀၁၄ကျပ်၊ ပဲပုတ် (စက်ပဲ) ၅၆၃၄ကျပ်နှင့် ၆၁၉၇ကျပ်တို့ဖြစ်ကြောင်း သိရှိရပါသည်။ ယခုနှင့် ယခင်နှစ်ကာလတူ ပေါက်စျေးနှိုင်းယှဉ်ပါကပဲပုတ်စျေးမှာ အနည်းငယ်ကျဆင်းသွားကြောင်း သိရှိရပါသည်။

DOCA(မန္တလေး)