ပြည်တွင်းကုန်သွယ်မှုသတင်း

စစ်ကိုင်းတိုင်းဒေသကြီး၊ ကန့်ဘလူမြို့ “မြို့မဈေး”သည် နေ့စဉ်ဈေးရောင်းသူများ၊ ဈေးဝယ် သူများနှင့်စည်ကားလျက်ရှိပြီး ရာသီပေါ်သီးနှံများ၊ ဒေသထွက်ကုန်များအပြင် အခြားဒေသမှဝင် ရောက်သည့် လူသုံးကုန်နှင့် စားသောက်ကုန်ပစ္စည်းများ ရောင်းချလျက်ရှိကြောင်း ၊ ယခုအခါ ကန့်ဘလူမြို့မဈေးတွင် ရာသီပေါ်ဂွေးတောက်ရွက်များ ရောင်းချလျက်ရှိကြောင်း သိရသည်။

 ၂၀၂၅ ခုနှစ်၊ မေလ ပထမပတ်အတွင်း ကန့်ဘလူမြို့မဈေးတွင် ရောင်းချနေသည့်  ဂွေးတောက်ရွက်ဈေးနှုန်းမှာ လက္ကား(၁)ပိဿာလျှင် (၄၀၀၀)ကျပ်၊ လက်လီ(၁)ပိဿာလျှင်(၄၃၀၀) ကျပ်၊ (၁၀)ကျပ်သားလျှင်(၄၅၀)ကျပ်ဖြင့် ရောင်းချကြောင်း၊ ဂွေးတောက်ရွက်များကို ကန့်ဘလူမြို့ ပေါ်၊ နတ်ပေးကျေးရွာနှင့် အခြားသောကျေးရွာများမှ ဝင်ရောက်လျက်ရှိပြီး စားသောက်ဆိုင်များ၊ အိမ်ရှင်မများမှ ဝယ်ယူလျက်ရှိကြောင်း ကုန်စိမ်းရောင်းချသည့် လုပ်ငန်းရှင်များထံမှ သိရသည်။

DOCA(စစ်ကိုင်း)

     ငါးဖောင်ရိုးငါးသည် နှုတ်သီးချွန်ချွန်၊ အရောင်ကြည်ကြည်နဲ့ ပိန်သွယ်သွယ်ငါးမျိုးဖြစ်သော် လည်း အသားမှာတော့ မာမာလေးဖြစ်ပါသည်။ ငါးဖောင်ရိုးဟုခေါ်သော်လည်း ထိုငါးမှာ အ လယ်ရိုးတစ်ရိုးသာပါ သောကြောင့် အရိုးများတဲ့ ငါးကိုကြောက်တတ်ကြတဲ့ စားသုံးသူတွေေအတွက် စားသုံးဖို့ သင့်တော်သောငါးမျိုးလည်း ဖြစ်ပါသည်။ ငါးဖောင်ရိုးငါးမှာ နှုတ်သီးချွန်ချွန်၊ အရောင်ကြည်ကြည်လေးနှင့် ပိန်သွယ်သွယ် ငါးတစ်မျိုးဖြစ်သော်လည်း ငါးအသားမှာတော့ မာဆတ်ဆတ်လေးဖြစ်နေပါသည်။ သူ့ခန္ဓာကိုယ်သည် ငွေမှင်ရောင်နှင့် အစိမ်းရောင်လဲ့လဲ့စပ်ထား သည့် အရောင်မျိုးရှိကြပါသည်။      ငါးဖောင်ရိုးငါးမှာ တစ်ခြားငါးများကဲ့သို့ အကြေးခွံများကို မမြင် ရသော်ငြား ငါးကိုယ်ထည်လေးကို လက်သည်းနှင့် အသာခြစ်ယူလိုက်ပါကအရောင် ကြည်ကြည် အကြေးခွံသေးသေးလေးတွေကို ဖယ်ရှားပြီးသား ဖြစ်သွားပါလိမ့်မည်။ ထိုငါးသည် ရေချိုနှင့် ရေငန်စပ်တို့တွင် နေထိုင်ကျက်စားတတ်သည်ကို တွေ့ရှိရပါသည်။  စားသုံးသူများမှာ ငါးဖောင်ရိုး ငါးအစိုကို အကြွပ်ကြော်၊ ငါးဖောင်ရိုးအိုးကပ်၊ ငါးဖောင်ရိုး ခရမ်းချဉ်သီးအစပ်ချက်၊ ငါးဖောင်ရိုး ချဉ်စပ် ဟင်းဟူ၍ ချက်စားတတ်ကြပြီး ငါးဖောင်ရိုးခြောက်ကိုမူကင်စား၊ ကြော်စား ခြင်းများပြုလုပ်ကြ ပါသည်။ ထိုငါးဖောင်ရိုးခြောက်ငါးများကို ရာသီပေါ်ချိန်တွင်သာ ဈေးကောင်းကောင်းပေး၍ စားသုံး သူများမှ ဝယ်ယူစားသုံးကြပြီး ဈေးကွက်ထဲတွင် ပစ္စည်းပြတ်လပ်သည်အထိ အရောင်းအဝယ် သွက်သော နာမည်ကြီးငါးခြောက် တစ်မျိုးဖြစ်ပါသည်။ ငါးဖောင်ရိုးခြောက်ကို စက်တင်ဘာလ စတုတ္ထပတ်မှစတင်၍ ဈေးများတွင်တွေ့ရှိရပြီး ပေါ်ဦးပေါ်ဖျားတွင်အကောင်ကြီး တစ်ပိဿာလျှင် ကျပ် (၅၇ဝဝဝိ)၊ အကောင်လတ် တစ်ပိဿာလျှင် (၅ဝဝဝဝိ) ကျပ်ရှိပြီး၊ ယခုအောက်တိုဘာလ တတိယပတ်တွင် တစ်ပိဿာလျှင် အကောင်ကြီးတစ်ပိဿာလျှင် ကျပ် (၅ဝဝဝဝိ)ကျပ်၊ အကောင် လတ်တစ်ပိဿာလျှင် (၄ဝဝဝဝိ) ကျပ်ရှိပြီး ဈေးကြီးသော်လည်း စားသုံးသူများ များပြားသည့်အတွက် ဈေးကွက်တွင်ပစ္စည်းများ ပြတ်လပ်သည်အထိ အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(ပဲခူး)

စစ်ကိုင်းတိုင်းဒေသကြီး၊ ကန့်ဘလူမြို့ “မြို့မဈေး”သည် နေ့စဉ်ဈေးရောင်းသူများ၊ ဈေးဝယ် သူများနှင့်စည်ကားလျက်ရှိပြီး ရာသီပေါ်သီးနှံများ၊ ဒေသထွက်ကုန်များအပြင် အခြားဒေသမှဝင် ရောက်သည့် လူသုံးကုန်နှင့် စားသောက်ကုန်ပစ္စည်းများကို ရောင်းချပေးလျက်ရှိကြောင်း သိရသည်။

 ၂၀၂၅ ခုနှစ်၊ မေလ ပထမပတ်အတွင်း ကန့်ဘလူ“မြို့မဈေး”ရှိ ကုန်မျိုးစုံဆိုင်များတွင် ရောင်းချနေသည့်  ခရမ်းသီးခြောက် (၁)ပြည်လျှင်(၁၅၀၀)ကျပ်၊ (၂)ပြည်လျှင် (၂၇၀၀)ကျပ်ဖြင့် ရောင်းချကြောင်း၊  မြို့ပေါ်ရပ်ကွက်များနှင့် ကန့်ဘလူမြို့နယ် ဆိတ်ဖူးမြောင်ကျေးရွာ၊ နတ်ပေး ကျေးရွာတို့မှ ခရမ်းသီးအစိုများကို အခြောက်လှမ်း၍ လာရောက်ရောင်းချကြောင်း ကုန်မျိုးစုံ ရောင်းချသည့် လုပ်ငန်းရှင်များထံမှ သိရသည်။

DOCA(စစ်ကိုင်း)

     စားသောက်ဆိုင်များတွင် အသုံးပြုလျက်ရှိသော ဝါးတူများထုတ်လုပ်သည့်စက်ရုံမှ စွန့်ပစ် ပစ္စည်းများဖြစ်သော ဝါးဖတ်များနှင့်ဝါးဆစ်အတိုအစများကို ထင်းအစားထိုးလောင်စာအဖြစ် ပြန် လည်အသုံးပြုခြင်းအား အသုံးပြုသူများရော စက်ရုံပါ နှစ်ဦးနှစ်ဖက် အကျိုးဖြစ်ထွန်းစေပါ သည်။

    ကျေးလက်နေပြည်သူအများစုမှာ ထင်းကိုလောင်စာအဖြစ် အသုံးပြုလျက်ရှိရာ စွန့်ပစ် ဝါးဖတ်နှင့်ဝါးဆစ်များအား လောင်စာအဖြစ် အသုံးပြုခြင်းဖြင့် ထင်းတောတက်ရန်၊ ထင်းခုတ်ရန် မလိုဘဲ ကုန်ကျစရိတ်သက်သာစွာဖြင့် သုံးစွဲနိုင်သကဲ့သို့ စက်ရုံမှလည်း အလေအလွင့်မဖြစ်တော့ဘဲ သင့်တင့်သော စရိတ်စကကို ပြန်လည်ရရှိစေပါသည်။

     ဝါးဆစ်များမှာ ထမင်းဟင်းချက်ပြုတ်ရာတွင်အပြင် မြေအိုးလုပ်ငန်းများမှ အိုးဖုတ်ရာ တွင်လည်း အသုံးပြုနိုင်ပါသည်။ ထမင်းဟင်းချက်ပြုတ်သူများအတွက် ထော်လာဂျီအကြီး တစ်စီး  တိုက်စာကို လေးလခန့်အသုံးပြုနိုင်ကြောင်း သိရပါသည်။

      တောင်ငူမြို့နယ် ငါးဖယ်အင်းကျေးရွာအုပ်စု မင်းလမ်းကျေးရွာရှိ ရွှေဝါး ဝါးတူစက်ရုံတွင် စွန့်ပစ်ဝါးဆစ်နှင့် ဝါးဖတ်များကို မှာယူနိုင်ကြောင်း၊ ထော်လာဂျီ(အသေး)တစ်စီးတိုက်လျှင် ၄၅၀၀၀ ကျပ်နှင့် ထော်လာဂျီ(အကြီး)တစ်စီးတိုက်လျှင် ၆၀၀၀၀ ကျပ်ဖြင့် ပို့ဆောင်ပေးကြောင်း စက်ရုံ ဝန်ထမ်းတစ်ဦးထံမှ သိရပါသည်။

DOCA(ပဲခူး)

     သလဲသီးများသည် ကျန်းမာရေးအတွက် အထူးကောင်းမွန်သည့် အသီးတစ်မျိုးဖြစ်ပါ သည်။ သလဲသီးတွင် အမျှင်ဓါတ်၊ အသားဓါတ်၊ ဗီတာမင်စီ၊ ဗီတာမင်ကေ၊ ဖောလစ်အက်ဆစ်၊ ပိုတက်စီယမ်စသည့် ဓါတ်များကြွယ်ဝစွာ ပါဝင်ပါသည်။

     သလဲသီးစားသုံးခြင်းအားဖြင့် ဆီးကျိတ်ကင်ဆာ၊ ရင်သားကင်ဆာများကို သက်သာစေ နိုင်သည့်အပြင် သွေးပေါင်ချိန်ကို လျှော့ချပေးနိုင်သောကြောင့် သွေးတိုးရောဂါရှိသူများ စားသုံးသင့် သည့်အသီးတစ်မျိုး ဖြစ်ပါသည်။ သလဲသီးကို ဖျော်ရည်လုပ်၍ သောက်နိုင်သကဲ့သို့ အသီးအနေဖြင့် လည်း စားသုံးနိုင်ပါသည်။

     သလဲသီးတစ်လုံးလျှင် ၅၀၀၀ ကျပ်မှ ၁၀၀၀၀ ကျပ်အထိ ရောင်းချကြောင်း၊ ကျန်းမာရေး အတွက် အကျိုးရှိသကဲ့သို့ အလှအပအတွက်လည်း အသုံးဝင်သည့်အသီးဖြစ်ကြောင်း သိရပါသည်။

DOCA(ပဲခူး)