ပြည်တွင်းကုန်သွယ်မှုသတင်း

            မကွေးတိုင်းဒေသကြီး၊ အထက်မင်းလှမြို့၊ ဇေယျာသီဈေး၌ ခရမ်းချဉ်သီး(ထိုင်ဝမ်)ကို ပတ်ဝန်းကျင်ကျေးရွာများဖြစ်သော မယ်ဇလီတော၊ ဥယျာဉ်၊ ပန်းတော်ပြင်စသည့်ကျေးရွာများအပြင် တောင်တွင်းကြီးမြို့၊ မကွေးမြို့၊ မင်းဘူးမြို့နှင့် ရှမ်းပြည်နယ် တောင်ကြီးမြို့၊ အောင်ပန်းမြို့တို့မှ မှာယူ ရောင်းချကြောင်း သိရသည်။

          ၂၀၂၅ခုနှစ်၊ မေလ(ပထမပတ်)တွင် ထိုင်ဝမ်ခရမ်းချဉ်သီး(၁)ပိဿာလျှင် အလုံးအကြီး အသေး အလိုက် ကျပ်(၁၅၀၀-၂၀၀၀)ဖြင့် ရောင်းချလျက်ရှိပြီး ယခင်မတ်လ(ပထမပတ်)တွင် ထိုင်ဝမ်ခရမ်းချဉ် သီး(၁)ပိဿာလျှင် ကျပ်(၉၀၀-၁၀၀၀)ဖြစ်၍ ဈေးနှုန်းနှိုင်းယှဉ်ပါက ယခုတစ်ပတ်တွင် (၁)ပိဿာလျှင် ကျပ်(၆၀၀-၁၀၀၀)ဈေးနှုန်းမြင့်တက်၍ အရောင်းအဝယ်ဖြစ်လျက်ရှိကြောင်း သိရသည်။ ယခုအချိန်တွင် ဒေသတွင်းခရမ်းချဉ်သီးစိုက်ခင်းများမှာ ထွက်ရှိမှုမရှိတော့သည့်အတွက် ရှမ်းပြည်နယ်မှ ခရမ်းချဉ်သီး များကို အဓိကမှာယူရောင်းချရသည့်အတွက် သယ်ယူစရိတ်မြင့်မား၍  ဈေးနှုန်းများမှာ မြင့်တက် ရခြင်းဖြစ်ကြောင်း သိရှိရသည်။

DOCA (မကွေး)

          မကွေးတိုင်းဒေသကြီး၊ အထက်မင်းလှမြို့၊ ပန်းတော်ပြင်ကျေးရွာအုပ်စုရှိ ဥယျာဉ်ကျေးရွာ၌ တောင်သူ(၆)ဦးမှ ပြောင်းစီးစိုက်ဧက(၅)ဧကခန့်အား ၂၀၂၅ခုနှစ်၊ မေလ(ပထမပတ်)မှ စတင်၍စိုက်ပျိုး နေပြီဖြစ်ကြောင်း သိရသည်။

          ဥယျာဉ်ကျေးရွာနေ တောင်သူဦးဇော်အောင်က ၎င်းအနေဖြင့် ပြောင်းစီး(၁)ဧကခန့်ကို ထွန်ကြောင်း ဆွဲအစေ့ချစနစ်ဖြင့် စိုက်ပျိုးထားကြောင်း၊ မျိုး(၈)ထုပ်ခန့်ကုန်ကျပြီး (၁)ထုပ်လျှင် ကျပ်(၅၅၀၀၀)ဖြင့် မင်းလှမြို့ပေါ်ရှိ စိုက်ပျိုးရေးဆေးဆိုင်များမှဝယ်ယူကြောင်း၊ စိုက်ပျိုးပြီး ရက်ပေါင်း(၇၅)ရက်အကြာ တွင် ခူးဆွတ်နိုင်ကြောင်း၊ စိုက်ပျိုးစဉ်သက်တမ်းကာလအတွင်း မြေအောက်ရေကိုအသုံးပြု၍ ရေ(၇) ကြိမ်မှ (၈)ကြိမ်ထိသွင်းပေးရကြောင်း၊ ကုန်ကျစရိတ်အနေဖြင့် ယခင်နှစ်နည်းတူ ယခုနှစ်တွင်လည်း မျိုးဖိုး၊ မြေပြုပြင်ခ၊ လုပ်အားခ၊ ရေတင်ခနှင့် အခြားသွင်းအားစုစရိတ်အပါအဝင် ကျပ်(၇၀၀၀၀၀) ခန့်ကုန်ကျကြောင်း၊ အထွက်နှုန်းအနေဖြင့် ယခင်နှစ်က အဖူးရေ(၁၇၀၀၀)နီးပါးထွက်ရှိပြီး တစ်ဖူးလျှင် ကျပ်(၃၅၀)ဈေးရရှိပြီး အကျိုးအမြတ်အနေဖြင့် ကျပ်(၅၂)သိန်းခန့်ရရှိခဲ့ကြောင်း၊ ဈေးကွက်အနေဖြင့် အထက်မင်းလှ-သရက်ကားလမ်းဘေးရှိ ပြောင်းဖူးဒိုင်သို့တင်သွင်းရောင်းချကြောင်း သိရသည်။

DOCA (မကွေး)

     ဧရာဝတီတိုင်းဒေသကြီး မအူပင်ခရိုင် မြို့နယ်များမှ ဆန်ကွဲနှင့် ဖွဲနုများကို ရန်ကုန်သို့အဓိကထား တင်ပို့ပြီး  ရန်ကုန် ဘုရင့်နောင်၊ ရွှေပြည်သာ၊ ဆုးလေ၊ လှိုင်သာယာ ပွဲရုံ၊ မရမ်းကုန်းပွဲရုံ၊ အလုံဆိတ်ကမ်း အလုံမြို့ ၊ ရန်ကုန်စက်မှုဇုန်များနှင့် ပဲခူးမြို့ တို့ကိုသာ နေ့စဉ် စီးထွက်ကြောင်း  သိရသည်။

   ၂၀၂၅ခုနှစ် ဧပြီလတင်ပို့မှုမှာ  က မအူပင်ခရိုင်မှ မအူပင် ဆန်ကွဲ၊၁၂၂၀အိတ်၊ ပန်းတနော် ဆန်ကွဲ ၁၆၄၀အိတ်၊ ညောင်တုန်း ၃၈၀၈၁အိတ်၊ ဓနုဖြူ ဆန်ကွဲ ၅၄၄၀အိတ် ဆန်ကွဲတင်ပို့မှုစုစုပေါင်း ၄၆၃၈၁ အိတ် အရေအတွက်နှင့်  တန်အားဖြင့် ၂၃၁၉ တန်နှင့် အခြား မြို့နယ်များမှ ၅၁၄၃၉ အိတ် တန်အားဖြင့် ၂၅၇၁ တန်  တင်ပို့ခဲ့သည်။

     ၂၀၂၅ခုနှစ် မတ်လတင်ပို့မှုမှာ  မအူပင်ခရိုင်မှ ဆန်ကွဲ အိတ် စုစုပေါင်း (၈၃၁၃၀ ) အိတ် တန်အားဖြင့် (၄၁၆၅) တန် တင်ပို့ခဲ့သည်။ အခြားမြို့နယ်တင်ပို့နိုင်မှု အနေဖြင့် ဆန်ကွဲ (၁၃၄၃၀၀) အိတ် (၆၇၁၅ ) တန် တင်ပို့နိုင်ခဲ့သောကြောင့်  ယခင်လနှင့် နှိုင်းယှဉ်ပါက မအူပင်ခရိုင်အနေဖြင့် ဆန်ကွဲ (၃၆၇၄၉) အိတ် လျော့နည်း၍ တင်ပို့ကြောင်းနှင့် အခြားမြို့နယ်များမှ (၈၂၈၆၁) အိတ် လျော့နည်း၍ တင်ပိုခဲ့ကြောင်း တင်ပို့မှု လျော့နည်းရခြင်းမှာ နွေစပါး ထွက်ရှိမှု နည်းပါလာသောကြောင့်ဖြစ်ကြောင်း ပန်တိုင်စစ်ဆေးရေး စာရင်းများအရသိရသည်၊

DOCA(ဧရာဝတီ)

    ဧရာဝတီတိုင်းဒေသကြီး၊ မအူပင်ခရိုင် အနေဖြင့် မြို့နယ်များအပါအဝင် ၁၅တန်နှင့်အထက် ဆန်စက်အလုံးရေ (၁၁၀)လုံး ရှိပြီး စပါးကြိတ်ခွဲထွက်ရှိမှု မှ ဆန်များကို ရန်ကုန်တိုင်းဒေသကြီးသို့ အဓိကထား၍ တင်ပိုနေပြီး ရန်ကုန်မှတဆင့်  အခြား ဒေသများသို့ နေ့စဉ် (စီးထွက်) လျက်ရှိကြောင်းသိရသည်။

   ယခင်လ ၂၀၂၅ ခုနှစ် ဧပြီလ ၁လအတွင်း မအူပင်  ဆန်တင်ပို့မှု အိတ် ၆၆၀၊ ပန်းတနော် ဆန်တင်ပို့မှု ၆၄၃၇၊ ညောင်တုန်းဆန်တင်ပို့မှု ၈၅၃၂၀၊ ဓနုဖြူဆန်တင်ပို့မှု ၁၅၆၃၅ အိတ်နှင့် စုစုပေါင်း (၁၀၈၀၅၂) တင်ပို့ပြီး တန်အားဖြင့် ၅၄၀၂ တန်တင်ပို့နိုင်ခဲ့ကြောင်း၊ အခြားမြို့နယ်များမှ တင်ပို့မှုနိုင်မှု အနေဖြင့် ၁၇၇၇၄၇ အိတ် နှင့် တန်အားဖြင့် ၈၈၈၇ တန် ကိုလည်းကောင်း တင်ပို့နိုင်ခဲ့ကြောင်း သိရသည်။

   ရန်ကုန်သို့ ဆန်စီးထွက်မှုမှာ ၂၀၂၅ ခုနှစ်  မတ်လက (၄)မြို့နယ် ဆန်အိတ် ၅၂၃၉၂၀ အိတ်နှင့် တန်အားဖြင့် ၂၆၁၉၆ တန် တင်ပို့နိုင်ခဲ့ကြောင်း အခြားမြို့နယ်များ ဆန်တင်ပို့မှုအနေဖြင့် ၃၆၄၄၁၇ အိတ် နှင့် တန်အားဖြင့် ၁၈၂၂၀ တန် တင်ပို့ကြောင်း သိရသည်။

    မတ်လ တင်ပို့မှုနှင့် ဧပြီလတင်ပို့မှုကို နှိုင်းယှဉ်ကြည့်ပါက  ၄မြို့နယ် တင်ပို့မှု ဆန်အိတ်  ၄၁၅၈၆၈ အိတ် လျော့နည်းတင်ပိုပြီး ယခက်လထက် ၂၀၇၉၃ တန် လျော့၍ တင်ပိုခဲ့သည်။ အခြားမြို့နယ် တင်ပို့မှုကို နှိုင်းယှဉ်ပါက ၁၈၆၆၇၀ အိတ် နှင့် တန် ၉၃၃၃ တန်လျော့နည်း တင်ပို့နိုင်ခဲ့ကြောင်း လျော့နည်းရသည့် အကြောင်းအရင်းမှာ နွေစပါးကြိတခွဲမှုမှ ထွက်ရှိသော  ဆန်/စကွဲများ နည်းပါးလာခြင်းကြောင့်ဖြစ်ပြီး မိုးစပါးစိုက်ပျိုးရန် ပြင်ဆင်နေခြင်းတို့ကြောင့် ဖြစ်ကြောင်း ဆန်/စကွဲသယ်ယူတင်ပို့သူများထံမှ သိရသည်။

     ဧရာဝတီတိုင်းဒေသကြီးထွက် ဆန်များကို သီလဝါဆိတ်ကမ်း၊သံလျှင်မြို့၊ ဆူးလေဆိတ်ကမ်း ပန်းပဲတန်းမြို့၊ Asiaworld ဆိတ်ကမ်းအလုံမြို့၊ ဇုန်-၂ ရွှေပြည်သာမြို့၊ ကျိုတ်ဝိုင်းဈေး မရမ်းကုန်းမြို့၊ ကားကြီးဝန်း ဘုရင့်နောင်မြို့၊   ဇုန်-၃ လှိုင်သာယာမြို့၊ ယုဇန ၂လမ်း၊ ဘုရင့်နောင်မြို့၊ ၁ရပ်ကွက်မရမ်းကုန်းမြို့၊ ကျိုတ်ဝိုင်းဈေး၊ မရမ်းကုန်းမြို့၊ ပဲခူးဈေးကြီး၊ ပဲခူးမြို့၊ သုဇနလမ်း၊ ထောက်ကြံမြို့၊ ရွှေလင်ပန်းစက်မှုဇုန်းလှိုင်သာယာမြို့၊ ပိတောက်လမ်း ဘုရင့်နောင်၊ AWPT ဆိတ်ကမ်းအလုံမြို့ တို့သို့ တင်ပိုလျှက်ရှိကြောင်း သိရသည်။

DOCA(ဧရာဝတီ)

    ဧရာဝတီတိုင်းဒေသကြီး၊ မအူပင်မြို့နယ်တွင် ကွမ်းရွက်ကို မိမိတို့ ဥယျာဉ်ခြံဝင်းအတွင်း တစ်နိုင်တစ်ပိုင် အနေဖြင့်လည်းကောင်း၊ အပိုဝင်ငွေရရှိရန်အတွက်လည်းကောင်း စိုက်ပျိုးကြကြောင်း၊ ကွမ်းရွက်ကို ဆောင်းစိုက်နှင့်မိုးစိုက်ဟူ၍ နှစ်မျိုးခွဲစိုက်ပျိုးကြပြီး စိုက်ပျိုးသော ကွမ်းရွက်အမျိုးအစားများမှာ မိုးစိုက်သည် ကွမ်းရွက်တွင် ဒေါင်းဝင်ခြင်း၊ အရွက်ပုတ်ခြင်း ပိုးကျလွယ်သည့် အတွက် အစိုက်နည်းပြီး ဆောင်းစိုက်ကိုသာ ပိုမိုစိုက်ပျိုးကြကြောင်း သိရသည်။      

   မအူပင်မြို့နယ် ကွမ်းရွက်ဈေးကွက်အနေဖြင့် ယခင် ၂၀၂၄ ခုနှစ်၊ မေလတွင် ကွမ်းရွက် တစ်ပိဿာလျှင် ကျပ်(၅၀၀-၁၅၀၀-၂၅၀၀-၃၅၀၀)ဈေးရရှိပြီး ယခု ၂၀၂၅ ခုနှစ်၊ မေလတွင် အရည်အသွေး အပေါ် မူတည်ပြီး တစ်ပိဿာလျှင် ကျပ်(၁၀၀၀-၃၀၀၀-၄၀၀၀-၅၀၀၀)ထိ ရောင်းချရပြီး ဈေးနှုန်းအနည်းငယ် မြင့်တက်၍ အရောင်းအဝယ်ဖြစ်လျက်ရှိကြောင်း ကွမ်းရွက်ရောင်းချသူများထံမှ သိရသည်။

DOCA(ဧရာဝတီ)