ကျောက်ဆည်ခရိုင်အတွင်းရှိ ဈေးများသို့ ဂေါ်ရခါးသီးများ ဝင်ရောက်လျက်ရှိပြီး ရှမ်းပြည်၊ အောင်ပန်း ၊ ပင်းတယနှင့်ရွာငံရေဦးမြို့များမှ ဝင်ရောက်လျက်ရှိကြောင်း ဂေါ်ရခါးသီး သီးနှံသည် တစ်နှစ်ပတ်လုံးစိုက်ပျိုး၍ရကြောင်း ဂေါ်ရခါးသီးကိုလူကြိုက်များသောကြောင့် ဝယ်လိုအားရှိ ကြောင်း၊ ယခုလက်ရှိ ဂေါ်ရခါးသီး ဈေးနှုန်းအနေဖြင့် အလုံးအကြီးအသေးပေါ်မူတည်၍ လက်ကား တစ်လုံးလျှင်(၃၀၀-၃၅၀/-)ကျပ်ဈေးရှိပြီး လက်လီတစ်လုံးလျှင်(၄၅၀-၅၀၀/-) ကျပ်ဖြင့် ရောင်းဝယ် လျက်ရှိကြောင်း၊ ဂေါ်ရခါးသီး စားသုံးခြင်းဖြင့် အမျှင်ဓာတ်နှင့် ရေဓာတ်များစွာ ပါဝင်သောကြောင့် ကိုယ်အလေးချိန်ကို ထိန်းညှိပေးခြင်း၊ ဗီတာမင်ဘီနှင့် ဗီတာမင်စီဓာတ်တို့ ပါဝင်နေသဖြင့် ကိုယ်ဝန် ဆောင် မိခင်များ စားသုံးပေးခြင်းဖြင့် မွေးရာပါ ချို့ယွင်းချက်မဖြစ်အောင် ကာကွယ်ပေးနိုင်ခြင်းနှင့် ခန္ဓာကိုယ် သက်လုံကောင်းစေပြီး အမောခံနိုင်စေသောကြောင့် ဂေါ်ရခါးသီးကို အသားဟင်း ချက်ပြုတ်ရာတွင် လည်းကောင်း မုန့်နှစ်နှင့်ကြော်စားရာတွင်လည်းကောင်း ထည့်သွင်း အသုံးပြုကြ ပါကြောင်း၊ ဂေါ်ရခါးသီး စားသုံးခြင်းဖြင့် ကျန်းမာရေး အကျိုးကျေးဇူးများ ရရှိစေမည်ဖြစ်ကြောင်း ရေသားတင်ပြ အပ်ပါသည်။
DOCA(မန္တလေး)