၂၅.၁၁.၂၀၂၅ ရက်နေ့ နံနက်(၁၀း၃၀)နာရီအချိန်တွင် ပန်းတနော်မြို့နယ်တာဝန်ခံရုံးမှ ဝန်ထမ်းများသည် မြို့နယ်အတွင်းရှိ ရောနှောဆီရောင်းချမှုရှိသဖြင့် ရောနှောဆီရောင်းချသော မြို့မဈေးအတွင်း လုပ်ငန်းရှင်ထံ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ကွင်းဆင်းစစ်ဆေးရာတွင် စားသုံးသူရေးရာဦးစီးဌာနမှ ပန်းတနော်မြို့နယ်တာဝန်ခံ ဦးအောင်ကျော်သက်နှင့် မြို့နယ် စည်ပင်သာယာရေးအဖွဲ့တို့ပါဝင်ခဲ့ကြပြီး ရောနှောဆီရောင်းချသောလုပ်ငန်းရှင်နှင့် တွေ့ဆုံ၍ ရောနှောဆီရောင်းချသူလုပ်ငန်းရှင်များ သိရှိလိုက်နာနိုင်ရန် မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်ကြားချက်အမှတ် (၁/၂၀၂၁) နှင့်အညီ မြန်မာဘာသာဖြင့် ပြည်စုံစွာ ဖော်ပြထားသော ကုန်စည်များကိုသာရောင်းချရန်နှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊ ဟင်းသီးဟင်းရွက်ရောနှောဆီ အရည်အသွေးအာမခံချက်နှင့် အမှတ်တံဆိပ်ကပ်ခြင်းဆိုင်ရာ သတ်မှတ်အမိန့် ဖော်ပြရမည့် အချက်များဖြင့် ကိုက်ညီမှု ရှိ/မရှိကို စစ်ဆေးခဲ့ပြီး သတ်မှတ်ချက်များအတိုင်း လိုက်နာဆောင်ရွက်ရောင်းချကြောင်း စစ်ဆေးတွေ့ရှိခဲ့သည်။ ဗူးဆီနှင့် ရောနှောဆီရောင်းချသည့် လုပ်ငန်းရှင်တို့သည် သက်ဆိုင်ရာဌာနတို့၏ ညွှန်းကြာချက်များကို လိုက်နာမှုမရှိပါက အရေးကြီးကုန်စည် ဝန်ဆောင်မှုဥပဒေ အမျိုးသား အစားအသောက်ဥပဒေအရ အရေယူသွားမည်ဖြစ်ကြောင်းကို ရှင်းလင်းပြောကြားခဲ့ကြောင်း သိရှိရပါသည်။
DOCA(ဧရာဝတီ)