သတင်းနှင့် လှုပ်ရှားမှုများ

      မအူပင်ခရိုင်၊ စားသုံးသူရေးရာဦးစီးဌာန၊ ပန်းတနော်မြို့နယ် ဦးစီးမှူးမှ ဦးအောင်‌ကျော်သက် ဝန်ထမ်းများသည် မြို့နယ်အထွေထွေအုပ်ချုပ်ရေးဦးစီးဌာန၊ ပတ်ဝန်းကျင်ထိန်းသိမ်းရေး ဦးစီးဌာန တို့နှင့်အတူ ပန်းတနော်၊ တောဆယ် ကျေးရွာ၊ ဒေါဝါးအုပ်စု သို့ ကွင်းဆင်း၍ (၁၉-၁၁-၂၀၂၅)ရက်နေ့ နံနက် (၁၀:၃၀)အချိန်က  ဆန်စက်လုပ်ငန်း ဖွံ့ဖြိုးတိုးတက်ရေး ကွင်းဆင်းစစ်ဆေးဆောင်ရွက်ခဲ့ကြသည်။

     စစ်ဆေးရာတွင် ပန်းတနော်မြို့နယ်ဦးစီးမှူးက ဆန်စက်လုပ်ငန်း လည်ပတ်နေမှု လုပ်ငန်းခွင်ကို ကြည်ရှုလေ့လာပြီး၊ ဆန်စက်တွင် စပါးသိုလှောင်မှု တင်း၃၀၀၀ နှင့် ဆန်အိတ်လက်ကျန် ၈၀၀အိတ်ရှိကြောင်း ၊ တစ်နေ့လျှင် ၁၅တန်ကျ ကြိတ်ခွဲနိုင်ကြောင်းနှင့် မနက် ၆နာရီမှ ညနေ ၅နာရီထိ ကြိတ်ခွဲကြောင်း၊ စပါး ၇၅၀တင်းကိုကြိုက်ခွဲပြီး ဆန်အိတ် ၁၅၀ ကြိတ်ခွဲနိုင်ကြောင်း၊ ဆန်စက်တွင် ရေစစ်ကန်ပြုလုပ်ထားရှိမှု ရေဆိုးရေညစ် ထုတ်လုပ်ရာ လမ်းကြောင်း ကောင်းမွန်စွာ စီးဆင်းစေရေးကို ကြည်ရှုစစ်ဆေးခြင်း၊ ပတ်ဝန်ကျင် အနှံဆိုး ထိခိုင်မှုကို လျော့နည်းအောင် ပြုလုပ်ဆောင်ရွက်ရန် လိုအပ်ကြောင်း မှာကြားပြီး MyRo တွင်  ဆန်စက်၏ စပါး/ဆန် လက်ကျန်စာရင်းကို လစဉ် လဆန်း ၇ရက်နေ့တွင် ဖြည့်သွင်းနိုင်ရန်အတွက်ကို လုပ်ငန်းရှင်အား အသိပေးပြောကြား စစ်ဆေးခဲ့ကြောင်း သိရသည်။

DOCA (ဧရာဝတီ)

      စားသုံးသူရေးရာဦးစီးဌာန၊ လပွတ္တာခရိုင်၊လပွတ္တာမြို့နယ်တာဝန်ခံ ဦးမြင့်ဌေးသည် (၁၉.၁၁.၂၀၂၅) ရက်နေ့၊ နံနက် (၁၁:၃၀)နာရီအချိန်တွင် အမှတ်(၅)ရပ်ကွက် ဘုရားလမ်းရှိ မုန့်မျိုးစုံဆိုင်များသို့ ကုန်အညွှန်း အမှတ်အသား ပြည့်စုံမှုရှိ/မရှိ နယ်မြေဈေးကွက်ကွင်းဆင်းစစ်ဆေးဆောင်ရွက်ခဲ့ပါသည်။

            ထိုသို့ကွင်းဆင်းစစ်ဆေးဆောင်ရွက်ရာတွင် လပွတ္တာမြို့နယ်၊ အမှတ်(၅)ရပ်ကွက်၊ ဘုရားလမ်းရှိ  မုန့်ဆိုင်များတွင်  Thai  Fruits  သံပုရာပေါင်းဗူးများအား ကုန်အညွှန်းအမှတ်အသား ပြည့်စုံမှုရှိ/မရှိ စစ်ဆေးခဲ့ရာ ပြည့်စုံမှုရှိကြောင်းသိရှိရပြီး ရောင်းချနေသော ဆိုင်ပိုင်ရှင်များအား ကုန်ပစ္စည်းများ ရောင်းချရာတွင် စားသုံးသူကာကွယ်ရေးဥပဒေ အခန်း(၁၈)ပါ ပြဌာန်းချက်များနှင့်အညီ ဆောင်ရွက်ရန်နှင့် စီးပွားရေးလုပ်ငန်းရှင်များ လိုက်နာဆောင်ရွက်ရမည့် ညွှန်ကြားချက်များ၊ အရေးယူဆောင်ရွက်မှုများ၊ ပြစ်မှု ပြစ်ဒါဏ်များအား ရှင်းလင်းဆွေးနွေးခဲ့ပါကြောင်း သိရှိရပါသည်။

DOCA(ဧရာဝတီ)

    (၁၉.၁၁.၂၀၂၅) ရက်နေ့၊ နံနက် (၁၀;၀၀) အချိန်တွင် ရေကြည်မြို့နယ်၊ အ.လ.က ကျုံဖား ကျောင်းတွင်ရှိသော  ကျောင်းသား၊ ကျောင်းသူ (၁၈၆) ဦးတို့အား မြို့နယ်ပြန်ကြားရေးနှင့် ပြည်သူ့ ဆက်ဆံရေးဦးစီးဌာန၊ အား/ကာဦးစီးဌာနတို့နှင့် စားသုံးသူရေးရာဦးစီးဌာနတို့ ပူးပေါင်း၍ အသိပညာ ပေးဟောပြောပွဲဆောင်ရွက်ခဲ့ပါသည်။

          ထိုသို့ ဆောင်ရွက်ရာတွင် စားသုံးသူရေးရာဦးစီးဌာနမှ ဦးစီးမှူး ဒေါ်ချယ်ရီမြင့်သည် စားသုံးသူ အခွင့်အရေးနှင့် ကုန်အညွှန်းအမှတ်အသားဆိုင်ရာ သိမှတ်ဖွယ်ရာများကို ဟောပြောခဲ့ကြောင်း သိရှိ ရပါသည်။

(DOCA) ဧရာဝတီ

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပုသိမ်ခရိုင်ဦးစီးမှူးရုံးမှ ဝန်ထမ်းများသည် (၁၇.၁၁.၂၀၂၅) ရက်နေ့၊ နံနက် (၁၀:၀၀) အချိန်တွင် အစားအသောက်နှင့် ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ပုသိမ်မြို့အတွင်းရှိ မြန်မာတိုင်းရင်းဆေးများ ရောင်းချသော ချိုချိုမွှေးဆေးဆိုင်သို့ သွားရောက်၍ ဆိုင်တွင်ရောင်းချသော မြန်မာဆေးများတွင် FDA ထောက်ခံချက်ရှိ/မရှိ၊ ကုန်အညွှန်းအမှတ်အသားပြည့်စုံစွာပါဝင်မှုရှိ/မရှိ၊ သက်တမ်းလွန်ဆေးဝါးများ ရောင်းချမှုရှိ/မရှိ၊ မြန်မာဆေးများသည် အများအားဖြင့် အမှုန့်များဖြစ်သောကြောင့် မှိုတက်ခြင်း ရှိ/မရှိ တို့အား ကွင်းဆင်းစစ်ဆေးခဲ့ပါသည်။

(DOCA) ဧရာဝတီ

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပုသိမ်ခရိုင်ဦးစီးမှူးရုံးမှ ဝန်ထမ်းများသည် (၁၇.၁၁.၂၀၂၅) ရက်နေ့၊ နံနက် (၁၀:၀၀) အချိန်တွင် အစားအသောက်နှင့် ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ပုသိမ်မြို့အတွင်းရှိ ဆေးဆိုင်များသို့ သွားရောက်၍ သက်တမ်းလွန်ဆေးဝါးများရောင်းချမှုရှိ/မရှိ၊ FDA မှ တားမြစ်ထားသော ဆေးဝါးများ ရောင်းချခြင်းရှိ/ မရှိနှင့် ဆေးဈေးနှုန်းများ မြင့်တင်ရောင်းချခြင်းရှိ/မရှိတို့အား ကွင်းဆင်းစစ်ဆေး ခဲ့ကြောင်း သိရှိရပါသည်။

(DOCA) ဧရာဝတီ