သတင်းနှင့် လှုပ်ရှားမှုများ

      ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်တွင် တရားမဝင် ကုန်ပစ္စည်းများ ရောင်းချခြင်း ရှိ/မရှိ လိုက်လံစစ်​ဆေးခြင်းကို ၁၇-၉-၂၀၂၅ ရက်နေ့ နံနက် ၁၀နာရီအချိန်က မြို့နယ်အထွေထွေအုပ်ချုပ်ရေးဦးစီးဌာ၊ စားသုံးသူရေးရာဦးစီးဌာန၊ ပြည်တွင်းအခွန်၊ မြန်မာနိုင်ငံရဲတပ်ဖွဲ့၊ စည်ပင်သာယာရေးအဖွဲ့ တို့တွင် ဆောင်ရွက်ခဲ့သည်။ 

    ထိုသို့စစ်ဆေးရာတွင် နိုင်ငံတော်အခွန်အခများ လေလွင်ဆုံးရှုံးမှုမရှိစေရေးတို့အတွက် မြို့နယ်စီမံ အုပ်ချုပ်ရေးအဖွဲ့ ဥက္ကဋ္ဌ ဦးဆောင်သော တရားမဝင်ကုန်သွယ်မှုတိုက်ဖျက်ရေး ပူးပေါင်းအဖွဲ့ဝင် များက မြို့နယ်အတွင်းရှိ ဓာတ်မြေသြဇာအရောင်းဆိုင်၊ မော်တော်ဆိုင်ကယ် အရောင်းဆိုင်၊ Mobile Phone အရောင်းဆိုင်နှင့် ယစ်မျိုးလက်လီလက်ကား ရောင်းချနေသောဆိုင်များတွင် လိုင်စင်မဲ့ရောင်းချခြင်း၊ တရားမဝင် သယ်ဆောင်ခြင်း၊ လုပ်ငန်းလိုင်စင်များ အခွန်ဆောင်ထားခြင်းရှိ/မရှိ၊ သိုလှေင်ခြင်းမရှိစေရေးနှင့် ပြည်တွင်းကုန်ပစ္စည်းများ သယ်ဆောင်ရာတွင် အခွန်ပေးဆောင်ထားမှု အခြေအနေနှင့် အရက်၊ ဘီယာ ကုန်ပစ္စည်းများတွင် Tax Paid ကပ်ထားမှုရှိ/မရှိ၊ တရားဝင်ထုတ်ကုန်များကို ရောင်းချရန်နှင့် ကုန်အညွှန်အမှတ်အသားပါဝင်ပြီး၊ သက်တိုင်ရာ ထောက်ခံချက်ကုန်စည်များ ရောင်းချနေကြောင်းစစ်ဆေး တွေ့ရှိရပြီး ပန်းတနော်မြို့နယ်အတွင်း ကုန်ပစ္စည်းအရောင်းဆိုင် ၁၈ဆိုင်ကို  လိုက်လံကြည့်ရှုစစ်ဆေးခြင်းများ ဆောင်ရွက်ခဲ့ကြောင်း သိရသည်။

DOCA(ဧရာဝတီ)

      ကျန်းမာရေးဝန်ကြီးဌာန တိုင်းရင်းဆေးပညာဉီးစီးဌာန၏ စီစဉ်ညွှန်ကြားမှုဖြင့် ဧရာဝတီတိုင်းဒေသကြီး မအူပင်ခရိုင် ပန်းတနော်မြို့နယ် တိုင်းရင်းဆေးကုဌာနနှင့် စားသုံးသူရေးရာဦးစီးဌာန၊ ကျန်းမာရေးဦးစီးဌာနတို့  ၁၇-၉-၂၀၂၅ ရက်နေ့တွင် ပန်းတနော်မြို့နယ် ရွှေမြင်တင် အ-မ-က၌ အသိပညာပေးခြင်းကို ဆောင်ရွက်ခဲ့ကြသည်။

     အသိပညာပေးပွဲတွင် ပန်းတနော်မြို့နယ် စားသုံးသူရေးရာဦးစီးဌာနက ဦးအောင်ကျော်သက်က ကုန်အညွှန်းအမှတ်အသားဆိုင်ရာ အသိပညာပေးဟောပြောခဲ့ပြီး ကုန်စည်များဝယ်ယူရာတွင် သက်တမ်းကုန်ဆုံးရက်ကိုကြည်ရန်၊ ထုတ်လုပ်သည့် လုပ်ငန်းလိပ်စားကြည့်ရန်၊ ပါဝင်ပစ္စည်းများကို လေ့လာရန်၊ ပါဝင်ကုန်ကြမ်းပစ္စည်းများကို ကြည့်ရန်၊ ကြိုတင်သတိပေးချက်ကို ကြည့်ရန်၊ သက်ဆိုင်ရာထောက်ခံချက်များကို ကြည်ရှုလေ့လာရန် တို့ကို အကျယ်တဝင့်ရှင်းလင်းပြီး စားသုံးသူအခွင့်အရေးနစ်တာပါက စားသုံးသူရေးရာဦးစီးဌာနသို့ တိုင်ကြားနိုင်ကြောင်း အသိပညာပေး ဟောပြောခဲ့ပြီးနောက် တိုင်းရင်းဆေးပညာမှ တာဝန်ရှိသူက ကျောင်းသား/ကျောင်းသူများကို ဆေးကုသရာတွင် ကျား(၁၀)ဦး မ (၂၀)ဦး စုစုပေါင်း(၃၀)ဦးအား ဆေးကုသ ပေးခဲ့ပြီး လေထိုးလေအောင့်ရောဂါအကြောင်းကို ပညာပေးဟောပြောဆောင်ရွက်ရာတွင် တက်ရောက်သူ ကျား (၂၀)ဦး မ (၃၀)ဦး စုစုပေါင်း (၅၀)ဦး အား ဟောပြောပို့ချခဲ့ကြောင်း သိရှိရပါသည်။

DOCA(ဧရာဝတီ)

   ဖျာပုံခရိုင် ၊ ဒေးဒရဲမြို့နယ် ၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်နှင့် ဝန်ထမ်းတို့သည် ၂၀၂၅ ခုနှစ်၊ စက်တင်ဘာလ (၁၈) ရက်နေ့၊ နံနက်(၁၁:၀၀) နာရီ အချိန်တွင် ဒေးဒရဲ မြို့နယ်၊ ချောင်းဖျားကျေးရွာရှိ“အမေ့သားဂုဏ်ရောင်” ဆန်စက်သို့ MSMEs လုပ်ငန်းများဖွံ့ဖြိုးတိုးတက် ရေး ကွင်းဆင်းစစ်ဆေးခဲ့ကြပါသည်။

             ယင်းသို့ ကွင်းဆင်းစစ်ဆေးရာတွင် ဆန်စက်အတွင်း ခေတ်မီ စက်ယူနစ်များ တပ်ဆင် အသုံးပြု မှုအခြေအနေ၊ လက်ရှိ ဖြစ်ပေါ်နေသော ဆန်စပါးဈေးနှုန်းဈေးကွက် အခြေအနေနှင့် ဆန်စပါး သိုလှောင် ထားရှိမှုအခြေအနေတို့ကို စစ်ဆေးခဲ့ကြပါသည်။ထို့အပြင်မြို့နယ်တာဝန်ခံမှ MSMEs လုပ်ငန်း နှင့် ပက်သက်၍ အရည်အသွေးပြည့်ဝကောင်းမွန်သော ထုတ်ကုန်များ ထုတ်လုပ်နိုင်ခြင်းရှိ/မရှိ၊ ပုဂ္ဂလိက ကဏ္ဍနှင့် ကုန်သွယ်မှုဖွံ့ဖြိုးတိုးတက်ရေး၊ ဆန်စပါး အရည်အသွေးထုတ်လုပ်မှု ပြည့်မီစေရေး၊ ထုတ်ကုန်လုံခြုံစိတ်ချရမှုရှိစေရေးနှင့် ပက်သက်၍ထုတ်ကုန်များ ပိုမိုထုတ်လုပ်နိုင်မှသာ ပြည်တွင်း စားနပ်ရိက္ခာဖူလုံခြင်းနှင့် ပြည်ပဈေးကွက်သို့လည်း ထုတ်ကုန်များတင်ပို့နိုင်မည်ဖြစ်ကြောင်း၊ ကုန်ထုတ် လုပ်မှုရှိမှသာ တိုင်းပြည်၏စီးပွားရေးဖွံ့ဖြိုးတိုးတက်လာမည်ဖြစ်ကြောင်း ကွင်းဆင်းစစ်ဆေး ခဲ့မှုအပေါ် သတင်းရရှိပါသည်။

DOCA(ဧရာဝတီ)

   ဒေးဒရဲမြို့ စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်သည် ၂၀၂၅ ခုနှစ်၊ စက်တင်ဘာလ (၁၇) ရက်နေ့၊ နံနက် (၁၀:၀၀) နာရီအချိန်တွင် ဒေးဒရဲမြို့ ပြန်/ဆက်ဦးစီးဌာနရုံး၌ စားသုံးသူကာကွယ်ရေး အသိပညာပေး Talk Show အစီအစဉ်ကို ကျင်းပပြုလုပ်ခဲ့ပါသည်။

          အဆိုပါ Talk Show တွင် မြို့နယ်တာဝန်ခံက မိမိတို့ ဌာနအနေဖြင့် ဈေးကွက်အတွင်း ကုန်စည် နှင့် ဝန်ဆောင်မှုများကို ဘေးအန္တရာယ်ကင်းရှင်းစေရေးအတွက် ဈေးကွက်စောင့်ကြည့်စစ်ဆေးခြင်းကို အဓိက ထားဆောင်ရွက်လျက်ရှိကြောင်း ပြောကြားခဲ့သည်။ ထို့နောက် စားသုံးသူကာကွယ်ရေး ဥပဒေ အခန်း(၁၁) ကုန်စည်နှင့် ပက်သက်၍ အာမခံချက်ပေးခြင်းအကြောင်း၊ အခန်း(၁၃) ဝန်ဆောင်မှုနှင့် ပက်သက်၍ အာမခံချက်ပေးခြင်းအကြောင်း၊ စားသုံးသူမိဘပြည်သူများအနေဖြင့် ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများဖြစ်ပေါ်လာပါက တိုင်းဒေသကြီး၊ ပြည်နယ်ဦးစီးမှူးရုံးများ နှင့် ခရိုင်ဦးစီးမှူးရုံးများတွင် ဖွင့်လှစ်ထားသည့် CICC စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေး စင်တာများဖွင့်လှစ်ထားကြောင်း၊ Call Centre 1535 သို့ ဆက်သွယ် တိုင်ကြား နိုင်ကြောင်း အသိပညာပေး Talk Show ကျင်းပပြုလုပ်ခဲ့သည်ဟု သတင်းရရှိပါသည်။

DOCA(ဧရာဝတီ)

          မအူပင်ခရိုင်၊ ညောင်တုန်းမြို့နယ် စည်ပင်သာယာဈေးကြီးအတွင်းရှိ တိုင်းရင်ဆေးအရောင်းဆိုင် များနှင့် အလှကုန်ရောင်းချသည့် အရောင်းဆိုင်များအား ၁၆-၉-၂၀၂၅ ရက်နေ့ နံနက် ၈နာရီ ခွဲ အချိန်က မြို့နယ်တိုင်းရင်းဆေးပညာဦးစီးဌာန၊ မြို့နယ်စားသုံးသူရေးရာဦးစီးဌာန၊ ကျန်းမာရေးဦးစီးဌာနမှ တာဝန်ရှိသူများ ကွင်းဆင်းစစ်ဆေးခဲ့ကြောင်း သိရသည်။

   ထိုသို့စစ်ဆေးရာတွင်  ညောင်တုန်းမြို့နယ်တိုင်းရင်းဆေးမှူး၊ စားသုံးသူရေးရာဦးစီးဌာနမှ ဒုတိယ ဦးစီးမှူးဒေါ်ချိုမီဇင် နှင့်ဝန်ထမ်းများတို့က   တိုင်းရင်းဆေး အ‌ရောင်းဆိုင် များ၌ မှတ်ပုံတင်ခြင်း မပြုရသေးသည့်ဆေးဝါးများ၊ သက်တန်းလွန်ဆေးဝါးများနှင့် ရောင်းချရန် တားမြစ်ထားသည့် ကုန်စည်များရောင်းချမှု ရှိမရှိ၊အလှကုန်ပစ္စည်းအရောင်းဆိုင်များတွင် ဆိုင်တင်ရောင်းချနေ ‌‌သည့် ပစ္စည်းများ၌ သတ်မှတ်ကုန်အညွှန်း အမှတ်အသားများပါရှိမှုရှိ/မရှိ ၊ သက်တမ်းလွန် ပစ္စည်းများ ဆိုင်တင်ရောင်းချ နေမှုရှိ/မရှိ တို့ကို စစ်ဆေးခဲ့ပြီး သက်ဆိုင်ရာ ဆိုင်ပိုင်ရှင်များအား တားမြစ်ကုန် ပစ္စည်း/ဆေးဝါးများ၊ သက်တန်းလွန်ပစ္စည်း/ ဆေးဝါးများ၊ မှတ်ပုံတင်ခြင်း မပြုရသေးသည့် ဆေးဝါးများ ရောင်းချခြင်းမပြုရန်  ကုန်စည်၏ အရည်အသွးကို စမ်းသပ်ရန်လိုအပ်ပါက ဝယ်ယူခြင်းမပြုမီ စားသုံးသူများကို စမ်းသပ်စစ်ဆေးခြင်းကို လုပ်ဆောင်ခွင့် ပြုရန်ကို အသိပညာပေးပြီး သက်ဆိုင်ရာအစိုးရဌာန၊ အစိုးရအဖွဲ့အစည်းများက သုံးစွဲရန် မသင့်ကြောင်း ထုတ်ပြန်ထားသော ကုန်စည်များရောင်းချပါက အရေးယူဆောင်ရွက်သွားမည်ဖြစ်ကြောင်း လုပ်ငန်းရှင်များအား  အသိပညာပေး ဆွေးနွေးခဲ့ကြောင်းသိရသည်။

DOCA(ဧရာဝတီ)