သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တာဝန်ခံသည် (၁၈.၃.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် အမှတ်(၁၅)ရပ်ကွက်၊ သစ္စာသောက်ရေသန့် ထုတ်လုပ်ရေးလုပ်ငန်းသို့သွားရောက်၍ စားသုံးသူကာကွယ်ရေးနှင့် ကုန်အညွှန်းအမှတ်အသားပြည့်စုံ မှန်ကန်စွာပါဝင်စေရေးအတွက် စျေးကွက်စောင့်ကြည့် စစ်ဆေးခဲ့ကြောင်း သိရသည်။

          ထိုသို့ စျေးကွက်စောင့်ကြည့်စစ်ဆေးခြင်းကို မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးနှင့် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်းပါဝင်ဆောင်ရွက်ခဲ့ပြီး စားသုံးသူရေးရာဦးစီးဌာနအနေဖြင့် ကုန်အညွှန်းအမှတ်အသား ပြည့်စုံစွာပါရှိစေရေးနှင့် လုပ်ငန်းရှင်အခက်အခဲများအား ဆွေးနွေးခဲ့ကြောင်း သိရှိရပါသည်။

DOCA(မကွေး)

 မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ခရိုင်အစားအ သောက်နှင့်ဆေးဝါးကွပ်ကဲရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မြို့နယ်စည်ပင်သာယာရေးအဖွဲ့၊မြို့နယ်ကျန်းမာရေးဦးစီးဌာန၊မြို့နယ်စားသုံးသူရေးရာဦးစီးဌာနတို့ပူးပေါင်း၍ပုဂ္ဂလိကဆေးရုံများသက်မှတ်ချက် နှင့်ကိုက်ညီမှုရှိ/မရှိမြေပြင် ကွင်းဆင်းစစ်ဆေးခြင်း ကိုမတ်လ(၁၇)ရက်နံနက်(၀၉[endif]-->၃၀)နာရီတွင်ကွင်းဆင်းစစ်ဆေးခဲ့ကြောင်းသိရသည်။

          အဆိုပါပုဂ္ဂလိကဆေးရုံများ သတ်မှတ်ချက်နှင့်ကိုက်ညီမှုရှိ/မရှိ စစ်ဆေးရေးပူးပေါင်းအဖွဲ့ သည်မြို့နယ်အတွင်းရှိ ပုဂ္ဂလိကအထူးကုဆေးရုံနှင့် ဆေးခန်းများသို့ကွင်းဆင်း၍ ပုဂ္ဂလိကအထူးကု ဆေးရုံ၊ဆေးခန်းများ၏သတ်မှတ်ချက်နှင့်ကိုက်ညီမှုရှိ/မရှိ စစ်ဆေးခြင်း၊ စားသုံးသူအားဝန် ဆောင်မှု ပေးရာတွင် ထင်ယောင်ထင်မှားမဖြစ်စေရေး၊ ဆေးဝါးများအား သတ်မှတ်အပူချိန်တွင်ထားရှိစေရေး၊ ထိန်းချုပ်ဆေးဝါးထားရှိသောပုဂ္ဂလိကအထူးကုဆေးရုံများတွင် သတ်မှတ်အအေးခန်းတွင် သီးခြား ထားရှိ၍ နေ့စဉ်မှတ်တမ်းထားရှိစေခြင်း၊ ပုဂ္ဂလိကအထူးကုဆေးရုံ၊ဆေးခန်းဖွင့်လှစ်ခွင့် လိုင်စင် မှတ်တမ်းများရှိ/ မရှိ စစ်ဆေးခြင်း၊ အခန်းအပူချိန်တိုင်း ကိရိယာများထားရှိမှု ရှိ/မရှိ စစ်ဆေးခြင်း၊ သုံးစွဲလျက်ရှိသော ဆေးဝါးများအား မှတ်တမ်းထားရှိ၍ သက်တမ်းကုန်ဆုံးမည့်ရက်စွဲများအား အမြဲတစေစစ်ဆေးသုံးစွဲစေခြင်း၊ မြန်မာနိုင်ငံဆေးဝါးထောက်ခံချက် အမှတ်ပါရှိသော ဆေးဝါးများ သာသုံးစွဲစေရန်၊ စားသုံးသူကာကွယ်ရေးဥပဒေအခန်း(၁)ပုဒ်မ(ဇ)ပါ ထင်ယောင်ထင်မှား ဖြစ်စေ သည့်ကုန်စည်(သို့) ဝန်ဆောင်မှုနှင့်စပ်လျည်းသည့် သဘာဝအရည်အသွေးကိုဖြစ်စေ၊ ထုတ်လုပ်မှု ဖြစ်စဉ်ကိုဖြစ်စေ၊ ဆောင်ရွက်မှုဖြစ်စဉ်ကိုဖြစ်စေ၊ ဝိသေသလက္ခဏာကိုဖြစ်စေ၊ သတ်မှတ်ထားသော စံချိန်စံညွှန်းကိုဖြစ်စေ၊ရည်ရွယ်ချက်ကိုဖြစ်စေ စားသုံးသူကိုလွဲမှားယူဆမှု ဖြစ်စေသော အပြုအမူ အပြောအဆိုများ မပြုလုပ်ရန်၊ ရရှိနိုင်သောဝန်ဆောင်မှုဆိုင်ရာများအား စားသုံးသူများကို တိကျ သေချာရှင်းလင်းစွာ ကြိုတင်အသိပေးဆောင်ရွက်ကြရန်၊ မိမိတို့ကြော်ငြာ ထားသည်နှင့် ကိုက်ညီ သောဝန်ဆောင်မှုများပေးဆောင်ရန် စသည်တို့ကို စစ်ဆေးဆွေးနွေးခဲ့ကြပြီး နေ့လည် (၁၂:၀၀) နာရီတွင် မြေပြင်ကွင်းဆင်း စစ်ဆေးမှု ပြီးစီးကြောင်းသိရသည်။

DOCA(မန္တလေး)

         မန္တလေးတိုင်းဒေသကြီး၊ စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူး ဦးသန်းစိုး (လက်ထောက်ညွှန်ကြားရေးမှူး)သည် (၁၇.၃.၂၀၂၅) ရက်နေ့၊ နေ့လည် (၁၆:၀၀) နာရီအချိန်၌ မြင်းခြံခရိုင်ဦးစီးမှူးရုံးတွင် မြင်းခြံမြို့ရှိ စားသုံးဆီလက်လီလက္ကားအရောင်းဆိုင်ရှင်များနှင့်တွေ့ဆုံ၍   ဘေးအန္တရာယ်ရှိနိုင်သောရောနှောဆီများရောင်းချမှုမရှိစေရေး၊ စားသုံးဆီများကိုသတ်မှတ်ရည်ညွှန်း ဈေးဖြင့် ရောင်းချစေရေးနှင့်စားသုံးသူကာကွယ်ရေးဥပဒေပါအကြောင်းအရာများအား ဟောပြော ဆွေးနွေးခဲ့ကြောင်းသိရသည်။

အဆိုပါဟောပြောဆွေးနွေးမှုတွင် ခရိုင်ဦးစီးမှူးက နိုင်ငံတော်မှပြည်သူများကို သက်သာ သောဈေးဖြင့် ရောင်းချပေးသောစားအုန်းဆီများကို အလေးချိန်ပြည့်မီစွာရောင်းချရန်၊ သတ်မှတ် ဈေးနှုန်းများအတိုင်း ရောင်းချစေရန်၊ စားအုန်းဆီအရောင်းဆိုင်များအနေဖြင့် စားအုန်းဆီများ အမှန် တကယ်ပြည်သူ့လက်ဝယ်သို့ ရောင်းချပေးစေရေး၊ စားသုံးသူများအားဘေးအန္တရာယ်ဖြစ်စေနိုင်သော ရောနှောဆီများ၊ သက်ဆိုင်ရာဌာနထောက်ခံချက်နှင့်စားသုံးသူကာကွယ်ရေးဥပဒေပါ ထည့်သွင်း ဖော်ပြပါရှိရမည့် ကုန်အညွှန်းအမှတ်အသားများအား ပြည့်စုံစွာမပါရှိသော စားသုံးဆီများအား ရောင်းချမှုမပြုလုပ်ရန်၊   ပြစ်မှု၊ပြစ်ဒဏ်များနှင့် စီးပွားရေးလုပ်ငန်းရှင်၏တာဝန်များ၊ ကုန်စည်၊ ဝန်ဆောင်မှုများနှင့်ပတ်သက်၍ စားသုံးသူများထိခိုက်နစ်နာမှု မဖြစ်ပေါ်စေရေး၊ စီးပွားရေးလုပ်ငန်း ရှင်များအားလုံး ဥပဒေများနှင့်အညီ ဆောင်ရွက်စေရေးများအား ရှင်းလင်းဟောပြောဆွေးနွေးခဲ့ရာ တွေ့ဆုံဆွေးနွေးပွဲသို့ လုပ်ငန်းရှင်(၂၅)ဦးတက်ရောက်ခဲ့ကြောင်း သိရသည်။       

DOCA(မန္တလေး)

          စားသုံးသူရေးရာဦးစီးဌာန၊ ပဲခူးတိုင်းဒေသကြီး နတ်တလင်းခရိုင်ဦးစီးမှူးရုံးရှိ ထုတ်ကုန်လုံခြုံစိတ်ချရမှု ဌာနခွဲတာဝန်ခံ၊ စားသုံးသူရေးရာဌာနခွဲတာဝန်ခံနှင့် တာဝန်ရှိဝန်ထမ်းများသည်  (၁၉.၃.၂၀၂၅) ရက်နေ့၊ နေ့လယ် (၁၄:၀၀)နာရီအချိန်တွင် ဇီးကုန်းမြို့ပေါ်ရှိ စားအုန်းဆီ လက်လီ/ လက်ကားရောင်းချနေသော ကုန်စုံဆိုင်များအား သွားရောက်ကွင်းဆင်းစစ်ဆေးခြင်း ပြုလုပ်ဆောင်ရွက်ခဲ့ကြောင်းသည်။

          ကွင်းဆင်းစစ်ဆေးခြင်းများ ဆောင်ရွက်ရာတွင် စားအုန်းဆီလက်လီ/ လက်ကားရောင်းချ လျက်ရှိသော လုပ်ငန်းရှင်များအနေဖြင့် သက်ဆိုင်ရာဌာနများမှ ထုတ်ပြန်ထားသည့် အမိန့်၊ ညွှန်ကြားချက်များနှင့်အညီ ရောင်းချဖြန့်ဖြူးကြရန်တို့ကို ရှင်းလင်းပြောကြားခဲ့၍ စားအုန်းဆီခွဲတမ်းများကို သတ်မှတ်စည်းမျဉ်းစည်းကမ်းများနှင့်အညီ စနစ်တကျဖြန့်ဖြူးရောင်းချရန်၊ အချိန်အတွယ်မှန်ကန်စွာ ရောင်းချကြရန်နှင့် ခွဲတမ်းရရှိသည့်ဆိုင်များအနေဖြင့် ဈေးနှုန်းကို အများမြင်သာသောနေရာများတွင် မြင်သာသော စာလုံးအရွယ်အစားများဖြင့် Vinyl ချိတ်ဆွဲထားရှိရန် အသိပညာပေးပြောကြားခဲ့၍ ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သိရှိရပါသည်။

DOCA(ပဲခူး)

           ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများ၊ ကုန်ဈေးနှုန်းတည်ငြိမ်ရေးလုပ်ငန်းများကို အင်တိုက်အားတိုက် ဆောင်ရွက်လျက်ရှိရာ ၁၉.၃.၂၀၂၅ ရက်နေ့တွင် ဒိုက်ဦးမြို့နယ်အတွင်း၌ ရောင်းချလျက်ရှိသော ဆန်ဆိုင်များအား သတ်မှတ်ထားသည့် ရည်ညွှန်းဈေးအတိုင်းရောင်းချရန်၊ ဈေးကွက်အတွင်း ဆန်ပြတ်လပ်မှုမရှိစေရန် ဒုခရိုင်ဦးစီးမှူး ဦးစောသန်းထိုက်ကျော်နှင့် ဒိုက်ဦး မြို့နယ်တာဝန်ခံ ဦးကျော်သက်မိုးတို့ ဦးဆောင်သော ပူးပေါင်းအဖွဲ့မှ ရှောင်တခင် ဝင်ရောက်စစ်ဆေးခဲ့ပါသည်။

            ထိုသို့စစ်ဆေးရာတွင် ညောင်လေးပင်ခရိုင်ဦးစီးမှူးရုံးမှ ဒုခရိုင်ဦးစီးမှူး၊ ဒိုက်ဦးမြို့နယ်တာဝန်ခံတို့သည် မိတ်ဖက်အဖွဲ့အစည်းများဖြစ်ကြသော ဒိုက်ဦးမြို့နယ် အထူးစုံစမ်းစစ်ဆေးရေးဦးစီးဌာန၊ ဒိုက်ဦးမြို့မဈေးတာဝန်ခံတို့နှင့်အတူ  လက်လီလက်ကားရောင်းချသည့် ဆန်ဆိုင်များအား သတ်မှတ်ရည်ညွှန်းဈေးအတိုင်း ရောင်းချရန်၊ သတ်မှတ်ပမာဏအတိုင်း အပြည့်အဝရောင်းချရန်၊ အလေးချိန်မှန်ကန်စွာရောင်းချရန်၊ အရောင်းအဝယ် လက်ခံသည့်ဘောင်ချာများထားရှိရန်၊ ကုန်စုံဆိုင်အမည်နှင့် ရောင်းချသည့် ဈေးနှုန်းကပ်ထားသည့် ဗီနိုင်း၊ ပိုစတာ တို့အား အများမြင်သာသည့် နေရာတွင် ချိတ်ဆွဲထားမှု ရှိ/ မရှိ တို့အား ရှောင်တခင် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ပဲခူး)