သတင်းနှင့် လှုပ်ရှားမှုများ

  စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ  ဦးမင်းမင်းစိုး(ဌာနခွဲစာ ရေး)နှင့်ဝန်ထမ်းများ၊ အထွေထွေအုပ်ချုပ်ရေးဦးစီးဌာန၊ ဈေးစည်ပင်သာယာရေးကော်မတီတို့ နှင့်ပူးပေါင်း၍(၂၃.၉.၂၀၂၅)ရက်နေ့၊ နံနက်(၉:၃၀)အချိန်တွင် မြောက်ဥက္ကလာပမြို့နယ်အတွင်းရှိ စားအုန်းဆီလက်လီ အရောင်းဆိုင်များသို့ ကွင်းဆင်းစစ် ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

      ထိုသို့ ဆောင်ရွက်ခဲ့ကြရာတွင် မြောက်ဥက္ကလာပမြို့နယ်အတွင်းရှိ  စားအုန်းဆီလက်လီ အရောင်းဆိုင်များ ရုံ(ဃ)၊ ဆိုင်အမှတ် (၁၇)၊ (ဌ)ရက်ကွက်၊ (ဌ) ဈေးသို့ ဝင်ရောက်စစ်ဆေးခဲ့ရာ မိမိတို့ရောင်းချနေသောဆိုင်များတွင်လည်း  ဒေသရောက်ဈေးနှုန်းများအပေါ် ၂% အမြတ်ထက် မပိုသောဈေးနှုန်းဖြင့် ဈေးကွက်အတွင်းဖြန့်ဖြူးရောင်းချစေရေး၊ ခွဲတမ်းရရှိသောစား အုန်းဆီများ အား သတ်မှတ်ရည်ညွှန်းဈေးဖြင့်သာရောင်းချကြရန်၊ ဗွီနိုင်းချိတ်ဆွဲထားရှိကြရန်၊ အလေးချိန် ပြည့်ဝမှန်ကန်စွာရောင်းချကြရန်၊ မိမိရရှိသောခွဲတမ်းများကို ရပ်ကွက်နေစားသုံးသူပြည်သူများ လက်ဝယ်သို့ အမှန်တကယ်ရောက်ရှိစားသုံးနိုင်‌စေရန် ကွင်းဆင်းကြပ်မတ်ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

   ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ်ရှိ  City Mart Supermarket အတွင်း ရောင်းချလျက်ရှိသည့် စားသောက်ကုန်ပစ္စည်းများနှင့် လူသုံးကုန်ပစ္စည်းများ ဈေးနှုန်းမြှင့်တင်မှုနှင့် ပစ္စည်းပြတ်လပ်မှုရှိ/မရှိ ဈေးကွက်စောင့်ကြည့် စစ်ဆေးရန်အတွက် ရန်ကုန်တောင်ပိုင်းခရိုင်ဦးစီးမှူးရုံးမှ ဒေါ်ငြိမ်းငြိမ်းဝင်း(ဦးစီးမှူး)နှင့် ဝန်ထမ်းများသည် ၂၀၂၅ခုနှစ်၊ စက်တင်ဘာလ(၂၄)ရက်နေ့၊ နံနက်(၁၀:၀၀)နာရီအချိန်တွင် မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

   ထိုသို့ မြေပြင်ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ ရန်ကုန်တောင်ပိုင်း ခရိုင်ဦးစီးမှူးရုံးမှ ဒေါ်ငြိမ်းငြိမ်းဝင်း(ဦးစီးမှူး)နှင့်ဝန်ထမ်းများသည် City Mart Supermarket အတွင်း ရောင်းချလျှက်ရှိသည့် စားသောက်ကုန်ပစ္စည်းများနှင့် လူသုံးကုန်ပစ္စည်းများအား ဈေးကွက်အတွင်း ပြတ်လပ်မှုရှိ/မရှိ လိုက်လံကြည့်ရှု့စစ်ဆေးပြီး ဆိုင်တာဝန်ခံနှင့် တွေ့ဆုံကာ ၎င်းပစ္စည်းများနှင့် ပတ်သတ်၍ ယခင်လနှင့် ယခုလအတွင်း ဈေးနှုန်းမြှင့်တင်မှုရှိ/မရှိ အခြေအနေ အား ကွင်းဆင်းစစ်ဆေးခဲ့ကြောင်း သိရှိရသည်။ အဆိုပါပစ္စည်းများမှာ ဈေးကွက်အတွင်း ပုံမှန် ဝင်ရောက်ပြီး ပြတ်လပ်မှုမရှိကြောင်း တွေ့ရှိရပြီး ဈေးနှုန်းများကိုလည်း အဆမတန် ဈေးနှုန်းမြှင့် တင်ရောင်းချမှုမပြုလုပ်ကြရန် အသိပညာပေး ဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

  ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားအုန်းဆီလက်လီလက်ကား အရောင်းဆိုင်များသို့ ကွင်းဆင်းစိစစ်ရန် ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့် အညီ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ ဝန်ထမ်းများသည် ပူးပေါင်းအဖွဲ့ဖြင့် စက်တင်ဘာလ(၂၄)ရက်နေ့၊ နံနက် (၁၀:၀၀)နာရီအချိန်တွင် ဈေးကွက်အတွင်း ကွင်းဆင်းစိစစ်ခဲ့ ကြောင်း သိရှိရပါသည်။

   ထိုသို့ ကွင်းဆင်းစစ်ဆေးဆောင်ရွက်ရာတွင် ကွမ်းခြံကုန်းမြို့နယ် စည်ပင်သာယာရေးအဖွဲ့ မှ ဈေးတာဝန်ခံ ကျန်းမာရေးမှူး-၃ ဦးထွန်းထွန်းနှင့် အခွန်ကောက်စာရေး ဦးသန့်ဇော်ဦး၊ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ ပူးပေါင်းပါဝင်သောအဖွဲ့သည် ကွမ်းခြံကုန်းမြို့နယ် ရပ်ကွက်အတွင်း ရောင်းချ သောဆိုင်များဖြစ်သည့် ဈေးပိုင်းရပ်ကွက်ရှိ ဦးဟိန်းသော်ဇင် (လက်လီလက်ကားအရောင်းဆိုင်)၊ ဦးခင်မောင်အေး (လက်လီလက်ကား အရောင်းဆိုင်)၊ ကံကြီးမကျီးရပ်ကွက်ရှိ ဦးကျော်လွင် (လက်လီအရောင်းဆိုင်)များနှင့် မြို့မဈေးအတွင်းရောင်းချသော ဒေါ်လဲ့လဲ့သင်း (လက်လီ အရောင်းဆိုင်)၊ ဒေါ်မြသီတာကျော် (လက်လီအရောင်းဆိုင်)၊ဦးမြင့်မင်းသူ (လက်လီအရောင်း ဆိုင်)များသို့ စားအုန်းဆီ ဖြန့်ဖြူးရောင်းချသည့် ကုမ္ပဏီ၊ ခွဲတမ်းရရှိသည့် ပိဿာ၊ ပေပါ၊ တာဝန် ယူ ဖြန့်ဖြူးရောင်းချသည့် အရေအတွက် ပိဿာ၊ ပေပါ၊ ရောင်းချသည့် လက်လီလက်ကား ဈေးနှုန်းများနှင့် နေ့စဉ်ရောင်းချလျှက်ရှိသည့် ပုံစံများကိုပါ စိစစ်ကြပ်မတ်ခဲ့ကြောင်း သိရှိရသည်။

ထို့နောက် စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးက စားသုံးသူ ရေးရာဦးစီးဌာနမှ အပတ်စဉ် စားအုန်းဆီ ရည်ညွှန်းဈေးနှုန်းများကို သတ်မှတ် ထုတ်ပြန်လျှက်ရှိ ရာ ရည်ညွှန်းဈေးအပေါ် (၂%)အမြတ်နှင့် သယ်ယူခ၊ အလုပ်သမားခများကို ထည့်သွင်းတွက်ချက် ၍ သင့်တင်မျှတသော ဈေးနှုန်းဖြင့် ရောင်းချကြရန်၊ ဈေးကစားရန် ရည်ရွယ်၍ သိုလှောင်ခြင်း၊ ဖြန့်ဖြူးခြင်းများ မပြုလုပ်ကြရန်၊ စားအုန်းဆီ ရောင်းချသော လက်လီလက်ကား ကိုယ်စားလှယ် လုပ်ငန်းရှင်များနှင့် တွေ့ဆုံဆွေးနွေး ကွင်းဆင်းစိစစ်ခဲ့ကြောင်း သိရှိရပါသည်။

DOCA(ရန်ကုန်)

       စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းအကောင် အထည်ဖော်ဆောင်ရွက်လျက်ရှိသည့် မြန်မာဆန်စပါးအွန်လိုင်း( Myanmar Rice Online - MyRo )တွင်  ၂၀၂၃ ခုနှစ်၊ နိုဝင်ဘာ ၃ ရက်နေ့မှ့ စတင်၍ ဆန်တန်ချိန် ၂၅ နှင့်အထက် သိုလှောင်ရုံ (သို့) စပါးတင်း ၂၅၀၀ နှင့်အထက် သိုလှောင်မှုများအား မှတ်ပုံတင်ခြင်းလုပ်ငန်းဆောင် ရွက်လျက်ရှိရာ စစ်ကိုင်းတိုင်းဒေသကြီးတွင် တိုင်း/ ခရိုင်များမှ မှတ်ပုံတင်ထားရှိသည့် အလုံးရေ (၁၂၉) လုံးမှတ်ပုံတင်ထားရှိကြောင်း သိရသည်။

     မှတ်ပုံတင်ထားရှိသည့် ဆန်စပါးသိုလှောင်ရုံပိုင်ဆိုင်သူများအား   လိုက်နာဆောင်ရွက်ရန် ညွှန်ကြားချက် အမှတ် (၁/ ၂၀၂၅)ထုတ်ပြန်ခြင်းကိစ္စအား သိရှိလိုက်နာဆောင်ရွက်ရန်နှင့် (၁၂၉) ဦး အနက် MyRo တွင် မှတ်ပုံတင်ထားရှိသည့် ဆန် စပါးသိုလှောင်ရုံများ၏ ကုန်ရ၊ ကုန်ထုတ်၊ ကုန်လက်ကျန် စာရင်းများအား လစဉ် ၁ ရက်နေ့မှ ၇ ရက်နေ့အတွင်း ဖြည့်သွင်းပေးနိုင်ရေးနှင့် သိုလှောင်ရုံပိုင်ရှင်များထဲမှ   MyRo တွင် ကုန်ရ ၊ ကုန်ထုတ် ၊ ကုန်လက်ကျန်စာရင်း မဖြည့်သွင်း ရသေးသည့်သူများအား စာရင်းများ ဖြည့်သွင်းပြခြင်းများ ဆောင်ရွက်ခဲ့ကြောင်း သိရပါသည်။

DOCA(စစ်ကိုင်း)

   စားသုံးသူရေးရာဦးစီးဌာနအနေဖြင့် MSME လုပ်ငန်းများ ဖွံ့ဖြိုးတိုးတက်ရေး၊ ထုတ်ကုန်များ လုံခြုံစိတ်ချရမှုရှိစေရေးနှင့် ဥပဒေများနှင့်အညီထုတ်လုပ်နိုင်စေရေးအတွက်  ဈေးကွက်မရောက်မီနှင့် ဈေးကွက်ရောက်ပြီး ကုန်စည်များအား ဈေးကွက်စောင့်ကြည့် စစ်ဆေးခြင်းများကို စဉ်ဆက်မပြတ် ဆောင်ရွက်ရှိရာ ညောင်ဦးခရိုင်တာဝန်ခံ ဦးတင်မျိုးခိုင်(ဦးစီးအရာရှိ)သည် စက်မှုကြီးကြပ်စစ်ဆေးရေး ဦးစီးဌာနမှ တာဝန်ရှိသူများနှင့်အတူ (၁၅.၉.၂၀၂၅) ရက်နေ့၊ နေ့လည် (၁၅:၃၀) နာရီ အချိန်တွင် ညောင်ဦးမြို့  အရှေ့ဖွားစောကျေးရွာရှိ “လပြည့်’’ အမှတ်တံဆိပ် ကိတ်မုန့်လုပ်ငန်းခွင်သို့ကွင်းဆင်း၍ ဈေးကွက်မရောက်မီ ထုတ်ကုန်များလုံခြုံစိတ်ချရမှုရှိစေရေး ကွင်းဆင်းဆောင်ရွက်ခဲ့ပါသည်။

          ခရိုင်တာဝန်ခံမှ လုပ်ငန်းရှင်များအနေဖြင့် လုပ်ငန်းခွင်တွင်အဓိကထုတ်လုပ်သော ကုန်ကြမ်း ပစ္စည်းများမှာ အရည်အသွေးကောင်းမွန်မှုရှိရန်နှင့် မိမိတို့ထုတ်လုပ်သောကုန်ပစ္စည်းများကို သန့်ရှင်း သပ်ရပ်စွာဖြင့် ထုတ်လုပ်၍ ကျန်းမာရေးနှင့်ညီညွတ်ရန် အထူးအလေးထားလုပ်ဆောင်ရန်လိုအပ်ပါ ကြောင်း၊ ကုန်စည်နှင့်သက်ဆိုင်သည့် ထည့်သွင်းဖော်ပြရမည့် ကုန်အညွှန်းအမှတ်အသားများ ပြည့်စုံစွာ ပါရှိရမည်ဖြစ်ပါကြောင်း၊ စားသုံးသူများဘေးအန္တရာယ်ကင်းရှင်းစွာ စားသုံးနိုင်စေရေးနှင့် သက်ဆိုင်ရာ ဌာနများ၏ ပြဌာန်းချက်များကိုလည်း လိုက်နာဆောင်ရွက်ရန် လိုအပ်ပါကြောင်း၊ ဥပဒေပါ ပြဌာန်းချက် များနှင့်အညီ လိုက်နာဆောင်ရွက်ခြင်းဖြင့် အရည်အသွေးမြင့်မားသော ထုတ်ကုန်ပစ္စည်းများထုတ်လုပ် လာနိုင်ပြီး မိမိ၏အမှတ်တံဆိပ်ကုန်ပစ္စည်းမှာလည်း ဈေးကွက်ခိုင်မာမှုရှိလာမှာဖြစ်ပါကြောင်း၊ မိမိတို့ ဌာနအနေဖြင့် ကုန်စည်များထုတ်လုပ်ရောင်းချရာတွင် ဈေးကွက်မရောက်မီနှင့် ဈေးကွက်ရောက်ပြီး အခြေအနေများ၌လည်း ဈေးကွက်စောင့်ကြည့် စစ်ဆေးလျက်ရှိပြီး စားသုံးသူများ ဘေးအန္တရာယ်ကင်း ရှင်းရေးတို့အတွက် အာမခံချက်ရှိပြီး အရည်အသွေးမြင့်မားသည့် ကုန်စည်များဖော်ဆောင်ဖြည့်ဆည်း ပေးရာတွင် ကုန်အညွှန်းအမှတ်အသားဖော်ပြခြင်းသည် အဓိကအခန်းကဏ္ဍတွင် ပါဝင်နေသည့်အတွက် စားသုံးသူများ လုံခြုံစိတ်ချရမှုရှိစေရန် ပူးပေါင်းဆောင်ရွက်ကြရမည်ဖြစ်ပြီး လုပ်ငန်းရှင်များအနေဖြင့် လည်း မိမိတို့၏ကုန်စည်များ ဈေးကွက်အတွင်း ရေရှည်တည်တံ့နိုင်စေရေးအတွက် စားသုံးသူများ၏ လိုအပ်ချက်ကို စိတ်စေတနာထား၍ မှန်ကန်သောဖြည့်ဆည်းမှုများဆောင်ရွက်ပေးကြရန် လိုအပ်ပါ ကြောင်းနှင့် MSME လုပ်ငန်းများဖွံ့ဖြိုးတိုးတက်ရေးကို အားပေးဆောင်ရွက်လျက်ရှိပါကြောင်း အသိပညာပေး၍ ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ကြောင်းနှင့် ဆက်လက်၍လည်း ဒေသအတွင်းရှိ MSME လုပ်ငန်းခွင်များသို့ စဉ်ဆက်မပြတ်ကွင်းဆင်းစိစစ်မှုများဆောင် ရွက်သွား မည်ဖြစ်ကြောင်း သိရသည်။   

DOCA(မန္တလေး)