သတင်းနှင့် လှုပ်ရှားမှုများ

   (၁၉-၉-၂၀၂၅)ရက်နေ့ နံနက် (၁၀:၃၀)တွင် စားသုံးသူ‌ရေးရာဦးစီးဌာန၊ မအူပင်ခရိုင်ဦးစီးမှူး ရုံးတွင် ခရိုင်ဦးစီးမှူး ဦး‌ဇော်မင်းသည် မအူပင်ဆန်စက်လုပ်ငန်းရှင် အတွင်းရေးမှူး ဦးအောင်ကျော်နှင့် တွေ့ဆုံ၍ Myro မှတ်ပုံတင်ခြင်းနှင့် သိုလှောင်ရုံလုပ်ငန်းစဥ် စာရင်းရေးသွင်း ခြင်းအကြောင်းကို မအူပင် ဆန်စက်လုပ်ငန်းရှင်အသင့်းများက သိရှိနားလည်ပြီး ကြပ်မတ်ဆောင်ရွက်ခြင်းလုပ်ငန်းများ ဆောင်ရွက်နိုင်ရေး ရှင်းလင်းပြောကြားခဲ့ပါသည်။

      ဆွေးနွေးရာတွင် မအူပင်ခရိုင်ဦးစီးမှူးဦးဇော်မင်းက ဥပဒေအရ စီးပွားရေးအလို့ငှာ ဆန်/စပါး သိုလှောင်လုပ်ကိုင်သူ မည်သည့် စီးပွားရေးလုပ်ငန်းရှင်မဆို ဆန်တန်ချိန် ၅၀ သို့မဟုတ် စပါးတင်း ၅၀၀၀ နှင့်အထက် သိုလှောင်သည့် ဆန်စပါးသိုလှောင်ရုံပိုင်ဆိုင်သူများအနေဖြင့် မိမိတို့ ၏ သိုလှောင်ရုံများကို Myanmar Rice Online (MyRo)-www.myro.com.mmတွင် မဖြစ်မနေ မှတ်ပုံတင်ဆောင်ရွက်ပေးကြပါရန် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက အသိပေးကြေငြာပြီးဖြစ်ကြောင်း၊ ဆန်စက်လုပ်ငန်းရှင် အသင်းမှဘည်း ဆန်စက်လုပ်ငန်းဖွံ့ဖြိုးတိုးတက်ရေး ကူညီဆောင်ရွက်နိုင်ရန်လို အပ်သဖြင့် မှတ်ပုံတင်ပြီးလုပ်ငန်းများမှ  သက်တမ်း၁နှစ်ပြည့်ပြီးသူများလည်း သက်တမ်းတိုးဆောင်ရွက် လျက်ရှိကြောင်း ရှင်းလင်းပြီး၊ ပြည်တွင်းဆန်စပါးဖူလုံရေး၊ ပြည်ပသို့ စနစ်တကျတင်ပို့ရောင်းချနိုင်ရေး၊ ဆန်စပါး စျေးကွက်နှင့် စျေးနှုန်းတည်ငြိမ်မှန်ကန်စေရေးနှင့် ဆန်စပါးသိုလှောင်မှုအခြေအနေ များကို စနစ်တကျ စာရင်းပြုစု မှတ်ပုံတင်ထား နိုင်ရေးအတွက် လစဉ် လဆန်း ၇ရက်‌နေ့တွင် ဆန်စက်/ သိုလှောင်ရုံ လုပ်ငန်းရျင်များက စပါး/ဆန် လက်ကျန် ရထုတ်ကျန် စာရင်းများ ဖြည့်သွင်‌းဆောင်ရွက်ခြင်းလုပ်ငန်းကို  ဆောင်ရွက်နိုင်ရန် အသိပညာပေး ရှင်းလင်းပြောကြားခဲ့ကြောင်း မအူပင်ဆန်စက်လုပ်ငန်းရှင် အသင်းအတွင်းရေးမှူးက လုပ်ငန်းစဉ် အကြောင်းကို လေ့လာခဲ့ကြောင်းသိရသည်။

DOCA(ဧရာဝတီ)

   ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့၌ စားသုံးသူရေးရာဦးစီးဌာန၊ ခရိုင်ဦးစီးမှုးဦးဇော်မင်း၊ ဒုခရိုင်ဦးစီးမှူး ဦးအောင်ဇော်ဦးနှင့် မြို့နဉ်တာဝန်ခံရုံးမှ ဦးခိုင်လွမ်းမိုးတို့ သည် ​မြို့နယ်အတွင်းရှိ ဆီစက်များမှ ဒေသတွင်းဖူလုံမှုအပြင် ပိုလျှံသည်အထိ ကြိတ်ခွဲထုတ်လုပ်​ဆောင်ရွက်သွားနိုင်​ရေး၊ ပြည်တွင်း၌ ဆီထွက်သီးနှံများ ပိုမိုစိုက်ပျိုးထုတ်လုပ်လာစေရေးနှင့် ဆီစက်လုပ်ငန်းများ ဖွံ့ဖြိုးတိုးတက်လာစေရန်ရည်ရွယ်၍ ၁၈-၉-၂၀၂၅ရက်နေ့  ၁၁ နာရီအချိန်က မြို့ပေါ်ရှိ ဆီစက်များသို့ ကွင်းဆင်းစစ်ဆေးဆောင်ရွက်ခဲ့ကြောင်း သိရသည်။

   အဆိုပါ ကွင်းဆင်းစစ်ဆေးရာတွင် ဆီစက်လုပ်ငန်းရှင်များအား လုပ်ငန်းလိုင်စင် ရှိ/မရှိ၊ ဆီစက်များ အမှန်တကယ်လည်ပတ်ခြင်း ရှိ/မရှိ၊ ဈေးနှုန်း/ဈေးကွက်တို့အား မေးမြန်း ဆွေးနွေးခြင်း၊ စားသုံးဆီ ထုတ်လုပ်ရောင်းချရာတွင် ကုန်ကြမ်းမှကုန်ချောသို့ ရောက်ရှိပုံ အဆင့်ဆင့်အခြေအနေများ၊ ထုတ်လုပ်သည့် စားသုံးဆီများ ဈေးကွက်သို့ ရောင်းချရာတွင်  သတ်မှတ်ထားသော ကုန်အညွှန်းအမှတ်အသားများ ဖော်ပြထားရှိမှုနှင့် ကုန်စည်အပေါ် အာမခံချက်ပေးထားခြင်းများအတွက် ဆွေးနွေးခဲ့ပြီးနောက် ဆီထုတ်လုပ်နေမှုနှင့် ထုတ်ပိုးနေမှုများအား ကြည့်ရှုစစ်ဆေးခဲ့သည်။

   ဓနုဖြူမြို့ပေါ်ရှိ ဆီစက်များတွင် လက်ရှိ ၂၄ နာရီလျှင် ကုန်ကြမ်းမြေပဲ (၅၅၀) ပိဿာခန့် အသုံးပြုပြီး ကုန်ချောမြေပဲဆီ (၂၀၀) ပိဿာခန့်ထွက်ရှိ ဖြန့်ဖြူးရောင်းချလျက်ရှိကြောင်း‌၊ စားသုံးသူပြည်သူများ လူတန်းစားမရွေး စားသုံးနိုင်ရန် မြေပဲဆုံဆီများ ကို တစ်ပိဿာ (၂၃,၀၀၀) ကျပ်ဖြင့် ရောင်းချပေး လျက်ရှိကြောင်း သိရသည်။

DOCA(ဧရာဝတီ)

       ရန်ကုန်အရှေ့ပိုင်းခရိုင်စားသုံးသူရေးရာဦးစီးမှူးရုံးမှ ဦးမင်းမင်းစိုး (ဌာနခွဲစာရေး)သည် (၁၅-၉-၂၀၂၅) ရက်နေ့၊ နေ့လယ် (၁၄:၃၀) အချိန်တွင် HIGH WAY မင်္ဂလာတောင်ညွန့်မြို့နယ် စက်သုံးဆီအရောင်းဆိုင်သို့သွားရောက်၍ PPRD မှ သတ်မှတ်ထားသော ဈေးနှုန်းများအတိုင်း ရောင်းချခြင်းရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

      ထိုသို့စစ်ဆေးခြင်း ဆောင်ရွက်ရာတွင် စက်သုံးဆီအရောင်းဆိုင် များ၏ LED ဘုတ်တွင် ယနေ့ရောင်းဈေးတစ်လီတာလျှင်  တို့ဖြင့် ရောင်းချနေကြောင်းတွေ့ရှိရပြီး၊ စက်သုံးဆီရောင်းချမှု အခြေအနေများ၊ စက်သုံးဆီဈေးနှုန်း(92-၂၉၂၅ ကျပ်)၊ (95-၂၉၉၅ ကျပ်)၊ (HSD-၂၅၇၅ကျပ်)၊ (PHSD-၃၁၇၅ကျပ်) ၊ စက်သုံးဆီအရည်အသွေး၊ အခြင်အတွယ် မှန်ကန်မှု ရှိ/မရှိ၊ ဆီကား ရောက် ရှိမှုအခြေအနေများနှင့် ဆီလက်ကျန်အခြေအနေများအား စစ်ဆေးမေးမြန်းခြင်းဆောင်ရွက်ခဲ့ပြီး မြို့နယ်အတွင်း စက်သုံးဆီပြတ်လပ်မှု မရှိစေရေးနှင့် စက်သုံးဆီဈေးနှုန်းအဆမတန်မြှင့်တင် ရောင်းချမှုများမရှိစေရေး အသိပေးဆွေးနွေးခဲ့ကြောင်း သိရှိရပါသည်။

DOCA (ရန်ကုန်)

      စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့်  ဝယ်ယူစားသုံးနိုင်စေရန်နှင့် ပြည်တွင်းလိုအပ်ချက်များကိုဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်းသိရပါသည်။

      ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

   ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ် မှုများအရ ၂၀၂၅ခုနှစ်၊အောက်တိုဘာလ ၂၀ ရက်နေ့မှ ၂၃ ရက်နေ့အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာစားအုန်းဆီတစ်ပိဿာလျှင် ငွေကျပ်၆,၅၈၅ ဖြစ် ကြောင်း စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေး ကော်မတီက အသိပေးထုတ်ပြန်ကြေညာထားကြောင်း သိရှိရပါ​သည်။    

     ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက်   ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ကြောင်း သိရှိရသည်။

    စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ်တနင်္လာနေ့တိုင်းထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်း သိရှိရပါသည်။

    ဧရာဝတီတိုင်းဒေသကြီး၊ မအူပင်မြို့၊ လေလဲကျေးရာ ရေကျော်အခြေခံပညာ အလယ်တန်း ကျောင်းဝင်းအတွင်း ရောင်းချနေသော ကျောင်းမုန့်ဈေးတန်းအား အစားအသောက် လုံခြုံစိတ်ချ စေရေး အတွက် ၁၉-၉-၂၀၂၅ နေ့လည် ၁၂နာရီအချိန်တွင် ဌာနဆိုင်ရာတာဝန်ရှိသူများက ကြည့်ရှုစစ်ဆေးခဲ့ကြောင်းသိရသည်။

    ထို့နောက် စားသုံးသူရေးရာဦးစီးဌာန၊ အစားအသောက်နှင့်ဆေးဝါးကြီးကြပ်ကွပ်ကဲရေး ကော်မတီအဖွဲ့ဝင်များ၊ ကျန်းမာရေးဦးစီးဌာန ကျောင်းကျန်းမာရေးကော်မတီဝင်များ ပူးပေါင်း ၍  ကျောင်းမုန့်ဈေးတန်းရှိ အစားအသောက်များကို ယင်မနားအောင် ဖုံးအုပ်ထားခြင်းရှိ/မရှိနှင့် သန့်ရှင်းသပ်ရပ်ခြင်းရှိ/မရှိတို့ကို ကြည့်ရှုစစ်ဆေးပြီး ဈေးရောင်းချနေသူများအား အစားအသောက် ဘေးအန္တရာယ်ကင်းရေး၊ ကျန်းမာရေးထိခိုက်စေသည့် ဆိုးဆေးနှင့်တာရှည်ခံဓာတုဆေးများ၊ အန္တရာယ် ကင်းသော အစားအစာရရှိရေးအတွက် အဓိကဆောင်ရွက်ရမည့် အချက်(၅) ချက်ပါဝင် သည့် လက်ကမ်း စာစောင်များကိုဖြန့်ဝေပေးခဲ့သည်။

DOCA(ဧရာဝတီ)