သတင်းနှင့် လှုပ်ရှားမှုများ

         ၂၀၂၅ ခုနှစ်၊ စက်တင်ဘာလ ၂၃ ရက် နံနက် ၀၉:၃၀ အချိန်တွင် စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊  ကန့်ဘလူမြို့နယ်တာဝန်ခံဦးမျိုးဝင်းသန်းနှင့် ဒေါ်အိမွန်ကျော်တို့သည့် ကန့်ဘလူမြို့၊ အမှတ်(၄)ရပ်ကွက်ရှိ ကုန်စုံဆိုင်များတွင်  ကွမ်းစားဆေးအမျိုးမျိုးနှင့် ဆေးလိပ်အမျိုး မျိုးအား ကွင်းဆင်းစစ်ဆေးခဲ့ကြောင်း သိရသည်။

      မြို့နယ်တာဝန်ခံက ကုန်စုံဆိုင်များတွင် ရောင်းချလျက်ရှိသည့် ကွမ်းစားဆေးအမျိုးမျိုးနှင့် ဆေးလိပ်အမျိုးမျိုးအားတွင် ကုန်အညွှန်းအမှတ်အသားများကို သက်ဆိုင်ရာဌာနများ၏ ညွှန်ကြား ချက်များနှင့်အညီ လိုက်နာဆောင်ရွက်ခြင်းရှိ/မရှိ ကွင်းဆင်းစစ်ဆေးခဲ့ကြောင်း၊ လုပ်ငန်းရှင်များ နေဖြင့် စားသုံးသူကာကွယ်ရေးဥပဒေ အခန်း(၁၀)ပါ စီးပွားရေးလုပ်ငန်းရှင်၏ တာဝန်များကိုသိရှိ နားလည်းထားရန်နှင့် လိုက်နာဆောင်ရွက်ရန် လိုအပ်ကြောင်း အသိပညာပေးပြောကြားခဲ့ပြီး လုပ်ငန်းရှင်အား စားသုံးသူကာကွယ်ရေးအကြောင်း သိကောင်းစရာ အသိပညာပေးလက်ကမ်း စာစောင်များ ဖြန့်ဝေပေးခဲ့ကြောင်း သိရသည်။

DOCA(စစ်ကိုင်း)

            ၂၀.၉.၂၀၂၅ ရက်နေ့၊ နံနက် (၁၀း၀၀)နာရီအချိန်ခန့်တွင် စားသုံးသူရေးရာဦးစီးဌာန၊ ရန် ကုန်တိုင်းဒေသကြီးဦးစီးမှူးရုံးမှ တိုင်းဒေသကြီးဦးစီးမှူး ဦးကျော်ကျော်လွင်၊  ဒုတိယတိုင်းဒေသ ကြီးဦးစီးမှူး ဦးတင်မိုးအောင်၊  အရှေ့ပိုင်းခရိုင်ဦးစီးမှူးဦးဇော်မင်းလတ်နှင့်ဝန်ထမ်းများက ဦး ဆောင်လျက် ဆီလုပ်ငန်းရှင်များအသင်းမှ ဦးလှိုင်မျိုး  (အတွင်းရေးမှူုး)နှင့်တာဝန်ရှိသူများ၊ သက် ဆိုင်ရာမြို့နယ်အုပ်ချုပ်ရေးမှုးများ ၊ စားအုန်းဆီဝယ်ယူဖြန့်ဖြူးရောင်းချသည့်ကုမ္မဏီမှ တာဝန် ရှိသူများ လက်ကားကိုယ်စားလှယ်များ ၊ လက်လီကိုယ်စားလှယ်များနှင့် ရက်ကွက်အုပ်ချုပ်ရေး မှူးများပူးပေါင်း၍ စားအုန်းဆီဖြန့်ဖြူးသည့်အိမ်ထောင်စုများသို့ ကွင်းဆင်းစစ်ဆေးဆောင်ရွက်ခဲ့ ကြောင်းသိရှိရပါသည်။

          ထိုသို့ စစ်ဆေးရာတွင် တိုင်းဒေသကြီးဦးစီးမှူး ဦးကျော်ကျော်လွင်က ဖြန့်ဖြူးသည့် ကုမ္မ ဏီအမည်၊ လက်ကားကိုယ်စားလှယ်၊ လက်လီကိုယ်စားလှယ်၊ ဖြန့်ဖြူးသည့်ရပ်ကွက်၊ ပိဿာ အရေအတွက်၊ အိမ်ထောင်စုဦးရေနှင့် တစ်လလျှင် (၁) အိမ်ထောင်စု စားအုန်းဆီရရှိမှုပိဿာတို့ကို ကွင်းဆင်းစစ်ဆေးခဲ့ရာ အရှေ့ဒဂုံမြို့နယ်၊ (၁၂၅) ရပ်ကွက်နှင့် (၆) ရပ်ကွက် အတွင်းရှိ အိမ်ထောင်စုများအား မြေပြင်ကွင်းဆင်းစစ်ဆေးခဲ့ကြောင်းသိရှိရပါသည်။

DOCA (ရန်ကုန်)

           စားသုံးသူပြည်သူများ အနေဖြင့် ကုန်စည်(သို့မဟုတ်)ဝန်ဆောင်မှုများအား ဝယ်ယူအသုံး ပြုရာတွင် ဘေးအန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေးတို့အတွက် ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ပိန္နဲကုန်းကျေးရွာအုပ်စု အုပ်ချုပ်ရေးမှူးရုံး ခန်းမ၌ စက်တင်ဘာလ (၂၂) ရက်နေ့၊ နံနက် (၁၀:၀၀) နာရီအချိန်တွင် စားသုံးသူကာကွယ်ရေး အသိပညာပေး ဟောပြောပွဲအား ကျင်းပပြုလုပ်ခဲ့ကြောင်း သိရသည်။

        အဆိုပါ အသိပညာပေး ဟောပြောခဲ့ရာတွင် ပိန္နဲကုန်းကျေးရွာအုပ်ချုပ်ရေးမှူး ဦးအောင် နိုင်စိုးက အဖွင့်အမှာစကား ပြောကြားပေးခဲ့ပြီး မြို့နယ်စားသုံးသူရေးရာဦးစီးဌာနမှ မြို့နယ် တာဝန်ခံ ဦးတင်မင်းက စားသုံးသူကာကွယ်ရေး ဥပဒေတွင်ပါဝင်သော စားသုံးသူ၏ အခွင့်အရေး နှင့်တာဝန်များ၊ စီးပွားရေးလုပ်ငန်းရှင်၏တာဝန်များ ကုန်စည်(သို့မဟုတ်)ဝန်ဆောင်မှုနှင့် စပ်လျဉ်း၍ စားသုံးသူပြည်သူများ၏ အကျိုးစီးပွားကို ကာကွယ်ပေးခြင်းနှင့် စားသုံးသူနှင့် စီးပွား ရေးလုပ်ငန်းရှင်တို့အကြား မျှတမှုရှိသော လုပ်ငန်းစဉ်များအား ကော်မရှင်နှင့်ကော်မတီအဆင့် ဆင့်တို့မှ သတ်မှတ်ဆောင်ရွက်ပေးသော လုပ်ငန်းများအကြောင်း ဥပဒေ၏ အခန်း (၁၈)ပါ ကုန် အညွှန်းအမှတ်အသားဖော်ပြခြင်းဆိုင်ရာ အချက်များအား စီးပွားရေးလုပ်ငန်းရှင်များ အနေဖြင့် မဖြစ်မနေ ရေးသားဖော်ပြပါရှိရမည့်အချက်များ စားသုံးသူပြည်သူများ အသုံးပြုလျက်ရှိသည့် ကုန်စည်များနှင့်စပ်လျဉ်း၍ ကုန်အညွှန်းအမှတ်အသားတွင် ဖော်ပြရမည့်အချက်များ ဖော်ပြထား ခြင်းရှိ/မရှိ ဈေးကွက်စောင့်ကြည့် စစ်ဆေးခြင်းလုပ်ငန်းများအား သက်ဆိုင်ရာဌာနများနှင့် ပူးပေါင်း၍ ဈေးကွက်အတွင်း စဉ်ဆက်မပြတ် ကွင်းဆင်းဆောင်ရွက်နေမှု အခြေအနေများအား အကျယ်တဝင့် ရှင်းလင်းဆွေးနွေးခဲ့ပြီး စားသုံးသူကာကွယ်ရေး အသိပညာပေး ဟောပြောပေးခဲ့ ကြောင်း သိရှိရပါသည်။

DOCA (ရန်ကုန်)

    စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်ဦးစီးမှူးရုံးမှ   မြို့နယ်တာဝန်ခံနှင့် ဝန်ထမ်းသည် (၂၂.၉.၂၀၂၅) ရက်နေ့၊ နေ့လယ် (၁၄:၀၀)  နာရီ အချိန်တွင် အမှတ် ၆ရပ်ကွက်ရှိ ဘေဘီတုံ ကုန်မျိုးစုံအရောင်းဆိုင်အား ကုန်စည်များ ဈေးနှန်ုး တည်ငြိမ်မှု ရှိစေရေးနှင့် စားအုန်းဆီရောင်းချမှုများကို သတ်မှတ်ချက်နှင့်အညီ ရောင်းချမှု ရှိမရှိကို မြို့နယ်စည်ပင်သာယာရေးအဖွဲ့၊ မြို့နယ်ကျန်းမာရေး ဦးစီးဌာနတို့နှင့်အတူ ကွင်းဆင်းစစ်ဆေးဆောင်ရွက်ခဲ့ကြသည်။

     ဓနုဖြူမြို့နယ် အမှတ် ၆ရပ်ကွက်ရှိ ဘေဘီတုံ ကုန်စုံဆိုင်အား မြို့နယ်တာဝန်ခံရုံးမှ ဦးခိုင်လွမ်းမိုးနှင့် ဝန်ထမ်းများ သွားရောက်၍ ဆီထုတ်ယူခွင့် စာအုပ်ဖြင့်  စားအုန်းဆီ များရောင်းချနေမှု ရောင်းချပြီး ဆီရထုတ်ကျန် စာရင်းများကို သတ်မှတ်ချက်နှင့်အညီ ဆောင်ရွက်ထားရှိ ခြင်းရှိ/မရှိ ၊ သတ်မှတ်ရည်ညွှန်း ဈေးဖြင့် နေ့စဉ် ရောင်းချဆောင်ရွက်မှု အခြေအနေများကို စစ်ဆေးဆောင်ရွက်ခြင်း၊ ကုန်မျိုးစုံဆိုင်မှ ရောင်းချနေသော အခြေခံစားသောက်ကုန်ဈေးနှုန်း စာရင်းများကို စာရင်းကောက်ယူစစ်ဆေးခြင်းများ၊ ကုန်ဈေးနှုန်းတည်ငြိမ်မှု ရှိမရှိကို စစ်ဆေးခြင်း၊ ရောင်းချနေသော ကုန်စည်များတွင် ကုန်အညွှန်အမှတ် အသားနှင့် သက်ဆိုင်ရာဌာန၏ ခွင်ပြုချက်များ ပါဝင်ခြင်း ရှိမရှိကို စစ်ဆေး ဆောင်ရွက်ခဲ့ပြီး လုပ်ငန်းရှင်များကို ဌာ၏ လမ်းညွှန်ချက်၊ အမိန့်ညွှန်ကြားချက်များကို သိရှိလိုက်နာဆောင်ရွက်ရန် အသိပေး ပြောကြားခဲ့ကြောင်း သိရသည်။

DOCA(ဧရာဝတီ)

     စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ ဓနုဖြူမြို့နယ်တာဝန်ခံရုံးမှ တာဝန်ရှိသူများ သည်  မြို့နယ် အထွေထွေအုပ်ချုပ်ရေးဦးစီးဌာန၊  မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန စသည့်ဌာနများမှ တာဝန်ရှိသူများနှင့်ပူးပေါင်း၍ (၂၂.၉.၂၀၂၅)ရက်နေ့၊ နံနက် (၁၁:၀၀) နာရီအချိန်တွင် ဆက်သွယ်ရေးဝန်ဆောင်မှုကဏ္ဍနှင့် စပ်လျဉ်း၍ ရပ်ကွက်နေပြည်သူများနှင့် တွေ့ဆုံဆွေးနွေး အသိပညာပေးခဲ့ပါသည်။

       ဆွေးနွေးရာတွင် မအူပင်ခရိုင်ဦးစီးမှူး ဦးဇော်မင်းက ရပ်ကွက်နေပြည်သူများကို စားသုံးသူကာကွယ် ရေးဥပဒေတွင် ဝန်ဆောင်မှုဆိုသည်မှာ လုပ်ငန်း (သို့မဟုတ်) လုပ်ဆောင်မှုအသွင်ဖြင့် စားသုံးသူ၏ လိုအပ်ချက်ကို တန်ဖိုးဖြင့်ဖြစ်စေ၊ တန်ဖိုးမပါဘဲဖြစ်စေ ဖြည့်ဆည်းပေးသည့် ဆောင်ရွက်မှုကို ခေါ်ဆိုတာဖြစ်ကြောင်း၊ ဝန်ဆောင်မှုလုပ်ငန်းများ၏ အာမခံချက်နှင့် စပ်လျဉ်း၍ စားသုံးသူက တောင်းဆိုနိုင်သည့် အခွင့်အရေးများရှိပါကြောင်း၊ စီးပွားရေးလုပ်ငန်းရှင်သည် စားသုံးသူကာကွယ်ရေးဥပဒေ ပုဒ်မ ၂၆ အရ စားသုံးသူအပေါ် အာမခံ ချက်ပေးထားသည့်ကာလတိုင်း ဝန်ဆောင်မှုမပေးနိုင်လျှင် (သို့မဟုတ်) ဝန်ဆောင်မှုပေးရန် ပျက်ကွက်လျှင် ဝန်ဆောင်မှုပေးရန်ပျက်ကွက်ခဲ့မှုကြောင့် နစ်နာဆုံးရှုံးမှုဖြစ်ခဲ့လျှင် ယင်းအတွက် လျော်ကြေးပေးရန်၊ အာမခံထားသော အချိန်ကာလအတွင်း သဘောတူညီထားသော ဝန်ဆောင်မှုကိုမရခဲ့လျှင် စားသုံးသူ၏ နစ်နာမှုအတွက် ကုစားခွင့်ပေးရန် စားသုံးသူမှတောင်း ဆိုပိုင်ခွင့်ရှိကြောင်းနှင့် စားသုံးသူအခွင့်အရေးကိုလည်းကောင်း၊ တာဝန်များကိုလည်းကောင်း အွန်လိုင်းငွေကြေး လိမ်လည်မှုများနှင့်စပ်လျဉ်း၍ အသိပညာပေး ဆွေးနွေးခဲ့ကြောင်း ရပ်ကွက်နေပြည်သူ ၃၀ဦးတက်ရောက်ခဲ့ကြောင်း သိရှိရပါသည်။

DOCA(ဧရာဝတီ)