သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ စစ်ဆေးရေးမှူး ဦးတင်မောင်ထွန်း သည် ၂၃.၉.၂၀၂၅ ရက်နေ့၊ ၁၁:၀၀ နာရီအချိန်တွင် မြစ်ကြီးနားမြို့၊ ရွှေစက်ရပ်ကွက်အတွင်းရှိ လက်လီ/လက်ကားဖြန့်ဖြူးရောင်းချသော ဒေါ်ရွှေရည်ဝင်း (ကုန်စုံဆိုင်)သို့ သွားရောက်၍ စားသုံးသူများ ဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး၊ ဘေးအန္တရာယ်ရှိသော ကုန်စည်များဈေးကွက်အတွင်းမှပပျောက်စေရေးနှင့် စားသုံးသူကာကွယ်ရေးဥပဒေပါ ကုန်အညွှန်း အမှတ်အသား ဖော်ပြခြင်းနှင့် ပတ်သက်၍ ကိုက်ညီမှု ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

     ထိုသို့ဈေးကွက်စောင့်ကြည့်စစ်ဆေးရာတွင် နေခြည် အမှတ်တံဆိပ်ပါ အာလူးအစုံကြော် တွင် ညွှန်ကြားချက်အမှတ် (၂/၂၀၁၉)အရ ကုန်စည်ပေါ်တွင် မြန်မာဘာသာဖြင့်ဖော်ပြရမည့် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်းနှင့် ဓါတ်မတည့်ကြောင်း ဖော်ပြချက်တို့ ပြည့်စုံစွာဖော်ပြပါရှိကြောင်း စစ်‌ဆေးတွေ့ရှိရပြီး ကုန်စုံဆိုင် ပိုင်ရှင်အား ကုန်အညွှန်း အမှတ်အသားပြည့်စုံမှုမရှိသည့် ကုန်စည်များဈေးကွက်အတွင်း ရောင်းချခြင်းမပြုရန် အသိပညာပေး ဆွေးနွေးခဲ့ပြီး ကုန်အညွှန်းအမှတ်အသားဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)

       ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်အတွင်း အသုံးပြုလျက်ရှိသည့် Gasifier ဆန်စက်များအား ၁၉-၉-၂၀၂၅ ရက်နေ့ နံနက် ၉ နာရီအချိန်က ကွင်းဆင်း စစ်ဆေး ခဲ့ကြောင်း သိရသည်။

            ယင်းသို့ ကွင်းဆင်းစစ်ဆေးမှုများဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့၏ စီမံ ညွှန်ကြားမှုဖြင့် ဒုတိယမြို့နယ်အုပ်ချုပ်ရေးမှူး မြို့နည်စည်ပင်သာယာရေးအဖွဲ့အမှုဆောင်အရာရှိ၊ စာသုံးသူရေးရာဦးစီးဌာန မြို့နယ်တာဝန်ခံဦးစီးမှူး ဦးခိုင်လွမ်းမိုးနှင့်အဖွဲ့ မီးသတ်ဦးစီးဌာန၊ လက်ထောက်မီးသတ်ဦးစီးမှူး တိုမှ မြို့နယ်အတွင်း အသုံးပြုလျက်ရှိသည့် Gasifier ဆန်စက်(၉) စက်တို့အား ကွင်းဆင်းကြည့်ရှုစစ်ဆေးရာ Gasifier အသုံးပြု၍လည်ပတ်နေသည့် ဆန်စက်များ အနေဖြင့် သဘာဝပတ်ဝန်းကျင်ထိခိုက်မှုမရှိစေရေး အထူးအလေးထားဆောင်ရွက်ရန်၊ သတ်မှတ် ထားသည့် စည်းမျဉ်းစည်းကမ်းများနှင့်အညီ လည်ပတ်မောင်းနှင်ရန်၊ Gasifier စနစ်မှထွက်ရှိသည့် ရေဆိုးများကို ရေစစ်ကန်စနစ်ဖြင့် ဆောင်ရွက်ထားရှိမှုအခြေအနေများ၊ ပိုမိုကောင်းမွန်သည့် ရေသန့် စင်စနစ်များ အသုံးပြုစေရေးစစ်ဆေး၍ လိုအပ်သည်များ လမ်းညွှန်မှာကြားခဲ့ကြောင်း သိရသည်။

DOCA(ဧရာဝတီ)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူပြည်သူများ ကုန် စည်ဝန်ဆောင်မှုများ ဝယ်ယူအသုံးပြုရာတွင် ဘေးအန္တရာယ်ကင်းရှင်းစေ‌ရန်၊ ထုတ်ကုန်လုံခြုံစိတ် ချရမှုရှိစေရန်၊ လုံခြုံစိတ်ချရမှု မရှိသော ကုန်စည်များ ‌ဈေးကွက်အတွင်းသို့ မရောက်ရှိစေရန်နှင့် ဈေးကွက်အတွင်းမှ ပပျောက်သွားစေရန် စသည့်ရည်ရွယ်ချင်များဖြင့် စစ်ကိုင်းတိုင်းဒေသကြီး၊ ကန့်ဘလူ ခရိုင်၊ ကျွန်းလှမြို့၊ ပိတောက်မြိုင်ရပ်ကွက်ရှိ“မြင့်မိုရ်ထွန်း”သောက်ရေသန့်စက်ရုံလုပ်ငန်းသို့  ၂၀၂၅ ခုနှစ်၊ စက်တင်ဘာလ(၂၂)ရက်နေ့၊ နံနက်(၀၉;၀၀)နာရီအချိန်တွင် ခရိုင်ပတ်ဝန်းကျင်ထိန်းသိမ်းရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ ကျွန်းလှမြို့မရဲစခန်း၊ မြိုနယ်ကျန်းမာရေးဦးစီးဌာန၊ မြို့နယ် စည်ပင်သာယာရေးအဖွဲ့ နှင့် စားသုံးသူရေးရာဦးစီးဌာန၊ မြို့နယ်တာဝန်ခံတို့ ပူးပေါင်းအဖွဲ့ဖြင့်  သွား ရောက်ကွင်းဆင်း၍  ကုန်စည်များတွင် ကုန်အညွှန်းအမှတ်အသားများကို ဈေးကွက်မရောက်မီ စောင့် ကြည့်စစ်ဆေးခြင်း ဆောင်ရွက်ခဲ့ပါသည်။

    ထိုသို့ကွင်းဆင်းစစ်ဆေးရာတွင် ပတ်ဝန်းကျင်ထိန်းသိမ်းရေးဦးစီးဌာနမှ ရေထဲတွင် Oxygen Level ၊ PH Level၊ အစိုင်အခဲပါဝင်မှုအခြေအနေ၊ နောက်ကျိမှုအခြေအနေ နှင့် ဆားပါဝင်မှုအခြေအနေတို့ကို စစ်ဆေးခဲ့ရာ အားလုံးကောင်မွန်ကြောင်း စစ်ဆေးတွေ့ရှိရပြီး မိမိတို့ စားသုံးသူရေးရာဉီးစီးဌာနအနေဖြင့်  “မြင့်မိုရ်ထွန်း”သောက်ရေသန့်စက်ရုံလုပ်ငန်းမှ  ထုတ်လုပ်ဖြန့်ဖြူးသည့် ကုန်စည်အမျိုးအစား၊ အမှတ် တံဆိပ်များတွင် ကုန်အညွှန်းအမှတ်အသားဖော်ပြချက်များနှင် ကိုက်ညီမှု ရှိ/မရှိ အခြေအနေတို့ကို စစ်ဆေးရာတွင် မိမိတို့ စားသုံးသူ‌‌ရေးရာဦးစီးဌာနအတွင် ကုန်အညွှန်း အမှတ်အသား လျှောက်ထားသည့်  သောက်ရေသန့်(၂၀)လီတာ၊ သောက်ရေသန့်(၁)လီတာ ဘူးများပေါ်တွင် ကုန်အညွှန်းအမှတ်အသားများ ကို မြန်မာနိုင်ငံစားသုံးသူကာကွယ်ရေးကော်မရှင်၏(၂/၂၀၁၉)ပါ ကုန်အညွှန်းအမှတ်အသား သတ်မှတ် ထားသည့် သတ်မှတ်ချက်များနှင့်အညီ အသေးစိတ်စိစစ်ချက်များအတိုင်း မြန်မာဘာသာဖြင့် ပြည့်စုံစွာ ဖော်ပြထားသည်ကို စိစစ်တွေ့ရှိခဲ့ရပါသည်။ စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်များ လိုက်နာ ဆောင်ရွက်ရမည့်တာဝန်များ၊ စားသုံးသူအခွင့်အရေး(၈)ချက်တို့ပါဝင်သည့် လက်ကမ်းစာစောင် များ ဖြန့်ဝေပေးခဲ့ကြောင်း သတင်း ရရှိပါသည်။

DOCA(စစ်ကိုင်း)

   မအူပင်ခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူးရုံးခန်းမတွင် ၁၈-၉-၂၀၂၅ ရက်နေ့ နေ့လယ် ၃နာရီအချိန်က မအူပင်မြို့နယ်အတွင်း အွန်လိုင်း ကုန်စည်နှင့် ဝန်ဆောင်မှု ရောင်းချသူ လုပ်ငန်းရှင်များ မှတ်ပုံတင်ပြီးစီးပြီး ဖြစ်သော အလှကုန်အမျိုးမျိုး၊ အဝတ်အထည်အမျိုးမျိုး၊ အိမ်ခြံမြေအကျိုးဆောင်လုပ်ငန်း၊ အထည်အလိပ်ရောင်းချသူများ၊ ဖက်ရှင်အမျိုးမျိုးရောင်းချသူ (၁၂)ဦးအား တွေ့ဆုံ၍ အွန်လိုင်းလုပ်ငန်းအသိပညာပေး ဟောပြောခဲ့ကြောင်း သိရသည်။

     အသိပညာပေးဆောင်ရွက်ရာတွင် စားသုံးသူရေးရာဦးစီးဌာန မအူပင်ခရိုင်ဦးစီးမှူး ဦးဇော်မင်းက လုပ်ငန်းရှင်များကို မှတ်ပုံတင်လက်မှတ်ရရှိပြီးသူများ နှစ်နှစ်ပြည့်မီပါက ထပ်မံသက်တမ်းတိုး ဆောင်ရွက်ခြင်း လုပ်ငန်းကို လုပ်ငန်းရှင်ဘက်မှကိုယ်တိုင် သက်တမ်းတိုးခြင်း လုပ်ငန်းကို မဖြစ်မနေဆက် လက်ဆောင်ရွက်သွားကိုလည်း၊  အွန်လိုင်းရောင်းချခြင်းနှင့် စပ်လျဉ်း၍ အမိန့်ကြေငြချက်ဖြစ်သည့် အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးဝန်ဆောင်မှုလုပ်ငန်း အဖြစ် သတ်မှတ်မိန့် (၅၀/၂၀၂၃) ၊ အွန်လိုင်းစနစ်ဖြင့် ရောင်းချခြင်းလုပ်ငန်း မှတ်ပုံတင်ခြင်ဆိုင်ရာအမိန့်(၅၁/၂၀၂၃)၊ အခွင့်အာဏာ အပ်နှင်းခြင်းအမိန့် (၄၉/၂၀၂၃) ကိုလည်းကောင်း၊ စားသုံးသူရေးရာဦးစီးဌာန၏ ဆောင်ရွက်ရမည့် လုပ်ငန်းစဉ်များ ကိုလည်းကောင်း၊ ယခုနောက်ပိုင်းတွင် မှတ်ပုံတင်လျောက်ထားခြင်းကို လုပ်ငန်းရှင် ကိုယ်တိုင်က ၎င်း၏ ဖုန်းဖြင့်သာ မှတ်ပုံတင်ရမည်ဖြစ်ဖြစ်ကြောင်း၊ လုပ်ငန်းရှင်ဖြစ်၍ စားသုံးသူကာ ကွယ်ရေး ဥပဒေပါ စီးပွားရေးလုပ်ငန်းရှင်တာဝန်များကိုလည်းကောင်း ရှင်းလင်းခြင်း၊ အွန်လိုင်းတွင် ငွေကြေးလိမ်လည်ဆောင်ရွက်မှု လုပ်ငန်းဖြစ်စဉ်များအကြောင်း ကို အသိပညာပေးရှင်း လင်းခြင်း၊ မိမိတို့ခရိုင်အတွင်း အွန်လိုင်းလိမ်လည်မှု များ မရှိစေရေး မှန်ကန်စွာ ရောင်းချပေးနိုင်ရန်နှင့် အွန်လိုင်းလုပ်ငန်းများဆောင်ရွက်ရာတွင် လုပ်ငန်းဖွဲ့ဖြိုးတိုးတက်စေရေး အသင်းအဖွဲ့၊ အစူအဖွဲ ဖွဲ့စည်းနိုင်ရေးကိုပါ အသိပညာပေး ဟောပြောခဲ့ကြောင်း လုပ်ငန်းရှင်များက သိရှိလိုသည်များ မေးမြန်းဆွေး နွေးခဲ့ကြပြီး ဟောပြောပွဲကို ၃နာရီအချိန်တွင် ပြီးဆုံးကြောင်း သိရပါသည်။

DOCA(ဧရာဝတီ)

  ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် အထွေထွေအုပ်ချုပ်ရေးဦးစီးဌာန ခန်းမ၌ ၁၈-၉-၂၀၂၅ ညနေ ၃ နာရီခွဲအချိန်က အရည်အသွေးပြည့်မီသော ပေါ်ဆန်းထွက်ပေါ် လာရေး အတွက် မြို့နယ်အတွင်းရှိ ဆန်စက်ပိုင်ရှင်များ၊ ဆန်ကုန်သည်များ၊ ဆန်စပါးကုန်သည် များနှင့် တွေ့ဆုံပွဲအခမ်းအနား ကျင်းပပြုလုပ်ခဲ့ကြောင်း သိရသည်။

            အဆိုပါ အခမ်းအနားတွင် မအူပင်ခရိုင်ဦးစီးမှူး ဦးဇော်မင်းက ဆန်စပါးမူဝါဒနဲ့ပတ်သက်ရင် နိုင်ငံတော်က သတ်မှတ်ထားတာ ပြည်တွင်းဖူလုံဖို့က အဓိကဖြစ်ကြောင်း၊ ဆန်ဈေးနှုန်း မြင့်တက် နေတဲ့အပေါ်မှာ အကြောင်းအရာက သုံးခုလောက်ရှိတယ်။ အဓိကက လှောင်လက်တွေများတယ်။ ဈေးကို တက်အောင်လုပ်ပြီးမှ ထုတ်ရောင်းတာဖြစ်တယ်။ ဒီလိုအကြောင်းတရားတွေကို စိစစ် ဖော်ထုတ်ပြီး ဆောင်ရွက်ဖို့လိုကြောင်း၊ ဈေးနှုန်းမြင့်တက်မှု မရှိရေး ကွင်းဆင်းစိစစ်သုံးသပ်ချက်များ ဌာနအနေဖြင့် တင်ပြဆောင်ရွက်ရပြီး၊ ပြည်တွင်းစားသုံးမှု ပိုလျှံသော ဆန်များကို ရန်ကုန်တင်ပို့ ခြင်းများ ၊ ရန်ကုန်မှ ပြည်ပတင်ပိုခြင်း လုပ်ငန်းများ ပြည်တွင်ကုန်သွယ်မှုဖွံ့ဖြိုးရေး လုပ်ငန်းများကို ဆောင်ရွက်လျက်ရှိကြောင်း၊  ဆန်စပါးကဏ္ဍ Supply Chain တလျောက် စဉ်ဆက်မပြတ် တိုးတက် မှုများ ဖြစ်ပေါ်စေရေးအတွက် သက်ဆိုင်ရာဌာနများနှင့် ပုဂ္ဂလိကကဏ္ဍမှ ပါဝင်ဆောင်ရွက်လျက်ရှိ သူများ ဝိုင်းဝန်း၍ ပူးပေါင်းဆောင်ရွက်ကြရမည်ဖြစ်ပါကြောင်း၊ တောင်သူလယ်သမား အခွင့်အရေး ကာကွယ်ရေးနှင့် အကျိုးစီးပွားမြှင့်တင်ရေး ဆောင်ရွက်နေသည့် လုပ်ငန်းများ အောင်မြင်စေရေး အတွက် ဝိုင်းဝန်းဆောင်ရွက်ကြရန် လိုကြောင်းပြောကြားဆွေးနွေးခဲ့ပြီး တက်ရောက်လာသူ ၁၅ ဦးမှ သိရှိလိုသည်များ မေးမြန်းဆွေးနွေးခဲ့ကြောင်း သိရသည်။

DOCA(ဧရာဝတီ)