သတင်းနှင့် လှုပ်ရှားမှုများ

     ၂၀၂၆ ခုနှစ်၊ စက်တင်ဘာလ၊ ၂၅ ရက်နေ့၊ နံနက် ၁၀:၃၀ နာရီအချိန်တွင် စားသုံးသူရေးရာ ဦးစီးဌာန၊ မြိတ်ခရိုင်ဦးစီးမှူးရုံးမှ ဒုခရိုင်ဦးစီးမှူးနှင့် ဝန်ထမ်းများသည် သတင်းမီဒီယာ၊ ဆိုရှယ်မီဒီယာ များတွင် တင်ပြထားသည့် ပဲဆီနှင့်နှမ်းဆီစျေးကွက်တွင် အရောအနှောဆီများ လိမ်လည်ရောင်းချမှု မြင့်တက်လာဟူသော သတင်းခေါင်းစဉ်နှင့်စပ်လျဉ်း၍ မြိတ်မြို့ရှိပေါ်ရှိ ကုန်စုံဆိုင်များတွင် ရောင်းချ လျက်ရှိသော စားသုံးဆီများတွင် ရောနှောဆီများ ရောင်းချနေမှုများ ရှိ/မရှိ စစ်ဆေးခြင်းများ ဆောင် ရွက်ခဲ့ကြောင်း သိရှိရပါသည်။

     ကွင်းဆင်းစစ်ဆေးရာတွင် မြိတ်မြို့အတွင်းကုန်စုံဆိုင်ကြီးများတွင် ပဲဆီ၊ နေကြာဆီများကိုသာ ရောင်းချလျက်ရှိပြီး နှမ်းဆီရောင်းချမှုမှာ စျေးကွက်မရှိသဖြင့် ရောင်းချမှုများမှာ မရှိသလောက်နည်း ပါးကြောင်း၊ ပဲဆီနှင့် နေကြာဆီ စားသုံးမှုမှာလည်းနည်းပါးပြီး ရန်ကုန်မှ တင်သွင်းရောင်းချသည့် ပြည် တွင်းအမှတ်တံဆိပ် ၁၀၀ ရာခိုင်နှုန်းစစ်စစ်များကိုသာ ရောင်းချလျက်ရှိပြီး မြိတ်မြို့တွင် အဓိကအား ဖြင့် စားအုန်းဆီနှင့်၊ ပဲပိစပ်ဆီများကိုသာ အဓိကစားသုံးကြသည့်အတွက် ပဲဆီနှင့် နှမ်းဆီများအား အရောအနှောရောင်းချသည့် ရောနှောဆီများ မတွေ့ရှိကြောင်း သိရှိရပါသည်။

DOCA(တနင်္သာရီ)

          ၂၄.၉.၂၀၂၆ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ကျိုက်ထိုခရိုင်၊ ဘီးလင်းမြို့နယ်တာဝန်ခံ ဒေါ်ဇင်ဖြူဝင်းသည် ရေနံနှင့်ရေနံထွက်ပစ္စည်းကြီးကြပ်ရေး ကော်မတီအဖွဲ့နှင့် ပူးပေါင်း၍ ဘီးလင်းမြို့နယ်အတွင်းရှိ စက်သုံးဆီဆိုင်များအား ကွင်းဆင်း စစ်ဆေးခဲ့ကြောင်း သိရသည်။

          ထိုသို့ ကွင်းဆင်းစစ်ဆေးခဲ့ရာတွင် ဘီးလင်းမြို့နယ်အတွက် စက်သုံးဆီရောက်ရှိမှု အခြေအနေ၊ ရောင်းချနေမှုအခြေအနေတို့ကို စစ်ဆေးခဲ့ပြီး သတ်မှတ်ရည်ညွှန်းဈေးနှုန်းနှင့် ရောင်းချရာတွင် လီတာပြည့်/မပြည့် တို့ကို စစ်ဆေးခဲ့ပါသည်။ ယာဉ်အမျိုးအစားအလိုက် သတ်မှတ်နှုန်းထားပမာဏပြည့်ဝစွာ ရောင်းချခြင်း ရှိ/မရှိ၊ ပုံးပေပါများနှင့် ရောင်းချခြင်း ရှိ/မရှိ တို့ကိုလည်း သွားရောက်စစ်ဆေးခဲ့ပါသည်။

          DOCA (မွန်)

     ၂၅.၉.၂၀၂၆ ရက်နေ့၊ နံနက် (၀၈:၀၀) နာရီအချိန်တွင် မွန်ပြည်နယ်၊ စားသုံးသူ ရေးရာဦးစီးဌာန၊ ကျိုက်ထိုခရိုင်၊ ဘီးလင်းမြို့နယ်တာဝန်ခံနှင့် ဝန်ထမ်းတို့သည် မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေး အဖွဲ့တို့နှင့်ပူးပေါင်း၍ ဘီးလင်းမြို့အတွင်းရှိ ဆေးနှင့်ဆေးပစ္စည်းအရောင်းဆိုင်များအား ဈေးကွက်စောင့်ကြည့်စစ်ဆေးခဲ့ကြောင်း သိရသည်။

     ထိုသို့ ဈေးကွက်စောင့်ကြည့်စစ်ဆေးရာ ဘီးလင်းမြို့အတွင်းရှိ ဆေးဆိုင်များတွင် ရောင်းချနေသော ဆေးနှင့်ဆေးပစ္စည်းများ ပြတ်လပ်မှု မရှိစေရေး၊ သက်တမ်းလွန် ဆေးဝါးများ ရောင်းချခြင်း မရှိစေရေး ကွင်းဆင်းစစ်ဆေးခဲ့ရာ ဆေးပစ္စည်းများ ပြတ်လပ်မှု မရှိကြောင်း၊ သက်တမ်းလွန်ဆေးဝါးများ ရောင်းချခြင်းမရှိကြောင်း စစ်ဆေးတွေ့ရှိရပြီး ဆိုင်ရှင်များအား တရားမဝင်ဆေးဝါးများ ရောင်းချမှု မပြုစေရေးအတွက် အသိပညာပေး ခဲ့ကြောင်း သိရှိရပါသည်။

     DOCA (မွန်)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် ၂၀၁၉ ခုနှစ်၊ မတ်လ (၁၅) ရက်နေ့တွင် ပြည်ထောင်စုလွှတ်တော်ဥပဒေအမှတ်(၉)ဖြင့်အတည်ပြုပြဋ္ဌာန်းခဲ့သည့် စားသုံးသူကာကွယ်ရေး ဥပဒေအရ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူများနစ်နာဆုံးရှုံးမှုများ ဖြစ်ပေါ်တိုင်ကြားလာပါက ဥပဒေနှင့် အညီ ညှိနှိုင်းဖြေရှင်း အရေးယူဆောင်ရွက်လျက်ရှိပါသည်။  စားသုံးသူကာကွယ်ရေးနဉ်းဥပဒေတွင် ကော်မတီ၏ ပုံမှန် အစည်းအဝေးကို အနည်းဆုံး သုံးလလျှင် တစ်ကြိမ် ကျင်းပရမည်ဟု ပြဋ္ဌာန်းထားသော်လည်း မန္တလေးတိုင်းဒေသကြီး စားသုံးသူရေးရာကော်မတီသည် စားသုံးသူကာကွယ်ရေးလုပ်ငန်းများကို ထိရောက်စွာ အကောင်အထည်ဖော်ရန်အတွက် လစဉ် လုပ်ငန်းညှိနှိုင်းအစည်းအဝေးများကို ပုံမှန်ကျင်းပပြုလုပ်လျက်ရှိပါသည်။

     မန္တလေးတိုင်းဒေသကြီးအတွင်း စားသုံးသူနစ်နာဆုံးရှုံးမှုများအပေါ် ဖြေရှင်းဆောင်ရွက်ထားရှိမှု အခြေအနေ များနှင့် ဖြေရှင်းရန်ကျန် တိုင်ကြားမှုများ၊ ဈေးကွက်အတွင်း ဦးစားပေးကုန်စည်များ သတ်မှတ်၍ ဈေးကွက်စောင့်ကြည့် စစ်ဆေးမှုအခြေအနေများနှင့် ရှေ့ဆက်လက်ဆောင်ရွက်မည့်လုပ်ငန်းစဉ်များအား ညှိနှိုင်းဆွေးနွေးရန်အတွက်(၉/၂၀၂၆) စားသုံးသူရေးရာကော်မတီအစည်းအဝေးကို(၂၉-၉-၂၀၂၅)ရက်နေ့ နံနက်(၀၉:၀၀)နာရီအချိန်တွင် စားသုံးသူရေးရာဦးစီး ဌာန၊ မန္တလေးတိုင်းဒေသကြီးဦးစီးမှူးရုံး အစည်းအဝေးခန်းမ၌ မန္တလေးတိုင်းဒေသကြီး စားသုံးသူရေးရာကော်မတီ၊ ဒုတိယဥက္ကဋ္ဌ ဦးဆောင်၍ အတွင်းရေးမှူးနှင့် အဖွဲ့ဝင်စုစုပေါင်း(၈)ဦး တက်ရောက်ခဲ့ကြပါသည်။       

မန္တလေးတိုင်းဒေသကြီးစားသုံးသူရေးရာကော်မတီ၊ ဒုတိယဥက္ကဌက အဖွင့်အမှာစကား ပြောကြားပြီး၊ အတွင်း ရေးမှူးက စားသုံးသူကာကွယ်ရေးလုပ်ငန်းဆောင်ရွက်ချက်များအား အမှာစာဖြင့် ရှင်းလင်းတင်ပြခဲ့ရာတွင် ယခင် (၈/၂၀၂၆) စားသုံးသူရေးရာကော်မတီ အစည်းအဝေး ဆုံးဖြတ်ချက်များအပေါ် လိုက်နာဆောင်ရွက်ထားရှိမှုအခြေအနေ များ၊ ယခင်လ အတွင်း အင်တာနက်တိုင်ကြားမှုများ၊ Sim Card လိုင်းမကောင်း၍ တိုင်ကြားမှုများ၊ Package ဝယ်ယူရာတွင် အဆင်မပြေ၍ တိုင်ကြားခြင်း၊ Online Shop မှဝယ်ယူရာတွင် အဆင်ပြေမှုမရှိ၍ တိုင်ကြားခြင်း၊ ဖုန်း ပြင်ဆင်ဆိုင်သို့ ဖုန်းပြင်ရာမှ အဆင်ပြေမှုမရှိ၍ တိုင်ကြားခြင်း၊ ဂေါက်ပစ္စည်းဝယ်ယူရာ အငြင်းပွားမှုများကို ဖြေရှင်း ခြင်းနှင့် ပရိဘောဂဝယ်ယူရာမှ အဆင်ပြေမှုမရှိ၍ တိုင်ကြားခြင်း စသည့် တိုင်ကြားမှုများအား  ဖြေရှင်းဆောင်ရွက် ပြီးစီးကြောင်း၊ ဖြေရှင်း ဆောင်ရွက်နေဆဲအနေဖြင့် ဆောက်လုပ်ရေးလုပ်ငန်းဆောင်ရွက်မှု တိုင်ကြားခြင်း၊ ကားပြင်ရာမှ ကားဝပ်ရှော့အား တိုင်ကြားမှုဖြစ်စဉ်၊ Online Shop မှ ပစ္စည်းမှာယူရာ မရောက်ရှိ၍ တိုင်ကြားခြင်း၊ ပုဂ္ဂလိကကျောင်း ဝန်ဆောင်မှု ရယူ သုံးစွဲရာ အဆင်ပြေမှုမရှိ၍ တိုင်ကြားခြင်း၊ အင်တာနက်လိုင်းမကောင်း၍ တိုင်ကြားခြင်းနှင့် အဝတ် အထည်များ မှာယူရာတွင် အဆင်မပြေ၍ တိုင်ကြားခြင်း စသည့် တိုင်းကြားမှုများအား ဖြေရှင်းဆောင်ရွက်လျက် ရှိကြောင်းနှင့် ရှေ့ဆက်လက်ဆောင်ရွက်သွားမည့် လုပ်ငန်းစဉ်များအား တင်ပြဆွေးနွေးခဲ့ပြီး တက်ရောက် လာကြသည့် ဒုတိယဥက္ကဌနှင့် အဖွဲ့ဝင်များမှ ဝိုင်းဝန်းဆွေးနွေးခဲ့ကြပြီး အစည်းအဝေးအား နံနက်(၁၀:၀၀)နာရီအချိန် ပြီးစီးခဲ့ကြောင်း သတင်းရရှိပါသည်။

DOCA(မန္တလေး)

၂၄.၉.၂၀၂၆ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင် ခရိုင်၊ မုဒုံမြို့နယ်တာဝန်ခံသည် မုဒုံမြို့နယ်၊ မြို့မ (၄) ရပ်ကွက်၊ ကျွန်းရွာလမ်းရှိ “Girly Vibes” အမည်ဖြင့် အထည်အလိပ်၊ အဝတ်အထည်နှင့် ဆက်စပ်ပစ္စည်းများ ရောင်းဝယ်ရေး လုပ်ငန်းသို့ အွန်လိုင်းမှတ်ပုံတင်ခြင်းနှင့် စပ်လျဉ်း၍ မြေပြင်ကွင်းဆင်း စစ်ဆေးခဲ့ကြောင်း သိရှိရသည်။

ထိုသို့ ကွင်းဆင်းစစ်ဆေးခဲ့ရာ   အွန်လိုင်းစနစ်ဖြင့် ရောင်းချနေသော လုပ်ငန်းများအား မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်း ဆောင်ရွက်ရာတွင် လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တကယ် တည်ရှိခြင်း ရှိ/ မရှိ၊ မှတ်ပုံတင်လက်မှတ်လျှောက်ထားစဉ်က ရောင်းချရန်တင်ပြထားသော ကုန်စည် (သို့) ဝန်ဆောင်မှု အမျိုးအစား စာရင်းအတိုင်း မြေပြင်တွင် အမှန်တကယ် ရောင်းချနေသော စာရင်းကိုက်ညီမှု ရှိ/မရှိ တို့ကို စစ်ဆေးခဲ့ပြီး၊ မှတ်ပုံတင်လက်မှတ် ရရှိသူ၏ တာဝန်များနှင့်စပ်လျဉ်း၍ ဆွေးနွေးခဲ့ ကြောင်း သိရှိရပါသည်။

DOCA (မွန်)