သတင်းနှင့် လှုပ်ရှားမှုများ

            စားသုံးသူရေးရာဦးစီးဌာန၊မြန်အောင်ခရိုင်၊ ကြံခင်းမြို့နယ် စားသုံးဆီဖြန့်ဖြူးကြီးကြပ်ရေး အဖွဲ့သည် (၁၄-၉-၂၀၂၆)ရက်နေ့ နေ့လည်(၁၃:၀၀)အချိန်တွင် ကြံခင်းမြို့နယ် ရွာသစ်ရပ်ကွက် အတွင်းရှိအိမ်ထောင်စု (၂၂၀)အား စားအုန်းဆီဝယ်ယူခွင့်စာအုပ်ဖြင့်ရောင်းချနေမှုနှင့် ဆီဝယ်ယူ ရာတွင် တစ်လရရှိမှု အကြိမ်ရေ၊ ဈေးနှုန်း၊ အလေးချိန် အပြည့်အဝရရှိမှု ရှိ/မရှိ ကွင်းဆင်းစစ်ဆေး ခြင်းများ ဆောင်ရွက်ခဲ့ပါသည်။

      ထိုသို့ကွင်းဆင်းရာတွင် မြန်အောင်ခရိုင်၊ ကြံခင်းမြို့နယ်အတွင်း ခွဲတမ်းရ စားသုံးဆီ ကုန်စုံ ဆိုင်လုပ်ငန်းရှင်များအနေဖြင့် စားအုန်းဆီရောင်းချရာတွင် ရပ်ကွက်၊ကျေးရွာနေပြည်သူများအား နှံ့နှံ့ စပ်စပ်ရောင်းချပေးရန်၊ ဆီရောင်းချရာတွင်လည်း Daily စာရင်းများပြုစုထားရှိပြီး သတ်မှတ်ရည် ညွှန်းဈေးထက်မပိုပဲ မှန်မှန်ကန်ကန်ရောင်းချရန်၊ ဆိုင်များတွင် သတ်မှတ်ရည်ညွှန်းဈေး ရေးသားထားသည့် ဗွီနိုင်းများကို ချိတ်ဆွဲထား၍ရောင်းချရန် စိစစ်ခဲ့ပြီး၊ စားသုံးဆီလက်လီ/ လက္ကားဖြန့်ဖြူး ရောင်းချရာတွင် သတ်မှတ်ရည်ညွှန်းဈေးနှုန်းဖြင့်သာ ရောင်းချလျက်ရှိပြီး ကြံခင်းမြို့နယ် ရွာသစ်ရပ် ကွက်အတွင်းရှိ အိမ်ထောင်စု(၂၂၀)အား စားအုန်းဆီ ပိဿာ(၁၁၀)ကို သတ်မှတ်ရည်ညွှန်းစျေး ဖြင့်ရောင်းချမှုအား ကွင်းဆင်းစစ်ဆေးခဲ့ကြောင်း သတင်းရရှိပါသည်။   

 (DOCA ဧရာဝတီ)

         စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်တာဝန်ခံနှင့် ဝန်ထမ်းသည် (၂၂.၉.၂၀၂၆)ရက်နေ့၊ နေ့လယ် ၁၄:၀၀  နာရီအချိန်တွင် ပွင့်ဖြူမြို့၊ ဥယျာဉ်ကျစ်ကျေးရွာရှိ “မြင့်မိုရ်တောင်” ပဲကြော်လုပ်ငန်း သို့ သွားရောက်၍ လုပ်ငန်းရှင် ဦးတင်အောင်ဝင်းနှင့် တွေ့ဆုံ၍ ကုန်အညွှန်းအမှတ်အသား အကြောင်းအသိပညာပေး ဆွေးနွေးခဲ့ကြောင်း သိရသည်။     

     ထိုသို့ဆွေးနွေးရာတွင် မြို့နယ်တာဝန်ခံ ဒေါ်ကြူကြူလှိုင်က ‌‌ဒေသတွင်းထုတ်ကုန်ဖြစ်သည့် ပဲကြော်ထုတ်လုပ်ရာ၌ အသုံးပြုသည့် ကုန်ကြမ်းများ၏ အရည်အသွေး၊ သန့်ရှင်းမှုနှင့် ထုတ်လုပ်မှု လုပ်ငန်းစဉ်များကို လေ့လာစစ်ဆေးခဲ့ပြီး ထုတ်ကုန်များကို သန့်ရှင်းစနစ်တကျ ထုတ်လုပ်၊ ထုတ်ပိုး၊ သိုလှောင်ထားရှိမှု ရှိ/မရှိတို့ကို စစ်ဆေးခြင်း၊ ထို့အပြင် စီးပွားရေးလုပ်ငန်းရှင်များအနေဖြင့် ကုန်စည်များ ထုတ်လုပ်ဖြန့်ဖြူးရောင်းချမည်ဆိုပါက ၂၀၁၉ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင် များ၏တာဝန်များ၊ ကုန်အညွှန်း ထုတ်ကုန်ထုပ်ပိုးမှုများအပေါ်တွင် ဖော်ပြထားသည့် ကုန်အညွှန်းအမှတ်အသားများ မှန်ကန်ပြည့်စုံမှုရှိ/ မရှိ၊ ထုတ်လုပ်သည့်နေ့စွဲ၊ သက်တမ်းကုန်ဆုံးရက်၊ ပါဝင်ပစ္စည်းများနှင့် သက်ဆိုင်ရာအချက်အလက်များကို စားသုံးသူများ သိရှိနိုင်အောင် ဖော်ပြထားမှုရှိ/မရှိ၊ လက်ရှိတွင် ဈေးကွက်အတွင်း ဖြန့်ဖြူးရောင်းချနေသည့် ကုန်စည်အချို့၌ ထုတ်လုပ်သည့်ရက်စွဲနှင့် သက်တမ်း ကုန်ဆုံးသည့် ရက်စွဲများကို ထပ်ပိုးလွှာ၊ ထပ်ပိုးကပ်လွှာ(Sticker)ဖြင့် ကပ်နှိပ်ရောင်းချနေသည်ကို စိစစ်တွေ့ရှိရသဖြင့် ထိုသို့ စတစ်ကာကပ်ခြင်းကို သီးခြားခွင့်ပြုထားခြင်းမရှိကြောင်းနှင့် ကုန်စည်ပေါ်တွင် တိုက်ရိုက်ရိုက်နှိပ်ခြင်း (သို့မဟုတ်) ပုံသွင်းခြင်းဖြင့်သာ ဖော်ပြရမည်ဖြစ်ကြောင်း၊ ၂၀၂၆ခုနှစ်၊ နိုဝင်ဘာလ ၃၀ရက်နေ့အထိ အသိပညာပေးကာလအဖြစ် သတ်မှတ်ထားပြီး ၎င်းကာလနောက်ပိုင်းတွင် သတ်မှတ်ထားသော ညွှန်ကြားချက်များနှင့်အညီ လိုက်နာဆောင်ရွက်ရန် အားနည်းသော သို့မဟုတ် လိုက်နာရန် ပျက်ကွက်သော လုပ်ငန်းရှင်များကို စားသုံးသူကာကွယ်ရေးဥပဒေနှင့် ထိရောက်စွာ အရေးယူဆောင်ရွက်သွားမည်ဖြစ်ကြောင်းအသိပညာပေး ရှင်းလင်းဆွေးနွေးခဲ့ကြောင်း သိရှိရပါသည်။

DOCA(မကွေး)

           စားသုံးသူရေးရာဦးစီးဌာနသည် ဆေးနှင့်ဆေးပစ္စည်းများအား ဈေးနှုန်းအဆမတန် မြှင့်တင်ရောင်းချမှုမရှိစေရေးနှင့် ပစ္စည်းပြတ်လပ်မှုမရှိစေရေးတို့အတွက် အပတ်စဉ် ကွင်းဆင်းစိစစ်ကြပ်မတ် ဆောင်ရွက်လျက်ရှိရာ စားသုံးသူရေးရာဦးစီးဌာန မကွေး/ ချောက်ခရိုင်တာဝန်ခံနှင့် ဝန်ထမ်းများသည် (၂၅.၉.၂၀၂၆)ရက်နေ့၊ နံနက်(၀၉:၃၀) နာရီအချိန်တွင် မကွေးမြို့ပေါ်ရှိ ဆေးနှင့်ဆေးပစ္စည်း အရောင်းဆိုင်များအား မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန၊ စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့ တို့နှင့်ပူးပေါင်း၍ ဆေးဆိုင်များအား အထူးစျေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရသည်။

          ထိုသို့စစ်ဆေးခဲ့ရာတွင် ဆေးနှင့်ဆေးပစ္စည်း အရောင်းဆိုင်များ၌ ဆေးဆိုင်လိုင်စင်သက်တမ်း တိုးစစ်ဆေးခြင်း၊ ဆေးဆိုင်လိုင်စင်အသစ်လျှောက်ထားသည့် ဆိုင်များအားစစ်ဆေးခြင်း၊ သက်တမ်းလွန်ဆေးဝါးများ ရောင်းချခြင်းရှိ/ မရှိ၊ ဆေးနှင့်ဆေးပစ္စည်းများအား ဈေးနှုန်းများမြှင့်တင်ရောင်းချခြင်း ရှိ/ မရှိ၊ ဆေးဈေးနှုန်းများမြှင့်တင် ရောင်းချရန်ရည်ရွယ်ချက်ဖြင့် ဆေးများစုပုံသိုလှောင် ထားခြင်းရှိ/ မရှိနှင့် ဆေးများပစ္စည်းပြတ်လပ်မှုရှိ/ မရှိ၊ သက်တမ်းလွန်ဆေးဝါးများအား စနစ်တကျစွန့်ပစ်မှုရှိ/ မရှိတို့အား စစ်ဆေးခဲ့ပြီး စားသုံးသူကာကွယ်ရေးဥပဒေ အခန်း (၁၃) ပုဒ်မ (၂၆)ပါ စီးပွားရေး လုပ်ငန်းရှင်များသည် စားသုံးသူများအပေါ် ဝန်ဆောင်မှုနှင့်စပ်လျဉ်း၍ အာမခံချက်ပေးနိုင်သည့် အချက်များအား သိရှိနိုင်စေရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

                 ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ်၊ကျွန်းကုန်းကြီးအုပ်စု၊ ကျွန်း ကုန်းကြီးကျေးရွာရှိ အ.ထ.က(ခွဲ) စာသင်ကျောင်း၌ ၂၀၂၆ခုနှစ် စက်တင်ဘာလ ၁၂ရက်နေ့ ၊နံနက် (၁၀:၀၀) နာရီအချိန်တွင် မြို့နယ်အထွေထွေအုပ်ချုပ်ရေးမှူး ဦးအောင်ဇော်မင်း၊မြို့နယ် ရဲတပ်ဖွဲ့ စခန်းမှူး၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်အမျိုးသမီးရေးရာအဖွဲ့၊မြို့နယ်စားသုံးသူရေးရာဦးစီးဌာနတို့ပူးပေါင်း၍လူကုန်ကူးမှု့အန္တရာယ်တားဆီးကာကွယ်ရေးနှင့် ပတ်သတ် ၍ အသိပညာပေးဟောပြောပွဲဆောင်ရွက်ခဲ့ပါသည်။

            အဆိုပါအသိပညာပေးပွဲအခမ်းအနား၌ မြို့နယ်အုပ်ချုပ်ရေးမှူးမှ အဖွင့်အမှာစကားပြောကြား ပြီး သက်ဆိုင်ရာဌာန၊ အမျိုးသမီးရေးရာအဖွဲ့မှ လူကုန်ကူးမှု့ဖြစ်စဉ်များနှင့် ပတ်သတ်၍ အသိ ပညာပေးပြောကြားခဲ့ပါသည်။စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ရီရီရှိန်မှလည်း တက်ရောက်လာသောဌာနဆိုင်ရာများ၊ ကျောင်းသား/ကျောင်းသူ၊ ဆရာ/ဆရာမ (၁၈၅)ဦးတို့အား စားသုံး သူကာကွယ်ရေး ဥပဒေပါစားသုံးသူအခွင့်အရေးများအကြောင်း၊ကုန်ပစ္စည်းများဝယ်ယူသုံးစွဲရာတွင် ကုန်အညွှန်းအမှတ်အသားများ ပြည့်စုံစွာပါရှိသောအချက်များကို သိရှိနိုင်ရန် နမူနာမုန့်ထုပ်များဖြင့် ရှင်းလင်းပြသအသိပညာပေးပြီး တက်ရောက်လာသူများမှ သိရှိလိုတာများကို အပြန်အလှန်ဆွေးနွေး အသိပညာပေးဆောင်ရွက်ခဲ့ပါသည်။ကျွန်းကုန်းကြီးကျောင်းရှိ ကျောင်းမုန့်ဈေးဆိုင်ကိုလည်း  စားသုံး ရန်မသင့်‌သော အစားအစာများ မရောင်းချရန် ရောင်းချသည့်မုန့်များ သက်တမ်းလွန်များရှိ/မရှိ အား သက်ဆိုင်ရာဌာနများနှင့် ကျောင်းအုပ်ဆရာကြီး၊ဆရာမများပါ စစ်ဆေးဆောင်ရွက်ခဲ့ပါကြောင်း  သတင်းရေး သားတင်ပြအပ်ပါသည်။

DOCA(ပဲခူး)

               စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသော ကုန်စည် များ ဈေးကွက်အတွင်းမှပပျောက်စေရေးနှင့် စားသုံးသူကာကွယ်ရေးဥပဒေပါ ပြဌာန်းချက်အရ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားဖေါ်ပြထားမှု အခြေအနေတို့နှင့် စပ်လျဉ်း၍ သက်ဆိုင်ရာမိတ်ဖက်ဌာနများနှင့် ပူးပေါင်းကာ ဈေးကွက်စောင့်ကြည့်စစ်ဆေးခြင်း လုပ်ငန်းများ ဆောင်ရွက်လျက်ရှိရာ၂၀၂၆ခုနှစ်၊ စက်တင်ဘာလ(၁)ရက်မှ (၁၅)ရက်အတွင်း ရွှေတောင်မြို့နယ်တာဝန်ခံနှင့် ဝန်ထမ်းများသည် ကြာနီကန်ရပ်ကွက်ရှိ ကုန်စုံဆိုင်များတွင် ရောင်းချလျက်ရှိသော ကလေးအာဟာရဖြည့်စွက်စာအမျိုးမျိုးကိုလည်းကောင်း၊ ပန်းတောင်းမြို့နယ် တာဝန်ခံနှင့်ဝန်ထမ်းများသည် ပန်းတောင်းမြို့ပေါ်ရပ်ကွက်ရှိကုန်စုံဆိုင်များတွင်ရောင်းချလျက်ရှိသည့်ကလေးအဟာရဖြည့်စွက်စာအမျိုးမျိုးကိုလည်းကောင်း သွားရောက်၍ ဈေးကွက်ရောက်ပြီး ကုန်စည်များတွင် ကုန်အညွှန်းအမှတ်အသားပါ သတ်မှတ်ချက်များနှင့် ကိုက်ညီမှုရှိသောကုန်စည်များကို တင်သွင်းရောင်းချခြင်း ရှိ/မရှိ၊ သက်ဆိုင်ရာဌာန၏ ထောက်ခံမှုရှိ/မရှိ ဈေးကွက်စောင့်ကြည့် စစ်ဆေးခဲ့ပါကြောင်းနှင့် စစ်ဆေးခဲ့သည့် ကုန်စည်များတွင် ကုန်အညွှန်းအမှတ်အသားဖေါ်ပြချက်များနှင့် ကိုက်ညီမှုရှိပါ ကြောင်းသတင်းရရှိပါသည်။

DOCA(ပဲခူး)