သတင်းနှင့် လှုပ်ရှားမှုများ

     ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာန မြို့နယ်တာဝန်ခံ ဦးမိုးမင်းသန်းနှင့် ဝန်ထမ်းများသည် ၂၀၂၆ ခုနှစ်၊ ဖေဖော်ဝါရီလ(၂၆) ရက်နေ့၊ နေ့လယ် (၁၁:၀၀) နာရီအချိန်တွင် ကုန်မျိုးစုံရောင်းချသည့် လုပ်ငန်းရှင်(၃၀) ဦးအား စားသုံးသူရေးရာဦးစီးဌာနရုံး၌ အသိပညာပေး ဟောပြောခဲ့ပါသည်။

     အဆိုပါ ဟောပြောပွဲတွင် ကျိုက်လတ်မြို့နယ်‌ တာဝန်ခံမှ စားသုံးသူကာကွယ်ရေးဥပဒေပါ ပြဌာန်းချက်များ၊ စားသုံးသူ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏ အခွင့်အရေးနှင့်  တာဝန်များ၊ ဝန်ဆောင်မှုနှင့် ပက်သက်၍ အာမခံချက်ပေးခြင်း၊ ကုန်စည်(သို့) ဝန်ဆောင်မှုလုံခြုံစိတ်ချရမှု၊ ကုန်စည်(သို့) ဝန်ဆောင်မှုအပေါ် တာဝန်ခံမှု၊ပြစ်မှု၊ပြစ်ဒဏ်များကို အသိပညာပေးဟောပြောခဲ့ပြီး ကုန်စည်နှင့် ဝန်ဆောင်မှု ထုတ်လုပ်ဖြန့်ဖြူးရောင်းချနေသော လုပ်ငန်းရှင်များပါ စားသုံးသူကာကွယ်ရေးကိစ္စရပ်များနှင့် ပက်သက်၍ သိလိုသည်များကို မည်သူမဆိုမေးမြန်းနိုင်ပါကြောင်း၊ ကုန်မျိုးစုံလုပ်ငန်းရှင်များမှ သိလိုသည်များ မေးမြန်းမှုအပေါ် မြို့နယ်တာဝန်ခံမှ ပြန်လည်ရှင်းလင်းပြောကြားခဲ့ပြီး ဟောပြောပွဲကို နေ့လယ်(၁၅:၃၀) တွင် အခမ်းအနားပြီးစီးကြောင်း သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး ဖျာပုံခရိုင်၊ကျိုက်လတ်မြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းများသည် ၂၀၂၆ ခုနှစ်၊ ဖေဖော်ဝါရီလ(၂၆) ရက်နေ့၊ နေ့လယ် (၁၅:၀၀) နာရီအချိန်တွင် အမှတ်(၃) ရပ်ကွက်ရှိ ပြည်သူများအား အသိပညာပေးဟောပြောခဲ့ကြောင်း သိရသည်။

  ထိုသို့ဟောပြောရာတွင် ကျိုက်လတ်မြို့နယ်တာဝန်ခံက စားသုံးသူကာကွယ်ရေးဥပဒေပါ စားသုံးသူ၏အခွင့်အရေးနှင့် တာဝန်များ၊ စားသုံးသူများလုံခြုံစိတ်ချရမှုရှိစေရေးနှင့် အစားအသောက်များကို ဝယ်ယူသုံးစွဲရာတွင် ဘေးအန္တရာယ်ရှိသောကုန်စည်များကို ဝယ်ယူသုံးစွဲခြင်းမပြုရန် ဟောပြောခြင်းနှင့် ကုန်အညွှန်းအမှတ်အသားများ ပြည့်စုံစွာဖော်ပြထားသော ကုန်စည်များကိုသာ ဝယ်ယူသုံးစွဲကြရန်၊ ကုန်အညွှန်းအမှတ်အသားများတွင် ဖော်ပြထားသောအခြေအနေ၊ အာမခံချက်၊ ထူးခြားချက် အကျိုးသက်ရောက်မှု့၊ အသားတင်အလေးချိန်၊ အရည်အသွေးအဆင့်အတန်း စသည်တို့ပါဝင်ရန် လိုအပ်ကြောင်းနှင့် ယခုလက်ရှိဆောင်ရွက်နေသော စားသုံးသူရေးရာ ကိစ္စရပ်များနှင့် ပက်သက်၍ အသိပညာပေးဆွေးနွေးဆောင်ရွက်ခဲ့ကြောင်း သတင်းရရှိခဲ့ပါသည်။

DOCA(ဧရာဝတီ)

               ၂၀၂၆ ခုနှစ်၊ မတ်လ(၁၂)ရက်နေ့၊ နံနက်(၁၀:၀၀)နာရီအချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ တာချီလိတ်မြို့နယ်တာဝန်ခံရုံးမှစစ်ဆေးရေးမှူးဦးမြင့်နောင်(ဦးစီးမှူး)ဦးဆောင်၍အစားအသောက်နှင့်ဆေးဝါးကွပ်ကဲရေးဦးစီးဌာန၊မြို့နယ်စည်ပင်သာယာ ရေးဌာနတို့နှင့် ပူးပေါင်းကာ တာချီလိတ်မြို့နယ်၊ မိုင်းကိုကျေးရွာအုပ်စု၊ ဆီလိငေါ့ကျေးရွာရှိ ဆစ်ကျိမ်ခမ်း သောက်ရေသန့်လုပ်ငန်းနှင့် ဆေခမ်းရပ်ကွက်ရှိ ကျောက်စိမ်းသောက်ရေသန့်တို့အား ထုတ်ကုန်များ လုံခြုံစိတ်ချရမှုရှိစေရန်အတွက် စစ်ဆေးခြင်းလုပ်ငန်းများဆောင်ရွက်ခဲ့ ပါသည်။

           ထိုသို့စစ်ဆေးရာတွင် ဆစ်ကျိမ်ခမ်းနှင့်ကျောက်စိမ်းသောက်ရေသန့်တို့သည် စားသုံးသူ ကာကွယ်ရေးဥပဒေအခန်း(၁၈)ပါ “ကုန်အညွှန်အမှတ်အသားဖော်ပြခြင်း” နှင့် ပတ်သက်၍ပြည့်စုံစွာ ဖော်ပြထားပြီး ထုတ်ကုန်များကိုလဲသန့်ရှင်းသပ်ရပ်စွာထုတ်လုပ်ဖြန့်ချိသည်ကို စစ်ဆေးတွေ့ရှိရ ပါသည်။ ထိုနောက် စစ်ဆေးရေးမှူးနှင့်ဌာနဆိုင်ရာတာဝန်ရှိသူများသည် လုပ်ငန်းရှင်များအား စားသုံးသူများဘေးအန္တရာယ်ကင်းရှင်းစေရေးကို အလေးထားဆောင်ရွက်ရန်၊ ထုတ်လုပ်မှုအဆင့် တိုင်းစနစ်တကျရှိစေရန်နှင့်  စားသုံးသူကာကွယ်ရေးဥပဒေအခန်း(၁၀)ပါ “စီးပွားရေးလုပ်ငန်းရှင်၏ တာဝန်များ” ကိုလိုက်နာ ဆောင်ရွက်ရန် အသိပညာပေးဆွေးနွေးခဲ့ကြပါသည်။

DOCA(ရှမ်း)

            စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန ရုံးချုပ်၏ ညွှန်ကြားချက်နှင့်အတူ စစ်ကိုင်းတိုင်းဒေသကြီး စားသုံးသူရေးရာဦးစီးဌာန လက်ထောက်ညွှန်ကြားရေးမှူး ဦးဆောင်၍ ဝန်ထမ်းများသည် (၁၀.၃.၂၀၂၆)ရက်၊ ညနေ(၃)နာရီအချိန်တွင် တိုင်းဒေသကြီး အသေးစား စက်မှုလက်မှုလုပ်ငန်းဉီးစီးဌာနမှဖွင့်လှစ်သည့် “မုန့်ဖုတ်သင်တန်း”တွင် စားသုံးသူရေးရာ အသိပညာ ပေးဟောပြောပွဲ ကျင်းပဆောင်ရွက်ခဲ့ရာ စုစုပေါင်း (၂၀)ဦး တက်ရောက်ခဲ့ကြောင်း သိရှိရပါသည်။

              အဆိုပါ ဟောပြောပွဲတွင် စစ်ကိုင်းတိုင်းဒေသကြီးစားသုံးသူရေးရာဦးစီးဌာနမှ လက်ထောက် ညွှန်ကြားရေးမှူး ဒေါ်အေးမြင့်ငြိမ်းက ကုန်အညွှန်းအမှတ်အသားဖော်ပြခြင်းဆိုင်ရာ အချက်အလက်များ နှင့်စပ်လျဉ်း၍ ကုန်စည်များတွင် မြန်မာဘာသာနှင့်အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ဖော်ပြရာတွင် စီးပွားရေးလုပ်ငန်းရှင်များ လိုက်နာရဆောင်ရွက်ရမည့်အချက်များ၊ ကုန်စည်အုပ်စု အလိုက်မြန်မာဘာသာဖြင့် ကုန်အညွှန်းအမှတ်အသားဖော်ပြရမည့် အသေးစိတ်အချက် အလက်များ၊ ဉီးစားပေးကုန်စည်များ၊   အွန်လိုင်းစနစ်ဖြင့်ရောင်းချခြင်းဆိုင်ရာ မှတ်ပုံတင် လျှောက်ထား ခြင်း၊ စားသုံးသူရေးရာဦးစီးဌာနတွင် တိုင်ကြားနိုင်သည့်နည်းလမ်းများ၊ ဌာနမှ ဖြေရှင်းဆောင်ရွက်နေမှု အခြေအနေများ၊ Consumer Call Center 1535 သို့ ခေါ်ဆိုမေးမြန်းတိုင်ကြားနိုင်ကြောင်း အသိပညာပေးခဲ့ကြောင်း၊  ဆက်လက်၍ လုပ်ငန်းရှင်များအနေဖြင့် ကုန်စည်နှင့် ဝန်ဆောင်မှုများကို အွန်လိုင်းစနစ်အသုံးပြုပြီးရောင်းချမည်ဆိုပါက မဖြစ်မနေ အွန်လိုင်းစနစ်ဖြင့် မှတ်ပုံတင်ပြီးမှသာ ရောင်းချရန်၊ မှတ်ပုံတင်ထားခြင်းမရှိဘဲ ရောင်းချမည်ဆိုပါက အရေးကြီး ကုန်စည်နှင့်ဝန်ဆောင်မှု ဥပဒေအရ အရေးယူခံရမည်ဖြစ်ကြောင်း၊ တက်ရောက်လာသူများမှ သိလိုသည် များကို ရှင်းလင်း ဖြေကြားပြီး အသိပညာပေးလက်ကမ်းစာဆောင်များ ဖြန့်ဝေပေးခဲ့ကြောင်း သတင်းရရှိ ပါသည်။        

Doca(စစ်ကိုင်း)

    ၁၀.၃.၂၀၂၆ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံ ဒုတိယဦးစီးမှူး ဒေါ်ထက်ထက်နွေဦးသည် မြို့နယ်ပြည်သူ့ ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ချောင်းဆုံမြို့နယ်၊ အမှတ် (၂) မြို့မဈေးရှိ ကုန်စုံဆိုင်များတွင် ရောင်းချနေသော နို့နှင့်နို့ထွက်ပစ္စည်းအမျိုးမျိုး အား ကုန်အညွှန်းအမှတ်အသား ပြည့်စုံမှု ရှိ/မရှိ ကွင်းဆင်းစစ်ဆေး ဆောင်ရွက်ခဲ့ကြောင်း သိရှိရပါသည်။

    ထိုသို့ ကွင်းဆင်းစစ်ဆေးရာတွင် ချောင်းဆုံမြို့နယ်၊ အမှတ်(၂)မြို့မဈေးတွင် ရောင်းချလျက်ရှိသော နို့နှင့်နို့ထွက်ပစ္စည်းများတွင် မြန်မာနိုင်ငံစားသုံးသူကာကွယ်ရေး ကော်မရှင်က ထုတ်ပြန်ထားသည့် ညွှန်ကြားချက်အမှတ် (၂/၂၀၁၉) အရ ကုန်စည်ပေါ်တွင် မြန်မာဘာသာဖြင့် ဖော်ပြရမည့် အမျိုးအမည်၊ အရွယ်အစား၊ အရေအတွက် အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်းနှင့် ဓာတ်မတည့်ကြောင်း ဖော်ပြချက်တို့ ပြည့်စုံစွာဖော်ပြပါရှိကြောင်း စစ်ဆေးတွေ့ရှိရပြီး ဆိုင်ပိုင်ရှင်အား ကုန်အညွှန်းအမှတ်အသားပြည့်စုံမှုမရှိသည့် ကုန်စည်များအား ရောင်းချခြင်း မပြုရန် အသိပညာပေး ပြောကြားခဲ့ကြောင်း သိရှိရပါသည်။

DOCA (မွန်)