သတင်းနှင့် လှုပ်ရှားမှုများ

        မအူပင်ခရိုင်၊ စားသုံးသူရေးရာဦးစီးဌာနနှင့် ဓနုဖြူမြို့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်းပြီး ၂၀၂၆ခုနှစ် ဇွန်လ(၁၉)ရက်နေ့တွင် ဓနုဖြူမြို့ လူထုအခြေပြု Community Center ခန်းမ၌ စားသုံးသူကာကွယ်ရေးအသိပညာပေး Talk Show ဆွေးနွေးပွဲ ဆောင်ရွက်ခဲ့ကြောင်း သိရသည်။ 

     အသိပညာပေးရာတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၌ စားသုံးသူကာကွယ်ရေး ဥပဒေပါ အခန်း(၁၈) ကုန်အညွှန်းအမှတ်အသားဖော်ပြခြင်း၊ ကျောင်းမုန့်ဈေးတန်း ရောင်းချသောလုပ်ငန်းရှင်များ လိုက်နာရမည့်အချက်များနှင့် စားသုံးသူမိဘပြည်သူများနစ်နာ ဆုံးရှုံးမှုများကြုံတွေ့ခဲ့ရပါက တိုင်ကြားနိုင်သည့် နည်းလမ်းများ‌ အသိပညာ‌ပေး Talk Show ဆောင်ရွက်ခဲ့ရာ ဦးခိုင်လွမ်းမိုးမှ စားသုံးသူကာကွယ်ရေးဥပဒေ ၂၀၁၉၊ အခန်း (၁၈) တွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ စီးပွားရေးလုပ်ငန်းရှင်များ လိုက်နာရမည့် စည်းကမ်းချက်များကို သတ်မှတ်ဖော်ပြထားပြီး ကုန်စည်များတွင် တံဆိပ်အမှတ်အသား၊ ကုန်စည်အချက်အလက်၊ ထုတ်လုပ်သည့်ရက်စွဲနှင့် သက်တမ်းကုန်ဆုံးရက်တို့ကို ရှင်းလင်းစွာဖော်ပြရမည်ဖြစ်သည်။ ထို့ပြင် ကုန်စည်၏ ပါဝင်ပစ္စည်းများ၊ ကျန်းမာရေးဆိုင်ရာ သတိပေးချက်များနှင့် ထုတ်လုပ်သူ (သို့မဟုတ်) တင်သွင်းသူ၏ အချက်အလက်များကိုလည်း ဖော်ပြထားရမည် ဖြစ်သည်။ အဆိုပါ ပြဋ္ဌာန်းချက်များသည် စားသုံးသူများ၏ သိပိုင်ခွင့်ကို ကာကွယ်ပေးပြီး ကုန်စည်ရွေးချယ်ရာတွင် မှန်ကန်သောဆုံးဖြတ်ချက်များ ချနိုင်စေရန် အထောက်အကူပြုနိုင် ကြောင်း ထို့အပြင် ကုန်အညွှန်းအမှတ်အသားများကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာများ တွဲဖက်၍ဖြစ်စေ ဖော်ပြရမည်ဟု သတ်မှတ်ထားကြောင်း၊ ကျောင်းမုန့်ဈေးတန်း များတွင် အစားအသောက်များ၏ သန့်ရှင်းလုံခြုံမှု၊ သက်တမ်းကုန်ဆုံးရက်နှင့် ကုန်အညွှန်းအမှတ်အသားများကို အဓိကထား စစ်ဆေးရန်လိုအပ်ကြောင်း၊ စစ်ဆေးမှုအရ အများစုမှာ သတ်မှတ်ချက်များနှင့် ကိုက်ညီစွာ ရောင်းချလျက်ရှိကြောင်း တွေ့ရှိရသော်လည်း အချို့သော ကုန်ပစ္စည်းများတွင် အချက်အလက်ဖော်ပြမှု အားနည်းချက်များတွေ့ရှိပြီး ကျောင်းသား/ကျောင်းသူများ၏ ကျန်းမာရေးနှင့် ဘေးကင်းလုံခြုံရေးအတွက် စားသုံးရန်သင့်လျော်သော အစားအသောက်များကိုသာ ရောင်းချနိုင်ရေး အသိပညာပေး ဆောင်ရွက်ရန်လိုအပ်ကြောင်း ရောင်းချသူများအား စည်းမျဉ်းစည်းကမ်းများကို လိုက်နာဆောင်ရွက်ရန်၊ ကျောင်းပတ်ဝန်းကျင်ရှိ အစားအသောက် ဘေးကင်းလုံခြုံမှု ပိုမိုတိုးတက်လာမည်ဖြစ်ကြောင်း အများပြည်သူသိရှိနိုင်ရန် လစဉ်ပြုလုပ်သော Talk Show အသိပညာပေးခြင်းလုပ်ငန်းတွင် ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

             လားရှိုးမြို့အခြေစိုက် “ရွှေတောင်” လက်ဖက်ခြောက်နှင့် နေကြာစေ့လုပ်ငန်းသည် ဒေသတွင်း ထင်ရှားကျော်ကြားသော MSME အမှတ်တံဆိပ် တစ်ခုဖြစ်ပြီး၊ စားသုံးသူရေးရာဦးစီးဌာနအနေဖြင့် ကုန်ထုတ်လုပ်မှုဆိုင်ရာစံချိန်စံညွှန်းများနှင့် စားသုံးသူကာကွယ်ရေးဥပဒေများ လိုက်နာစေရန်အတွက် စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံး၊ လားရှိုးမှ စစ်ဆေးရေးအရာရှိနှင့် ဝန်ထမ်းများ သည် ၂၀၂၆ ခုနှစ်၊ ဇွန်လ( ၁၇ ) ရက်၊  နေ့လယ် ( ၀၉:၀၀ ) နာရီ အချိန်တွင် ကွင်းဆင်းစစ်ဆေးမှုများ ဆောင်ရွက်ခဲ့ကြောင်း သိရှိရပါသည်။

            ထိုသို့ ကွင်းဆင်းစစ်ဆေးရာတွင် စားသုံးသူကာကွယ်ရေးဥပဒေအရ လက်ဖက်ခြောက်နှင့် နေကြာစေ့ အထုပ်များပေါ်တွင် အမျိုးအမည်၊ အသားတင်အလေးချိန်နှင့် ထားသိုပုံအညွှန်းများကို မြန်မာဘာသာဖြင့် မဖြစ်မနေပြည့်စုံစွာဖော်ပြရန် ၊ ထုတ်လုပ်သည့်ရက်စွဲ၊ သက်တမ်းကုန်ဆုံးရက်စွဲ နှင့် ဓာတ်မတည့်မှုသတိပေးချက်များ (ဥပဒေညွှန်ကြားချက် ၂/၂၀၁၉ ပါအတိုင်း) ကိုက်ညီမှုရှိမရှိ စိစစ်ခဲ့ကြောင်း သိရသည်။

            စားသုံးသူမိဘပြည်သူများ ဘေးအန္တရာယ်ကင်းရှင်းစွာ စားသုံးနိုင်ရန်အတွက် သန့်ရှင်း သပ်ရပ်စွာထုတ်လုပ်ရန်နှင့် ဓာတုဆိုးဆေး (သို့မဟုတ်) တားမြစ်တာရှည်ခံဆေးများ မသုံးစွဲရန် အသိပညာပေးခြင်းနှင့် ကုန်စည်များ သိုလှောင်ထားရှိမှုစနစ် ကောင်းမွန်စေရန်နှင့် သတ်မှတ် ထားသော စံချိန်စံညွှန်းပြည့်မီအောင် ထုတ်လုပ်နိုင်ရေးကို လုပ်ငန်းရှင်နှင့် တွေ့ဆုံဆွေးနွေး ပြီးနောက် စားသုံးသူရေးရာဦးစီးဌာနမှ တာဝန်ရှိသူက စီးပွားရေးလုပ်ငန်းရှင်များအနေဖြင့် လိုက်နာရမည့်တာဝန်များကို ဟောပြောဆွေးနွေးခဲ့ကြောင်း သိရှိရသည်။

DOCA(ရှမ်း)

           စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ် ဦးစီးမှူးရုံးသည် တိုင်းဒေသကြီးဦးစီးမှူး၏ လမ်းညွှန်မှု၊ ခရိုင်ဦးစီးမှူး၏ ကြီးကြပ်မှုတို့ဖြင့် လုပ်ငန်းရှင်တွေ့ဆုံအသိပညာပေးနှင့် ဈေးကွက်စောင့်ကြည့် စစ်ဆေးခြင်းများ ဆောင်ရွက်လျက်ရှိရာ ၁၆.၆.၂၀၂၆ ရက်နေ့ နေ့လယ် (၁၄း၀၀)နာရီအချိန်တွင် ကုန်မျိုးစုံလုပ်ငန်းရှင် ၃ဦးမှ ကုန်စည်များရောင်းချရာတွင် ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ သိလိုသည်များ လာရောက်မေးမြန်းသဖြင့် မြို့နယ်ဦးစီးမှူးးမှ ပြန်လည်ဖြေကြား ရှင်းလင်းပေးခဲ့ကြောင်း သိရသည်။

     ထိုသို့ အသိပညာပေးရာတွင် လုပ်ငန်းရှင်တို့သည် မိမိတို့ရောင်းချသော ကုန်စည်များပေါ်တွင် စားသုံးသူကာကွယ်ရေးဥပဒေပါ အခန်း(၁၈)ပါ ကုန်အညွှန်းအမှတ်အသားဖော်ပြခြင်းဆိုင်ရာ အချက်အလက်များနှင့် စပ်လျဉ်း၍ ရှင်းလင်းပြောကြားခြင်း၊ သက်ဆိုင်ရာဌာန၏ ဖော်ပြရန်သတ်မှတ်ထားသော အချက်အလက်များ ပါရှိရမည်ဖြစ်ကြောင်း လုပ်ငန်းရှင်များအနေဖြင့် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)နှင့် ကိုက်ညီသော ကုန်ပစ္စည်းများကိုသာရောင်းချရန် အသိပညာပေး၊ ပန်းဖလက်များ ဖြန့်ဝေခဲ့ပြီး ပြည်ပမှ တင်သွင်းသည့် စားအုန်းဆီနှင့် ပြည်တွင်းထုတ်လုပ်ခွင့်ပြုထားသည့် စားအုန်းဆီများဖြစ်ပါက တင်သွင်းကုမ္ပဏီ၊ စားသုံးဆီအမျိုးအစား၊ တင်သွင့်ဖြန့်ဖြူးသည့် အမှတ်တံဆိပ်၊ ထုတ်ပိုးမှုအရွယ်အစား၊ မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခုထက်ပို၍ ဖြစ်စေ ပါဝင်ရမည်ဖြစ်ကြောင်း သိရှိနိုင်ရန် ရှင်းလင်းဆွေးနွေး ပြောကြားခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(ဧရာဝတီ)

    ၂၂.၆.၂၀၂၆ ရက်နေ့ နံနက် (၁၀:၀၀) နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ သထုံခရိုင်၊ ပေါင်မြို့နယ်တာဝန်ခံသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ ပေါင်မြို့ပေါ်ရှိ ကုန်စုံဆိုင်များ၌ ရောင်းချနေသော စည်သွပ်ဗူးအမျိုးမျိုးတို့အား စျေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

    အဆိုပါ စျေးကွက်စောင့်ကြည့်စစ်ဆေးရာတွင် ပေါင်မြို့ပေါ်ရှိ ကုန်စုံဆိုင်များ၌ ရောင်းချနေသော စည်သွပ်ဗူးအမျိုးမျိုးတို့တွင် ကုန်အညွှန်းအမှတ်အသားပြည့်စုံစွာ ဖော်ပြခြင်း ရှိ/မရှိ၊ သက်ဆိုင်ရာဌာနများက ကန့်သတ်တားမြစ်ထားသည့် စည်သွပ်ဗူးများ ရောင်းချခြင်း ရှိ/မရှိ၊ စားသုံးသူ ဘေးအန္တရာယ်ဖြစ်စေနိုင်သော စည်သွပ်ဗူးများရောင်းချ နေမှု ရှိ/မရှိ တို့အား စစ်ဆေးခြင်းနှင့် သတ်မှတ်စံချိန်စံနှုန်းနှင့် ကိုက်ညီ၍ သက်ဆိုင်ရာ ဌာနများမှ ခွင့်ပြုထားသော ကုန်ညွှန်းအမှတ်အသားပြည့်စုံစွာဖော်ပြထားသော စည်သွပ်ဗူး များကိုသာ စျေးကွက်အတွင်း ရောင်းချခြင်းများ ပြုလုပ်ကြရန်နှင့် စျေးကွက်အတွင်း ရောင်းချခြင်း မပြုသည့် စည်သွပ်ဗူးများကို ရှောင်ရှားကြရန် ဆိုင်ရှင်များအား အသိပညာပေး ပြောကြားခဲ့ကြောင်း သိရှိရပါသည်။

DOCA (မွန်)

     စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး    (ခရိုင်တာဝန်ခံ)သည်    (၁၉-၆-၂၀၂၆) ရက်နေ့တွင် မြေပြင်စစ်ဆေးအတည်ပြုပြီး  မှတ်ပုံတင်လက်မှတ်ရရှိပြီး လုပ်ငန်းရှင် များဖြစ်သော ကချင်ရိုးရာထည်အမျိုးမျိုးရောင်းဝယ်ရေး လုပ်ငန်းရှင် (၁) ဦး၊ lady Han ဒေသထွက်ကုန် ကုန်ပစ္စည်းများရောင်းချသည့် လုပ်ငန်းရှင် (၁) ဦး၊ Sun Light ၊ Silver Light စာအုပ်အမျိုးမျိုး ရောင်းချ သည့်လုပ်ငန်းရှင် (၁) ဦး၊ SHERRY ကော်ဖီနှင့်မုန့်အမျိုးမျိုး ရောင်းချသည့်လုပ်ငန်းရှင် (၁) ဦး၊ စုစုပေါင်း (၄) ဦးတို့နှင့်တွေ့ဆုံ၍ အသိပညာပေးဟောပြောပွဲ ပြုလုပ်ဆောင်ရွက်ခဲ့ပါသည်။

     ထိုသို့ ဟောပြောရာတွင် စားသုံးသူအား အွန်လိုင်းစနစ်ဖြင့် ရောင်းချခြင်းလုပ်ငန်းနှင့်ပတ်သက် ၍ သိထားသင့်သောအချက်များအကြောင်း၊ စားသုံးသူအခွင့်အရေးနှင့်တာဝန်များအကြောင်း၊ စီးပွားရေး လုပ်ငန်းရှင်၏တာဝန်များအကြောင်း၊ ကုန်ပစ္စည်းရောင်းချရာတွင် ပစ္စည်းမှန်ကန်ရမည့်အကြောင်း၊ စားသုံးသူတို့နစ်နာဆုံရှုံး၍ တိုင်ကြားလာပါက ရောင်းချသူအနေဖြင့် တာဝန်ယူဖြေရှင်းပေးရမည်ဖြစ် ကြောင်း၊ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူများစိစစ်သင့်သည့် အချက်အလက် များ၊ တရားမဝင်ကုန်စည်များ ရောင်းချခြင်းမပြုရန်နှင့် တရားဝင်ကုန်စည်များကိုသာ ရောင်းချရမည် ဖြစ်ကြောင်း၊စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အမိန့်ကြော်ငြာစာအမှတ် ၅၀/၂၀၂၃ အရ အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးဝန်ဆောင်လုပ်ငန်းအဖြစ် သတ်မှတ်ထား ရှိမှုအခြေအနေ၊ အွန်လိုင်းစနစ်ဖြင့်ရောင်းချခြင်း မှတ်ပုံတင်ခြင်းဆိုင်ရာ အမိန့်ကြော်ငြာစာအမှတ် ၅၁/၂၀၂၃အရ မှတ်ပုံတင်လျှောက်ထားခြင်းနှင့် လျှောက်ထားမှုအတွက် သတ်မှတ်ချက်၊ ပြင်ဆင် လျှောက်ထားခြင်း၊ သတ်တမ်းတိုးလျှောက်ထားခြင်းအကြောင်း၊ မှတ်ပုံတင်လက်မှတ်ရရှိသူ၏ တာဝန် နှင့် အခွင့်အရေးများအကြောင်း၊ မှတ်ပုံတင်ထုတ်ပေးခြင်း၊ ဆိုင်းငံ့ခြင်း၊ ပယ်ဖျက်ခြင်းဆိုင်ရာအကြောင်း အရာများအား အသိပညာပေး ဆွေးနွေးခဲ့ကြောင်း သတင်းရရှိပါသည်။

DOCA(ကချင်)