သတင်းနှင့် လှုပ်ရှားမှုများ

         ဆန်စပါး သိုလှောင်မှုနှင့် ပတ်သက်၍ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ ကြီးကြပ်မှုအောက်တွင် တောင်သူ၊ ကုန်သည်၊ စက်ပိုင်၊ ဆန်ဆိုင်အားလုံး MyRo တွင် မှတ်ပုံတင်ရပြီး လစဉ်လက်ကျန်များကို တရားဝင်တင်သွင်းခြင်းလုပ်ငန်းများကိုဆောင်ရွက်ရန် စားသုံးသူရေးရာဦးစီးဌာနမှ ကြပ်မတ်ဆောင်ရွက်လျက် ရှိပါသည်။ ညောင်တုန်းမြို့နယ် တောင်သူ၊ ကုန်သည်၊ စက်ပိုင်၊ ဆန်ဆိုင် စပါး/ဆန် မြေပြင် သိုလှောင်မှုလက်ကျန် အခြေအနေများကို လစဉ် ရ၊ ထုတ်၊ ကျန် စာရင်းဖြည့်သွင်းနိုင်ရန် ကြပ်မတ်ဆောင်ရွက်လျက်ရှိကြောင်း သိရသည်။

           မအူပင်ခရိုင်၊ ညောင်တုန်းမြို့နယ်မှ  တောင်သူ၊ စက်ပိုင်၊ ကုန်သည်တို့ သိုလှောင်ထားရှိရာ လုပ်ငန်းများတွင် စပါး ဆန်လက်ကျန်စာရင်းများကို  လစဉ် လဆန်း ၇ရက်နေ့တွင် myro၌ ကုန်ရ၊ ကုန်ထုတ်၊ လက်ကျန် စပါး/ဆန် ဖြည့်သွင်းရေးအခြေအနေများ ဖြည့်သွင်းဆောင်ရွက်နိုင်ရေးကို ကြပ်မတ်ဆောင်ရွက်လျက်ရှိပြီး စာရင်းကောက်ယူခြင်းများ ဆောင်ရွက်လျက်ရှိပါသည်။ လိုအပ်ပါက ဒေသန္တရာအဖွဲ့အစည်းများဖြင့် မြေပြင် ကွင်ဆင်းအမှန်တကယ် သိုလှောင်မှု အခြေအနေများကို ကွင်ဆင်းခြင်းများ လုပ်ဆောင်လျက်ရှိသည်။ ညောင်တုန်းမြို့နယ် ဇွန်လ (၁၅) နေ့နောက်ဆုံး ဆန်/စပါး လက်ကျန်အခြေအနေများမှာ စပါးအနေဖြင့် တောင်သူ ၂၁၂၉၉၃၂ တင်း၊  ဆန်အနေဖြင့် ၁၉၀၀ အိတ်၊  ကုန်သည် စပါးတင်း ၂၂၉၂၀၀ တင်း၊ ဆန်အနေဖြင့် ၁၅၀၀ အိတ်၊ ဆန်စက်ပိုင်ရှင် စပါးသိုလှောင်  ၁၀၀၅၆၂၃ တင်း၊ ဆန်အနေဖြင့် ၄၀၀၂၇၃ အိတ်၊ ဆန်ဆိုင်များမှ ၅၁၆၀ အိတ်၊  စုစုပေါင်း စပါးတင်း ၃၃၆၄၇၅၅ ၊ ဆန် ၄၀၈၈၃၃ အိတ် MyRo တွင် ဖြည့်သွင်းဆောင်ရွက်ရှိကြောင်းနှင့် မြို့နယ် နယ်မြေလုပ်ငန်းရှင်များမှ သိုလှောင်မှု မြေပြင်လက်ကျန်စာရင်းဖြစ်ကြောင်း  သိရှိရပါသည်။

DOCA(ဧရာဝတီ)

          ၁၇-၆-၂၀၂၆ ရက်နေ့ နံနက်(၁၀း၀၀) နာရီအချိန်တွင် မြို့နယ်ကျန်းမာရေးဦးစီးဌာ၊ မြို့နယ်စားသုံးသူရေးရာဦးစီးဌာန၊ မြို့နယ်တိုင်းရေးဆေးပညာဦးစီးဌာနတို့ ပါဝင်သောအဖွဲ့သည် ညောင်တုန်းမြို့ ၉ရပ်ကွက်၊ ရှိ အ.ထ.က-၁နှင့် အ.ထ.က-၂ အထက်တန်းကျောင်းတွင် လူငယ်ရေးရာအသိပညာပေး၊ ကျောင်းကျန်းမာရေးလှုပ်ရှားမှု ဟောပြောပွဲတွင် စားသုံးသူရေးရာဦးစီးဌာနမှ တာဝန်ရှိသူများက စားသုံးသူကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ကြသည်။

     ဟောပြောပွဲတွင် ကျောင်းအုပ်ဆရာကြီးက ကျောင်းသား/ ကျောင်းသူများကို လူငယ်ရေးရာ အသိပညာပေးဟောပြောခြင်းကို ကျောင်းသား/ သူများ မှတ်သားလိုက်နာ ဆောင်ရွက်နိုင်ဖို့က အရေးကြီးကြောင်းနှင့် ကျောင်းသို့ ဌာနဆိုင်ရာများက လူငယ်အသိပညာပေး ဟောပြောခြင်းကိုလည်း ကြိုဆိုကြောင်း သက်ဆိုင်ရာဌာနများက အသိပညာပေးလုပ်ငန်းကို စဉ်ဆက်မပြတ် ဟောပြောပေးနိုင်ရန် အဖွင့်အမှာစကားပြောကြားခဲ့ပြီး၊ အခြားသက်ဆိုင်ရာဌာနများက ဌာန၏ လုပ်ငန်းဆောင်ရွက်ချက် လူငယ်များသိသင့်သော အသိပညာပေးခြင်းများကို အသီးသီးဟောပြောခဲ့ကြောင်း သိရသည်။

     ဆက်လက်၍ စားသုံးသူရေးရာဦးစီးဌာနမှ ဒေါ်ချိုမီဇင် ဒုဦးစီးမှူးက စားသုံးသူကာကွယ်ရေး သိကောင်းစရာအကြောင်း ဟောပြောရာ စားသုံးသူအခွင့်အရေး(၈ချက်) စားသုံးသူလိုက်နာရမည့် တာဝန်(၄)ချက် အကြောင်းကို ကျောင်းသားများ နားလည်သလောက် တစ်ဦးချင်း မေးမြန်းဆွေးနွေးပြီး၊ စားသုံးသူအခွင့်အရေး နစ်နာမှုရှိပါက မည်သည့်ဌာနသို့ တိုင်ကြားနိုင်ကြောင်း မေးမြန်းခြင်းနှင့် တိုင်ကြားနိုင်သည့် နည်းလမ်းများ တိုင်ကြားလို့ရနိုင်ကြောင်းကို ပြည်သူသိရှိနိုင်ရန်အတွက်   တိုင်ကြားလို့ရတယ့်နည်းလမ်း (၇) မျိုးရှိကြောင်း၊  တိုင်ကြားနိုင်တဲ့ နည်းလမ်းအဆင့်ဆင့် တွေကတော့ DOCA Myanmar Application, CICC Naypyi Taw လူမှုကွန်ယက်၊ သက်ဆိုင်ရာတိုင်းနဲ့ ပြည်နယ်ဦးစီးမှူးရုံးတွေကို လူကိုယ်တိုင် (သို့) စာဖြင့် တိုင်ကြားနိုင်၊ CICC ဖုန်း၊ Consumer Call Center No.1535 စားသုံးသူကာကွယ်ရေးဆိုင်ရာ အသင်းအဖွဲ့များမှ တစ်ဆင့် တိုင်ကြားလို့ရကြောင်း၊ ပို၍ လွယ်ကူတာကတော့  Consumer Call Center  ရယ့်      HOT Line No ဖြစ်တယ့် 1535 ကို  Mytel, Ooredoo , Telenor, MPT အသုံးပြုသူများ စားသုံးသူကာကွယ်ရေးဆိုင်ရာ အကြောင်းအရာတွေကို သိရှိလိုသည််ဖြစ်ဖြစ်၊ တိုင်ကြားချင်သည် ဖြစ်ဖြစ်၊ HOT Line No လေးကို  အလွယ်တကူ ခေါ်ဆိုရုံဖြင့် ဆက်သွယ်တိုင်ကြားလို့ရကြောင်း ထပ်ဆင့် အသိပေးပြောကြားခဲ့ကြောင်း သိရသည်။ ရှင်းလင်းဟောပြောခဲ့ကြောင်းနှင့် ဟောပြောပွဲသို့ ကျောင်းသား/ သူဆရာ/ ဆရာမ (၃၄၅)ဦးတက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

        စားသုံးသူရေးရာဦးစီးဌာနသည် ပညာသင်နှစ် ကာလများတွင် ကျောင်းသားလူငယ်များ ကျန်းမာရေးနှင့် ညီညွှန်စေရန် ဘေးအန္တရာယ်ကင်းရှင်းသော ထုတ်ကုန်များ ဝယ်ယူအသုံးပြုနိုင်ရန် အတွက် မုန့်ဈေးတန်းဈေးကွက်စောင့်ကြည့် စစ်ဆေးခြင်းများကို နှစ်စဉ်ဆောင်ရွက်လျက်ရှိပါသည်။ ကျန်းမာရေးဦးစီးဌာနနှင့် ချိတ်ဆက်၍ ပညာရေးဦးစီးဌာန ကျောင်းများရှိ မုန့်ဈေးတန်းအား ‌ဈေးကွက်စောင့်ကြည်ခြင်းလုပ်ငန်းကို လျာထားချက် ချမှတ်ဆောင်ရွက်၍ စစ်ဆေးမှုများလုပ်ဆောင်လျက်ရှိကြောင်း သိရသည်။

       မအူပင်ခရိုင် မအူပင်မြို့နယ် အ.ထ.က ၂ ကျောင်းမုန့်စျေးတန်းအား ကျောင်းမုန့်စျေးတန်း ကော်မတီများ စားသုံးသူပြည်သူ့ကျန်းမာဦးစီးဌာန၊ FDA၊ စားသုံးသူရေးရာဦးစီးဌာန တို့ပူးပေါင်း၍ ၁၆.၆.၂၀၂၆ ရက်နေ့တွင် ဈေးကွက်စောင့်ကြည့်စစ်ဆေးရာ စားသုံးသူရေးရာဦးစီးဌာနမှ ဦးအောင်ဇော်ဦး စစ်ဆေးရေးအရာရှိမှ ဒေသတွင်း ထုတ်ကုန်များဖြစ်ပါက ကုန်အညွှန်းအမှတ် အသားနှင့် ပြည့်စုံစွာပါရှိစေရန်၊ ပြည်တွင်းထုတ်ကုန်မုန့်များဖြစ်ပါက ထုပ်ပိုးမုန့်များတွင် သုံးစွဲရန် သတ်မှတ်ထားသော ကုန်အညွှန်းအမှတ်အသား (သက်တမ်းကုန်ဆုံးရက်) ပြည့်မီခြင်း ရှိ/ မရှိ စစ်ဆေးခြင်း၊ မုန့်ရောင်းချသူများ၏ တစ်ကိုယ်ရေသန့်ရှင်းရေး၊ မုန့်များအား ဖုန်လုံ/အင်းဆက်လုံစွာ ဖုံးအုပ်ရောင်းချခြင်းနှင့် ချက်ပြုတ်ရာတွင် သန့်ရှင်းမှု ရှိ/မရှိ စစ်ဆေးခြင်း၊ FDA ဌာနမှ တားမြစ်ထားသော မုန့်များကို ရောင်းချခြင်းမပြုရန်၊ ကျန်းမာရေးနှင့်ညီညွှတ်သော ကျောင်းမုန့်ဈေးတန်း တစ်ခုဖြစ်စေရန် အထူးဂရုပြု ဆောင်ရွက်ရန်တို့ကို မုန့်ဈေးတန်းတာဝန်ရှိသူများကို မှာကြားခဲ့ပြီး လစဉ် စစ်ဆေးဆောင်ရွက်သွားမည်ဖြစ်ကြောင်း သတ်မှတ်စည်းကမ်းချက်များ လိုက်နာဆောင်ရွက်မှုမရှိသော မုန့်ဈေးရောင်းချသူကို ဥပဒေနှင့်အညီ အရေးယူဆောင်ရွက်မှုများ ပြုလုပ်သွားမည်ဖြစ်ကြောင်းကို မှာကြားစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်အတွင်းရှိ ကျောင်းသား၊ ကျောင်းသူများ ဘက်စုံထူးချွန်ဖွံ့ဖြိုးတိုးတက်ရန်နှင့် အသိပညာဗဟုသုတများ တိုးပွားစေရန်ရည်ရွယ်၍ လူငယ်ရေးရာ အသိပညာပေးဟောပြောပွဲ အခမ်းအနားကို ၁၅-၆-၂၀၂၆ ရက်နေ့၊ နံနက် (၁၀း၀၀) နာရီအချိန်တွင် မှော်အိုင်ကျေးရွာ အခြေခံပညာအထက်တန်းကျောင်း(ခွဲ)တွင် ကျင်းပပြုလုပ်ခဲ့ရာ ကျောင်းသား၊ ကျောင်းသူ ( ၉၀ ) ဦးတက် ရောက်ခဲ့ကြောင်း သိရသည်။
        ထိုအခမ်းအနားတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်မြင့်မြင့်ခိုင်က လူငယ်များဗလငါးတန်ပြည့်စုံ၍ အသိပညာဗဟုသုတများ တိုးပွားလာစေရန်၊ စာပေဗဟုသုတများစွာ သိုလှောင်ထားသည့်ပညာဘဏ်တိုက် စာကြည့်တိုက်များနှင့် ရင်းနှီးကျွမ်းဝင်မှုရှိပြီး စာပေလေ့လာဖတ်ရှု့သည့် အလေ့အကျင့်ကောင်းများ ရရှိစေရန်နှင့် စာအုပ်စာပေလေ့လာခြင်းအားဖြင့် အသိဥာဏ်ပညာဖွံ့ဖြိုးလာပြီး မိမိနိုင်ငံနှင့်မိမိလူမျိုးကို အကျိုးပြုနိုင်မည့် လူငယ်များဖြစ်ပေါ်လာစေရေး လူငယ်ရေးရာဟောပြောပွဲ ကျင်းပပြုလုပ်ရခြင်းဖြစ်ကြောင်း ရှင်းလင်းပြောကြားခဲ့ပြီး လူငယ်နှင့်စာပေ ခေါင်းစဉ်ဖြင့်လည်းကောင်းမြို့နယ်စားသုံးသူရေးရာဦးစီးဌာနမှူး ဦးသိန်းမောင် ကုန်ညွှန်းအမှတ်အသား ပြည့်စုံစွာ ဖော်ပြမထားသော အစားအသောက်များ ဝယ်ယူမစားသုံးရေးနှင့် စားသုံးသူနစ်နာမှုမရှိစေရေး ဆောင်ရွက်ပေးလျက်ရှိသော လုပ်ငန်းများအားလည်းကောင်း၊ မြို့နယ်အားကစားနှင့် ကာယပညာဦးစီးဌာနက တာဝန်ခံဦးကျော်လွင်ထွန်းက လူငယ်ကဏ္ဍဖွံ့ဖြိုးတိုးတက်ရေး ဆောင်ရွက်လျက်ရှိသော လုပ်ငန်းများကိုဆွေးနွေးဟောပြောခဲ့ကြောင်းသိရသည်။ဆက်လက်၍ဟောပြောပွဲအပြီးတွင် တက်ရောက်လာသော ကျောင်းသား၊ ကျောင်းသူများက ပြန်ကြားရေးနှင့်ပြည်သူ့ဆက်ဆံရေးဦးစီးဌာနက ခင်းကျင်းပြသထားသော သုတ၊ ရသစာအုပ်စာစောင်များနှင့် အသိပညာပေးနံရံကပ်စာစောင်များကို ကြည့်ရှု့လေ့လာခဲ့ကြောင်း သိရှိရပါသည်။

DOCA(ဧရာဝတီ)

        ဖျာပုံခရိုင်၊ ကျိုက်လတ်မြို့နယ်ပြန်ကြားရေးနှင့် ပြည်သူဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ၂၀၂၆ခုနှစ်၊ ဇွန်လ(၁၆)ရက်နေ့ ညနေ(၁၅:၀၀)နာရီအချိန်တွင် စားသုံးသူကာကွယ် ရေးအကြောင်းသိကောင်းစရာခေါင်းစဉ်ဖြင့် Talk Showအစီအစဉ်အား ပြန်ကြားရေးနှင့်ပြည်သူဆက်ဆံရေးရုံးတွင် ပြုလုပ်ဆောင်ရွက်ခဲ့ကြောင်း သိရသည်။

      ထိုသို့ဟောပြောရာတွင် မြို့နယ်တာဝန်ခံဦးမိုးမင်းသန်းက စားသုံးသူအခွင့်အရေး အပြည့်အဝရရှိစေရန် စားသုံးသူကာကွယ်ရေးနှင့်စပ်လျဉ်း၍ စီးပွားရေးလုပ်ငန်းရှင်များဘက်မှလည်း ဥပဒေနှင့်အညီ ဆောင်ရွက်ပေးရန်နှင့် စားသုံးသူတို့အား ဘေးအန္တရာယ်ဖြစ်စေသော ကုန်စည်များကိုသာ ရွေးချယ်ဝယ်ယူ စားသောက်ကြရန် မှာကြားဆွေးနွေးခဲ့ပါသည်။ ထိုနောက် စားသုံးသူများအနေဖြင့် Online Shopမှ ဝယ်ယူ သုံးစွဲရာတွင်လည်း မိမိတို့ဝယ်ယူမည့်ကုန်စည်ကိုလေ့လာပြီး ယုံကြည်စိတ်ချရမှုရှိသည့် Online Shopများမှ ရွေးချယ်ဝယ်ယူကြရန်နှင့် ဆက်သွယ်ရန်ဖုန်းနံပါတ်လိပ်စာတို့ကို တိကျစွာဖော်ပြထားသော Online Shopမှ သာဝယ်ယူကြရန်တို့ကို ဟောပြောဆွေးနွေးခဲ့ကြပါသည်။ ထိုနောက် စားသုံးသူများစိတ်ကျေနပ်မှုမရှိပါက Call Center 1535 သို့ ဆက်သွယ်တိုင်ကြားနိုင်ကြောင်းတို့ကို ဟောပြောဆွေးနွေးခဲ့ကြောင်း သတင်းရရှိပါ သည်။

DOCA(ဧရာဝတီ)