သတင်းနှင့် လှုပ်ရှားမှုများ

          စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့ရှိ ဆေးပစ္စည်းအရောင်းဆိုင်များအား မုံရွာခရိုင် ဦးစီးမှူးနှင့် ဝန်ထမ်းများသည် မုံရွာမြို့၊ ကျောက္ကာလမ်းပေါ်ရှိ ဆေးဆိုင်များအား ကွင်းဆင်းစစ်ဆေးခြင်းကို (၅.၅.၂၀၂၆) ရက်နေ့၊ နံနက်(၀၉း၀၀) နာရီအချိန်တွင် ဆောင်ရွက်ခဲ့ကြောင်း သိရသည်။

       ထိုသို့ ကွင်းဆင်းဆောင်ရွက်ရာတွင် မြို့နယ်အုပ်ချုပ်ရေးမှူးနှင့် မြို့နယ်စစစဦးစီးဌာနအဖွဲ့တို့ ပူးပေါင်းပါဝင်သည့် ဆေးပစ္စည်းအရောင်းဆိုင်ကြီးများတွင် ဆေးနှင့်ဆေးပစ္စည်း အရောင်းဆိုင်ကြီးများတွင် ဈေးနှုန်းမြှင့်တင်ရောင်းချခြင်းရှိ/မရှိနှင့် ဈေးကစားရန်ရည်ရွယ်၍ သိုလှောင်ထားခြင်းရှိ/ မရှိ အခြေအနေများကို ကွင်းဆင်စစ်ဆေးပြီး ဆေးပစ္စည်းများကို ဖြစ်သင့်သည့်ဈေးနှုန်းထက် ပိုမိုရောင်းချမှုမရှိစေရေး ဆေးဆိုင်ပိုင်ရှင်များအား ဆွေးနွေးမှာကြားခဲ့ပြီး အခြားသောတိုင်းရင်းဆေးဆိုင်နှင့် ကျန်းမာရေးဆေးဆိုင်များအား စစ်ဆေးခဲ့ကြောင်း သိရှိရပါသည်။

DOCA(စစ်ကိုင်း)

    မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ်၊ စားသုံးသူရေးရာဦးစီးဌာန မြို့နယ်တာဝန်ခံသည် (၂၄.၄.၂၀၂၆) ရက်နေ့ မွန်းလွဲပိုင်းအချိန်တွင် ကျိုက်ထိုမြို့နယ်၊ စားသုံးသူရေးရာဦးစီးဌာန မြို့နယ်တာဝန်ခံရုံးတွင် ကျိုက်ထိုမြို့နယ်အတွင်းရှိ လုပ်ငန်းရှင် များနှင့်တွေ့ဆုံကာ အမျိုးသားစားသုံးသူကာကွယ်ရေးအစီအစဉ်နှင့် ပတ်သက်၍ အသိပညာ ပေးခြင်းအား ဆောင်ရွက်ခဲ့ကြောင်း သိရှိရပါသည်။

     အဆိုပါ အသိပညာပေးပြောကြားမှုတွင် မြို့နယ်တာဝန်ခံမှ လုပ်ငန်းရှင်များအား စားသုံးသူကာကွယ်ရေးဥပဒေမူဝါဒများ ဖွံ့ဖြိုးတိုးတက်စေရေးအစီအစဉ်၊ စားသုံးသူအသိ ပညာပေးရေးနှင့် စွမ်းဆောင်ရည်မြှင့်တင်ရေး အစီအစဉ်၊ စားသုံးသူနစ်နာမှုများအပေါ် အရေးယူဆောင်ရွက်ရေးအစီအစဉ်၊ ဈေးကွက်စောင့်ကြည့်စစ်ဆေးရေးအစီအစဉ်၊ ပြန်ကြား ဆက်သွယ်ရေးနှင့် ပူးပေါင်းဆောင်ရွက်ရေးအစီအစဉ်၊ ရေရှည်တည်တံ့သော စားသုံးမှုပုံစံ ဖွံ့ဖြိုးရေးအစီအစဉ်များ ပြောကြားခဲ့ပါသည်။

    ထိုအသိပညာပေးပွဲသို့ ကျိုက်ထိုမြို့နယ်အတွင်းရှိ ကုန်စည်ထုတ်လုပ်ဖြန့်ဖြူး ရောင်းချမှုနှင့် ဝန်ဆောင်မှုလုပ်ငန်း လုပ်ဆောင်နေသော လုပ်ငန်းရှင် (၆) ဦး တက်ရောက် ခဲ့ကြောင်း သိရှိရပါသည်။

DOCA (မွန်)

          ၂၀၂၆ခုနှစ်၊ ဧပြီလ ၂၈ ရက်နေ့ ၊ နေ့လယ် (၂း၀၀) နာရီအချိန်တွင် စားသုံးသူရေးရာဦးစီးဌာနမှ ဦးစီးအရာရှိနှင့် ဝန်ထမ်းများသည် သက်ဆိုင်ရာဌာနများနှင့်ပူးပေါင်း၍ ထားဝယ် မြို့ရှိ  အသင့်စားမုန့် အမျိူးမျိူးလုပ်ငန်းများအား ဈေးကွက်မရောက်မီစောင့်ကြည့်စစ်ဆေးခြင်းများ ပြုလုပ်ခဲ့ပါသည်။

          အဆိုပါဈေးကွက်စောင့်ကြည့်စစ်ဆေးရာတွင် ကုန်အညွှန်းအမှတ်အသားဖော်ပြခြင်းများအား စျေးကွက်မရောက်မီစောင့်ကြည့်စစ်ဆေးခြင်း(Pre Market Surveillance)အရ စားသုံးသူ ကာကွယ် ရေးဥပဒေအရ ထုတ်ပြန်ထားသည့် ကုန်အညွှန်းအမှတ်အသားဖော်ပြခြင်းဆိုင်ရာ ညွှန်ကြားချက် (၂/၂၀၁၉)၊ (၁/၂၀၂၁)တို့နှင့် ကိုက်ညီမှုရှိ/မရှိနှင့် သက်ဆိုင်ရာဌာနများ၏ ဥပဒေ၊ ညွှန်ကြားချက်များ နှင့်ကိုက်ညီစွာဖြန့်ဖြူးရောင်းချနေမှုရှိ/မရှိများအားစစ်ဆေးခြင်း၊စားသုံးသူပြည်သူများ ဘေးအန္တရာယ် ကင်းရှင်းစွာဝယ်ယူသုံးစွဲနိုင်ရေးအတွက် အမှတ်တံဆိပ်အမျိုးမျိုးတွင် ကုန်အညွှန်းအမှတ်အသားများ ပြည့်စုံစွာ ဖော်ပြပါရှိမှု ရှိ/မရှိ၊ သက်ဆိုင်ရာဌာနဆိုင်ရာများ၏ သတ်မှတ်ချက်များနှင့် ကိုက်ညီမှု ရှိ/မရှိ စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

          ၂၀၂၆ ခုနှစ်၊ ဧပြီလ ၂၆ ရက်နေ့၊ (၁၃း၀၀)နာရီ အချိန်တွင် ထားဝယ်မြို့၊ အိမ်ရှေ့ပြင် ရပ်ကွက်၊ ရေးလမ်းရှိ ဟိုင်းဝေးယာဥ်ရပ်နားစခန်းသို့ မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ စီစဥ်မှုဖြင့် Myanmar Oil Alliance Co,Ltd မှ တင်ပို့ရောင်းချသည့် စားအုန်းဆီ ၁ ပေပါ လျှင် ၁၁၀ ပိဿာပါ စားအုန်းဆီ (၄၂)ပေပါနှင့် Kaung Hlyan New Asia Co,Ltd မှ စားအုန်းဆီ (၅၂)ပေပါတို့ကို ယာဉ်မောင်း ဦးစည်သူ‌အောင်၊ ယာဉ်အမှတ် 1M-3466/ (ISUZU) မော်တော်ယာဥ်ဖြင့်လည်းကောင်း၊  Kaung Hlyan New Asia Co,Ltd မှ စားအုန်းဆီ (၇၄)ပေပါကို ယာဉ်မောင်း ဦးကျော်လွင်၊ ယာဉ် အမှတ်  7K-6531/ Hino မော်တော်ယာဉ်ဖြင့်တင်ဆောင်၍ အသီးသီးရောက်ရှိလာရာ စားသုံးသူ ရေးရာဦးစီးဌာနမှ တိုင်းဒေသကြီးဦးစီးမှူး ဦးစိုးဦး၊ အထူးစုံစမ်းစစ်ဆေးရေးဦးစီးဌာနမှ စုံစမ်း‌ရေးမှူး နှင့်ထားဝယ်ခရိုင်စားအုန်းဆီဖြန့်ဖြူးခြင်းလုပ်ငန်းကြီးကြပ်ရေးအဖွဲ့မှ တာဝန်ရှိသူများက သွားရောက် စစ်ဆေးခဲ့ကြောင်း၊ အဆိုပါ စားအုန်းဆီ (၁၆၈) ပေပါနှင့် (၂၇.၄.၂၀၂၆) ရက်နေ့၊ နေ့လည် (၁၃း၀၀)နာရီအချိန်တွင် ထားဝယ်မြို့၊ အိမ်ရှေ့ပြင် ရပ်ကွက်၊ ရေးလမ်းရှိ ဟိုင်းဝေးယာဥ် ရပ်နားစခန်း သို့ Yadanarbon Global Network Distribution Co,Ltd မှ စားအုန်းဆီ (၅၅)ပေပါကို ယာဉ်မောင်း ဦးမြင့်ဇော်သန်း၊ ယာဉ်အမှတ် 1I-6178/FUSO မော်တော်ယာဉ်ဖြင့် တင်ဆောင်၍ရောက်ရှိလာရာ စားသုံးသူရေးရာဦးစီးဌာနမှ တိုင်းဒေသကြီးဦးစီးမှူး ဦးစိုးဦး၊ အထူးစုံစမ်းစစ်ဆေးရေးဦးစီးဌာနမှ စုံစမ်း‌ရေးမှူး နှင့်ထားဝယ်ခရိုင်စားအုန်းဆီဖြန့်ဖြူးခြင်းလုပ်ငန်းကြီးကြပ်ရေးအဖွဲ့မှ တာဝန်ရှိသူများ က သွားရောက်စစ်ဆေးခဲ့ကြောင်း၊ အဆိုပါ စားအုန်းဆီ (၅၅) ပေပါအား ကုမ္ပဏီ၏ လက်ကား အရောင်း ကိုယ်စားလှယ်မှတစ်ဆင့် ထားဝယ်မြို့၊ အိုးလုပ်ရပ်၊နိဗ္ဗာန်လမ်းရှိ ဦးဘိုသစ်၏ ယမုံလှိုင် ကုန်စုံဆိုင် အပါအဝင် လက်လီဆိုင် ၁၅ ဆိုင်မှတစ်ဆင့် သတ်မှတ်ရည်ညွှန်းစျေးအတိုင်း စားသုံးသူ များအား ရောင်းချပေးသွားမည်ဖြစ်ကြောင်း သိရှိရပါသည်။

DOCA(တနင်္သာရီ)

    နိုင်ငံခြားဝင်ငွေပိုမိုရရှိစေရေးနှင့် ကုန်သွယ်မှု တိုးမြှင့်လာစေရေးတို့အတွက် မြိတ်ခရိုင်ကုန် သွယ်ရေး စခန်းတာဝန်းရှိသူများနှင့် စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်းများသည် ၂၀၂၆ခုနှစ်၊ ဧပြီလ(၂၈)ရက်နေ့၊ နံနက်(၁၀း၀၀)နာရီအချိန်တွင် မြိတ်မြို့၊ ဆိပ်ငယ်ရပ်ရှိ ကုန်သွယ်‌ ရေးဦးစီးဌာနရုံးတွင် မြိတ်မြို့ရှိ ဝဥ၊ ကွမ်းသီး၊ သီဟိုဠ်လုပ်ငန်းရှင်များနှင့် တွေ့ဆုံပြီး ပို့ကုန် တင်ပို့နိုင်မှု တိုးမြှင့်စေရေး တွေ့ဆုံဆွေးနွေးခဲ့ကြပါသည်။

   တွေ့ဆုံဆွေးနွေးရာတွင် မြိတ်ခရိုင်ရှိ ကွမ်းသီးလုပ်ငန်းရှင်များအသင်းမှ တာဝန်ရှိသူမှ တွေ့ဆုံ ဆွေးနွေးခဲ့ရာတွင် မြိတ်ခရိုင်အတွင်းမှ ထွက်ရှ်ိသော ကွမ်းသီးခြောက်၊ ကွမ်းသီးစိမ်းများအား (၁.၁.၂၀၂၅)မှ (၃၁.၁၂.၂၀၂၆)ရက်နေ့ထိ မြိတ်မြို့မှ ပြည်တွင်း(ရန်ကုန်တိုင်း၊ မန္တလေးတိုင်းနှင့် ဧရာဝတီတိုင်းဒေသကြီး) များသို့ ကွမ်းသီးခြောက်၊ ကွမ်းသီးစိမ်း (၃၃၈၇၁.၅၉)တန်တင်ပို့နိုင်ခဲ့ကြောင်းနှင့် စျေးနှုန်းကွဲပြားခြင်းတို့ ကြောင့် ထိုင်းနိုင်ငံသို့တင်ပို့နိုင်ခြင်းမရှိကြောင်း၊ သီဟိုဠ်လုပ်ငန်းရှင်များအသင်းမှ တာဝန်ရှိသူမှ ၂၀၂၆ ခုနှစ်တွင် သီဟိုဠ်အထွက်နှုန်းနည်းပါးခြင်းကြောင့် စျေးအနည်းငယ်မြှင့်မားလျက်ရှိကြောင်း၊ ဒေသတွင်း စိုက်ပျိုးထုတ်လုပ်မှုနှင့် ရာသီအခြေအနေများအားရှင်းလင်းခဲ့ပြီး ဝဥလုပ်ငန်းရှင်များအသင်းမှ တွေ့ဆုံဆွေး နွေးရာတွင် ယခင်က အခြောက်လုပ်ပြီးတင်ပို့ရောင်းချခဲ့သော်လည်း အမြတ်နည်းပါခြင်းကြောင့် တင်ပို့ခြင်း မရှိဘဲ အလုံးအတိုင်း(အကြမ်း)ကိုသာတင်ပို့ရောင်းချခဲ့ကြောင်းဆွေးနွေးခဲ့ပြီး ကုန်သွယ်ရေးဦးစီးဌာနမှ တာ ဝန်ခံမှ    ၂၀၂၆-၂၀၂၇ ဘဏ္ဍာနှစ်၌ပိုမိုစိုက်ပျိုးပြီး ပိုမိုတင်ပို့နိုင်ရေး တွန်းအားပေးဆောင်ရွက်လျက်ရှိကြောင်း သိရှိရပါသည်။

DOCA(တနင်္သာရီ)