စားသုံးသူရေးရာဦးစီးဌာန၊ စားသုံးသူကာကွယ်ရေးဥပဒေအရ ဖွဲ့စည်းထားရှိသည့် ပြည်ခရိုင် စားသုံးသူရေးရာ ကော်မတီအနေဖြင့် စားသုံးသူများ ဘေးအန္တရာယ်ကင်းရှင်းရေး၊ ကျန်းမာရေး၊ စိတ်ကျေနပ်မှု ရရှိစေရေးတို့အတွက် အာမခံချက်ပေးနိုင်သော အရည်အသွေးမြင့်မားသည့် ဝန်ဆောင်မှုများကို ဖော်ဆောင်ဖြည့်ဆည်းနိုင်စေရန်အတွက် ရည်ရွယ်၍ ခရိုင်ကော်မတီအဖွဲ့ဝင်များ ဖြစ်သော ခရိုင်စားသုံးသူရေးရာ၊ ခရိုင်FDA၊ မြို့နယ်စည်ပင်သာယာရေးအဖွဲ့နှင့် ဆက်သွယ်ရေး ဦးစီးဌာန စသည့်ပူးပေါင်းဌာနများသည် (၄.၉.၂၀၂၆)နေ့တွင် ပြည်မြို့ပေါ်ရှိ ဆက်သွယ်ရေး ဝန်ဆောင်မှုလုပ်ငန်းများဖြစ်သည့် “5BB, Mytel, MPT, Ksetra BroadBand” Showroom များနှင့် “ AEC Mobile, Shwe Pyi Mobile” ဖုန်းဆိုင်များသို့ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။
ယင်းသို့ စစ်ဆေးဆောင်ရွက်ရာတွင် စားသုံးသူများသိရှိသင့်သည့် အချက်အလက်များကို ဘက်စုံမီဒီယာ(Multimedia)မှတစ်ဆင့် ကျယ်ကျယ်ပြန့်ပြန့်ဖြန့်ဝေပေးရန်နှင့် ဖြန့်ဝေရာတွင် အင်္ဂလိပ်၊ မြန်မာ (၂)ဘာသာဖြင့် ဖော်ပြထားရှိရန်၊ စားသုံးသူနှင့်လုပ်ငန်းရှင်အကြား ပြဿနာ ဖြစ်ပေါ်လာပါက ဖြေရှင်းပေးနိုင်မည့် လုပ်ငန်းစဉများတိကျစွာ သတ်မှတ်ထားရန်၊ ဝန်ဆောင်ခများ မှားယွင်းဖြတ်တောက်မိပါက ငွေပြန်အမ်းပေးရမည့်မူဝါဒ (Refund Policy)ကို လိုက်နာဆောင်ရွက် ရန်၊ လိုင်းပြတ်တောက်ခြင်းကို အချိန်မီပြုပြင်ပေးရန်၊ အင်တာနက်လိုင်းဆွဲအား ကောင်းမွန်ခြင်းနှင့် ဝန်ဆောင်မှုအပြည့်အဝရရှိရန်၊ လစဉ်ကြေးကြိုတင်ပေးဆောင်ပြီးသောလိုင်းအား အချိန်မီ တပ်ဆင်ပေးရန်၊ အသုံးမပြုသည့် ဝန်ဆောင်မှုများအတွက် ဘေလ်ဖြတ်တောက်ခြင်းမပြုရန်၊ Pointဖြင့် ဒေတာလဲလှယ်ခြင်းနှင့် ငွေသားဖြင့်ဒေတာPackage ဝယ်ယူပြီးသော်လည်း ဖုန်းဘေလ် အတွင်းမှငွေဖြတ်တောက်ခြင်း မရှိစေရန်၊ စာချုပ်ပါအတိုင်း ဝန်ဆောင်မှုများအား ပေးအပ်ရန်၊ ဆင်းမ်ကတ်ကိုမိမိအမည်ဖြင့် မှတ်ပုံတင်ထားသော်လည်း အခြားသူအမည်ပေါက် မရှိစေရန်၊ အသုံးပြုမည့်ဝန်ဆောင်မှုနှင့် ပတ်သက်သည့် အချက်အလက်များကို ပြည့်စုံမှန်ကန်စွာ ပေးအပ်ရန်၊ ဝန်ထမ်းများအနေဖြင့် စားသုံးသူများအပေါ် ယဉ်ကျေးစွာဆက်ဆံရန်၊ နိုင်ငံတော်မှ သတ်မှတ်ထား သောညွှန်ကြားချက်များနှင့်အညီ ရောင်းချခြင်းများ ပြုလုပ်ရန် စသည့်အချက်အလက်များကို စစ်ဆေးခဲ့ပြီး သက်ဆိုင်ရာ ဆက်သွယ်ရေးဝန်ဆောင်မှု လုပ်ငန်းများအနေဖြင့် ပြည်သူများ စိတ်ကျေနပ်မှုရရှိအောင် ဆောင်ရွက်ပေးနိုင်ရေး ဆွေးနွေးပြောကြားခဲ့ကြောင်း သတင်းရရှိပါသည်။
DOCA(ပဲခူး)