သတင်းနှင့် လှုပ်ရှားမှုများ

           စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနမှ မြင်းခြံခရိုင် ဦးစီးမှူး ဦးသန်းစိုး ဦးဆောင်မှုဖြင့် ဝန်ထမ်းများက (၆.၁၁.၂၀၂၅) ရက်နေ့ နံနက် (၁၀:၃၀) နာရီအချိန်၌ အမှတ်(၁၃)ရက်ကွက်ရှိ မြင်းခြံခရိုင်ကုန်သည်များနှင့် စက်မှုလက်မှု လုပ်ငန်းရှင်များ အသင်း (MDCCI) အသင်းသို့ သွားရောက်ကွင်းဆင်းခဲ့ပါသည်။

          ထိုသို့ ကွင်းဆင်းဆောင်ရွက်ရာတွင် ဦးကျော်ရှိန် ဒု-ဥက္ကဌ က အသင်းသားများအနေဖြင့် ကုန်စည်ဒိုင်၏ စည်းမျဉ်းစည်းကမ်းများအတိုင်း  သီးနှံများအရောင်းအဝယ်ပြုလုပ်ကြကြောင်း၊ ယခုအချိန်တွင် မိုးမြေပဲ၊ မိုးနှမ်းညိုနှင့် နွေကြက်သွန်နီအဟောင်းများကိုသာ နေ့စဉ်အရောင်းအဝယ် ပြုလုပ်ကြကြောင်း၊ ယခင်နှစ်ထွက်ရှိသော ပဲ‌ဟောင်း (ပဲစဉ်းငုံ၊ ပဲပုပ်၊ ကုလားပဲ V2၊ V7နှင့်929) များမှာ ဈေးကွက်တွင် အိတ်လက်ကျန်များ လျော့နည်းလာပြီဖြစ်၍ အရောင်းအဝယ်နည်းလာပြီ ဖြစ်ကြောင်း၊ ၂၀၂၆ခုနှစ်၊ မတ်လတွင် ပဲအသစ်များထွက်ပေါ်မည်ဖြစ်ကြောင်း စသည့်အခြေအနေများနှင့် ကုန်စည်ဒိုင်အတွင်းရှိ ငွေခြင်္သေ့ပွဲရုံနှင့်နဝရတ်ပွဲရုံများသို့ ကွင်းဆင်းခဲ့ပြီး လယ်ယာထွက်ကုန် သီးနှံများ၏ဈေးနှုန်း၊ ဈေးကွက်နှင့်တင်ပို့မှုအခြေအနေများ၊ နေ့စဉ်အိတ်အရောင်းအဝယ် ဖြစ်မှုအခြေအနေနှင့် အိတ်လက်ကျန်အခြေအနေများအား မေးမြန်းတွေ့ဆုံ ဆွေးနွေးခဲ့ကြောင်း သိရှိရပါသည်။

DOCA (မန္တလေး)

          ဧရာဝတီတိုင်းဒေသကြီး၊ဖျာပုံခရိုင်၊ ဒေးဒရဲမြို့နယ်တွင် စားသုံးသူရေးရာဦးစီးဌာနမှ ဒုတိယခရိုင် ဦးစီးမှူးဦးဆောင်၍ ဝန်ထမ်းများနှင့်အတူ၂၀၂၅ခုနှစ်၊ နိုဝင်ဘာလ(၇)ရက်နေ့၊ နေ့လည်(၁၂:၀၀) အချိန် တွင်ဒေးဒရဲမြို့၊အမှတ်(၁)ရပ်ကွက်၊ဗိုလ်ချုပ်လမ်းရှိ “ဖြိုးဟိန်း” စက်မှုလက်မှုလုပ်ငန်းသို့ သွားရောက်ပြီး MSME လုပ်ငန်းဖွံ့ဖြိုးတိုးတက်ရေးအတွက်ကွင်းဆင်းစိစစ်ခြင်းကို ဆောင်ရွက်ခဲ့ကြပါသည်။

          ထိုသို့ကွင်းဆင်းခဲ့ရာတွင်ဒုခရိုင်ဦးစီးမှူးက“စိုးဟိန်း”စက်မှုလက်မှုပိုင်ရှင် ကိုမျိုးမင်းအောင်အား လုပ်ငန်းလည်ပတ်မှုနှင့်ပတ်သတ်ပြီး မေးမြန်းရာမိမိတို့အနေဖြင့် ဖြတ်စက်၊ ဝရိန်နှင့် စပါးရိတ်စက်၊ လှောင်ကန်အပေါ်ဆင့်၊ အောက်ဆင့်အထိုင်များ ဂေါ်များပျက်လျှင် ပြင်ကြောင်း တစ်စီးပြီးမြောက်ရန် (၁၀)ရက်ခန့်အချိန်ယူရကြောင်းနှင့် လုပ်အားခအနေဖြင့် စပါးရိတ်စက်တစ်စီးလျှင် (၃)သိန်းကျပ်ယူကြောင်းပြောကြားခဲ့ပြီး လုပ်သားအင်အားစုအနေဖြင့် ကို့မိသားစုဖြင့် သာလုပ်ကိုင်ပြီးလုပ်သားနှစ်ဦးပဲ ငှားထားကြောင်း လစာနှုန်းထားအနေဖြင့် တစ်လလျှင်(၃၂၀၀၀၀)ကျပ်ပေးကြောင်း ပြောကြားခဲ့ပြီး ဒုခရိုင်ဦးစီးမှူးကလိုအပ်သည်များ မှာကြားခဲ့ကြောင်း သတင်းရရှိခဲ့ပါသည်။

DOCA(ဧရာဝတီ)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စု ဝန်ကြီးဦးချစ်ဆွေသည် ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့၊ မြို့တော်ခန်းမတွင် နိုဝင်ဘာလ (၇) ရက်နေ့၊ နံနက် (၀၉:၀၀) နာရီတွင် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်၊ ဌာနဆိုင်ရာများ၊ စီးပွားရေးလုပ်ငန်းရှင်များ၊ မြို့မိမြို့ဖများနှင့် တွေ့ဆုံပွဲကျင်းပပြုလုပ်ခဲ့ကြောင်း သိရသည်။

          ပြည်ထောင်စုဝန်ကြီးဦးချစ်ဆွေသည် ဝန်ကြီးဌာနလက်အောက်ရှိ ဦးစီးဌာန (၄) ခု၏ လုပ်ငန်း တာဝန်များ၊ သီလဝါ၊ ကျောက်ဖြူ၊ ထားဝယ်အထူးစီးပွားရေးစက်မှုဇုန်များ သတ်မှတ်ဆောင်ရွက်လျက်ရှိပြီး  ပြည်တွင်းထုတ်ကုန်များ၊ ဒေသထွက်ကုန်များဈေးကွက်အတွင်း ကျယ်ကျယ် ပြန့်ပြန့်ဖြန့်ဖြူးနိုင်ရေး၊ နိုင်ငံအတွင်းထုတ်ကုန်များအား နယ်စပ်ကုန်သွယ်ရေးဂိတ် (၁၄) ခုမှ တစ်ဆင့် ပို့ကုန်/သွင်းကုန် ဆောင်ရွက်ခြင်း ၊ ပုံမှန်ကုန်သွယ်ရေးလမ်းကြောင်းမှ တစ်ဆင့် ဆန်၊ ဆန်ကွဲ၊ ပဲ၊ ပြောင်း၊ ရေထွက်ကုန်ပစ္စည်းများကို ပြည်ပတင်ပို့၍ ပို့ကုန်ဝင်ငွေတိုးတက်ရေးအတွက် ဆောင်ရွက်လျက်ရှိကြောင်း၊ ထပ်မံလိုအပ်သည့်နိုင်ငံခြားငွေအား ကမ္ဘာ့ဘဏ်အသီးသီးမှ ထုတ်ချေး၍ ပြည်သူများလူမှုစီးပွားဖွံ့ဖြိုးစေရန် ဆောင်ရွက်ပေးလျက်ရှိကြောင်း၊ နိုင်ငံအသီးသီးမှ လိုအပ်နိုင်ငံခြားငွေကို ကြွေးမြီရယူ၍ ဆောင်ရွက်ကြကြောင်း ၊ နိုင်ငံတော်အနေဖြင့် ပြည်တွင်းစားသုံးဆီ၊ စက်သုံးဆီလိုအပ်ချက်ကို နိုင်ငံခြားငွေဖြင့် ဝယ်ယူပေးနေရကြောင်း၊ အထူးအားဖြင့် သွင်းအားစု (၃) မျိုး ဖြစ်သည့် ဓာတ်မြေဩဇာ၊ ပိုးသတ်ဆေး၊ မျိုးစေ့၊ ဆန်စက်အပိုပစ္စည်းနှင့် ဘွိုင်လာတင်သွင်းမှုများအား ဆန်စပါးအသင်းချုပ်မှ တစ်ဆင့်ခွင့်ပြုဆောင်ရွက်သွားရန်ဖြစ်ကြောင်း၊ ယခုအချိန်အထိ ဆန်/ဆန်ကွဲတန်ချိန် (၁.၅၃၈) သန်း တင်ပို့ထားရှိပြီး ယခုနှစ်အတွင်း (၃) သန်း တင်ပို့ရန် လျာထားသတ်မှတ်ထားပါကြောင်း၊ ဝန်ကြီးဌာနအနေဖြင့် ပို့ကုန်ဝင်ငွေသတ်မှတ် လျာထားပေးသည့်အတိုင်း ဆောင်ရွက်သွားမည်ဖြစ်ပါကြောင်း ပြောကြားသွားပါသည်။

          ဆက်လက်၍ ဧရာဝတီတိုင်းဒေသကြီးဝန်ကြီးချုပ်မှ မိမိတိုင်းသည် စပါး/ဆန် အများဆုံး စိုက်ပျိုးထုတ်လုပ်သည့် စပါးကျီဖြစ်သည့်နှင့်အညီ မိုး/နွေ စပါးစိုက်ဧက (၅၂) သိန်း၊ ပဲစိုက်ဧက (၁၇) သိန်း၊ ဆီထွက်သီးနှံ နေကြာ စိုက်ဧက (၁.၃) သိန်းစိုက်ပျိုးပြီး ယခုနှစ်ကုန်ထိ နေကြာစိုက်ဧက (၂.၂) သိန်းလျာထားဆောင်ရွက်လျက်ရှိကြောင်း ပဲပုတ်ကိုလည်း စိုက်ဧက (၁) သိန်း လျာထားဆောင်ရွက်လျက်ရှိကြောင်း ၊ ပေါ်ဆန်းနှင့်ပတ်သက်၍ Brand ထုတ်ကုန်ဖြစ်အောင် အထူးကြိုးစား ဆောင်ရွက်နေကြောင်း၊ Export Zone ထူထောင်ခြင်း ၊ Contract Farming ဆောင်ရွက်ခြင်းများ အကောင်အထည်ဖော် ဆောင်ရွက်လျက်ရှိကြောင်း၊ ၂၀၂၅ ခုနှစ်၊ မတ်လ (၂) ရက်နေ့၊ တောင်သူလယ်သမားနေ့တွင် စိုက်ပျိုးရေးဆိုင်ရာ မျိုး၊ မြေ၊ ရေ နည်းအသုံးချ၍ ဧရာဝတီ ပေါ်ဆန်းဖိုရမ်တစ်ရပ်ကို ကျင်းပခဲ့ပြီး ဆွေးနွေးပွဲဖော်ထုတ်ချက်ရလာဒ်များကို အကောင်အထည် ဖော်ဆောင်ရွက်လျက်ရှိကြောင်း၊ ကျဲခင်းစနစ်လျော့နည်းပပျောက်ရေး တစ်နှစ်ထက်တစ်နှစ် လျော့နည်းစေရန် Drum Seeder များ အသုံးပြု၍  ဆောင်ရွက်နေကြောင်း  ၊ နှစ်စဉ်ပြည်ပဆန် တင်ပို့တန်ချိန် ထက်ဝက်ကို ဧရာဝတီတိုင်းဒေသကြီးမှ တင်ပို့ပေးလျက်ရှိကြောင်း၊ တိုင်းပြင်ပ ဆန်စီးထွက်မှုကိုလည်း တိုးလ်ဂိတ်များမှတစ်ဆင့် စိစစ်ဆောင်ရွက်ပေးနေပါကြောင်း၊ ပီလောပီနံ သီးနှံကိုလည်း တန်ဖိုးမြင့်ထုတ်ကုန်အဖြစ် ယခင်နှစ်ထက်ပိုမို ချိတ်ဆက်တင်ပို့လျက်ရှိကြောင်း ထုတ်ကုန်ပစ္စည်းများကို တန်ဖိုးမြင့်၍ ပီလောပီနံကွင်းခြောက် ၊ ဆန်၊ ကြာဇံ၊ ဆန်မှုန့် ၊ ဆန်ခေါက်ဆွဲ ၊ MSME လုပ်ငန်းငယ်များဖြင့် ကြိုးစားဆောင်ရွက်နေပါကြောင်း ၊ စိုက်ပျိုးပြီး ပဲပုတ် ၊ နေကြာများကို အစားထိုးဆီထွက်သီးနှံအဖြစ် ဆောင်ရွက်နေပြီး ပဲပုတ်ဆီကြိတ်စက်ရုံ ထူထောင်မည့် လုပ်ငန်းရှင်များကို တွန်းအားပေးဆောင်ရွက်လျက်ရှိပါကြောင်း ပြောကြားသွားပါသည်။

          ဧရာဝတီတိုင်းဒေသကြီး စက်မှုလက်မှုလုပ်ငန်းရှင်များအသင်း (ARCCI) ဥက္ကဋ္ဌမှ လျာထား သတ်မှတ်ထားသည့် မြေပေါ်တွင် အသင်းရုံးအမြန်ဆုံးတည်ဆောက်ရေးကို ကြိုးပမ်းဆောင်ရွက်လျက်ရှိပါကြောင်း၊ တိုင်းဆန်စက်လုပ်ငန်းရှင်များအသင်းဥက္ကဋ္ဌမှလည်း ကောက်ညှင်းအပြင် ပေါ်ဆန်းနွေစပါးကိုလည်း စိုက်ပျိုးထုတ်လုပ်ရန် လိုအပ်ပါကြောင်း၊ ဆန်စက်အပိုပစ္စည်းများကိုလည်း ဆက်လက်တင်သွင်းခွင့်ပြုစေလိုပါကြောင်း၊ ဆန်ထွက်ပစ္စည်း ပြည်ပသို့တိုက်ရိုက် တင်ပို့သည့် Wilmar Co., Ltd မှ တာဝန်ရှိသူမှ ဆန်ကို E.U နိုင်ငံများ၊ ဆန်ကွဲကို အင်ဒိုနီးရှား၊ ဖိလစ်ပိုင် ၊ တရုတ်များသို့ တိုင်းအတွင်းမှ တင်ပို့နိုင်ခဲ့မှု အခြေအနေများကို ရှင်းလင်းတင်ပြခဲ့ပါသည်။

          နိဂုံးချုပ်အနေဖြင့် ပြည်ထောင်စုဝန်ကြီးမှ မြန်မာပေါ်ဆန်းမွှေးဆန်များအား ရှရှား၊ တရုတ်၊ ဘီလာရုနိုင်ငံများနှင့် ဆက်သွယ်ချိတ်ထားရှိမှုနှင့် ရောင်းချရန်အတွက် စာချုပ်ချုပ်ဆို ထားကြောင်း စီးပွားရေးကောင်းမွန်ရန် လုပ်ငန်းရှင်၊ အစိုးရအဖွဲ့၊ အသင်းအဖွဲ့၊ ဌာနဆိုင်ရာများ အားလုံးဝိုင်းဝန်းပူးပေါင်းဆောင်ရွက်ရမှာဖြစ်ကြောင်း ဆွေးနွေးပြောကြားခဲ့ပါသည်။ ဆက်လက်၍ ပြည်ထောင်စုဝန်ကြီးသည် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးရှိလာရောက်၍ ဝန်ထမ်းများနှင့်တွေ့ဆုံ၍ လမ်းညွှန်အမှာစကားပြောကြားခဲ့ကြောင်း သိရှိရပါသည်။

DOCA(ဧရာဝတီ)

      စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး (ရုံးအုပ်)သည် (၁၂.၁၁.၂၀၂၅) ရက်နေ့(၁၃:၀၀)အချိန်တွင် မိုးညှင်းမြို့၊ နမီးစုရပ်ကွက်ရှိ စက်ချုပ်ပစ္စည်းရောင်းဝယ်ရေး လုပ်ငန်းရှင် များအား ဒေါ်လှဝင်းနေအိမ်၌ တွေ့ဆုံ၍  အသိပညာပေးဟောပြောပွဲ ပြုလုပ်ဆောင်ရွက်ခဲ့ပါသည်။

          ထိုသို့ ဟောပြောရာတွင် စားသုံးသူ၊ အွန်လိုင်းစနစ်ဖြင့် ရောင်းချခြင်း လုပ်ငန်း၏ အမည်နှင့် အဓိပ္ပာယ်ဖွင့်ဆိုချက်၊ စားသုံးသူအခွင့်အရေးနှင့် တာဝန်များ၊ စီးပွားရေး လုပ်ငန်းရှင်၏ တာဝန်များ၊ အွန်လိုင်းမှ ဈေးဝယ်ယူခြင်း၏ အားသာချက်၊ အားနည်းချက်၊အွန်လိုင်းမှလိမ်လည်မှုပုံစံ(၂) မျိုး၊ အွန်လိုင်း ရောင်းချမှု လုပ်ငန်းများနှင့် စပ်လျဉ်း၍ စိစစ်သင့်သည့်အချက်များ၊ ကုန်စည် သို့မဟုတ် ဝန်ဆောင်မှုနှင့် စပ်လျဉ်း၍ စားသုံးသူများ စိစစ်သင့်သည့် အချက်အလက်များ စီးပွားရေးနှင့်ကူးသန်း ရောင်းဝယ်ရေး ဝန်ကြီးဌာန၏ အမိန့်ကြော်ငြာစာအမှတ် ၅၀/၂၀၂၃ အရ အွန်လိုင်းစနစ်ဖြင့် ရောင်းချခြင်း လုပ်ငန်းကို အရေးကြီး ဝန်ဆောင်မှုလုပ်ငန်းအဖြစ် သတ်မှတ်ထားရှိမှု အခြေအနေ၊ အွန်လိုင်း စနစ်ဖြင့် ရောင်းချခြင်း လုပ်ငန်းမှတ်ပုံတင်ခြင်းဆိုင်ရာ အမိန့်ကြော်ငြာစာအမှတ် ၅၁/၂၀၂၃ အား လိုက်နာ ဆောင်ရွက်ရန်၊ ကုန်သွယ်ရေးဦးစီးဌာန၏ eComReg System ၏ Report နှင့် ပတ်သက်သည့် အသုံးပြုရန်နည်းလမ်းများ၊ တရားမဝင်တင်သွင်းလာသည့် ကုန်ပစ္စည်းများအား အွန်လိုင်းစနစ်ဖြင့် ရောင်းချခြင်းလုပ်ငန်းများ ဆောင်ရွက်ခြင်းမပြုရန်၊ စားသုံးသူကာကွယ်ရေးဥပဒေပါ ကုန်အညွှန်း အမှတ်အသား ဖော်ပြခြင်းနှင့် စပ်လျဉ်း၍ ပြည့်စုံစွာ ဖော်ပြထားသော ကုန်စည်များကိုသာ ဝယ်ယူ ရောင်းချခြင်းပြုရန်၊ အရေးကြီးကုန်စည်နှင့် ဝန်ဆောင်မှုဥပဒေပါ ပြစ်မှုပြစ်ဒဏ်များအကြောင်းအား အသိပညာပေး ဆွေးနွေးခဲ့ပါသည်။       

DOCA(ကချင်)

         ဘိုကလေးမြို့နယ် တာဝန်ခံ နှင့်ဝန်ထမ်းတို့သည် (၅.၁၁.၂၀၂၅)ရက်နေ့ နံနက် (၁၀း၀၀)ခွဲအချိန်တွင် ဘိုကလေးမြို့ ကန္နားလမ်းရှိ စားအုန်းဆီအရောင်းဆိုင်များတွင် သတ်မှတ်ရည်ညွှန်းဈေးဖြင့် ရောင်းချခြင်းရှိ/ မရှိ ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။

          ထိုကွင်းဆင်းစစ်ဆေးရာတွင် ဘိုကလေးမြို့နယ် (၅)ရပ်ကွက်ရှိ စားအုန်းဆီအရောင်းဆိုင်မှ ညွှန်ကြားချက်ပါအတိုင်း စားသုံးသူပြည်သူများအား သက်သာသောဈေးနှုန်းဖြင့် ဝယ်ယူနိုင်ရေးအတွက် နေ့စွဲများပါသော ရည်ညွှန်းဈေးနှုန်းဖြင့် ဗွီနှိုင်းချိတ်ဆွဲ၍ ရောင်းချပေးနေကြောင်းဈေးကွက်စောင့်ကြည့်စစ်ဆေးမှု့အပေါ် သတင်းရရှိပါသည်။

DOCA(ဧရာဝတီ)