HighLight News

           စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်တာဝန်ခံရုံးမှ စစ်ဆေးရေးအရာရှိ ဒေါ်ဌေးဌေးဝင်းနှင့် ဝန်ထမ်းတို့သည် မိတ်ဖက်ဌာနများဖြစ်သော ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူမှု့ဝန်ထမ်းဦးစီးဌာနတို့နှင့်အတူ (၂၄,၉၂၀၂၆)ရက်နေ့၊ နံနက်(၁၀:၀၀) နာရီအချိန်တွင် မင်းဘူးမြို့၊ မန်းအိမ်ရာ အခြေခံပညာအထက်တန်းကျောင်း(ခွဲ)၊ ကျောင်းမုန့်ဈေးတန်း ဆိုင်များတွင် ရောင်းချနေသော စားသောက်ကုန်များကို ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေး ကော်မရှင်ညွှန်ကြားချက်အမှတ် ၂/၂၀၁၉နှင့်အညီ ကိုက်ညီမှုရှိ/ မရှိ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

         ထိုသို့ ဈေးကွက်စောင့်ကြည့်စစ်ဆေးရာ  ကျောင်းဈေးတန်းတွင် ရောင်းချနေသော အသင့်စားမုန့်အမျိုးမျိုးတို့ကို ကုန်အညွှန်းအမှတ်အသား ပြည့်စုံစွာဖော်ပြထားမှု ရှိ/ မရှိ စစ်ဆေးဆောင်ရွက်ခဲ့ သည့်အပြင် စစ်ဆေးရေးအရာရှိ ဒေါ်ဌေးဌေးဝင်းက ကျောင်းမုန့်ဈေးတန်းတွင် စားသောက်ကုန်များ ရောင်းချရာ၌ FDA မှ ထောက်ခံချက်ရရှိသော စားသောက်ကုန်များနှင့် စားသုံးသူရေးရာဦးစီးဌာနမှ ဥပဒေနှင့်အညီ ပြဌာန်းသတ်မှတ်ထားသော ကုန်အညွှန်းအမှတ်အသားပြည့်စုံစွာ ဖော်ပြထားသည့် စားသောက်ကုန်များကိုသာ ရောင်းချကြရန်နှင့် ကုန်အညွှန်းအမှတ်အသား ပြည့်စုံစွာဖော်ပြထားခြင်းမရှိသော စားသောက်ကုန်များကို ရောင်းချခြင်းမပြုရန်ဆွေးနွေးခဲ့ကြောင်း သိရှိရပါသည်။

DOCA(မကွေး)

           စားသုံးသူရေးရာဦးစီးဌာနသည် ဆေးနှင့်ဆေးပစ္စည်းများအား ဈေးနှုန်းအဆမတန် မြှင့်တင်ရောင်းချမှုမရှိစေရေးနှင့် ပစ္စည်းပြတ်လပ်မှုမရှိစေရေးတို့အတွက် အပတ်စဉ် ကွင်းဆင်းစိစစ်ကြပ်မတ် ဆောင်ရွက်လျက်ရှိရာ စားသုံးသူရေးရာဦးစီးဌာန မကွေး/ ချောက်ခရိုင်တာဝန်ခံနှင့် ဝန်ထမ်းများသည် (၂၅.၉.၂၀၂၆)ရက်နေ့၊ နံနက်(၀၉:၃၀) နာရီအချိန်တွင် မကွေးမြို့ပေါ်ရှိ ဆေးနှင့်ဆေးပစ္စည်း အရောင်းဆိုင်များအား မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန၊ စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့ တို့နှင့်ပူးပေါင်း၍ ဆေးဆိုင်များအား အထူးစျေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရသည်။

          ထိုသို့စစ်ဆေးခဲ့ရာတွင် ဆေးနှင့်ဆေးပစ္စည်း အရောင်းဆိုင်များ၌ ဆေးဆိုင်လိုင်စင်သက်တမ်း တိုးစစ်ဆေးခြင်း၊ ဆေးဆိုင်လိုင်စင်အသစ်လျှောက်ထားသည့် ဆိုင်များအားစစ်ဆေးခြင်း၊ သက်တမ်းလွန်ဆေးဝါးများ ရောင်းချခြင်းရှိ/ မရှိ၊ ဆေးနှင့်ဆေးပစ္စည်းများအား ဈေးနှုန်းများမြှင့်တင်ရောင်းချခြင်း ရှိ/ မရှိ၊ ဆေးဈေးနှုန်းများမြှင့်တင် ရောင်းချရန်ရည်ရွယ်ချက်ဖြင့် ဆေးများစုပုံသိုလှောင် ထားခြင်းရှိ/ မရှိနှင့် ဆေးများပစ္စည်းပြတ်လပ်မှုရှိ/ မရှိ၊ သက်တမ်းလွန်ဆေးဝါးများအား စနစ်တကျစွန့်ပစ်မှုရှိ/ မရှိတို့အား စစ်ဆေးခဲ့ပြီး စားသုံးသူကာကွယ်ရေးဥပဒေ အခန်း (၁၃) ပုဒ်မ (၂၆)ပါ စီးပွားရေး လုပ်ငန်းရှင်များသည် စားသုံးသူများအပေါ် ဝန်ဆောင်မှုနှင့်စပ်လျဉ်း၍ အာမခံချက်ပေးနိုင်သည့် အချက်များအား သိရှိနိုင်စေရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(မကွေး)

         အင်ဒိုနီးရှားနိုင်ငံသည် တရုတ်နိုင်ငံနှင့် ပူးပေါင်းဆောင်ရွက်သည့် Two Countries Twin Parks (TCTP) မူဘောင်အောက်တွင် တရုတ်ကုမ္ပဏီများထံမှ ရင်းနှီးမြှုပ်နှံမှုနှင့် စီးပွားရေးလုပ်ငန်းဆိုင်ရာကတိကဝတ် စုစုပေါင်း ရူပီး ၈၈.၁ ထရီလီယံ (အမေရိကန်ဒေါ်လာ ၄.၉၆ ဘီလီယံ) ရရှိထားကြောင်း အင်ဒိုနီးရှားစီးပွားရေးပူးပေါင်းညှိနှိုင်းရေးဝန်ကြီးဌာနက ပြောကြားခဲ့ပါသည်။ စီးပွားရေးပူးပေါင်းညှိနှိုင်းရေးဝန်ကြီးဌာန ဒုတိယဝန်ကြီး Ali Murtopo Simbolon က TCTP မူဘောင်သည် အင်ဒိုနီးရှားနှင့် တရုတ်နိုင်ငံတို့အကြား စီးပွားရေးဆက်ဆံရေး ပိုမိုနက်ရှိုင်း စေရန် အရေးပါသည့်ပူးပေါင်းဆောင်ရွက်မှုမူဘောင်တစ်ရပ်ဖြစ်ကြောင်း စက်တင်ဘာ ၁၈ ရက် တွင်ထုတ်ပြန်သည့်ကြေညာချက်၌ ပြောကြားခဲ့ပါသည်။ အဆိုပါပူးပေါင်းဆောင်ရွက်မှုသည် ရင်းနှီးမြှုပ်နှံမှုတိုးမြှင့်ရေးသာမက စက်မှုလုပ်ငန်းများအကြားချိတ်ဆက်မှု၊ ကုန်စည်ထောက်ပံ့ရေး ကွင်းဆက်၊ နည်းပညာလွှဲပြောင်းမှု၊ ထုတ်ကုန်တန်ဖိုးမြှင့်တင်မှုနှင့် အလုပ်အကိုင်ဖန်တီးပေးနိုင်မှုတို့ကို အားကောင်းစေရန်ရည်ရွယ်ကြောင်း ၎င်းကဆိုပါသည်။ TCTP မူဘောင်အောက်တွင် ယခင်က နားလည်မှုစာချွန်လွှာ ၃၀ ခု လက်မှတ်ရေးထိုးခဲ့ပြီး ရူပီး ၃၇.၁ ထရီလီယံ (အမေရိကန် ဒေါ်လာ ၂.၀၉ ဘီလီယံ) ခန့် ရင်းနှီးမြှုပ်နှံရန် ကတိကဝတ်များရရှိထားခဲ့ကြောင်း သိရပါသည်။ စက်တင်ဘာ ၉ ရက်က တရုတ်နိုင်ငံ Xiamen မြို့တွင် ကျင်းပသည့် တရုတ်-အင်ဒိုနီးရှား TCTP ရင်းနှီးမြှုပ်နှံမှုမြှင့်တင်ရေးဆွေးနွေးပွဲတွင် ထပ်မံ၍ ရူပီး ၅၁ ထရီလီယံ (အမေရိကန်ဒေါ်လာ ၂.၈၇ ဘီလီယံ) တန်ဖိုးရှိ စီးပွားရေးလုပ်ငန်းဆိုင်ရာကတိကဝတ်များရရှိခဲ့သဖြင့် စုစုပေါင်း ကတိကဝတ် တန်ဖိုးမှာ ရူပီး ၈၈.၁ ထရီလီယံအထိ ရှိလာခြင်းဖြစ်ကြောင်း သိရပါသည်။ ယခုရရှိထားသည့် ကတိကဝတ်များသည် စီမံကိန်းများလက်တွေ့အကောင်အထည်ဖော်ပြီး ရင်းနှီးမြှုပ်နှံမှု အမှန် တကယ်ဝင်ရောက်လာသည်အထိ ဆက်လက်စောင့်ကြည့်ရန်လိုအပ်သည့် ကနဦးအဆင့် ဖြစ်ကြောင်း Simbolon က ပြောကြားခဲ့ပါသည်။ အစိုးရအနေဖြင့် ကတိကဝတ်များကို လက်တွေ့စီမံကိန်းများအဖြစ် အကောင်အထည်ဖော်နိုင်ရေး ဆောင်ရွက်သွားမည်ဖြစ်ကြောင်း သိရပါသည်။ ထို့ပြင် ရင်းနှီးမြှုပ်နှံသူများ၊ စက်မှုဇုန်စီမံခန့်ခွဲသူများနှင့် သက်ဆိုင်ရာဝန်ကြီး ဌာနများ၊ အစိုးရအဖွဲ့အစည်းများအကြားဆက်သွယ်ညှိနှိုင်းမှုများကို အစိုးရက ဆက်လက်ကူညီ ပေးမည်ဖြစ်ပြီး ရင်းနှီးမြှုပ်နှံမှုအတွက်အတားအဆီးများကို လျင်မြန်စွာနှင့် ပူးပေါင်းညှိနှိုင်း ဖြေရှင်းပေးမည်ဖြစ်ကြောင်း ၎င်းကဆိုပါသည်။ TCTP သည် အင်ဒိုနီးရှားနှင့် တရုတ်နိုင်ငံတို့ ပူးတွဲဖော်ဆောင်သည့် စက်မှုဇုန်ဖွံ့ဖြိုးရေးပူးပေါင်းဆောင်ရွက်မှုအစီအစဉ်ဖြစ်ပြီး ၂၀၂၄ ခုနှစ် နိုဝင်ဘာ ၉ ရက်တွင် နှစ်နိုင်ငံပူးတွဲကြေညာချက်ဖြင့် တရားဝင်ဖွဲ့စည်းခဲ့ကြောင်း သိရပါသည်။ ၂၀၂၅ ခုနှစ် မေ ၂၅ ရက်တွင် အင်ဒိုနီးရှား စီးပွားရေးပူးပေါင်းညှိနှိုင်းရေးဝန်ကြီးဌာန၊ တရုတ် ကုန်သွယ်ရေးဝန်ကြီးဌာနနှင့် Fujian ပြည်နယ်အစိုးရတို့က TCTP ပူးပေါင်းဆောင်ရွက်ရေး စီမံကိန်းဆိုင်ရာနားလည်မှုစာချွန်လွှာ လက်မှတ်ရေးထိုးခဲ့ခြင်းဖြင့် ပူးပေါင်းဆောင်ရွက်မှု ပိုမို ခိုင်မာလာခဲ့ကြောင်း သိရပါသည်။ Xiamen မြို့၌ ကျင်းပသည့် ရင်းနှီးမြှုပ်နှံမှုမြှင့်တင်ရေး ဆွေးနွေးပွဲတွင် အင်ဒိုနီးရှားနိုင်ငံရှိ Batang Industropolis အထူးစီးပွားရေးဇုန်၊ Tanjung Lesung အထူးစီးပွားရေးဇုန်နှင့် Bintan စက်မှုဇုန်တို့မှ ကိုယ်စားလှယ်များက တရုတ်ရင်းနှီး မြှုပ်နှံသူများအတွက် ရင်းနှီးမြှုပ်နှံနိုင်သည့်အခွင့်အလမ်းများကို တင်ပြခဲ့ကြကြောင်း သိရပါသည်။
        အဆိုပါဆွေးနွေးပွဲတွင် နှစ်နိုင်ငံအစိုးရတာဝန်ရှိသူများ၊ စက်မှုဇုန်စီမံခန့်ခွဲသူများနှင့် စီးပွားရေးလုပ်ငန်းရှင်များအကြား တိုက်ရိုက်စီးပွားရေးချိတ်ဆက်မှုများပြုလုပ်ကာ ရင်းနှီးမြှုပ်နှံမှုဆိုင်ရာ ပူးပေါင်းဆောင်ရွက်နိုင်မည့် အခွင့်အလမ်းများကို ဆွေးနွေးခဲ့ကြကြောင်း သိရှိရပါသည်။

Antara News                                                                             

DOCA (ရန်ကုန်)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် နိုင်ငံတော်၏ စီးပွားရေးဖွံ့ဖြိုးတိုးတက်ရေးအတွက် ပြည်ပပို့ကုန်ကဏ္ဍသည် အဓိကကျသော အခန်းကဏ္ဍမှပါဝင်လျက်ရှိပြီး ပြည်တွင်းစက်မှုကုန်ထုတ်လုပ်ငန်းများ ဖွံ့ဖြိုးတိုးတက်လာစေရး၊ နိုင်ငံတကာစျေးကွက်သို့ အရည်အသွေးမီ ထုတ်ကုန်များ ပိုမိုတိုးမြှင့်တင်ပို့နိုင်ရန်နှင့် ပြည်ပပို့ကုန် ကဏ္ဍတွင်ကြုံတွေ့နေရသော အခက်အခဲများကို ထိရောက်စွာ ဖြေရှင်းပေးနိုင်ရန်အတွက် စီမံချက်များချမှတ်၍ အကောင်အထည်ဖော် ဆောင်ရွက်လျက်ရှိရာ စက်မှုဇုန်များရှိ စက်ရုံများ၏ အမှန်တကယ်လုပ်ငန်းလည်ပတ်မှု (လည်ပတ်/ ရပ်နား) အခြေအနေများအား စစ်ဆေးခြင်းများအား စစ်ဆေးခြင်းဆောင်ရွက်လျက်ရှိကြောင်း သိရပါသည်။

         သို့ဖြစ်ပါ၍ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးမှ ဒုခရိုင်ဦးစီးမှူးနှင့်ဝန်ထမ်းများသည် ၂၀၂၆ ခုနှစ်၊ သြဂုတ်လ၊ ၂၆ ရက်နေ့၊ (၁၃း၃၀) နာရီအချိန်တွင် မြိတ်မြို့၊ အင်းလေးမြိုင် စက်မှုဇုန်ရှိ RU၊ လောင်းလုံဘရားသား အအေးခန်းနှင့် BMB ကွမ်းသီးပြုတ် ခြောက်စက်ရုံများအားကွင်းဆင်းပြီး လုပ်ငန်းများ၏ တစ်ရက်ကုန်ကြမ်းသုံးစွဲမှု၊ ကုန်ချောထုတ်လုပ်မှုနှင့် လုပ်ငန်းရှင်များ၏ ကြုံတွေ့နေရသောအခက်အခဲများအား စုံစမ်းလေ့လာခဲ့ကြောင်း သိရှိရပါသည်။

DOCA(တနင်္သာရီ)

      စားသုံးသူရေးရာဦးစီးဌာနသည် ဒေသတွင်းစားသုံးဆီများ ဖူလုံစေရေး ဆောင်ရွက်လျက်ရှိပြီး နိုင်ငံတော်မှ စားအုန်းဆီသတ်မှတ်ရည်ညွှန်းဈေးနှုန်းများချမှတ်ပေးလျက်ရှိရာ ၂၀၂၆ ခုနှစ်၊ သြဂုတ်လ၊ ၂၅ ရက်နေ့၊ နံနက် ၀၉း၃၀ နာရီအချိန်တွင် စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် ဗဟိုစာရင်းအင်းအဖွဲ့၊ စည်ပင်သာယာရေးအဖွဲ့၊ ကျေးလက်ဒေသဖွံ့ဖြိုးတိုးတက် ရေးဉီးစီးဌာန၊ စီမံကိန်းရေးဆွဲရေးဦးစီးဌာန၊ စိုက်ပျိုးရေးဦးစီးဌာနတို့ဖြင့်ပူးပေါင်း၍ ထားဝယ်စုရပ်နှင့် ရေပုန်းရပ်ရှိ စားအုန်းဆီအရောင်းဆိုင်တွင် စားအုန်းဆီများအား သတ်မှတ်ရည်ညွှန်းဈေးနှုန်းများအတိုင်း ရောင်းချနေခြင်း ရှိ/ မရှိ ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

       ကွင်းဆင်းစစ်ဆေးရာတွင် မြိတ်မြို့အတွင်း စားအုန်းဆီရောင်းချနေသော အရောင်းဆိုင်များ၌ သတ်မှတ်ရည်ညွှန်းဈေးနှုန်းဖြင့် ဗီနိုင်းများကပ်၍ရောင်းချနေကြောင်း ရှိ/ မရှိ၊ သတ်မှတ်ထုတ်ပြန်ထားသော ထုတ်ပြန်ချက်များနှင့်အညီ ခွဲဝေရောင်းချပေးနေမှုများ ရှိ/မရှိ၊ အလေးချိန်/အချိန်အတွယ် မှန်ကန်စွာ ချိန်တွယ်ရောင်းချနေမှုများ ရှိ/မရှိ စစ်ဆေးခြင်းနှင့် ဈေးကစားရန်ရည်ရွယ်ချက်ဖြင့် သိုလှောင်ထားခြင်းမျိုးမဖြစ်ပေါ်စေရေး ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(တနင်္သာရီ)