HighLight News

        ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြိုနယ်တာဝန်ခံနှင့် ဝန်ထမ်းတို့သည် (၁၇.၇.၂၀၂၆)၊ ညနေ (၁၆:၀၀) နာရီအချိန်တွင် ဒေးဒရဲမြို့နယ် ဘုရားကလေးကွင်း‌ကျေးရွာ “အောင်ချမ်းသာဆန်စက်နှင့်‌အောင်နန်းတော်”ဆန်စက်မှ မြိတ်မြို့သို့ ပေါ်ဆန်းဆန်နှင့် ဇီယာဆန်များတင်ပို့လျက်ရှိသည့် လုပ်ငန်းများအားမြို့နယ်အဆင့်တာဝန်ရှိသူများနှင့် ကွင်းဆင်းစစ်ဆေးခဲ့ကြောင်း သိရပါသည်။
     အဆိုပါ ကွင်းဆင်းစစ်ဆေးမှုတွင် မြို့နယ်အုပ်ချုပ်ရေးမှူး ဦးဆောင်၍ အောင်ချမ်းသာဆန်စက်မှ ဇီယာဆန် (၆၀၀၀)နှင့်‌ အောင်နန်းတော်ဆန်စက်မှ ဇီယာဆန်(၅၀၀)အိတ်နှင့်‌ ပေါ်ဆန်းဆန်(၅၀၀)အား ရေယာဉ်ပေါ်သို့ သက်ဆိုင်ရာဌာနများ၏ ထောက်ခံချက်များဖြင့် တင်ဆောင်ထားရှိမှု၊ တရားမဝင်ပစ္စည်းများ တင်ဆောင်မှုမရှိစေရေး၊ ရေယာဉ်ကြံခိုင်မှုရှိ/ မရှိတို့အား တာဝန်ခံနှင့် ပြောဆိုဆွေးနွေးခဲ့ပြီး တရားဥပဒေနှင့်အညီ ညီညွတ်မှုမရှိသည့် ကိစ္စရပ်များ ဖြစ်ပွားမှုမရှိစေရေး ကွင်းဆင်းစစ်ဆေးခဲ့ပြီး လိုအပ်သည်များကို မှာကြားခဲ့ကြောင်း ကွင်းဆင်းစစ်ဆေးမှုအရ သတင်းရရှိပါသည်။

DOCA(ဧရာဝတီ)

        (၁၉.၇.၂၀၂၆) ရက်နေ့ နံနက် (၁၀:၀၀) နာရီအချိန်တွင် ညောင်တုန်းမြို့နယ်ရှိ စားအုန်းဆီအရောင်းဆိုင်များအား မြို့နယ်စားသုံးသူရေးရာဦးစီးဌာနမှ တာဝန်ရှိသူက ရှောင်တခင်အသွင်ယူ၍ ကွင်းဆင်းစစ်ဆေးခဲ့ကြောင်း သိရသည်။

         စစ်ဆေးရာတွင် ဆိုင်များ၌ စားအုန်းဆီများကို သတ်မှတ်ရည်ညွှန်းဈေးနှုန်းအတိုင်း ရောင်းချခြင်း ရှိ/ မရှိ၊ နေ့စဉ်ရရှိသည့် ခွဲတမ်းများကို ပြည်သူများထံ စနစ်တကျ ဖြန့်ဖြူးရောင်းချခြင်း ရှိ/ မရှိ၊ ဈေးနှုန်းမြှင့်တင်ရောင်းချခြင်း၊ သိုလှောင်ထားရှိခြင်းနှင့် စားသုံးသူများအား ရောင်းချရန် ငြင်းဆိုခြင်းများ ရှိ/ မရှိတို့ကို အသွင်ယူစစ်ဆေးခဲ့ကြောင်း သိရသည်။

        ထို့ပြင် ဆိုင်ရှင်များအား သတ်မှတ်စည်းကမ်းချက်များနှင့်အညီ စားအုန်းဆီများကို ရည်ညွှန်းဈေးနှုန်းဖြင့်ရောင်းချရန်၊ ရောင်းချမှုမှတ်တမ်းများကို စနစ်တကျထားရှိရန်နှင့် စားသုံးသူအကျိုးစီးပွားကို အလေးထား၍ ရောင်းချဆောင်ရွက်ရန် အသိပညာပေး ဆွေးနွေးမှာကြားခဲ့ကြောင်း သိရသည်။

          အဆိုပါ ရှောင်တခင်အသွင်ယူ ကွင်းဆင်းစစ်ဆေးမှုကို စားအုန်းဆီဖြန့်ဖြူးရောင်းချမှုများ စနစ်တကျရှိစေရေး၊ ပြည်သူများ သတ်မှတ်ရည်ညွှန်းဈေးနှုန်းဖြင့် လွယ်ကူစွာဝယ်ယူရရှိနိုင်စေရေးအတွက် ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

         မအူပင်ခရိုင်၊ ပန်းတနော်မြို့နယ်၌ မြို့နယ်စားအုန်းဆီဖြန့်ဖြူးမှုကြီးကြပ်ရေးအဖွဲ့နှင့် မြို့နယ်ဆီကိုယ်စားလှယ်များ ပူးပေါင်း၍ မြို့ပေါ်ရပ်ကွက်များ၊ မြို့မဈေးအတွင်းရှိ စားသုံးဆီရောင်းချသည့်ဆိုင်များနှင့် ကျေးရွာများတွင် စားသုံးဆီထုတ်ပေးလျက်ရှိသည့် ကိုယ်စားလှယ်များ၏ ဆိုင်များသို့ (၁၆-၇-၂၀၂၆) ရက်နေ့ နံနက်(၁၀)နာရီအချိန်က ကွင်းဆင်းစစ်ဆေးခဲ့ကြောင်း သိရသည်။

         ကွင်းဆင်းစစ်ဆေးရာတွင် နေ့စဉ်စားသုံးဆီခွဲတမ်း ရရှိမှုအခြေအနေ၊ နေ့စဉ်ရောင်းချမှုပမာဏ၊ လက်ကျန်ဆီပမာဏ၊ ရောင်းချမှုမှတ်တမ်းများကို စိစစ်စစ်ဆေးခဲ့ပြီး စားသုံးဆီများအား သတ်မှတ်ရည်ညွှန်းဈေးနှုန်းအတိုင်း ရောင်းချပေးခြင်း ရှိ/ မရှိကိုလည်း အသေးစိတ်စစ်ဆေးခဲ့ကြောင်း သိရသည်။

        ထို့ပြင် ဆီကိုယ်စားလှယ်များအား နေ့စဉ်ရရှိသည့် ခွဲတမ်းများကို ပြည်သူများထံ မျှတစွာဖြန့်ဖြူးရောင်းချပေးရန်၊ ရည်ညွှန်းဈေးနှုန်းအတိုင်း တိကျစွာရောင်းချရန်၊ ရောင်းချမှုနှင့် လက်ကျန်စာရင်းများကို စနစ်တကျမှတ်တမ်းတင်ထားရှိရန်နှင့် စားသုံးသူများအပေါ် ဈေးနှုန်းမြှင့်တင်ရောင်းချခြင်း၊ သိုလှောင်ထားခြင်းများ မပြုလုပ်ရန် အသိပညာပေးမှာကြားခဲ့ကြောင်း သိရသည်။

        အဆိုပါ ကွင်းဆင်းစစ်ဆေးမှုသည် စားသုံးဆီများကို ပြည်သူများထံ သင့်တင့်မျှတသော ရည်ညွှန်းဈေးနှုန်းဖြင့် စနစ်တကျ ဖြန့်ဖြူးရောင်းချပေးနိုင်ရေး၊ ဈေးကွက်တည်ငြိမ်စေရေးနှင့် စားသုံးသူအကျိုးစီးပွား ကာကွယ်မြှင့်တင်နိုင်ရေးအတွက် ပန်းတနော်မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ်မြန်မာနိုင်ငံရဲတပ်ဖွဲ့၊ မြို့နယ်စည်ပင်သာယာရေးအဖွဲ့တို့ပူးပေါင်း ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

          မအူပင်ခရိုင်အတွင်းရှိ ပန်းတနော်မြို့နယ်၌ (၁၇-၇-၂၀၂၆)ရက်နေ့က  အခြေခံစားသောက်ကုန်များ၏ ဈေးနှုန်းဖြစ်ပေါ်နေမှုအခြေအနေများကို သိရှိနိုင်ရေးအတွက် သက်ဆိုင်ရာ တာဝန်ရှိသူများက ဈေးများနှင့် လက်လီ/ လက်ကားအရောင်းဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။

      ကွင်းဆင်းစစ်ဆေးရာတွင် ဆန်၊ စားအုန်းဆီ၊ ပဲအမျိုးမျိုး၊ ကြက်သွန်နီ၊ ကြက်သွန်ဖြူ၊ ငရုတ်သီးခြောက်၊ ကြက်ဥ၊ ငါး၊ အသားနှင့် အခြားအခြေခံစားသောက်ကုန်များ၏ လက်ရှိဈေးနှုန်းများ၊ ကုန်ပစ္စည်းလက်ကျန်အခြေအနေ၊ ကုန်ပစ္စည်းရရှိနိုင်မှုနှင့် ဈေးကွက်အတွင်း အရောင်းအဝယ်ဖြစ်ပေါ်နေမှုများကို စိစစ်မှတ်တမ်းတင်ခဲ့ကြောင်း သိရသည်။

      ထို့ပြင် ရောင်းချသူများအား ကုန်ပစ္စည်းများကို သင့်တင့်မျှတသောဈေးနှုန်းဖြင့် ရောင်းချပေးရန်၊ ဈေးနှုန်းမြှင့်တင်ရောင်းချခြင်းနှင့် ကုန်ပစ္စည်းများ သိုလှောင်ထားခြင်းတို့ မပြုလုပ်ရန်၊ စားသုံးသူကာကွယ်ရေးဥပဒေနှင့် သက်ဆိုင်ရာစည်းမျဉ်းစည်းကမ်းများကို လိုက်နာဆောင်ရွက်ရန် အသိပညာပေးဆွေးနွေးခဲ့ကြောင်း သိရသည်။

      အဆိုပါ ကွင်းဆင်းစစ်ဆေးမှုသည် အခြေခံစားသောက်ကုန်များ၏ ဈေးနှုန်းတည်ငြိမ်စေရေး၊ ကုန်ပစ္စည်းများ လုံလောက်စွာရရှိနိုင်ရေးနှင့် ပြည်သူများအနေဖြင့် သင့်တင့်မျှတသောဈေးနှုန်းဖြင့် ဝယ်ယူစားသုံးနိုင်စေရေးအတွက် ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

         (၁၈.၇.၂၀၂၆) ရက်နေ့တွင် မအူပင်ခရိုင်အတွင်း ပြောင်းစိုက်ပျိုးထုတ်လုပ်မှု၊ အထွက်နှုန်းနှင့် ထွက်ရှိမှုအခြေအနေများကို ကွင်းဆင်းလေ့လာစိစစ်ခဲ့ကြောင်း သိရသည်။

          ကွင်းဆင်းစစ်ဆေးချက်များအရ မအူပင်မြို့နယ်တွင် ပြောင်းစိုက်ဧက (၄,၂၇၀) ဧကရှိပြီး တစ်ဧကပျမ်းမျှအထွက်နှုန်း (၈၅.၁၇) တင်းဖြင့် စုစုပေါင်းထွက်ရှိမှု (၃၆၃,၆၆၂) တင်းရှိကြောင်း၊ ယင်းအနက် မျိုးအတွက် (၁,၆၀၁) တင်း၊ အလေအလွင့် (၇,၂၇၃) တင်း၊ စားသုံးမှု (၅၆,၃၈၄) တင်းဖြစ်ပြီး ပိုလျှံတင်း (၂၉၈,၄၀၄) တင်းရှိကြောင်း သိရသည်။

      ပန်းတနော်မြို့နယ်တွင် ပြောင်းစိုက်ဧက (၉,၉၇၀) ဧကရှိပြီး တစ်ဧကပျမ်းမျှအထွက်နှုန်း (၈၈.၇၈) တင်းဖြင့် စုစုပေါင်းထွက်ရှိမှု (၈၈၅,၁၃၇) တင်းရှိကြောင်း၊ ယင်းအနက် မျိုးအတွက် (၃,၇၃၉) တင်း၊ အလေအလွင့် (၁၇,၇၀၃) တင်း၊ စားသုံးမှု (၄၅,၄၃၃) တင်းဖြစ်ပြီး ပိုလျှံတင်း (၈၁၈,၂၆၂) တင်းရှိကြောင်း ကွင်းဆင်းလေ့လာချက်များအရ သိရသည်။

          တောင်သူများ၏ စိုက်ပျိုးရေးစီးပွားရေးအခြေအနေကို လေ့လာရာတွင် ပြောင်းတစ်ဧက စိုက်ပျိုးကုန်ကျစရိတ်မှာ ကျပ် (၂၁၃,၂၀၀) ခန့်ရှိပြီး တစ်ဧကလျှင် ပျမ်းမျှအထွက်နှုန်း (၈၈.၂၆) တင်းရရှိကာ ပြောင်းတစ်ပိဿာလျှင် ကျပ် (၁,၆၀၀) ဈေးနှုန်းဖြင့် ရောင်းချပါက တစ်ဧကလျှင် အကျိုးအမြတ် ကျပ် (၆၉၂,၀၀၀) ခန့် ရရှိနိုင်ကြောင်း သိရသည်။

        ထို့ပြင် (၁၈.၇.၂၀၂၆) ရက်နေ့ ကွင်းဆင်းစစ်ဆေးချက်အရ မအူပင်မြို့နယ်တွင် ပြောင်း (၃,၀၁၀) အိတ်နှင့် ပန်းတနော်မြို့နယ်တွင် ပြောင်း (၁၀၀) အိတ် လက်ကျန်ရှိကြောင်း သိရသည်။

        ကွင်းဆင်းလေ့လာချက်များအရ မအူပင်ခရိုင်တွင် ၂၀၂၄-၂၀၂၅ ခုနှစ်အစပိုင်း၌ ပြောင်းဈေးနှုန်းကျဆင်းမှုကြောင့် တောင်သူများသည် ပြောင်းစိုက်ပျိုးခြင်းထက် အကျိုးအမြတ်ပိုမိုသေချာသည့် မတ်ပဲစိုက်ပျိုးခြင်းသို့ ပြောင်းလဲဆောင်ရွက်ခဲ့သဖြင့် ယခင်နှစ်များနှင့် နှိုင်းယှဉ်ပါက ပြောင်းစိုက်ဧကနှင့် ထွက်ရှိမှုပမာဏ လျော့နည်းခဲ့ကြောင်း ကွင်းဆင်းစုံစမ်း သိရှိရပါသည်။

DOCA(ဧရာဝတီ)