HighLight News

          ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဇွန်လ (၅) ရက်နေ့၊ နေ့လယ် (၁၃:၀၀) နာရီ အချိန်တွင် ဒေးဒရဲမြို့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတွင် စာဖတ်သူပြည်သူ (၁၀) ဦးအား စားသုံးသူကာကွယ်ရေး အသိပညာပေး ဟောပြောခြင်းကို ဆောင်ရွက်ခဲ့ပါသည်။

          အဆိုပါ ဟောပြောပွဲတွင် မြို့နယ်တာဝန်ခံမှ စားသုံးသူ၏ အခွင့်အရေးနှင့် တာဝန်များ၊ ကုန်အညွှန်းအမှတ်အသားဖော်ပြချက်နှင့် စပ်လျဉ်း၍ သိကောင်းစရာများ၊ ထုတ်ကုန်လုံခြုံစိတ်ချရမှု ဆိုင်ရာ သိကောင်းစရာများ၊ စားသုံးသူများ ထိခိုက်နစ်နာမှုနှင့် ပက်သက်၍  တိုင်ကြားနိုင်သည့် နေရာများ၊ ဦးစီးဌာန၏ website ဖုန်းနံပတ်များအကြောင်းကို အသိပညာပေးဟောပြောဆွေးနွေးခဲ့သည်ဟု သတင်းရရှိပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်နှင့် ဝန်ထမ်းတို့သည် ကျန်းမာရေးဦးစီးဌာန၊ စည်ပင်သာယာရေးဦးစီးဌာနနှင့် ပူးပေါင်း၍ ၂၀၂၅ ခုနှစ်၊ ဇွန်လ(၁၀) ရက်နေ့၊ နေ့လယ် (၁၂:၀၀) နာရီအချိန်တွင် ဒေးဒရဲမြို့ ချောင်းဖျားကျေးရွာ ကားလမ်းပေါ်ရှိ “အေးချမ်းမိုး” ရေသန့်စက်ရုံသို့ MSMEs ဖွံ့ဖြိုး တိုးတက်ရေးကွင်းဆင်းစိစစ်ခဲ့ကြပါသည်။

          အဆိုပါ ကွင်းဆင်းစိစစ်ရာတွင် “အေးချမ်းမိုး” ရေသန့်စက်ရှိ တာဝန်ခံမှ ရေသန့် တစ်နေ့ထုတ်လုပ်မှုအနေဖြင့် 20 Litre ဘူးကြီး (၂၅၀) ခန့် ထုတ်လုပ်ပြီး 1 Litre ဘူးများကို တစ်နေ့လျှင် (၆၀၀၀) ဘူးခန့် ထုတ်လုပ်လျက်ရှိပြီး ဈေးနှုန်းဈေးကွက်အနေဖြင့် 20 Litre တစ်ဘူးလျှင် (၁၀၀၀) ကျပ်၊ 1 Litre (၆) ဘူး တစ်ကဒ်လျှင် (၂၅၀၀) ကျပ် ဖြင့် ဒေးဒရဲမြို့တွင်းနှင့် ဖျာပုံမြို့နယ်သို့ အဓိကထား ရောင်းချလျက်ရှိပါသည်။ လုပ်သားအင်အား (၉) ဦးခန့်ဖြင့် လည်ပတ်လျက်ရှိပြီး လုပ်ခလစာအနေဖြင့် (၁၈၀၀၀၀ - ၂၀၀၀၀၀) နှုန်း ပေးချေရပြီး FDA ထောက်ခံချက်နှင့် စက်မှုလိုင်စင်များလည်း သက်တမ်းတိုး လုပ်ဆောင်ထားကြောင်း တွေ့ရှိရပြီး မြို့နယ်တာဝန်ခံမှ ရေသန့်များ ထုတ်လုပ်ရာတွင် သန့်ရှင်းသပ်ရပ်မှုနှင့် စနစ်ကျသော ထုတ်လုပ်မှုများ ဖြစ်စေရန်လိုအပ်ကြောင်း မှာကြားခဲ့ပြီး MSMEs ဖွံ့ဖြိုး တိုးတက်ရေးအတွက်ကွင်းဆင်းစိစစ်ခဲ့ကြောင်း သတင်းရရှိပါသည်။

DOCA(ဧရာဝတီ)

          ၁၀-၆-၂၀၂၅နေ့တွင် မအူပင်မြို့နယ်ရှိ မလက်တိုကျေးရွာအုပ်စုရှိ ငါးမွေးမြူရေးကန်များ အား ခရိုင်စိုက်တိုးမြင့်အဖွဲနှင့် မအူပင်ခရိုင် စားသုံးသူရေးရာဦးစီးဌာနမှ ခရိုင်ဦးစိးမှူး ဦးဇော်မင်း လိုက်ပါပူးပေါင်း အတူကွင်းဆင်းခဲ့ပါသည်။

            မအူပင်ခရိုင်တွင် ငါးမွေးမြူရေးကန်းများရှိပြီး ငါးပုဇွန်မွေးမြူသူဦးရေမှာ ငါး ကန်ပိုင်ရှင်ဦးရေ (၂၄၁၅)ရှိပြီး  ငါးမွေးမြူရေလုပ်ငန်း ဖွဲ့ဖြိုးတိုးတက်စေရေးနှင့် ငါးထွက်ရှိ တင်ပို့မှု ပိုမိုထုတ်လုပ်တင်ပို့နိုင်ရေးကို ဌာနဆိုင်ရာများမှ ကွင်းဆင်း၍ နှစ်စဉ်တိုးတက်‌ မွေးမြူနိုင်ရေး အသိပညာပေးလုပ်ငန်းများ ဆောင်ရွက်လျက်ရှိသည်။

          မအူပင်ခရိုင်အတွင်းရှိ ငါးလုပ်ငန်းစခန်း (၄)ခုသို့ သွားရောက်၍ စခန်းတာဝန်ခံများနှင့် တွေ့ဆုံကာ ဆွေးနွေးခဲ့ကြသည်။ မအူပင်မြို့နယ်အတွင်း ငါးမွေးမြူရေးလုပ်ငန်းများကို  မေးမြန်းဆောင်ရွက်ခဲ့ကြပြီး  ပြည်တွင်းစားသုံးရန်ရောင်းချခြင်းနှင့် ပြည်ပတင်ပို့ရောင်းချလျက်ရှိကြောင်း၊ မအူပင်မြို့နယ်မှ ငါးခေါင်းပွငါးများကို မေလအတွင်း ရန်ကုန်သို့တင်ပို့နေပြီး တန်ချိန် ရှစ်သောင်းကျော် တင်ပို့ကြောင်း ငါးကန်လုပ်ငန်းရှင်ထံမှ သိရပြီး  ငါးကန်များမှ ငါးကန်ဖော်ချိန်တွင် ရန်ကုန်ဈေးကွက်သို့ ကုန်ချိန်ပျမ်းမျှပိဿာ နှစ်စဉ် ခုနှစ်သောင်းခွဲခန့် ပေးပို့ လျှက်ရှိကြောင်း မအူပင်ခရိုင်အနေဖြင့် ရေထွက်ပစ္စည်းများပေါများသဖြင့် ပြည်တွင်းစားသုံးသလို၊ ပြည်ပဝင်ငွေများစွာရရှိရေးအတွက်  လုပ်ငန်းများ လုပ်ကိုင်နိုင်ပြီး စီးပွားဖြစ်ထွန်းရေးအတွက် ခရိုင်စိုက်တိုးမြှင့်အဖွဲက လုပ်ငန်းရှင်များဖြင့် ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

            စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံသည်(၉.၆.၂၀၂၅)ရက်နေ့ နံနက်(၁၁:၀၀) နာရီအချိန်တွင် ကြံခင်းမြို့၊ ဗိုလ်ချုပ်လမ်းရှိ အုပ်ချုပ်ရေးမှူးရုံး၌ ကုန်စုံဆိုင်လုပ်ငန်းရှင်(၈)ဦးအား စားသုံးသူကာကွယ်ရေး  အသိပညာပေးဟောပြောခြင်းကို ဆောင်ရွက်ခဲ့ပါသည်။

           ထိုသို့ဆောင်ရွက်ရာတွင် မြို့နယ်တာဝန်ခံ ဦးကျော်နိုင်ဝင်းက စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့် စီးပွားရေးလုပ်ငန်းရှင်မဆို ပုဒ်မ(၄၁) ပုဒ်မခွဲ(ခ)နှင့်(ဆ)တို့ပါ ကုန်စည်၏အမျိုးအမည်၊ အရွယ်အစား၊ အသားတင်ပမာဏနှင့် ထားသိုသိမ်း ဆည်းမှုအညွှန်း၊ကျန်းမာရေးဆိုင်ရာဘေးထွက်ဆိုးကျိုးဖော်ပြချက်နှင် ကြိုတင်သတိပေးချက်များအား ပြည့်စုံစွာဖော်ပြထားသောကုန်စည်များကိုသာ ရောင်းချရန်၊ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့မဟုတ်)တစ်ခု ထက်ပို၍ တွဲလျက် ဖြစ်စေ ရေးသားဖော်ပြရမည့်အကြောင်း၊ ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့်ဘေးအန္တရာယ်ကင်းစွာအသုံးပြုနိုင်ရေးဆောင်ရွက်ရမည်ဖြစ်ကြောင်း၊စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအကြောင်း၊ တားမြစ်ချက်များ အကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဟောပြောခဲ့ပြီး လုပ်ငန်းရှင်များမှလည်း သိလိုသည်များကို မေးမြန်း၍ အပြန်အလှန်ဆွေးနွေးခဲ့ကြကြောင်းသိရှိရပါသည်။

EYDNS (DOCA ဧရာဝတီ)

         စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံသည် မိတ်ဘက်ဌာနဆိုင်ရာများနှင့်ပူးပေါင်း၍(၉.၆.၂၀၂၅)ရက်နေ့ နံနက်(၀၉:၃၀) နာရီအချိန်တွင် ကြံခင်းမြို့၊ ရွာသစ်ရပ်ကွက် မြို့မဈေးအတွင်းရှိ ကုန်မျိုးစုံအရောင်းဆိုင်နှင့် စတိုးဆိုင်များတွင် ရောင်းချသော Sprite အမှတ်တံဆိပ်အချိုရည်အမျိုးမျိုးအား  ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။

          ထိုသို့ကွင်းဆင်းခဲ့ရာတွင် မြို့နယ်တာဝန်ခံ ဦးကျော်နိုင်ဝင်းက စားသုံးသူမိဘပြည်သူများ ဘေးအန္တရာယ်ကင်းရှင်းစွာအသုံးပြုနိုင်စေရန်၊  ထုတ်ကုန်များ လုံခြုံစိတ်ချရမှုရှိစေရန်၊  Sprite အချို ရည်ဘူးပေါ်တွင် ကုန်စည်၏အမျိုးအမည်၊ အသားတင်ပမာဏ၊ ထားသိုသိမ်းဆည်းမှုအညွှန်းများအား မြန်မာဘာသာဖြင့်ဖော်ပြရန်နှင့်  ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/ မရှိတို့ကိုစစ်ဆေးခဲ့ပြီး၊ CCPBM အမှတ်တံဆိပ်နှင့် ပုံစံတူအစိမ်းရောင် ပလပ်စတစ်ဘူးများဖြင့် ထုတ်ပိုးထားသည့် Sprite အချိုရည်ဘူးများ ရောင်းချမှုမရှိကြောင်း၊ ဈေးကွက်အတွင်း‌ရောင်းချလျက်ရှိသော အချိုရည်အမျိုးမျိုးတွင် ကုန်အညွှန်းအမှတ်အသား ပြည့်စုံစွာဖော်ပြထားပြီး၊ FDA ထောက်ခံချက်ရရှိထားသော ကုန်စည်များကိုသာ ရောင်းချလျက်ရှိကြောင်းတွေ့ရှိရပြီး  ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

(DOCA ဧရာဝတီ)