မြိတ်ခရိုင်အတွင်း Consumer Packaging ဆန်များအား စျေးနှုန်းမြှင့်တင်ရောင်းချမှု မရှိစေရေးအတွက်စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများသည် ခရိုင် ကုန်စျေးနှုန်းတည်ငြိမ်ရေး အဖွဲ့ဝင်များဖြစ်ကြသော ဗဟိုစာရင်းအင်းအဖွဲ့၊ မြို့နယ်စည်ပင်သာယာရေးအဖွဲ့၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ စီမံကိန်းရေးဆွဲရေးဦးစီးဌာနတို့သည် ၂၀၂၆ ခုနှစ်၊ သြဂုတ်လ ၂၅ ရက်နေ့၊ နံနက် (၁၀း၀၀) နာရီအချိန်တွင် ထားဝယ်စုရပ်ရှိ ဆန်ဆိုင်နှင့် ကမ်းနားလမ်းမကြီးရှိ Market Garden Shopping Center တို့တွင်ရောင်းချလက်ရှိသော Consumer Packaging ဆန်များနှင့် ဆန်စျေးနှုန်းအခြေအနေများမြှင့်တင်ရောင်းချမှုများ ရှိ/ မရှိ စစ်ဆေးခြင်းအား ဆောင်ရွက်ခဲ့ကြောင်း သိရပါသည်။
အဆိုပါ စိစစ်ကြပ်မတ်စစ်ဆေးဆောင်ရွက်ရာတွင် မြိတ်မြို့အတွင်းရောင်းချနေသော ဆန်ဈေးနှုန်းများအား သတ်မှတ်ထုတ်ပြန်ထားသည့် ရည်ညွှန်းဈေးနှုန်းများအတိုင်း ရောင်းချနေခြင်း ရှိ/ မရှိ၊ အလေးချိန်နှင့် အချိန်အတွယ်မှန်ကန်မှုရှိစေရေးနှင့် ဈေးကွက်/ဈေးနှုန်းတည်ငြိမ်စေရန်အတွက် ဈေးကစားရန် ရည်ရွယ်ချက်ဖြင့် သိုလှောင်ထားရှိခြင်း၊ ဈေးနှုန်းမြှင့်တင်ရောင်းချခြင်းများ ရှိ/ မရှိ စသည်တို့အား စစ်ဆေးဆောင်ရွက်ခဲ့ရာ သတ်မှတ်ထုတ်ပြန်ထားသည့် လမ်းညွှန်ချက်များနှင့် အညီ ရောင်းချလျှက်ရှိကြောင်း စစ်ဆေးတွေ့ရှိခဲ့ကြောင်း သိရှိရပါသည်။
DOCA(တနင်္သာရီ)