ပြည်ပကုန်သွယ်မှုသတင်းများ

             နိုင်ငံ၏ သတင်းအချက်အလက်နှင့်နည်းပညာ(IT) ကဏ္ဍတွင် အားကောင်းလာသည့် စွမ်းဆောင်ရည်ကြောင့် ပါကစ္စတန်၏ ပို့ကုန်သည် ၂၀၂၄-၂၅ ဘဏ္ဍာရေးနှစ် အပိတ်ကာလတွင် ၇ ရာခိုင်နှုန်း မြင့်တက်ခဲ့ပြီး အမေရိကန်ဒေါ်လာ ၂၆.၉ ဘီလီယံသို့‌ ရောက်ရှိခဲ့ကြောင်း Pakistan Economic Survey 2024-25 ၏ ဇွန်လ ၉ ရက်နေ့အချက်အလက်များအရသိရသည်။ ဘဏ္ဍာရေး ဝန်ကြီး Muhammad Aurangzeb မှ ထုတ်ဖော်ပြသခဲ့သည့် စစ်တမ်းသည် IT နှင့် IT-enabled Services(ITes) ကဏ္ဍ၏ သိသာထင်ရှားသော ပံ့ပိုးကူညီမှုကို အလေးပေးဖော်ပြခဲ့ပြီး ဇူလိုင်လမှ မတ်လအတွင်း ပို့ကုန်တင်ပို့မှု ၂၃.၇ ရာခိုင်နှုန်းတိုးလာကာ ပမာဏ ဒေါ်လာ ၂.၈၂၅ ဘီလီယံ အထိရှိခဲ့သည်။ Aurangzeb သည် ပို့ကုန်တိုးတက်မှုကို မောင်းနှင်းရာတွင် ဒစ်ဂျစ်တယ်စီးပွားရေး၏ ကြီးထွားလာနေသော အခန်းကဏ္ဍကို ‌ရောင်ပြန်ဟပ်ကာ အလွတ်တမ်းစီးပွားရေးကဏ္ဍများမှလည်း ဒေါ်လာသန်း ၄၀၀ ဝန်းကျင်ရရှိခဲ့ကြောင်းမှတ်ချက်ပြုခဲ့သည်။ IT နှင့် ITes ကဏ္ဍသည် ကုန်သွယ်မှုပိုငွေ ဒေါ်လာ ၂.၄ ဘီလီယံကို ဖန်တီးပေးနိုင်ခဲ့ပြီး ဝန်‌ဆောင်မှုလုပ်ငန်းများအားလုံး တွင်အမြင့်ဆုံးဖြစ်ပြီး ပိုမိုကျယ်ပြန့်သော စီးပွားရေးပြုပြင်ပြောင်းလဲမှုများကြားတွင် ပြင်ပကဏ္ဍကို အချိန်နှင့် တပြေးညီမြှင့်တင်ပေးလျက်ရှိသည်။ ပါကစ္စတန်၏ သွင်းကုန်များသည် အဓိကအား ဖြင့် စက်ယန္တရားများတင်သွင်းမှု ၁၆.၅ ရာခိုင်နှုန်းနှင့် သယ်ယူပို့ဆောင်ရေးကိရိယာများ ၂၆ ရာခိုင်နှုန်း မြင့်တက်လာခြင်းတို့ကြောင့် ၂၀၂၄-၂၅ ဘဏ္ဍာနှစ်တွင် ၁၁.၇ ရာခိုင်နှုန်းသို့ ဒေါ်လာ ၄၈.၃ ဘီလီယံမြင့်တက်ခဲ့ကြောင်းသိရသည်။ စီးပွားရေးအတွက်ဝန်ဆောင်မှုကဏ္ဍ၏ ပံ့ပိုးကူညီမှုကို မြင့်တင်ရန်ကြိုးပမ်းမှုတစ်စိတ်တစ်ပိုင်းအနေဖြင့် အစိုးရသည် ယခုနှစ်နှောင်းပိုင်းတွင် ဒစ်ဂျစ်တယ်ပို့ကုန် မဟာဗျူဟာအသစ်ကို ထုတ်ဖော်ပြသနိုင်ရန်လည်း မျှော်လင့်ထားကြောင်း သိရှိရပါသည်။

Source: Xinhua

DOCA (ရန်ကုန်)                                                                                

             အာဆီယံအဖွဲ့ဝင်နိုင်ငံများနှင့် ကမ္ဘောဒီးယားနိုင်ငံ၏ ကုန်သွယ်မှုပမာဏသည် ၂၀၂၅ ခုနှစ် ပထမလေးလပတ်တွင် ကန်ဒေါ်လာ ၅.၉ ဘီလီယံရှိခဲ့ပြီး ယမန်နှစ်အလားတူကာလထက် ကန်ဒေါ်လာ ၅.၆၄ ဘီလီယံမှ ၄.၆ ရာခိုင်နှုန်း တိုးလာကြောင်း ဇွန်လ ၉ ရက်နေ့တွင် တရားဝင် ထုတ်ပြန်ခဲ့သည်။ ကမ္ဘောဒီးယားနိုင်ငံသည် ယခုနှစ် ဇန်နဝါရီမှ ဧပြီလအတွင်း အခြားအာဆီယံ နိုင်ငံများသို့ ကုန်ပစ္စည်းစုစုပေါင်း ဒေါ်လာ ၂.၃၅ ဘီလီယံဖိုး တင်ပို့ခဲ့ပြီး ယမန်နှစ် အလားတူ ကာလထက် ကန်ဒေါ်လာ ၂.၁၉ ဘီလီယံမှ ၇.၃ ရာခိုင်နှုန်း တိုးလာကြောင်း အကောက်ခွန်နှင့် ယစ်မျိုးဦးစီးဌာန၏ အစီရင်ခံစာတွင် ဖော်ပြထားသည်။ တစ်ချိန်တည်းတွင် အာဆီယံနိုင်ငံများ၏ စုစုပေါင်းသွင်းကုန်ပမာဏမှာ ဒေါ်လာ ၃.၅၅ ဘီလီယံရှိပြီး ဒေါ်လာ ၃.၄၅ ဘီလီယံမှ ၂.၉ ရာခိုင်နှုန်း တိုးလာကြောင်း သိရသည်။ အာဆီယံနှင့် ကမ္ဘောဒီးယားနိုင်ငံ၏ ကုန်သွယ်မှုပမာဏ သည် ၂၀၂၅ ခုနှစ် ပထမလေးလပတ်အတွင်း နိုင်ငံ၏ စုစုပေါင်းကုန်သွယ်မှုပမာဏ၏ ၂၉.၉ ရာခိုင်နှုန်းရှိကြောင်း အစီရင်ခံစာက ဆိုသည်။ အာဆီယံတွင် ကမ္ဘောဒီးယား၏ ထိပ်တန်း ကုန်သွယ်ဖက်ငါးနိုင်ငံမှာ ဗီယက်နမ်၊ ထိုင်း၊ အင်ဒိုနီးရှား၊ စင်ကာပူနှင့် မလေးရှားတို့ဖြစ်ကြောင်း အစီရင်ခံစာတွင် ဖော်ပြထားသည်။ ကမ္ဘောဒီးယားနိုင်ငံ အာဆီယံနိုင်ငံသို့ တင်ပို့သည့် အဓိက ကုန်ပစ္စည်းများမှာ အထည်ချုပ်၊ ဖိနပ်၊ ခရီးသွားကုန်ပစ္စည်းများ၊ ဆိုလာပြားများ၊ လျှပ်စစ်ပစ္စည်း များ၊ မော်တော်ယာဉ်နှင့် စက်ဘီးများအတွက်အပိုပစ္စည်းများ၊ ဆန်နှင့် သီဟိုဠ်စေ့ စသည့် လယ်ယာထွက်ကုန်များ ပါဝင်သည်။ အာဆီယံ (အရှေ့တောင်အာရှနိုင်ငံများအသင်း) တွင် ဘရူနိုင်း၊ ကမ္ဘောဒီးယား၊ အင်ဒိုနီးရှား၊ လာအို၊ မလေးရှား၊ မြန်မာ၊ ဖိလစ်ပိုင်၊ စင်ကာပူ၊ ထိုင်းနှင့် ဗီယက်နမ်တို့ ပါဝင်သည်။ ကမ္ဘောဒီးယားဝန်ကြီးချုပ် ဟွန်မာနက်က မကြာသေးမီက ကျင်းပခဲ့ သော ကမ္ဘောဒီးယား-အာဆီယံ စီးပွားရေး ထိပ်သီးအစည်းအဝေးတွင် အာဆီယံသည် တည်ငြိမ်မှုနှင့် သာယာဝပြောမှု၏ မီးရှူးတန်ဆောင်အဖြစ် ရပ်တည်ခဲ့ပြီး ကမ္ဘာ့ပဉ္စမမြောက် အကြီးဆုံး စီးပွားရေးနိုင်ငံအဖြစ် ၎င်း၏ အဆင့်အတန်းကို မီးမောင်းထိုးပြပြီး ကြီးမားသော အလားအလာရှိကြောင်း ပြောကြားခဲ့သည်။ ဒေသတွင်း ဘက်စုံစီးပွားရေး ပူးပေါင်းဆောင်ရွက်မှု (RCEP) သဘောတူညီချက်သည် ဒေသတွင်း ပေါင်းစည်းမှုကို နက်နက်ရှိုင်းရှိုင်း တိုးမြှင့်ရန်နှင့် နှစ်ဦးနှစ်ဖက် အကျိုးရှိသော စီးပွားရေးနှင့် ကုန်သွယ်မှုဆက်ဆံရေးကို မြှင့်တင်ရန် အာဆီယံ၏ မယိမ်းမယိုင်သော ကတိကဝတ်ကို ပိုမိုခိုင်မာစေကြောင်း ၎င်းက ပြောကြားခဲ့ကြောင်း သိရှိရပါသည်။

Source: Xinhua

DOCA (ရန်ကုန်)                                                                                

          ၂၀၂၅ ခုနှစ်၏ ပထမ ၅ လတွင် ကမ္ဘောဒီးယား၏ နိုင်ငံတကာကုန်သွယ်မှုတန်ဖိုးမှာ အမေ ရိကန်ဒေါ်လာ ၂၅.၂၉ ဘီလီယံထိရောက်ရှိခဲ့‌ပြီး ၂၀၂၄ ခုနှစ် တူညီသည့်ကာလနှင့်နှိုင်းယှဉ်ပါက ၁၈.၅ ရာခိုင်နှုန်းမြင့်တက်ခဲ့ကြောင်း အကောက်ခွန်နှင့် အခွန်အထွေထွေ ဦးစီးဌာန(GDCE)၏ ဇွန်လ ၁၀ ရက်နေ့ကထုတ်ပြန်ချက်အရ သိရပါသည်။ ထိုကာလအတွင်း ကမ္ဘောဒီးယားသည် အမေရိကန်ဒေါ်လာ ၁၁.၈ ဘီလီယံတန်ဖိုးတင်ပို့ခဲ့ပြီး ၁၇.၂ ရာခိုင်နှုန်းမြင့်တက်ခဲ့ကြောင်း သိရပါ သည်။ တစ်ချိန်တည်းမှာပင် အမေရိကန်ဒေါ်လာ ၁၃.၄၈ ဘီလီယံတန်ဖိုးတင်သွင်းခဲ့ကာ ၁၉.၇ ရာခိုင်နှုန်းမြင့်တက်ခဲ့ကြောင်း သိရပါသည်။ အမေရိကန်နှင့် ဗီယက်နမ်တို့သည် တန်ဖိုး အမေရိကန်ဒေါ်လာ ၄.၃၅ ဘီလီယံနှင့် အမေရိကန်ဒေါ်လာ ၂.၀၄ ဘီလီယံအသီးသီးဖြင့် ကမ္ဘောဒီးယား၏ အကြီးမားဆုံးတင်ပို့ရာဈေးကွက် ၂ ခုဖြစ်ကြောင်း သိရပါသည်။ တရုတ်မှာ အမေရိကန်ဒေါ်လာ ၇ ဘီလီယံဖြင့် အကြီးမားဆုံတင်သွင်းသည့်နိုင်ငံဖြစ်ကြောင်း သိရပါသည်။ ကမ္ဘောဒီးယားကုန်သည်များအသင်း၏ ဒုတိယဥက္ကဌ ဖြစ်သူ Lim Heng က နိုင်ငံရေး တည်ငြိမ်မှု နှင့် စီးပွားရေးကြီးထွားမှုတို့သည် ပြည်ပနှင့် ပြည်တွင်းရင်းနှီးမြှုပ်နှံမှုမြင့်တက်လာရခြင်း၏ အဓိကမောင်းနှင်အားများဖြစ်ကြောင်းနှင့် နိုင်ငံ၏ကုန်ထုတ်လုပ်မှုနှင့် ပြုပြင်ထုတ်လုပ်တင်ပို့မှု မြင့်တက်လာခြင်းတွင် ပူးပေါင်းပါဝင်နိုင်ခဲ့ကြောင်းပြောကြားခဲ့ပါသည်။ Heng ကရင်းနှီးမြှုပ်နှံမှု စီမံကိန်းအသစ်များဝင်ရောက်လာခြင်းနှင့်အတူ CDC သည်စံချိန်တင်ရင်းနှီးမြှုပ်နှံမှုများရရှိခဲ့ ကြောင်းနှင့် ၂၀၂၅ ခုနှစ်တွင်လည်း ကုန်ထုတ်လုပ်မှု၊ ပြုပြင်ထုတ်လုပ်မှုနှင့် တင်ပို့ရန်အတွက် ကုန်ကြမ်းပစ္စည်းများ တင်သွင်းမှုမြင့်တက်ရန်မျှော်မှန်းရကြောင်း ပြောကြားခဲ့ပါသည်။ အဝတ် အထည်၊ ဖိနပ်နှင့် အီလက်ထရောနစ်အစရှိသည့် အဓိကကဏ္ဍများသည် ဈေးကွက်အတွင်းသို့ လုပ်ငန်းသစ်များဝင်ရောက်လာခြင်းနှင့် တည်ရှိပြီးစက်ရုံများ၏ ထုတ်လုပ်နိုင်စွမ်း တိုးချဲ့ခြင်းနှင့် အတူ  ကမ္ဘောဒီးယား၏ ကုန်ထုတ်လုပ်မှုကျောရိုးအဖြစ်ဆက်လက်တည်ရှိနေကြောင်း သိရပါ သည်။ Heng ကရင်းနှီးမြှုပ်နှံသူယုံကြည်ချက်မြင့်တက်လာခြင်းနှင့် နိုင်ငံရေးဝန်းကျင်တည်ငြိမ်မှု တို့နှင့်အတူ ကမ္ဘောဒီးယားသည် ဒေသတွင်း ထွန်းသစ်စကုန်ထုတ်လုပ်ရာအချက်အချာအဖြစ် ၎င်းတို့၏ ဂုဏ်သတင်းကို ဆက်လက်အားကောင်းစေနိုင်သည့် ကောင်းမွန်သည့်နေရာတွင် ရပ်တည်နေကြောင်း ပြောကြားခဲ့ကြောင်း သိရှိရပါသည်။

Khmer Times 

DOCA (ရန်ကုန်)                                                                           

            ကမ္ဘောဒီးယားသည်ဂျပန်သို့တတိယမြောက်အကြီးမားဆုံးအဝတ်အစားတင်ပို့သူဖြစ်လာ ပြီး ၂၀၂၂ ခုနှစ်တွင် ပဥ္စမနေရာမှ မြင့်တက်လာခဲ့ကြောင်းKhmer Times သတင်းဌာန၏ ဇွန်လ ၁၀ ရက်နေ့ကတင်ပြချက်အရ သိရပါသည်။ ၂၀၂၅ ခုနှစ်၏ ပထမ ၃ လပတ်ကာလတွင် ဂျပန်သည် အမေရိကန်ဒေါ်လာ ၄၃၃.၆၃ သန်းတန်ဖိုးရှိသော အဝတ်အစားများကို ကမ္ဘောဒီးယားထံမှတင်သွင်းခဲ့ပြီး ၂၀၂၄ ခုနှစ် တူညီသည့်ကာလထက် ၂၄.၀၆ ရာခိုင်နှုန်း မြင့်တက်ခဲ့ကြောင်း သိရပါသည်။နှစ်နိုင်ငံသည် Cambodia-Japan Economic Co-Creation Package အသစ်မှတစ်ဆင့် ချိတ်ဆက်မှုနက်ရှိုင်း လျှက်ရှိကြောင်း သိရပါသည်။ ဂျပန်သည် လတ်တလောတွင် ကမ္ဘောဒီးယား၏ ပဉ္စမမြောက် အကြီးမားဆုံးကုန်သွယ်‌ရေးမိတ်ဖက်ဖြစ်ပြီး ၂၀၂၅ ခုနှစ်၏ ပထမ ၃ လတာကာလတွင် အပြန်အလှန်ကုန်သွယ်မှုတန်ဖိုးမှာ အမေရိကန် ဒေါ်လာ ၆၅၆ သန်းရှိပြီး ၂၀၂၄ ခုနှစ် တူညီသည့်ကာလနှင့်နှိုင်းယှဉ်ပါက ၂၉.၅ ရာခိုင်နှုန်း မြင့်တက်ခဲ့ကြောင်း သိရပါသည်။ ထို ၃ လတာကာလတွင် ကမ္ဘောဒီးယားမှဂျပန်သို့တင်ပို့မှုမှာ အမေရိကန်ဒေါ်လာ ၄၃၀.၆၁ သန်းတန်ဖိုးရှိပြီး ပြန်လည်တင်သွင်းမှုမှာ အမေရိကန်ဒေါ်လာ ၂၂၅.၈၃ သန်းတန်ဖိုးရှိခဲ့ကာ ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၁၇.၉ ရာခိုင်နှုန်းနှင့် ၅၉.၂ ရာခိုင်နှုန်း အသီးသီးမြင့်တက်ခဲ့ကြောင်း သိရပါသည်။ ကမ္ဘောဒီးယား၏ ဂျပန်သို့အဓိက ပို့ကုန်များတွင် အဝတ်အထည်များ၊ အိတ်များ၊ ဖိနပ်၊ ပရိဘောဂ၊ အလှကုန်ပစ္စည်းများ၊ စာရွက်နှင့် ရုံးသုံးပစ္စည်းများနှင့် သားရေကုန်ပစ္စည်းများပါဝင်ကြောင်း သိရပါသည်။ အခြားတစ်ဖက်တွင် ကမ္ဘောဒီးယားသည် စက်ပစ္စည်းများ၊ ကားများ၊ အီလက်ထရောနစ်ပစ္စည်းများ၊ ပရိဘောဂ၊  ပလတ်စတစ်နှင့် ချည်ထည်တို့ကို ဂျပန်မှပြန်လည်တင်သွင်းကြောင်း သိရပါသည်။

Khmer Times

DOCA (ရန်ကုန်)                                                                            

              ၂၀၂၅ ခုနှစ်၏ ပထမ ၄ လတွင် ဥရောပသမဂ္ဂ(EU)သို့ ကမ္ဘောဒီးယား၏တင်ပို့မှုမှာ အမေရိကန် ဒေါ်လာ ၁.၄၄၉ ဘီလီယံတန်ဖိုးတင်ပို့ခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ် ပါက ၂၃ ရာခိုင်နှုန်းမြင့်တက်လာကြောင်း သိရပါသည်။ ကမ္ဘောဒီးယားနိုင်ငံစီးပွားကူးသန်း ဝန်ကြီးဌာန၏ ဇွန်လ ၁၀ ရက်နေ့ကထုတ်ပြန်ချက်အရ ထို ၄ လတာကာလအတွင်း ကမ္ဘောဒီးယား၏ EU ထံမှတင်သွင်းမှုမှာ အမေရိကန်ဒေါ်လာ ၂၅၃ သန်းတန်ဖိုးရှိပြီး ၈.၈ ရာခိုင်နှုန်းကျဆင်းခဲ့ကြောင်းသိရပါသည်။ အပြန်အလှန်ကုန်သွယ်မှုတန်ဖိုးမှာ အမေရိကန် ဒေါ်လာ ၁.၇၀၃ ဘီလီယံ တန်ဖိုးရှိပြီး ၁၇ ရာခိုင်နှုန်းမြင့်တက်ခဲ့ကြောင်း သိရပါသည်။ စပိန်နှင့် ဂျာမနီသည် EU တွင် ကမ္ဘောဒီးယား၏အကြီးမားဆုံးကုန်သွယ်ရေးမိတ်ဖက်ဖြစ်ပြီး အပြန်အလှန် ကုန်သွယ်မှုတန်ဖိုးမှာ အမေရိကန်ဒေါ်လာ ၃၃၈ သန်းနှင့် အမေရိကန်ဒေါ်လာ ၃၃၇ သန်းတန်ဖိုး အသီးသီးရှိကြောင်း အစီရင်ခံစာအရသိရပါသည်။ EU ရှိအခြားဦးတည်ရာမိတ်ဖက်များမှာ ပြင်သစ်၊ ဘယ်ဂျီယမ်နှင့် နယ်သာလန်တို့ဖြစ်ကြောင်း သိရပါသည်။ ထို ၄ လတာကာလအတွင်း ကမ္ဘောဒီးယား၏ နိုင်ငံတကာကုန်သွယ်မှုတန်ဖိုးစုစုပေါင်းမှာ အမေရိကန်ဒေါ်လာ ၁၉.၇၂ ဘီလီယံတန်ဖိုးရှိသည့်အတွက် နိုင်ငံ၏ EU နှင့်ကုန်သွယ်မှုတန်ဖိုးမှာ စုစုပေါင်းကုန်သွယ်မှုတန်ဖိုး ၏ ၈.၆ ရာခိုင်နှုန်းရှိကြောင်း သိရပါသည်။ စီးပွားကူးသန်းဝန်ကြီးဌာန၏ နိုင်ငံတော်အတွင်း ရေးမှူး  Penn Sovicheat က တင်ပို့မှုတွင် ထိုသို့စဉ်ဆက်မပြတ်တိုးချဲ့နိုင်မှုသည် ဥရောပ ဈေးကွက်တွင် ကမ္ဘောဒီးယားထုတ်ကုန်များ၏ ယှဉ်ပြိုင်နိုင်စွမ်းကြီးထွားလာမှုကို ညွှန်ပြနေ ကြောင်း ပြောကြားခဲ့ပါသည်။ EU သို့ ကမ္ဘောဒီးယား၏အဓိကပို့ကုန်များတွင် အဝတ်အထည်၊ ဖိနပ်၊ စက်ဘီးများ၊ စားသောက်ကုန်များ၊ ဆန်နှင့် အခြားစိုက်ပျိုးရေးထုတ်ကုန်များပါဝင်ကြောင်း သိရပါသည်။ တစ်ချိန်တည်းမှာပင် နိုင်ငံသည် ထို ၄ လတာကာလအတွင်းအမေရိကန်ဒေါ်လာ ၃၀၉ သန်းတန်ဖိုးရှိသော ထုတ်ကုန်များကို ယူကေသို့တင်ပို့ခဲ့ပြီး ၉.၅ ရာခိုင်နှုန်းမြင့်တက် ခဲ့ကြောင်း သိရပါသည်။

Khmer Times 

DOCA (ရန်ကုန်)