ပြည်ပကုန်သွယ်မှုသတင်းများ

      ဗီယက်နမ်နိုင်ငံမှ ကိုယ်စားလှယ်အဖွဲ့များသည် ၂၀၂၅ ခုနှစ် အောက်တိုဘာလနှင့် နိုဝင်ဘာလတွင် အမေရိကန်သို့ သွားရောက်ရန် စီစဉ်ထားပြီး အပြန်အလှန် ကုန်သွယ်မှု သဘောတူညီချက်ကို အပြီးသတ်နိုင်ရေး ဆက်လက်ဆောင်ရွက်သွားရန် စီစဉ်ထားကြောင်း စက်မှုနှင့် ကုန်သွယ်မှု ဒုဝန်ကြီး Nguyen Sinh Nhat Tan က အောက်တိုဘာ ၈ ရက် သတင်းစာရှင်းလင်းပွဲတွင် ပြောကြားခဲ့ပါသည်။

     ပွင့်လင်းမြင်သာမှု၊ အပြုသဘောဆောင်မှု၊ တန်းတူညီမျှမှု၊ တစ်ဦးနှင့်တစ်ဦး လွတ်လပ် ရေးကို လေးစားမှု၊ မိမိကိုယ်ကိုအားကိုးမှုနှင့် နိုင်ငံရေးစနစ်များနှင့် မျှဝေခံစားခွင့်များ ပေါ်အခြေခံ၍ အချင်းချင်း ဖွံ့ဖြိုးတိုးတက်မှု အဆင့်များကို ထည့်သွင်းစဉ်းစားကာ စေ့စပ်ညှိနှိုင်းမှုများကို ဆောင် ရွက်လျက်ရှိသည်။ ဗီယက်နမ်နှင့် အမေရိကန်တို့ကြား ဘက်စုံမဟာဗျူဟာမြောက် မိတ်ဖက် ဆက်ဆံရေးနှင့်အညီ တည်ငြိမ်ပြီး သဟဇာတရှိသော စီးပွားရေး၊ ကုန်သွယ်မှုနှင့် ရင်းနှီးမြှုပ်နှံမှု ဆက်ဆံရေး ဖွံ့ဖြိုးတိုးတက်ရန် ရည်ရွယ်ထားပါသည်။

     စက်မှုနှင့် ကူးသန်းရောင်းဝယ်ရေး ဝန်ကြီးဌာန (MoIT) မှ စီမံကိန်း၊ ဘဏ္ဍာရေးနှင့် လုပ်ငန်းစီမံခန့်ခွဲမှုဌာန ညွှန်ကြားရေးမှူး Bui Huy Son က ယခုနှစ် နောက်ဆုံးလတွင် စက်မှုနှင့် ကုန်သွယ်မှုကဏ္ဍသည် ချမှတ်ထားသော ရည်မှန်းချက်များ ပြည့်မီပြီး တိုးတက်မှုအသစ်များ ရရှိရန် ဆုံးဖြတ်ထားကြောင်း ပြောကြားခဲ့သည်။ ဝန်ကြီးဌာနသည် ပေါ်လစ်ဗျူရိုမှ ၂၀၂၅ ခုနှစ် ဇန်နဝါရီလ ၂၄ ရက်နေ့တွင် ထုတ်ပြန်ခဲ့သော ဆုံးဖြတ်ချက် ၅၉-NQ/TW ကို အကောင်အထည်ဖော်ရန် တွန်းအားပေးဆောင်ရွက်သွားမည်ဖြစ်ပါသည်။

     တဆက်တည်းတွင်၊ MoIT သည် အမေရိကန်အကောက်ခွန်မူဝါဒဆိုင်ရာ တိုးတက်မှုများကို အနီးကပ်စောင့်ကြည့်နေပြီး ပေါ်ပေါက်လာသောပြဿနာများကို ရှင်းလင်းဖြေရှင်းရန် နှစ်ဖက်စလုံး မှ သက်ဆိုင်ရာအာဏာပိုင်များနှင့် တက်ကြွစွာလုပ်ဆောင်နေပြီး ဗီယက်နမ်ပို့ကုန်များအပေါ် သက်ရောက်သည့်ဆိုးရွားသောကုန်သွယ်မှုအစီအမံများကို လျှော့ချရန်၊ ၂၀၂၅ ခုနှစ် စတုတ္ထသုံး လပတ်တွင် တောင်ပိုင်းဘုံဈေးကွက် (Mercosur) နှင့် ပင်လယ်ကွေ့ ပူးပေါင်းဆောင်ရွက်ရေး ကောင်စီ (GCC) တို့နှင့် လွတ်လပ်သောကုန်သွယ်မှုသဘောတူညီချက် (FTA) ညှိနှိုင်းမှုကို ဦးစားပေး လုပ်ဆောင်လျက်ရှိသည်။ ပါကစ္စတန်နှင့် ဆွေးနွေးမှုများသည် ယခုနှစ်ကုန်တွင် ဥရောပလွတ်လပ်သောကုန်သွယ်မှုအသင်း (EFTA) နှင့် FTA စေ့စပ်ညှိနှိုင်းမှုများ ပြီးဆုံးသွားချိန်တွင် မကြာမီစတင် တော့မည်ဖြစ်ကြောင်း Son က ပြောကြားခဲ့သည်။

    FDI ကဏ္ဍအပေါ် မှီခိုအားထားမှုကို လျှော့ချရန်အတွက် ပြည်တွင်းစီးပွားရေး လုပ်ငန်းများအကြား ကန့်သတ်ချက်များကို ကိုင်တွယ်ဖြေရှင်းရန် MoIT မှ လုပ်ဆောင်နေကြောင်း ၎င်းက ဆက်လက်ပြောသည်။ စက်မှုအသင်းအဖွဲ့များနှင့် ဒေသဆိုင်ရာ အာဏာပိုင်များနှင့် ပုံမှန် ဆွေးနွေး ညှိနှိုင်းမှုများ ပြုလုပ်ခြင်းဖြင့် စီးပွားရေးလုပ်ငန်းများနှင့် နီးကပ်စွာ ဆက်လက်ဆောင်ရွက် သွားမည်ဖြစ်ရာ အစိုးရထံသို့ အချိန်နှင့်တစ်ပြေးညီ မူဝါဒဆိုင်ရာ အကြံဉာဏ်များ ပေးစွမ်းနိုင် မည်ဖြစ်သည်။

    ထို့အပြင်၊ ဗီယက်နမ်ကုမ္ပဏီများသည် အထူးသဖြင့် အမေရိကန်ဈေးကွက်တွင် မိရိုးဖလာ မိတ်ဖက်များနှင့် ခိုင်မာသောဆက်ဆံရေးကို ထိန်းသိမ်းထားစဉ် ဗီယက်နမ်ကုမ္ပဏီများအား ဖောက်သည်အသစ်များထံရောက်ရှိစေရန် ကုန်သွယ်မှုမြှင့်တင်ရေး၊ ထောက်ပံ့ရေးဝယ်လိုအား ချိတ်ဆက်မှုနှင့် ထုတ်ကုန်စျေးကွက်ရှာဖွေရေးတို့တွင် ကြိုးပမ်းအားထုတ်မှုများသည် ပိုမိုပြင်းထန်လာမည်ဖြစ်သည်။

     MoIT သည် စစ်ဆေးခြင်း၊ လိုင်စင်ပေးခြင်း နှင့် ချိုးဖောက်မှုဖြေရှင်းခြင်းများမှတဆင့် ဇာစ်မြစ်ဆိုင်ရာ စည်းမျဉ်းများကို လိုက်နာကျင့်သုံးရန် ကတိကဝတ်ကို ထပ်မံအတည်ပြုပြီး တစ်ချိန်တည်းတွင် ကုန်သွယ်မှုဆိုင်ရာ ကုစားရှောင်တိမ်းမှုနှင့် ဇာစ်မြစ်လိမ်လည်မှုကို တိုက်ဖျက်ရန် ကြီးကြပ်မှုကို အားကောင်းစေမှာဖြစ်ပါသည်။

Source: Vietnam Plus                                             

DOCA(ပြည်ထောင်စုနယ်မြေ)

      စင်္ကာပူနိုင်ငံ၏ United Oversea Bank (UOB) သည် ဗီယက်နမ်၏ ပြည်တွင်းအသားတင် ထုတ်ကုန်(GDP) တိုးတက်မှုခန့်မှန်းချက်ကို ယခင် ၆.၉ ရာခိုင်နှုန်းမှ ၇.၅ ရာခိုင်နှုန်းအထိ တိုးမြင့်ခဲ့ ကြောင်း ဗီယက်နမ်သတင်းအေဂျင်စီက စက်တင်ဘာလ ၁၈ ရက်နေ့က ဖော်ပြခဲ့ပါသည်။

   ဤတိုးမြင့်ခန့်မှန်းချက်သည် အကောက်ခွန်ဆိုင်ရာများနှင့် မသေချာမှုများကြားမှ ဗီယက်နမ်၏ စီးပွားရေးတည်ငြိမ်မှုနှင့် တိုးတက်မှုကို ထင်ဟပ်စေကြောင်း ဘဏ်ကပြောကြား ခဲ့ပါသည်။

   အခွန်အခများ ဆက်လက်ရှိနေသော်လည်း UOB ဘဏ်ကဗီယက်နမ်၏ ပို့ကုန်များသည် ၂၀၂၄ ခုနှစ်တွင် ၁၄ ရာခိုင်နှုန်းတိုးတက်ခဲ့သည်နှင့်နှိုင်းယှဉ်ပါက ၁၀ ရာခိုင်နှုန်းခန့်တိုးတက် မည်ဟု ခန့်မှန်းရပါသည်။

    UOB ဘဏ်သည် ၂၀၂၆ ခုနှစ်အတွက် ဗီယက်နမ်၏ GDP တိုးတက်မှုခန့်မှန်းချက်ကို ၇ ရာခိုင် နှုန်းတွင်ဆက်လက်ထိန်းထားကြောင်းသိရှိရပါသည်။

Source : Xinhua

DOCA (ရန်ကုန်)

       သြစတြေးလျနိုင်ငံ၏ အလုပ်လက်မဲ့နှုန်းသည် အချိန်ပြည့်အလုပ်အကိုင်များ လျော့ကျ သွား သော်လည်းသြဂုတ်လတွင် ၄.၂ ရာခိုင်နှုန်း ၌တည်ငြိမ်လျက်ရှိပါသည်။ သြစတြေးလျ စာရင်းအင်းဌာန (ABS) က ထုတ်ပြန်သော တရားဝင်ကိန်းဂဏန်းများအရ ဇူလိုင်လနှင့် သြဂုတ်လတွင် အလုပ်လက်မဲ့ နှုန်း ၄.၂ ရာခိုင်နှုန်း ရှိကြောင်း ဖော်ပြခဲ့ပါသည်။

    အလုပ်လုပ်ကိုင်နေသော သြစတြေးလျနိုင်ငံသားစုစုပေါင်းသည် ဇူလိုင်လနှင့် သြဂုတ်လကြားတွင် ၅၄၀၀ ဦးလျော့ကျခဲ့သော်လည်းပြီးခဲ့သော ၁၂ လအတွင်း ၂၁၇၂၀၀ ဦးတိုးလာခဲ့ကြောင်း  ABS ၏ ထုတ်ပြန်ချက်အရ သိရှိရပါသည်။

    ဇွန်လနှင့် ဇူလိုင်လကြားတွင် အချိန်ပြည့်အလုပ်လုပ်ကိုင်သူ သြစတြေးလျနိုင်ငံသား ၆၀၅၀၀ တိုးလာပြီး နောက်တွင် ဇူလိုင်လနှင့်သြဂုတ်လကြားတွင် ၄၀၉၀၀ ဦးလျော့ကျခဲ့ပါသည်။ ထိုသို့လျော့ နည်းခဲ့သော်လည်း အချိန်ပိုင်းအလုပ်လုပ်ကိုင်သူ ၃၅၅၀၀ ဦးတိုးလာခြင်းဖြင့် မျှတသွားစေကြောင်း အစီအရင်ခံစာအရ သိရှိရပါသည်။

     စက်တင်ဘာလ ၁၈ ရက်နေ့ထုတ်ပြန်သော အချက်အလက်များအရ လုပ်သားအင်အား ပါဝင် မှုနှုန်းနှင့် အလုပ်အကိုင်နှင့်လူဦးရေအချိုးတို့သည် ဇူလိုင်လနှင့်သြဂုတ်လကြားတွင် ၀.၁ ရာခိုင်နှုန်း တခုစီကျဆင်းခဲ့ပြီး ၆၆.၈ ရာခိုင်နှုန်းနှင့် ၆၄.၀ ရာခိုင်နှုန်း အသီးသီးရောက်ရှိခဲ့ပါသည်။

     အချိန်ပြည့် အလုပ်အကိုင်ခန့်ထားမှု ကျဆင်းခဲ့ခြင်းကြောင့် သြစတြေးလျနိုင်ငံသားများ အလုပ်လုပ်ရသည့် နာရီစုစုပေါင်းမှာ ဇူလိုင်လတွင် သြဂုတ်လထက် ၀.၄ ရာခိုင်နှုန်းလျော့ နည်းသွားကြောင်း သိရှိရပါသည်။

Source : Xinhua

DOCA(ရန်ကုန်)

     ကမ္ဘောဒီးယားနိုင်ငံ၊ ဝန်ကြီးများကောင်စီရုံးတာဝန်ခံ၀န်ကြီး Vongsey Vissoth သည် တရုတ်နိုင်ငံ၊ Guangxi Zhuang ကိုယ်ပိုင်အုပ်ချုပ်ခွင့်ရဒေသ အုပ်ချုပ်ရေးမှူး Wei Tao နှင့် ၁၇-၉-၂၀၂၅ ရက်နွေ့တွင် တွေ့ဆုံခဲ့ပြီး ကမ္ဘောဒီးယားမှ တင်သွင်းကုန်များ အထူးသဖြင့် စိုက်ပျိုးရေး ထွက်ကုန်များကို တိုးမြှင့်ပေးရန် တရုတ်အရာရှိများအား တောင်းဆိုခဲ့သည်။ တရုတ်နိုင်ငံ၊ Guangxi Zhuang ကိုယ်ပိုင်အုပ်ချုပ်ခွင့်ရဒေသ Nanning မြို့တွင် (၂၂)ကြိမ်မြောက် တရုတ်-အာဆီယံ ကုန်စည်ပြပွဲ ဖွင့်ပွဲအခမ်းအနားသို့ Vissoth တက်ရောက်နေစဉ်အတွင်း ယခုကဲ့သို့ တွေ့ဆုံခဲ့ခြင်းဖြစ်သည်။ တွေ့ဆုံစဉ်အတွင်း Vissoth က ၂၀၂၄ ခုနှစ်တွင် ကန်ဒေါ်လာ ၁၅.၁၈၉ ဘီလီယံကျော်ရောက်ရှိခဲ့သော ကမ္ဘောဒီးယားနှင့်တရုတ်ကြား ကုန်သွယ်မှုများ ဆက်လက် ကြီးထွားလာသည်ကို တွေ့မြင်ရသည့်အတွက် ဝမ်းမြောက်မိကြောင်း၊ ၎င်းတွင် Guangxi နှင့် ကမ္ဘောဒီးယားကြား ကုန်သွယ်မှုမှာ အကြမ်းဖျင်းအားဖြင့် ကန်ဒေါ် လာ ၁ ဘီလီယံ ရှိကြောင်း၊ သို့သော်လည်း တရုတ်နိုင်ငံမှ ကမ္ဘောဒီးယားသို့တင်ပို့မှုသည် ကမ္ဘောဒီးယားမှ တရုတ်တင်ပို့မှုနှင့် နှိုင်းယှဉ်ပါက အနည်းငယ်သာရှိသေးကြောင်း ၎င်းက ထောက်ပြခဲ့သည်။ ယင်းနှင့် ပတ်သက်၍ Vongsey Vissoth က ကမ္ဘောဒီးယား လယ်ယာထွက်ကုန်များ တင်သွင်းမှု တိုးမြှင့်ရန်၊ သီဟိုဠ်စေ့နှင့် ပီလောပီနံ စိုက်ပျိုးထုတ်လုပ်ရေး၊ တိရစ္ဆာန်အစာ ထုတ်လုပ်ရေးနှင့် အသား၊ ငါးနှင့် စားသောက်ကုန် လုပ်ငန်းစသည့် အဓိက ကဏ္ဍများတွင် ရင်းနှီးမြှုပ်နှံမှု မြှင့်တင်ရန် တိုက်တွန်းထားသည်။  ထိုသို့သော ရင်းနှီးမြှုပ်နှံမှုများသည် ပြည်တွင်းဝယ်လိုအားကို ဖြည့်ဆည်း ပေးရုံသာမက တရုတ်နိုင်ငံသို့ တင်ပို့မှုကိုလည်း အားကောင်းစေမည်ဖြစ်ကြောင်း Vissoth က အလေးပေးပြောကြားခဲ့သည်။

Source: Khmer Times   

DOCA (ရန်ကုန်)

     မလေးရှားနိုင်ငံ၊ ကွာလာလမ်ပူမြို့တွင် ၁၇-၉-၂၀၂၅ ရက်နေ့တွင်ကျင်းပခဲ့သည့် (၄၆)ကြိမ်မြောက် အာဆီယံပါလီမန်များ စည်းဝေးပွဲတွင် ကမ္ဘောဒီးယားအမျိုးသားလွှတ်တော် ဥက္ကဋ္ဌ Khuon Sudary နှင့် တွေ့ဆုံစဉ် ရုရှားဖက်ဒရေးရှင်း ပြည်ထောင်စုမှ နိုင်ငံတော်ညီလာခံ Duma ၏ လက်ထောက်ဥက္ကဌ Sholban Kara-Ool က ကမ္ဘောဒီးယားနှင့် ရုရှားကြား တိုက်ရိုက် လေကြောင်းလိုင်းများ မြှင့်တင်ရန် ကတိပြုခဲ့သည်။ တွေ့ဆုံစဉ် နှစ်ဖက်ခေါင်းဆောင်များသည် နှစ်နိုင်ငံ လွှတ်တော်ဆက်ဆံရေး ခိုင်မာစေရေး၊ တိုးချဲ့ရေးနှင့် နက်ရှိုင်းစေရေးတို့ကို ဆွေးနွေးခဲ့ကြောင်း အမျိုးသားလွှတ်တော်၏ ထုတ်ပြန်ချက်အရ သိရသည်။ Sudary က ရင်းနှီးမြှုပ်နှံမှု၊ ကုန်သွယ်မှုနှင့် ခရီးသွားလုပ်ငန်းကို အားပေးကူညီရန်နှင့် ရုရှားတွင် ပညာသင်ကြားရန် ကမ္ဘောဒီးယား ကျောင်းသားများအတွက် ပညာသင်ဆုများ ပေးအပ်ရန်၊ လူသားအရင်းအနှီး ဖွံ့ဖြိုးတိုးတက်ရေးကို ပံ့ပိုးပေးသည့် Pentagonal Strategy Phase 1 နှင့်အညီ ကူညီလုပ်ဆောင်ပေးနိုင်ရန် ရုရှားနိုင်ငံအား တိုက်တွန်းခဲ့သည်။ Kara-Ool က နှစ်နိုင်ငံအကြား ခိုင်မာသော ဆက်ဆံရေးကို တန်ဖိုးထားခဲ့ပြီး ဆက်ဆံရေး နှစ် ၇၀ ပြည့် မိတ်ဖက်ဆက်ဆံရေး ပိုမိုနီးကပ်လာစေရန် သမိုင်းမှတ်တိုင်တစ်ခုအဖြစ် ဆောင်ရွက်သင့်ကြောင်း ဆက်လက်ပြောကြားခဲ့သည်။ နိုင်ငံတကာ ဖိုရမ်များတွင် အပြန်အလှန် ပံ့ပိုးကူညီခဲ့ကြသည့် လွှတ်တော်နှစ်ရပ်အား ချီးကျူးဂုဏ်ပြုခဲ့ပြီး ကမ္ဘောဒီးယားနှင့် ရုရှားတို့သည် ရွေးကောက်ပွဲ လုပ်ငန်းစဉ်များအပါအဝင် နယ်ပယ်အသီးသီးမှ အတွေ့အကြုံများထံမှ အပြန်အလှန် သင်ယူခဲ့ကြကြောင်း မှတ်ချက်ပြုခဲ့သည်။ နှစ်နိုင်ငံခေါင်းဆောင်များသည် လွှတ်တော်နှစ်ရပ် အကြား အဆင့်မြင့်ခရီးစဉ်များ၊ ဖလှယ်မှုများနှင့် ဆွေးနွေးညှိနှိုင်းမှုများကို ဆက်လက် ထိန်းသိမ်း ထားရန် ကတိကဝတ်များကို ထပ်မံအတည်ပြုခဲ့သည်။  ယင်းကြိုးပမ်းမှုများသည် အပြန်အလှန် နားလည်မှု၊ ယုံကြည်မှုတည်ဆောက်ကာ ပိုမိုနက်ရှိုင်းထိရောက်သော လွှတ်တော်ပူးပေါင်း ဆောင်ရွက်မှုအတွက် အခြေခံအုတ်မြစ်အဖြစ် ဆောင်ရွက်မည်ဖြစ်ကြောင်း ၎င်းတို့က အလေးပေး ပြောကြားခဲ့သည်။ ခရီးသွားလာရေး ဝန်ကြီးဌာန၏ အဆိုအရ ၂၀၂၅ ခုနှစ် ပထမ (၇) လအတွင်း ကမ္ဘောဒီးယားသို့ ရုရှားခရီးသွား ၄၇,၉၂၉ ဦး လာရောက်ခဲ့ပြီး ယခင်နှစ် အလားတူကာလ ၃၈,၁၅၉ ဦးထက် ၂၅.၆ ရာခိုင်နှုန်း တိုးလာကြောင်း သိရသည်။ 

Source: Khmer Times  

DOCA (ရန်ကုန်)