ပြည်ပကုန်သွယ်မှုသတင်းများ

ပါကစ္စတန်နိုင်ငံ၏ ပဲမျိုးစုံတင်သွင်းမှုသည် ၂၀၂၅ ဘဏ္ဍာနှစ် ပထမ ၁၀ လအတွင်း၌ပင် တန်ချိန် ၁.၃၂ သန်း၊ တန်ဖိုး ဒေါ်လာ ၉၁၈ သန်းသို့ ရောက်ရှိခဲ့ရာ ယခင်ဘဏ္ဍာနှစ် တစ်နှစ်လုံးတွင် တင်သွင်းခဲ့သော တန်ချိန် ၁.၃၁၅ သန်း (တန်ဖိုးဒေါ်လာ ၉၄၆ သန်း) ကို ကျော်လွန်ခဲ့ကြောင်း၊ ယခုနှစ် မေလအထိ တန်ဖိုး ဒေါ်လာ ၉၇၀ သန်းရှိသော ပဲမျိုးစုံ တန်ချိန် ၁.၄ သန်းကို တင်သွင်းထား သည့်အချက်က ၂၀၂၅ ဘဏ္ဍာနှစ် ကုန်ဆုံးချိန် ဇွန်လကုန်၌ တင်သွင်းမှုစံချိန်အသစ် မှတ်တမ်းတင် မည်ကို ညွှန်ပြလျက်ရှိကြောင်း Pakistan Today သတင်းဌာနက ဖော်ပြပါသည်။ ယခုကဲ့သို့ ပဲမျိုးစုံတင်သွင်းမှုပမာဏ မြင့်တက်လာရခြင်းမှာ ပြည်တွင်းထုတ်လုပ်မှုနှင့် ဝယ်လိုအားတို့ ကွာဟချက်ကြောင့်ဖြစ်ပြီး အထူးသဖြင့် နိုင်ငံ၏ ပဲမျိုးစုံထွက်ရှိမှု နိမ့်ကျနေခြင်းပင် ဖြစ်သည်။ ပါကစ္စတန်၏ နှစ်စဉ် ပဲမျိုးစုံလိုအပ်ချက်မှာ တန်ချိန် ၇ သိန်းမှ ၉ သိန်းအကြားရှိနေချိန်၌ ပြည်တွင်းထုတ်လုပ်မှုမှ ယင်းလိုအပ်ချက်ကို ပြည်မီအောင် ဖြည့်ဆည်းနိုင်ခြင်းမရှိသဖြင့် ပြည်ပမှ ပဲတန်ချိန် ၆ သိန်းမှ ၇ သိန်းအထိကို နှစ်စဉ်နှစ်တိုင်း ကုန်သည်များက တင်သွင်းလျက်ရှိသည်။ ပါကစ္စတန်နိုင်ငံ၏ ၂၀၂၅ ဘဏ္ဍာနှစ်အတွင်း စားသောက်ကုန်များ တင်သွင်းမှုတန်ဖိုးမှာ ဒေါ်လာ ၇.၆ ဘီလီယံခန့်ရှိပြီး ၎င်းအနက် စားအုန်းဆီတင်သွင်းမှု၏နောက်၌ ပဲမျိုးစုံ တင်သွင်းမှုက ဒုတိယနေရာတွင် တည်ရှိနေသည်။ ပဲမျိုးစုံ၏ ပျမ်းမျှဈေးနှုန်းသည် တစ်တန်လျှင် ၆၅၉ ဒေါ်လာ နှုန်းမှ ၆၉၄ ဒေါ်လာနှုန်းသို့ မြင့်တက်လာခဲ့သော်လည်း ပြည်တွင်းဈေးကွက်အတွင်း ပဲအမျိုးအစား အလိုက် ဈေးနှုန်းများမှာမူ အတက်အကျလမ်းကြောင်း ကွဲပြားလျက်ရှိသည်။ ပဲနီလေးဈေးနှုန်းများ သည် ကျဆင်းနေခဲ့ပြီး ပဲတီစိမ်းနှင့် မတ်ပဲတို့၏ ဈေးနှုန်းများမှာ မြင့်တက်လျက်ရှိကြောင်း သိရှိ ရသည်။ ၂၀၂၅ ဘဏ္ဍာနှစ်အတွက် ကောက်ယူခဲ့သော စီးပွားရေးစစ်တမ်းတွင် ပြည်တွင်း၌ ပဲတီစိမ်း နှင့် မတ်ပဲတို့ကို စိုက်ပျိုးထွက်ရှိမှု လျော့ကျခဲ့ပြီး ပဲမျိုးစုံထုတ်လုပ်မှုမှာ ၁၆.၆ ရာခိုင်နှုန်း ကျဆင်း ခဲ့ကြောင်း ဖော်ပြထားသည်။ ထိုသို့ ထုတ်လုပ်မှုကျဆင်းခြင်းက သွင်းကုန်အပေါ် အမှီပြုရခြင်းကို မြင့်မားလာစေသဖြင့် နိုင်ငံခြားငွေသုံးစွဲမှု လျှော့ချနိုင်ရေးအတွက် ပြည်တွင်း ပဲမျိုးစုံထုတ်လုပ်မှု တိုးတက်စေမည့် မဟာဗျူဟာတစ်ရပ် ရေးဆွဲဆောင်ရွက်ရန် ကျွမ်းကျင်ပညာရှင်များက အစိုးရသို့ တိုက်တွန်းပြောဆိုထားသည်။ ပြည်ပမှကုန်စည်များ အမြောက်အမြားတင်သွင်းနေရခြင်းကို အဓိကမောင်းနှင်တွန်းအား ပေးသည့် အချက်အဖြစ် ကြောင်းကျိုးဆီလျော်မှုရှိသော ကုန်သွယ်ရေးမူဝါဒ ကင်းမဲ့နေသည်ဟု ဝေဖန်သူများက ပြောဆိုလျက်ရှိကြသည်။ ကရာချိမြို့ ကုန်စည်လက်ကားရောင်းချသူများအသင်း ဥက္ကဋ္ဌ Rauf Ibrahim က သွင်းကုန်ခွင့်ပြုမိန့်များ ထုတ်ပေးခြင်းကို တင်းကျပ်စွာထိန်းချုပ်ရန်နှင့် တင်သွင်းရန်လိုအပ်သော ကုန်စည်နှင့် ဟန်ချက်ညီညွတ်စွာ ပြည်တွင်းထုတ်လုပ်မှုရှိစေမည့် မူဝါဒ များချမှတ်ရန် လိုအပ်ကြောင်း၊ စားနပ်ရိက္ခာ ဝန်ကြီးဌာနအနေဖြင့် ခွင့်ပြုမိန့်များ ထုတ်ပေးခြင်း မပြုမီ သီးနှံစိုက်ပျိုးထုတ်လုပ်မှု ပမာဏနှင့် တင်သွင်းရန်လိုအပ်ချက်တို့ကို ဂရုတစိုက် လေ့လာ ဆန်းစစ်သင့်ကြောင်း ပြောကြားခဲ့သည်။ အိမ်နီးချင်းနိုင်ငံများ၌ ပြည်တွင်းထုတ်လုပ်မှုကို ဦးစားပေးသည့် စိုက်ပျိုးရေးမူဝါဒများ ချမှတ်ပြီး အောင်မြင်စွာ အကောင်အထည်ဖော်ဆောင်လျက် သွင်းကုန်များအပေါ် ထိရောက်စွာ စီမံခန့်ခွဲလျက်ရှိကြောင်း၊ ပဲမျိုးစုံတင်သွင်းရန် နှစ်စဉ်သုံးစွဲရသည့် ငွေကြေးပမာဏသည် မကြာမီ ကာလ၌ ဒေါ်လာ ၁ ဘီလီယံကို ကျော်လွန်လာနိုင်ဖွယ်ရှိနေသဖြင့် ပြည်တွင်း စိုက်ပျိုးထုတ်လုပ်မှု ကို အလေးပေးလုပ်ဆောင်သင့်ကြောင်းဖြင့်လည်း ကျွမ်းကျင်သူများက ထောက်ပြပြောဆိုကြ သည်။ အချို့ကမူ ပြုပြင်ပြောင်းလဲမှုများတွင် သင့်တင့်မျှတသည့် အခွန်စည်းကြပ်မှုဖြစ်ပေါ်စေရေး အတွက် ပဲကုန်သည်များနှင့် ပဲခွဲစက်လုပ်ငန်းများအပေါ် ကောက်ခံသည့် ဝင်ငွေခွန်သတ်မှတ်ချက် များကို ပြန်လည်သုံးသပ်ခြင်းများ ပါဝင်သင့်ကြောင်း ပြောဆိုကြသည်။ ပါကစ္စတန်၏ ပဲမျိုးစုံတင်သွင်းမှု မြင့်မားနေရခြင်းသည် အာဖဂန်နစ္စတန်နှင့် အီရန်တို့ ကဲ့သို့ သော အိမ်နီးချင်းနိုင်ငံများသို့ ပဲမျိုးစုံအပါအဝင် အခြေခံစားသောက်ကုန် ပမာဏ အများအပြားကို ပြန်လည်တင်ပို့နေမှုနှင့်လည်း ဆက်နွယ်လျက်ရှိပြီး ပြည်တွင်းဈေးကွက်၌ ဟန်ချက်မညီမျှမှုကို ဖြစ်ပေါ်စေလျက်ရှိကြောင်း သိရှိရသည်။ ပါကစ္စတန်ကောက်ပဲသီးနှံအသင်း၏ ဥက္ကဋ္ဌ Muzamil Chappal က ပြည်တွင်း၌ သီးနှံ စိုက်ပျိုးထုတ်လုပ်မှု နိမ့်ကျခြင်းနှင့် ကမ္ဘာ့ကောက်ပဲသီးနှံ ဈေးနှုန်းများ ကျဆင်းနေခြင်းတို့က သွင်းကုန်ပမာဏ မြင့်မားလာစေသည့် နောက်ကွယ်မှ အကြောင်းတရားများဖြစ်ကြောင်း၊ အစိုးရ ၏ တရားဝင်ထုတ်ပြန်သော ပဲစိုက်ပျိုးမှု အချက်အလက်များမှာ မေးခွန်းထုတ်ဖွယ်ရှိကြောင်း၊ Sindh နှင့် Balochistan ကဲ့သို့သော ပြည်နယ်များ၏ စိုက်ပျိုးထုတ်လုပ်မှုစာရင်းများမှာ ပိုမိုဖော်ပြ ထားသည်ဟု သံသယဖြစ်ဖွယ်ရှိကြောင်း ပြောကြားခဲ့သည်။ နိုင်ငံခြားအရန်ငွေကြေးအပေါ် ဖိအားများမြင့်မားလာပြီး သွင်းကုန်ကဏ္ဍမှ အသုံးစရိတ်များ များပြားလာမှုနှင့်အတူ ပါကစ္စတန်၏ ပဲမျိုးစုံစိုက်ပျိုးထုတ်လုပ်မှု၌ မကြုံစဖူး ကြီးမားလာသည့် စိန်ခေါ်မှုများကို အလုံးစုံဖြေရှင်းနိုင်မည့် ရေရှည်တည်တံ့သော အဖြေတစ်ရပ်ကို ရှာဖွေရန် လိုအပ် လျက်ရှိကြောင်း Pakistan Today သတင်းဌာနက ရေးသားဖော်ပြထားပါသည်။ Source: Pakistan Today, 14 Jul 2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

ဗီယက်နမ်နိုင်ငံသည် ယခင်နှစ်ထက် ၂.၇ ရာခိုင်နှုန်း ပိုမိုလျက် ၂၀၂၅ ခုနှစ်တွင် အမေရိကန် ဒေါ်လာ ၄.၅ ဘီလီယံတန်ဖိုးရှိသော သီဟိုဠ်စေ့များ တင်ပို့ရန် ရည်မှန်းထားကြောင်း၊ အဆိုပါ ပန်းတိုင်သို့ ရောက်ရှိရန် သီဟိုဠ်စေ့ကဏ္ဍအနေဖြင့် ဒုတိယနှစ်ဝက် ကာလအတွင်း အမေရိကန် ဒေါ်လာ ၂.၂ ဘီလီယံခန့် ရရှိရန် လိုအပ်ကြောင်း ဗီယက်နမ် စိုက်ပျိုးရေးနှင့် ပတ်ဝန်းကျင်ရေးရာ ဝန်ကြီးဌာန၏ ထုတ်ပြန်ချက်အရ သိရှိရသည်။ ဗီယက်နမ် အနေဖြင့် ၂၀၂၅ ခုနှစ်၊ ပထမ ၆ လအတွင်း တန်ဖိုး အမေရိကန်ဒေါ်လာ ၂.၃၆ ဘီလီယံရှိသော သီဟိုဠ်စေ့တန်ချိန် ၃၄၆,၈၀၀ ကို တင်ပို့နိုင်ခဲ့ရာ ပမာဏအားဖြင့် ၂.၇% လျော့ နည်းသော်လည်း တန်ဖိုးအားဖြင့် ယခင်နှစ်ကာလတူထက် ၂၀.၄% မြင့်တက်ခဲ့ခြင်းဖြစ်သည်။ အဆိုပါတိုးတက်မှုသည် အဓိကအားဖြင့် ပို့ကုန်ဈေးနှုန်းများ သိသာစွာ မြင့်တက်လာခြင်းကြောင့် ဖြစ်ပြီး တင်ပို့မှုပမာဏများ လျော့နည်းမှုကို ချေဖျက်ရာတွင် အထောက်အကူဖြစ်စေခဲ့သည်။ ၂၀၂၅ ခုနှစ် ပထမနှစ်ဝက်၌ သီဟိုဠ်စေ့ပျမ်းမျှပို့ကုန်ဈေးနှုန်းမှာ တစ်တန်လျှင် အမေရိကန် ဒေါ်လာ ၆,၈၀၅ ကျော်ရှိခဲ့ပြီး ၂၀၂၄ ခုနှစ် ကာလတူနှင့်နှိုင်းယှဉ်ပါက ၂၃.၈% မြင့်တက်ခဲ့ကြောင်း၊ တရုတ်၊ အမေရိကန်နှင့် နယ်သာလန်နိုင်ငံတို့သည် ဗီယက်နမ်၏ အဓိက သီဟိုဠ်စေ့ ဝယ်လက်များ အဖြစ် ဆက်လက်တည်ရှိနေပြီး ၎င်းတို့၏ ဝယ်ယူမှုမှာ စုစုပေါင်းပို့ကုန်တန်ဖိုး၌ ၂၂%၊ ၂၁.၆%နှင့် ၈.၄% အသီးသီးပါဝင်ခဲ့ကြောင်း၊ ယခင်နှစ် ကာလတူနှင့်နှိုင်းယှဉ်ပါက သီဟိုဠ်စေ့ပို့ကုန်မှ ဝင်ငွေရ ရှိမှုသည် တရုတ်သို့တင်ပို့မှုတွင် ၄၁.၂%၊ အမေရိကန်သို့တင်ပို့မှု၌ ၀.၁% နှင့် နယ်သာလန်သို့ တင်ပို့မှုတွင်၂၂.၄% တိုးတက်ခဲ့ကြောင်း သိရှိရသည်။ ထိုသို့တိုးတက်မှုကို ဆက်လက်ထိန်းသိမ်းရန်အတွက် ယူအေအီးနှင့် ဆော်ဒီအာရေဗျ အပါ အဝင် ဗီယက်နမ်ထုတ်ကုန် ဈေးကွက်ဝင်ရောက်မှု အကန့်အသတ်ဖြင့်သာ ရှိနေသည့် ဝယ်လိုအား ကောင်းမွန်သော ထွန်းသစ်စဈေးကွက်များသို့ ချဲ့ထွင်မှုများ တိုးမြှင့်ဆောင်ရွက်ရန် စိုက်ပျိုးရေးနှင့် ပတ်ဝန်းကျင်ရေးရာ ဝန်ကြီးဌာနက တွန်းအားပေးလျက်ရှိသည်။ ယခုအခါ ဗီယက်နမ်၏ တတိယ အကြီးဆုံး သီဟိုဠ်စေ့ဈေးကွက်ဖြစ်လာသော ဥရောပသမဂ္ဂသည်လည်း မကြာသေးမီနှစ်များ အတွင်း ပုံမှန်တိုးတက်မှုကို ပြသခဲ့ကြောင်း သိရှိရသည်။ သီဟိုဠ်စေ့တင်ပို့မှု အမြင့်မားဆုံးရာသီကာလဖြစ်သော နှစ်ကုန်ပွဲတော်များနှင့် တရုတ် နှစ်ကူးပွဲတော် မတိုင်မီတွင် သီဟိုဠ်စေ့ ကုန်ကြမ်းဈေးနှုန်းများ တစ်တန်လျှင် ဒေါ်လာ ၁,၄၅၀ မှ ၁,၃၅၀ သို့ လျော့ကျခဲ့ခြင်းက ကုန်ထုတ်လုပ်သူများအတွက် စရိတ်သက်သာမှု အားသာချက်များ အဖြစ် သီဟိုဠ်စေ့တင်ပို့မှုလုပ်ငန်းနယ်ပယ်ကို တိုးတက်လာစေရန် ထပ်မံတွန်းအားပေးခဲ့သည်။ ဗီယက်နမ် သီဟိုဠ်စေ့လုပ်ငန်းရှင်များအသင်း (VINACAS) ၏ ခန့်မှန်းချက်အရ ၂၀၂၂ ခုနှစ်မှ ၂၀၂၇ ခုနှစ်ကြားတွင် ကမ္ဘာ့သီဟိုဠ်စေ့ဈေးကွက်သည် နှစ်စဉ်ပျမ်းမျှ ၄.၆% နှုန်းဖြင့် တိုးတက် ကြီးမားလာမည်ဟု မျှော်မှန်းထားသည်။ ၂၀၂၄ ခုနှစ်တွင် ဗီယက်နမ်နိုင်ငံသည် သီဟိုဠ်စေ့ တန်ချိန် ၇၃၀,၀၀၀ ကို စံချိန်တင် တင်ပို့လျက် အမေရိကန် ဒေါ်လာ ၄.၃၇ ဘီလီယံ ဝင်ငွေရရှိခဲ့ပြီး ယခင် နှစ်ကာလတူနှင့် နှိုင်းယှဉ်ပါက ၂၀.၂% တိုးတက်ခဲ့ကြောင်း သိရှိရသည်။ Source: Vietnam Plus, July 15, 2025 (လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

ပြည်တွင်းပြည်ပ မရေရာမှုများကြောင့် တောင်ကိုရီးယားတွင် နိုင်ငံခြားတိုက်ရိုက် ရင်းနှီးမြုပ်နှံ မှု (FDI) သည် ပထမနှစ်ဝက်တွင် ဂဏန်းနှစ်လုံးဖြင့် ကျဆင်းသွားခဲ့ကြောင်း အစိုးရအချက်အလက် များက ဇူလိုင်လ ၃ ရက်နေ့တွင် ဖော်ပြခဲ့သည်။ FDI သည် ဇန်နဝါရီမှ ဇွန်လအတွင်း အမေရိကန် ဒေါ်လာ ၁၃.၁၀ ဘီလီယံရှိပြီး ယခင်နှစ် အလားတူကာလနှင့် နှိုင်းယှဉ်ပါက ၁၄.၆ ရာခိုင်နှုန်း ကျဆင်း ခဲ့ကြောင်း ကုန်သွယ်ရေး၊ စက်မှုနှင့် စွမ်းအင်ဝန်ကြီးဌာန၏ထုတ်ပြန် သိရသည်။ ဂဏန်းနှစ်လုံးပါ လျှော့ချမှုသည် အမေရိကန်၏ စည်းကြပ်ခွန် စည်းကြပ်မှုနှင့် နိုင်ငံရေးမရေရာမှုတို့ကြောင့်ဖြစ်ပြီး၊ ပြီးခဲ့သည့် ဒီဇင်ဘာလက ဖြုတ်ချခံရသော သမ္မတ Yoon Suk-yeol ၏ ပျက်ပြယ်သော စစ်အုပ်ချုပ် ရေးအမိန့်ကြောင့် ဖြစ်ပေါ်လာခြင်းဖြစ်သည်။ ပြည်တွင်းကုန်ထုတ်လုပ်ငန်းများတွင် FDI သည် ၃၄.၅ ရာခိုင်နှုန်းမှ ၅.၃၃ ဘီလီယံဒေါ်လာသို့ ကျဆင်းသွားခဲ့သည်။ လျှပ်စစ်နှင့် အီလက်ထရွန်နစ်ကဏ္ဍတွင် နိုင်ငံခြားရင်းနှီးမြှုပ်နှံမှုသည် ၆၁.၆ ရာခိုင်နှုန်းမှ ၁.၄၀ ဘီလီယံဒေါ်လာသို့ ကျဆင်းသွားပြီး စက် ပစ္စည်းကိရိယာများနှင့် ဆေးဘက်ဆိုင်ရာတိကျမှုတူရိယာကဏ္ဍတွင် ရင်းနှီးမြှုပ်နှံမှုသည် ၇၇ ဒသမ ၀ ရာခိုင်နှုန်းမှ ဒေါ်လာသန်း ၂၆၀ သို့ ကျဆင်းသွားသည်။ ပြည်တွင်း ဝန်ဆောင်မှုလုပ်ငန်းတွင် FDI သည် ယခုနှစ် ပထမခြောက်လပတ်အတွက် ၁၀.၆ ရာခိုင်နှုန်းမှ ၇.၀၉ ဘီလီယံအထိ တိုးမြင့်လာခဲ့သည်။ ဖြန့်ဖြူးရေးကဏ္ဍတွင် ရင်းနှီးမြှုပ်နှံမှုသည် ၇၃.၃ ရာခိုင်နှုန်းမှ ၁.၃၂ ဘီလီယံဒေါ်လာအထိ မြင့်တက် လာခဲ့ပြီး သတင်းအချက်အလက်နှင့် ဆက်သွယ်ရေးကဏ္ဍတွင် ရင်းနှီးမြှုပ်နှံမှု ၉.၄ ရာခိုင်နှုန်းမှ ၁.၀၉ ဘီလီယံအထိ မြင့်တက်လာခဲ့သည်။ အမေရိကန်နှင့် ဥရောပသမဂ္ဂတို့မှ တိုက်ရိုက်ရင်းနှီးမြုပ်နှံမှုသည် ကိန်းဂဏန်းနှစ်ဆဖြင့် ဒေါ်လာ ၃.၁၃ ဘီလီယံနှင့် ၂.၂၄ ဘီလီယံတစ်ခုစီသို့ တိုးလာသော်လည်း ဂျပန်နိုင်ငံမှ ရင်းနှီးမြှုပ်နှံမှုသည် ဂဏန်းနှစ်လုံးဖြင့် ဒေါ်လာ ၂.၁၆ ဘီလီယံသို့ ကျဆင်းသွားခဲ့သည်။ စက်ရုံတည်ဆောက်မှုနှင့် အလုပ်အကိုင်များ ပါ၀င်သည့် Greenfield ရင်းနှီးမြှုပ်နှံမှုသည် ၄.၅ ရာခိုင် နှုန်းမှ ၁၀.၉၇ ဘီလီယံဒေါ်လာသို့ ကျဆင်းသွားပြီး ပေါင်းစည်းမှုနှင့် ဝယ်ယူရင်းနှီးမြုပ်နှံမှုသည် ၄၄.၆ ရာခိုင်နှုန်းမှ ဒေါ်လာ ၂.၁၃ ဘီလီယံသို့ ကျဆင်းသွားသည်။ Source : Xinhua DOCA(ရန်ကုန်)

တူရကီနိုင်ငံ စာရင်းအင်းအင်စတီကျုမှ ဇူလိုင်လ ၃ ရက်‌နေ့တွင် ထုတ်ပြန်သော တရားဝင် အချက်အလက်များအရ တူရကီနိုင်ငံ၏ နှစ်စဉ်စားသုံးသူငွေကြေးဖောင်းပွမှုသည် ဇွန်လတွင်မျှော်မှန်း ထားသည်ထက် ၃၅.၀၅ ရာခိုင်နှုန်းသို့ နှေးကွေးသွားကြောင်း သိရသည်။ ဇွန်လအတွက် လစဉ်ငွေ ကြေးဖောင်းပွမှုနှုန်းသည် ခန့်မှန်းထားသည်ထက် ၁.၃၇ ရာခိုင်နှုန်း နိမ့်ကျခဲ့သည်ဟု အချက်အလက် များက ဖော်ပြခဲ့သည်။ နှစ်စဉ်ငွေကြေးဖောင်းပွမှု ၃၅.၄၁ ရာခိုင်နှုန်းနှင့် လစဉ်ငွေကြေးဖောင်းပွမှု ၁.၅၃ ရာခိုင်နှုန်းရှိချိန်တွင် မေလမှ ဆက်လက်ထိန်းညှိပေးသည့် ကိန်းဂဏန်းများဖြစ်သည်။ တူရကီနိုင်ငံသည် နှစ်အတော်ကြာ ငွေကြေးဖောင်းပွမှု မြင့်တက်လာမှုနှင့် ရင်ဆိုင်နေရသည်။ ငွေကြေးဖောင်းပွမှု မြင့်မားခြင်းနှင့် နိုင်ငံသုံးငွေတန်ဖိုး ကျဆင်းခြင်းတို့ကြောင့် နိုင်ငံအတွင်းရှိ အိမ်ထောင်စုအများစုအတွက် အခက်အခဲများ ဖြစ်ပေါ်စေခဲ့သည်။ တူရကီအစိုးရသည် ငွေကြေး ဖောင်းပွမှုနှင့် ငွေကြေးမတည်မငြိမ် ဖြစ်မှုတို့ကြောင့် စီးပွားရေးစိန်ခေါ်မှုများနှင့် ပတ်သက်၍ တင်းကျပ်သော ငွေကြေးမူဝါဒများနှင့် ဖွဲ့စည်းပုံဆိုင်ရာ ပြုပြင်ပြောင်းလဲမှုများကို အကောင်အထည် ဖော်လျက်ရှိသည်။ ၂၀၂၃ ခုနှစ် နှစ်လယ်တွင် တူရကီနိုင်ငံသည် ငွေကြေးဖောင်းပွမှု မြင့်တက်လာ သော်လည်း အတိုးနှုန်းကို အတုအယောင်နည်းအောင် ထိန်းသိမ်းထားသည့် ၎င်း၏ သမားရိုးကျ မဟုတ်သော မူဝါဒမှ ခွဲထွက်ကာ ငွေကြေးဖောင်းပွမှုကို လျှော့ချပေးသည့် ပိုမိုတင်းကျပ်သော ငွေကြေးမူဝါဒကို ကျင့်သုံးခဲ့သည်။ Source : Xinhua DOCA(ရန်ကုန်)

ထိုင်းနိုင်ငံသည် ၂၀၂၅ ခုနှစ် ပထမနှစ်ဝက်တွင် နိုင်ငံခြားခရီးသွား ၁၆.၆၈ သန်းကျော် စံချိန် တင်ဝင်ရောက်ခဲ့ပြီး ယခင်နှစ်ထက် ၄.၆၆ ရာခိုင်နှုန်း ကျဆင်းသွားကြောင်း တရားဝင်အချက်အလက် များက ဇူလိုင်လ ၁ ရက်နေ့ ဖော်ပြချက်အရသိရသည်။ မလေးရှားနိုင်ငံသည် ယခုနှစ် ပထမခြောက်လ အတွင်း ခရီးသွား၀င်ရောက်မှု ၂.၂၉ သန်းဖြင့် ဧည့်သည်ဝင်ရောက်မှု အများဆုံးဖြစ်ရင်းမြစ်နိုင်ငံဖြစ် ကြောင်း ထိုင်းခရီးသွားလုပ်ငန်းနှင့် အားကစားဝန်ကြီးဌာန၏ ထုတ်ပြန်ချက်အရ သိရသည်။ အရှေ့ တောင်အာရှနိုင်ငံ သည် ယခုနှစ်တွင် နိုင်ငံတကာခရီးသွားများထံမှ ၀င်ငွေ ဘတ် ၇၇၁.၅၅ ဘီလီယံခန့် (အမေရိကန် ဒေါ် လာ ၂၃.၈၀ ဘီလီယံခန့်) ရရှိခဲ့ပြီး တစ်နှစ်ထက်တစ်နှစ် ၂.၃၁ ရာခိုင်နှုန်း ကျဆင်းသွားကြောင်း ဝန်ကြီးဌာနက ထုတ်ပြန်ခဲ့သည်။ လွန်ခဲ့သည့်နှစ်တွင် ထိုင်းနိုင်ငံသည် နိုင်ငံခြား ခရီးသွား ၃၅.၅၄ သန်း ကျော်ကို လက်ခံရရှိခဲ့ပြီး ယခင်နှစ်ထက် ၂၆.၂၇ ရာခိုင်နှုန်း တိုးမြင့်လာကာ ဝင်ခွင့်စည်းမျဉ်းများ ဖြေလျှော့ပေးမှုနှင့် ဗီဇာကင်းလွတ်ခွင့်တို့ကြောင့် ဖြစ်ကြောင်းသိရသည်။ နိုင်ငံ၏ စီးပွားရေးတိုးတက် မှုအတွက် အဓိကမောင်းနှင်အားဖြစ်သော ခရီးသွားလုပ်ငန်းသည် ၎င်း၏ ပြည်တွင်းအသားတင် ထုတ်ကုန်၏ ၁၄.၇၁ ရာခိုင်နှုန်းနှင့် ၂၀၂၄ ခုနှစ်တွင် အလုပ်အကိုင်များ၏ ၁၁.၉၈ ရာခိုင်နှုန်းရှိသည်။ DOCA(ရန်ကုန်)