၂၀၂၅ ဇူလိုင်လ အတွင်း အစေ့ထုတ်ပြောင်းဈေးကွက် အလားအလာ
မြန်မာနိုင်ငံအတွင်း အစေ့ထုတ်ပြောင်းမျိုး Hybrid Seed ကို မိုးရာသီတွင် ရှမ်းမြောက်၊ ရှမ်းတောင်၊ ရှမ်းအရှေ့ဒေသများ၊ ကချင်ပြည်နယ်၊ မြစ်ကြီးနား၊ ဗန်းမော်ခရိုင်၊ ကယားပြည်နယ်၊ ကရင်ပြည်နယ်၊ မြဝတီခရိုင်၊ စစ်ကိုင်းတိုင်းနှင့် ကန့်ဘလူခရိုင်ဒေသအသီးသီးတွင် နှစ်စဉ် စိုက်ပျိုး ဧကပေါင်း ၁သန်းကျော် စိုက်ပျိုးခဲ့ပြီးခန့်မှန်း Estimates Yield Per Acre ၁.၅ Ton Per Acre အရ Non GMO ပြောင်းစေ့တန်ချိန်ပေါင်း ၂ million တန်ထွက်ရှိပါသည်။
ထို့အတူ ဆောင်းအစေ့ထုတ်ပြောင်းကိုလည်း ဧရာဝတီမြစ်ရိုးတစ်လျှောက် ကချင်ပြည်နယ်၊ မြစ်ကြီးနား၊ ဗန်းမော်ခရိုင်၊ မန္တလေးတိုင်းမြင်းခြံ၊ ပခုက္ကူခရိုင်၊ ဧရာဝတီတိုင်း၊ ဟင်္သာတခရိုင်များတွင် စုစုပေါင်း ဧက ၂သိန်းခန့်စိုက်ပျိုးကြပြီး Estimates Yield Per Acre မှာ ၂.၅ Ton Per Acre အရ Total Production Volume မှာတန်ချိန် ၀.၅ million Ton ထွက်ရှိနိုင်ပါသည်။ လက်ရှိမျိုးစေ့ဈေးနှုန်း သွင်းအားစုကုန်ကျစရိတ်များနှင့် အခြေအနေအကြောင်းအမျိုးမျိုးကြောင့် မြန်မာ့အစေ့ထုတ်ပြောင်း စိုက်ဧရိယာမှာ ၂၀၂၂မှ စတင်၍ ကျဆင်းလာခြင်း၊ အထွက်နှုန်းလျော့ကျလာခြင်းများကိုလည်း မြေပြင်ဒေသအချက်အလက်များအရသိရှိရပါသည်။
မြန်မာ့အစေ့ထုတ်ပြောင်း Non GMO၏ အဓိကဈေးကွက်မှာ နယ်စပ်ဒေသကုန်သွယ်ရေးမှ တစ်ဆင့် တရုတ်ပြည်နှင့် ထိုင်းနိုင်ငံမှ တစ်ဆင့်ရောင်းချပြီးတောင်သူများ အကျိုးအမြတ်ဖြစ်ထွန်းခဲ့ ရာမှ လက်ရှိအခြေအနေအရ ကုန်သွယ်ရေးလမ်းကြောင်းများလည်း အနည်းငယ်နှေးကွေးနေဆဲ အခြေအနေရှိသောကြောင့် ယမန်နှစ်မိုးစိုက်တောင်သူများအတွက် အကျိုးအမြတ်နည်းပါးခဲ့ပါသည်။
၂၀၂၄ - ၂၀၂၅ ဆောင်ပြောင်းများမှာ Local Consumption တန်ချိန်(၁)သန်းခန့် ပြောင်းဆန်အရည်အသွေးအရ ဈေးကွက်အားသာချက်ရှိ၍ ထိုက်သင့်သော အကျိုးအမြတ်ကို ပြောင်းစိုက် တောင်သူများ ခံစားရသည်ဟု ခန့်မှန်းရပါသည်။ လက်ရှိနိုင်ငံများ၏ ရာသီဥတု အခြေအနေကြောင့် ပြောင်းဆန်လိုအပ်ချက်ရှိသဖြင့် ဇူလိုင်လမှစတင်၍ တောင်သူလက်ကျန်၊ ဒေသတွင်းလက်ကျန်အရ ပြောင်းဆန်ဈေးမှာ အနည်းအငယ်တက်လာနိုင်သည်ဟုလည်း ခန့်မှန်းသိရှိရပါသည်။ တစ်နည်းအား ဖြင့် မြန်မာ့အစေ့ထုတ်ပြောင်းဆံများမှာ ဝါဆို၊ ဝါခေါင်လများတွင် နှစ်စဉ်အမြင့်ဆုံးအခြေအနေကို ရောက်ရှိဆဲဖြစ်သောကြောင့် တောင်သူများ၏ အကျိုးအမြတ်ကို ဖြစ်ထွန်းစေမည့် မျှော်လင့်နေသည့် ဈေးတန်းတစ်ခုသို့ ရောက်ရှိနိုင်မည်ဟု လေ့လာသုံးသပ်ရေးသားတင်ပြအပ်ပါသည်။
DOCA(ရှမ်း)
