ပြည်တွင်းကုန်သွယ်မှုသတင်း

          မန္တလေးတိုင်းဒေသကြီး၊ မိတ္ထီလာမြို့၊ ပြည်သာယာဈေးတွင် ၂၀၂၅၊ နိုဝင်ဘာလ၊ တတိယပတ်တွင် ရောင်းချလျက်ရှိသော ဝက်သားဈေးနှုန်းမှာ ဝက်သားသုံးထပ်သားတစ်ပိဿာလျှင် (၃၆၀၀၀)ကျပ်၊ အသား ထုတ်တစ်ပိဿာလျှင် (၄၈၀၀၀)ကျပ်မှ (၅၀၀၀၀)ကျပ်အထိရောင်းချလျှက်ရှိကြောင်း ဈေးကွက်မှစုံစမ်းသိရှိရပါသည်။ ယခင်အောက်တိုဘာလ၊ စတုတ္ထပတ်နှင့်နှိုင်းယှဉ်ပါက ဈေးနှုန်းတည်ငြိမ်နေကြောင်း ဈေးကွက်မှ သိရပါသည်။

DOCA(မန္တ‌လေး)

            မိတ္ထီလာမြို့၊ ပေါက်ချောင်းဈေးတွင် နိုဝင်ဘာလလယ်၌ သစ်သီးဝလံများစုံလင်စွာရောင်းချ လျက်ရှိကြောင်းသိရသည်။ ဆောင်းရာသီဝင်လာပြီဖြစ်၍ သစ်သီးဝလံ အမျိုးအစားများ စုံလင်စွာ ရောင်းချလာရာ ပန်းသီး၊ လိမ္မော်သီး၊ ပျားလိမ္မော်သီး၊ ထောပတ်သီး၊ ချစ်ပန်းသီးစသည့်တို့ စုံလင်စွာ ရောင်းချနေရာ သစ်သီးကြိုက်သည့် စားသုံးသူများအတွက် အကြိုက်တွေ့ကြောင်းသိရသည်။ နိုဝင်ဘာလလယ်၌ ပေါက်ချောင်းဈေးတွင် ပန်းသီးတစ်လုံးလျှင်(၂၅၀၀)ကျပ်၊   ချစ်ပန်းသီး (၂၅)ကျပ်သားလျှင်(၇၀၀၀)ကျပ်၊ လိမ္မော်သီး(၂၅)ကျပ်(၂၀၀၀-၃၀၀၀)ကျပ်၊ ပျားလိမ္မော်သီး (၂၅)ကျပ်သား လျှင်(၅၀၀၀)ကျပ်၊ ထောပတ်သီးတစ်လုံးလျှင် အလုံးအကြီးအသေး အပေါ်မူတည်၍ (၅၀၀-၁၀၀၀)ကျပ် ဈေးတို့ဖြင့် ရောင်းချနေရာ ယခင်တပတ်နှင့်နှိုင်းယှဉ်ပါက ပျားလိမ္မော်မှာ အဝင်လှိုင်လာပြီဖြစ်၍ (၂၅)ကျပ်သားပေါ်တွင် (၁၀၀၀)ကျပ်  ကျဆင်းကြောင်း သိရသည်။ ပေါက်ချောင်းဈေးရှိ သစ်သီးဝလံရောင်းချသည့် လက်လီဈေးသည်များမှ မိတ္ထီလာမြို့၊ မြို့မဈေး  အရှေ့ပိုင်းရှိ သစ်သီးပွဲရုံများမှတဆင့် ဝယ်ယူရောင်းချကြောင်းသိရသည်။ 

DOCA(မန္တ‌လေး)

             မိတ္ထီလာမြို့မဈေးကြီးအတွင်းရှိ ငါးရံ့ခြောက်ဈေးကွက်မှာ နိုဝင်ဘာလ၌အရောင်းအဝယ်ပုံမှန် ဖြင့်ဈေးငြိမ်နေကြောင်းသိရသည်။ ဈေးကွက်တွင် ငါးပုတ်သင်၊ ငါးထောပတ်၊ ငါးဆားနယ်၊ ငါးဖောင်ရိုး၊ ငါးရံ့ခြောက်၊ ငါးရောင်ခြောက်စသဖြင့် ငါးခြောက်များစွာရှိသည့်အနက်မှ ငါးရံ့ခြောက် မှာငါးခြောက်ဆိုသော်လည်း အငန်ဓာတ်နည်းပြီး အသားများသည့်အတွက် ဈေးကောင်းရသော  ငါးခြောက်ဖြစ်ပါသည်။ ငါးရံ့ခြောက်ကိုမီးဖုတ်၍ဆီဆမ်းကာလည်းကောင်း၊ ကြော်ချက်၍ လည်းကောင်း၊ အမျိုးမျိုးချက်ပြုတ်စားသုံးကြပါသည်။ မိတ္ထီလာဈေးကွက်သို့ ငါးခြောက်များကို မြန်မာနိုင်ငံအောက်ပိုင်းမှအများဆုံးဝင်ရောက်ရာ ငါးရံ့ခြောက်မှာ ဧရာဝတီ  တိုင်းဒေသကြီး ပန်းတနော်မှအများဆုံးဝင်ရောက်ကြောင်းသိရသည်။ ငါးရံ့ခြောက်တစ်ပိဿာလျှင် အကောင်အကြီး/အသေးအပေါ်မူတည်ပြီး(၆၀၀၀၀-၈၀၀၀၀)ကျပ်ဈေးဖြင့် ဈေးငြိမ်နေကာ အရောင်းအဝယ်  ပုံမှန်ဖြစ်ကြောင်းသိရသည်။

DOCA(မန္တ‌လေး)

                 မိတ္ထီလာဈေးကွက်တွင် နိုဝင်ဘာလ၌ ထန်းလျက်ဈေးမှာ အရောင်းအဝယ်ပုံမှန် ရှိကြောင်း သိရသည်။ မိတ္ထီလာဈေးကွက်သို့ ထန်းလျက်မှာ မလှိုင်မြို့နယ်မှ အများဆုံးဝင်ရောက်ပြီး မြို့ပေါ် ပွဲရုံများမှ တစ်ဆင့် လက်လီ/လက်က္ကားပြန်လည်ရောင်းချ များ၊ မုန့်လုပ်ငန်းများပြန်လည် ရောင်းချကြပါသည်။ ဗမာမုန့်အများစုမှာ ထန်းလျက်ဖြင့်အများဆုံး ပြုလုပ်သည့်အပြင် တိုင်းရင်းဆေး ဝါးအချို့တွင်လည်း ထည့်သွင်းဖော်စပ်ခြင်း၊ နယ်ဝေးလက်ဆောင်ပေးပို့ခြင်းတို့ကြောင့် အရောင်း အဝယ်ပုံမှန်ရှိကြောင်း သိရသည်။ ထန်းလျက်မှာပြာသို၊ တပို့တွဲလများ မှစ၍ တက်ရသဖြင့် လက်ရှိအချိန်တွင် ထန်းလျက်အဟောင်းများနှင့် သာအရောင်းအဝယ်ဖြစ်ကြောင်း ဈေးနှုန်းအနေဖြင့် အသစ်ပေါ်ချိန်က တစ်ပိဿာလျှင်(၅၀၀၀-၆၀၀၀)ကျပ် ရှိခဲ့ပြီး လက်ရှိဈေးကွက်တွင် တစ်ပိဿာလျှင် (၆၀၀၀-၈၀၀၀)ကျပ်ဈေးရှိကြောင်း ဈေးကွက်မှသိရသည်။

DOCA(မန္တ‌လေး)

                  မိတ္ထီလာဈေးကွက်ရှိ ဟင်းသီးဟင်းရွက် ဈေးကွက်တွင် နံနံပင်မှာ ဈေးကောင်းလျက်ရှိပါသည်။ ဈေးကွက်သို့ နံနံပင်မှာ ရမည်းသင်း(ရွှေဒါး) မှ ဝင်ရောက်နေရာ လက်ကားဈေး တစ်ပိဿာလျှင် (၃၅၀၀၀-၄၀၀၀၀) ကျပ်ရှိပြီး လက်လီရောင်းချရာတွင် တစ်စည်းလျှင် (၅၀၀) ကျပ်ဖြင့် ပြန်လည်ရောင်းချလျက်ရှိရာ မိတ္ထီလာမြို့အနီးတစ်ဝိုက်ရှိ ကျေးရွာများမှနံနံပင်ကိုသီးညှက်စိုက်ပျိုးကြသော်လည်းဒေသတွင်းထွက်ရှိချိန်မဟုတ်၍ဈေးကွက်အဝင်နည်းသည့်အတွက်ဈေးမြင့်နေခြင်းဖြစ်ကြောင်းသိရပါသည်။ ဟင်းသီး ဟင်း ရွက်များတွင် မုန်လာဥ၊ ပန်းဂေါ်ဖီ၊ ပဲစိမ်း၊ မုန်ညှင်း၊ နံနံပင်တို့မှာ ဆောင်းရာသီတွင် ဈေးကွက်အဝင်လှိုင်သည့်အတွက် ဈေးနှုန်းကျဆင်းလေ့ရှိကြောင်း သိရှိရပါသည်။

DOCA(မန္တ‌လေး)