ပြည်တွင်းကုန်သွယ်မှုသတင်း

     မကွေးတိုင်းဒေသကြီး၊ မကွေးခရိုင်၊ မကွေးမြို့နယ်အတွင်းရှိဈေးကွက်သို့ ကျေးရွာများနှင့် မင်းဘူး၊ ပွင့်ဖြူ၊ စလင်း၊ မြို့သစ်၊ နတ်မောက်မြို့နယ်အတွင်းရှိ ကျေးရွာများမှ မိုးနှမ်းများရိတ်သိမ်းပြီးဖြစ်၍ နေ့စဉ်ဝင်ရောက်ကာ အရောင်းအဝယ်ဖြစ်လျက်ရှိကြောင်း၊ ၂၀၂၄ခုနှစ်၊ ဩဂုတ်လ(တတိယပတ်)အတွင်း နှမ်းဖြူ(ဂျပန်)တစ်တင်းလျှင် ငွေကျပ်(၁၅၀၀၀၀)၊ နှမ်းဖြူ(ခြုံ) တစ်တင်းလျှင် ငွေကျပ်(၁၄၃၀၀ဝ)၊ နှမ်းနီတစ်တင်းလျှင် ငွေကျပ်(၁၃၈၀၀၀)၊ နှမ်းနက်(စမုန်) တစ်တင်းလျှင် ငွေကျပ်(၂၁၅၀၀၀)ဖြင့် အရောင်းအဝယ်ဖြစ်လျက်ရှိပြီး ဩဂုတ်လ(တတိယပတ်)အတွင်း တင်းပေါင်း (၂၉၃၉၅၀)တင်း၊ (၄၈၀)တန် အရောင်းအဝယ်ဖြစ်ကြောင်း၊ ဆီကြိတ်ခွဲထုတ်လုပ်သည့် ဆီစက်လုပ်ငန်းရှင်များနှင့် နှမ်းလှော်ဖိုများက ဝယ်ယူမှုရှိကြောင်းနှင့် ရန်ကုန်၊ မန္တလေးမြို့များသို့ တင်ပို့ရောင်းချလျက်ရှိပြီး ထိုမှတဆင့် တရုတ်၊ ထိုင်းနှင့် ဗီယက်နမ်နိုင်ငံများသို့ တင်ပို့ကြောင်း သိရသည်။

     ဩဂုတ်လ(ဒုတိယပတ်)နှင့်(တတိယပတ်)အတွင်း ဈေးနှုန်းများ နှိုင်းယှဉ်ပါက ယခုတပတ်အတွင်း နှမ်းဖြူ (ဂျပန်) တစ်တင်းလျှင် ငွေကျပ်(၇၀၀ဝ)၊ နှမ်းဖြူ(ခြုံ) တစ်တင်းလျှင် ငွေကျပ်(၅၀၀ဝ)၊ နှမ်းနီတစ်တင်းလျှင် ငွေကျပ်(၃၀၀ဝ)၊ နှမ်းနက်(စမုန်) တစ်တင်းလျှင် ငွေကျပ်(၁၅၀၀ဝ)ဖြင့် ဈေးနှုန်း မြင့်တက်လာကြောင်း၊ ရာသီဥတုမမှန်မှုကြောင့် အထွက်နှုန်းလျော့နည်းခြင်းနှင့် ပြည်ပဝယ်လိုအားကောင်းခြင်းတို့ကြောင့် ဈေးနှုန်မြင့်တက်ရခြင်းဖြစ်ကြောင်း မကွေးဈေးကွက်မှ သိရသည်။

DOCA(မကွေး)

    မကွေးတိုင်းဒေသကြီး၊ မကွေးခရိုင်၊ မကွေးမြို့ရှိ အိမ်ဆောက်ပစ္စည်းအရောင်းဆိုင်များဖြစ်သော မြ၊ ပွင့်သာ၊ လမ်းသစ်၊ ပါရမီ၊ ရွှေဂန္ဓာ၊ ရွှေမြန်မာ၊ ဆန်းသစ်၊ စိန်ကျောက်ဆူးနှင့် ဆန်းရှိုင်း အစရှိသည့်ဆိုင်များတွင် သွပ်၊ သံ၊ အခြားပစ္စည်းများနှင့် ဘိလပ်မြေ၊ ထုံးများ ရောင်းချလျက်ရှိပါသည်။ အဆိုပါဆိုင်များတွင် ဘိလပ်မြေများကို ဩဂုတ်လ(တတိယပတ်)အတွင်း မန္တလေးတိုင်းဒေသကြီး၊ ကျောက်ဆည် မြို့ဘိလပ်မြေစက်ရုံမှ ဘိလပ်မြေအိတ်ရေ(၂၀၉၅)အိတ် ဝင်ရောက်ခဲ့ကြောင်း သိရသည်။

    ၂၀၂၄ခုနှစ်၊ ဩဂုတ်လ(တတိယပတ်)အတွင်း ဖြစ်ပေါ်နေသော ဘိလပ်မြေဈေးနှုန်းများမှာ ကြံ့နှစ် ကောင်ဘိလပ်မြေတစ်အိတ်လျှင် ကျပ်(၁၀၃၀၀)၊ အယ်လ်ဖာတစ်အိတ်လျှင် ကျပ်(၁၀၁၀၀)ဖြင့် ရောင်းချခဲ့ကြောင်း အိမ်ဆောက်ပစ္စည်းအရောင်းဆိုင်များထံမှ သိရှိရပါသည်။ ယခင်အပတ်နှင့် နှိုင်းယှဉ်ပါက ယခုအပတ်တွင် ကြံ့နှစ်ကောင် ကျပ်(၉၀၀)၊ အယ်လ်ဖာ ကျပ်(၅၀၀) ဈေးမြင့်တက်လာပြီး လမ်းပန်းအခက်အခဲနှင့် သယ်ယူစရိတ်မြင့်မားခြင်းတို့ကြောင့် ဈေးနှုန်းမြင့်တက်လာရခြင်းဖြစ်ကြောင်း သိရှိရပါသည်။ 

DOCA(မကွေး)

    မကွေးတိုင်းဒေသကြီးသည်  နှမ်း၊ မြေပဲနှင့် ပဲမျိုးစုံ၊ နေကြာ၊ ဝါ၊ စပါး၊ ပြောင်း စသည့်တို့ကို နှစ်စဉ် စိုက်ပျိုးလျက်ရှိ၍ စိုက်ပျိုးရေးလုပ်ငန်းကို အဓိကထားလုပ်ကိုင်လျက်ရှိသော ဒေသတစ်ခုဖြစ်ပြီး စိုက်ပျိုးရေးတွင် လိုအပ်သည့် သွင်းအားစု(ဓါတ်မြေဩဇာ၊ ပိုးသတ်ဆေး)များလည်း သုံးစွဲကြကြောင်း သိရသည်။

   မကွေးမြို့၌ ၂၀၂၄ခုနှစ်၊ ဩဂုတ်လ(တတိယပတ်)အတွင်း ဓါတ်မြေဩဇာဈေးကွက်မှာ ဈေးနှုန်းအနည်ငယ်မြင့်တက်၍ အရောင်းအဝယ်ပုံမှန်ဖြစ်လျက်ရှိပြီး ကွန်ပေါင်းအုပ်စုများဖြစ်သည့် တက်တိုးမြေဩဇာတစ်အိတ်လျှင် ကျပ် (၉၈၅၀၀)၊ အာမိုအပြာ(15:15:15)တစ်အိတ်လျှင် ကျပ်(၉၈၅၀၀)၊ အာမိုအနက် (16:16:8) တစ်အိတ် လျှင် ကျပ်(၁၆၁၀၀၀)၊ အာမိုအစိမ်း တစ်အိတ်လျှင် ကျပ်(၉၁၀၀၀)နှင့် သီးစုံ(ဝါ၊ စိမ်း၊ ပြာ) တစ်အိတ်လျှင် ကျပ်(၈၉၀၀၀)နှင့် ဇာမဏီတစ်အိတ်လျှင် ကျပ်(၉၂၀၀၀) တို့ဖြင့် အရောင်းအဝယ်ဖြစ်ပြီး ပုလဲပန်းဘူး(ဖြူ) တစ်အိတ်လျှင် ကျပ်(၇၉၈၀၀)၊ ပုလဲရွှေတောင် တစ်အိတ်လျှင် ကျပ်(၇၉၅၀၀)နှင့် ကောမတ် G 46% (ပုလဲ) တစ်အိတ်လျှင် ကျပ် (၇၉၈၀၀) တို့ဖြင့် အရောင်းအဝယ်ဖြစ်နေကြောင်း သိရသည်။

     ပိုးသတ်ဆေးအမျိုးအစားများဖြစ်သည့် ပရိုမက်တင် ၅၁.၈ EC (50cc) တစ်ဘူးလျှင် ကျပ် (၂၃၅၀၀)၊ ဆလက်ပက်(စ်) (50cc) တစ်ဘူးလျှင် ကျပ်(၂၅၀၀၀)၊ ဖို(စ်)တင်း EC (50cc) တစ်ဘူးလျှင် ကျပ်(၁၈၀၀၀)၊ ဇွန်ဘီ (100g) တစ်ဘူးလျှင် ကျပ်(၁၂၀၀၀)၊ အဆီဖိတ် (250g) တစ်ထုပ်လျှင် ကျပ်(၁၂၈၀၀)၊ ဇိုင်ကလုန်း (250cc) တစ်ဘူးလျှင် ကျပ်(၁၁၅၀၀)နှင့် မက်ဆိုက်ပါ (250cc) တစ်ဘူးလျှင် ကျပ်(၁၁၅၀၀)တို့ဖြင့် အရောင်းအဝယ်ဖြစ်လျက်ရှိကြောင်း၊ စိုက်ပျိုးရာသီဖြစ်သောကြောင့် ဓါတ်မြေဩဇာနှင့် ပိုးသတ်ဆေးဈေးနှုန်းများ အနည်းငယ်မြင့်တက်လာခြင်းဖြစ်ကြောင်း သိရပါသည်။

DOCA(မကွေး)

      ရွှေဖရုံသီး၏အရောင်မှာ ရွှေရောင်ကဲ့သို့ဝင်းဝါပြီး အရသာမှာ အနည်းငယ်ချိုသည်။ ရွှေဖရုံသီးသည် ကျန်းမာရေးနှင့်ညီညွတ်ပြီး ဗီတာမင်ဓာတ်လည်းကြွယ်ဝပါသည်။ ရွှေဖရုံပင်သည် အသီး၊ အရွက်အညွန့်၊ အစေ့တို့ကိုပါစားသုံးနိုင်ပြီး ကျန်းမာရေးအတွက်  ကောင်းကျိုးများစွာရရှိပါသည်။ ရွှေဖရုံသီး၌ အများဆုံးပါဝင်နေသော အာဟာရဓာတ်မှာ ဗီတာမင်အေဖြစ်ပါသည်။  ရွှေဖရုံသီးဟင်းတစ်ခွက်တွင် ယေဘုယျအားဖြင့် ဗီတာမင်အေ၊ ပရိုတင်း(အသားဓာတ်)၊ အမျှင်ဓာတ်၊ ဗီတာမင်စီ၊ ပိုတက်စီယမ်၊ ဗီတာမင်အီး၊ ဗီတာမင်ဘီ၂၊ မဂ္ဂနိစ်၊ သံဓာတ် အစရှိသည်ဖြင့် အာဟာရဓာတ်များ ၉၄ရာခိုင်နှုန်းပါဝင်ပြီး ဗီတာမင်နှင့် သတ္တုဓာတ်များလည်းပါဝင်ကာ ကယ်လိုရီပါဝင်မှုနည်းပါသည်။ ကယ်လိုရီပါဝင်မှုနည်းသောကြောင့် အဆီ၊ အစိမ့်များသော အစားအသောက်များနှင့် အစားထိုးစားသုံးနိုင်ပါသည်။

   ရွှေဖရုံသီးတွင် ဓာတ်တိုးဆန့်ကျင်ပစ္စည်းတွေပါဝင်မှုကြောင့် နာတာရှည်ရောဂါတွေဖြစ်ပွားမှုကိုလျော့နည်းစေပါသည်။ ကင်ဆာရောဂါဖြစ်ပွားမှုကိုလည်း လျှော့ချပေးနိုင်ပါသည်။  အထူးသဖြင့် အစာအိမ်ကင်ဆာ၊ လည်ချောင်းကင်ဆာဖြစ်ပွားမှုကိုလျော့နည်းစေခြင်းပင်ဖြစ်ပါသည်။ ကိုယ်ခံအားကောင်းမွန်စေပြီး ခန္ဓာကိုယ်၏ ကိုယ်အားစနစ်ကိုတိုးတက်ကောင်းမွန်စေပါသည်။    ဗီတာမင်အေ  ကြွယ်ဝသော အစားအစာဖြစ်သောကြောင့် ကိုယ်ခံအားကောင်းမွန်စေပြီး ခန္ဓာကိုယ်တွင်း ပိုးမွှားဝင်ရောက်မှုကိုကာကွယ်ပေးပါသည်။ အမြင်အာရုံလည်းကောင်းမွန်စေပါသည်။  ကိုယ်အလေးချိန်ထိန်းညှိပေးခြင်း၊ နှလုံးကျန်းမာရေးလည်းကောင်းစေပါသည်။

        ယခုအချိန် မိုးရာသီတွင်  ရွှေဖရုံသီးများ စိုက်ပျိုးထွက်ရှိပြီး  ၂၀၂၄ခုနှစ်၊ ဩဂုတ်လ ဒုတိယပတ်တွင်  နတ်တလင်းမြို့နယ် ဈေးကွက်အတွင်း၌ အလုံးအရွယ်အစားကိုလိုက်၍ ရွှေဖရုံသီးတစ်လုံးလျှင် (၁၅၀၀ကျပ်မှ  ၅၀၀ကျပ်)နှုန်းဖြင့်   ရောင်းချလျက်ရှိပါသည်။  ရွှေဖရုံသီးတွင်  အာဟာရဓာတ်များစွာပါဝင်ပြီး  ဈေးနှုန်းချိုသာသည့်  ရာသီပေါ်အစားအစာလည်းဖြစ်သောကြောင့်  ရွှေဖရုံသီးကို မိမိတို့အိမ်၌ မိသားစုနှင့်အတူ ချက်ပြုတ်စားဖို့ရန် အကြံပြုလိုက်ရပါသည်။

DOCA(ပဲခူး)

      ပဲခူးတိုင်းဒေသကြီး၊ သာယာဝတီခရိုင်၊ အုတ်ဖိုမြို့နယ်၊ ဩဂုတ်လ၊ တတိယအပတ်အတွင်း အုတ်ဖိုမြို့မဈေးကြီးအတွင်း ရောင်းဝယ်နေသော အခြေခံစားသောက်ကုန်ဈေးနှုန်းများမှာ ကြက်သွန်နီ လက်လီဈေးမှာ (ကြီး)တစ်ပိဿာလျှင် ၂၈၀၀ကျပ်၊ (လတ်)တစ်ပိဿာလျှင် ၂၅၀၀ကျပ်၊ (သေး) တစ်ပိဿာလျှင် ၂၀၀၀ကျပ်ဖြစ်ပြီး ကြက်သွန်ဖြူလက်လီဈေးမှာ (ရှမ်းမွှာကြီး) တစ်ပိဿာလျှင် ၁၇၀၀၀ကျပ်၊ ကြူကုတ် (လတ်)တစ်ပိဿာလျှင် ၁၅၀၀၀ကျပ်၊ ချင်းတစ်ပိဿာလျှင် ၈၀၀၀ကျပ်၊ ငရုတ်သီးခြောက်(ရှည်) တစ်ပိဿာလျှင် ၁၂၀၀၀ကျပ်၊ ငရုတ်ပွတစ်ပိဿာလျှင် ၂၅၀၀၀ကျပ်၊ အာလူး(သန့်)တစ်ပိဿာလျှင် ၅၀၀၀ကျပ်တို့ဖြင့် ပုံမှန်ရောင်းဝယ်လျက်ရှိပြီး ယခင်ဇူလိုင်လထက် ဈေးနှုန်းအနည်းငယ်မြင့်တက်လာခဲ့ပါသည်။

         ပဲဈေးနှုန်းမှာ မြေပဲလုံးဆန်တစ်ပိဿာလျှင် ၉၅၀၀ကျပ်နှင့် ကုလားပဲခြမ်းစိမ်းတစ်ပိဿာလျှင် ၇၀၀၀ကျပ်ဖြင့် ပုံမှန်ဈေးအတိုင်း ရောင်းဝယ်လျက်ရှိကြောင်းသိရပါသည်။

DOCA(ပဲခူး)