ပြည်တွင်းကုန်သွယ်မှုသတင်း

     ၂၀၂၅ ခုနှစ်၊ စက်တင်ဘာလ ပထမပတ်တွင် ကရင်ပြည်နယ်၊ဘားအံမြို့ပေါ်ဈေးများရှိ အခြေခံစားကုန် ငါခြောက်အမျိုးမျိုးတို့မှာ ဈေးကောင်းရကာအရောင်းအဝယ်ဖြစ်လျက်ရှိကြောင်းနှင့် ယင်းငါးခြောက်များသည် ဒေသထွက်ရှိသလို အခြားဒေသမှဝင်ရောက်လာသည်များလည်းရှိကြောင်း သိရသည်။

   ဘားအံမြို့ရေပေါ်ဈေးအတွင်းရှိ ငါးခြောက်မျိုးစုံဈေးနှုန်းများမှာ ငါးရံခြောက် တစ်ပိဿာလျှင် (၁၂၀၀၀၀/၁၅၀၀၀၀)ကျပ်၊ အာဗြဲခြောက် တစ်ပိဿာလျှင် (၄၀၀၀၀)ကျပ်၊ ငါးကွင်းရှပ်ခြောက် တစ်ပိဿာလျှင် (၄၀၀၀၀/၇၀၀၀၀)ကျပ်၊ ငါယောင်ခြောက် တစ်ပိဿာလျှင် (၄၅၀၀၀)ကျပ်၊ ငါးတံခွန်ခြောက် တစ်ပိဿာလျှင် (၇၀၀၀၀/၁၅၀၀၀၀)ကျပ်၊ငါးနီတူခြောက် တစ်ပိဿာလျှင် (၃၀၀၀၀)ကျပ်၊ မြှီးတံရှည်ခြောက် တစ်ပိဿာလျှင် (၃၀၀၀၀)ကျပ်၊ ငါးဇင်ရိုင်းခြောက် တစ်ပိဿာ လျှင် (၃၅၀၀၀)ကျပ်၊ ငါးမွေထိုးခြောက် တစ်ပိဿာလျှင် (၄၅၀၀၀)ကျပ်တို့ဖြစ် အရောင်းအဝယ် ဖြစ်နေပြီး ယခင်လငါးခြောက်ဈေးနှုန်းနှင့် ယခုလငါးခြောက်ဈေးနှုန်းများ နှိုင်းယှဉ်ခြင်း အားဖြင့် ငါးခြောက်ဈေး (၁၀၀၀/၁၅၀၀)ကျပ်နှုန်း ကွာဟကာ အနည်းငယ်မြင့်တက်နေကြောင်း ၊ယခုလို ဈေးနှုန်းအနည်းငယ်မြင့်တင်ရခြင်းမှာ သယ်ယူစရိတ်နှင့် အအေးခန်း သိုလ်လှောင်စရိတ်ကြီးခြင်းတို့ကြောင့်ဖြစ်ကြောင်း ဘားအံမြို့ရေပေါ်ဈေးအတွင်း ငါးခြောက်အရောင်းဆိုင်မှ သိရပါသည်။

DOCA(ကရင်)

     ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်တွင် လူကြိုက်များလှသော ဆီအမျိုးအစား တစ်ခုဖြစ်သည့် ဒေါ်လာမြေပဲဆီသည် အနံ့အရသာနှင့် ပြည့်စုံသောကြောင့် ဈေးကွက်တွင် အရောင်း သွက်လျက်ရှိပါသည်။ ဒေါ်လာမြေပဲဆီသည် ဈေးနှုန်းလည်း အသင့်အတင့်ဖြစ်ကာ ရောင်းအား ကောင်းသော ထုတ်ကုန်တစ်ခုလည်းဖြစ်သည်။ ဒေါ်လာမြေပဲဆီသည် ၁၀၀ % ဆီသန့်ဖြစ်ကာ မည်သည့် အရောအနှောမှ မပါဝင်ကြောင်း သိရသည်။ ဒေါ်လာမြေပဲဆီတွင် ရရှိနိုင်သော ဆီအမျိုး အစားများမှာ မြေပဲဆီ၊ နှမ်းဆီ၊ နှမ်းဦးဆီတို့ဖြစ်ပါသည်။ မြေပဲဆီဈေးနှုန်းမှာ (၁၇၀၀၀)ကျပ်၊ နှမ်းဆီ တစ်ပိဿာလျှင် (၁၇၀၀၀)ကျပ်နှင့် နှမ်းဦးဆီ တစ်ပိဿာလျှင် (၁၇၅၀၀)ကျပ်တို့ဖြင့် ရောင်းချနေကြောင်းသိရသည်။

DOCA(ပဲခူး)

      ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်၊ မြို့မဈေးကြီးနှင့် ပြည်မြို့အတွင်းရှိ ဈေးများတွင် ကျောက်ပန်းတောင်း ထန်းလျက်များ ရောင်းချနေကြောင်းသိရသည်။ ထန်းလျက်များကို မီးဖိုချောင်တိုင်းမှာ ပုလင်း(သို့)လေလုံဗူးများနှင့် ထည့်ထားပြီး အချိုတည်းတာမျိုးလည်း ရှိပါသည်။ ထန်းလျက်ပါတဲ့ မုန့်ကလည်း စားလို့ကောင်းသလို ဆေးဖက်ဝင်ကြောင်းလည်း သိရသည်။

          ထန်းလျက်သည် အချိုဓါတ်ပါတဲ့ စားစရာတစ်ခုဖြစ်ပြီး ဒီအတိုင်း စားလို့ရသလို အရည်ကျိုပြီး မုန့်လက်ကောက်ကြော်၊၊ နှမ်းကပ်ကြော်တို့နှင့်တို့စားရပြီး သာကူ မုန့်လက်ဆောင်း တို့သည်လည်း ထန်းလျက်ရည်ကျိုပြီး အုန်းသီးလေးထည့်ပြီး သောက်လိုလျှင် အရသာရှိစေသည်.

          ထန်းလျက်သည် ထန်းပင်မှ ကျလာသည့် သန့်စင်ထားတဲ့ ထန်းရည်ချိုကို ဒယ်အိုးထဲထည့်ပြီး မီးပြင်းပြင်းနဲ့ ပျစ်လာတဲ့အထိ ဆူပွက်အောင် ကျိုပေးပြီး အရည်ပျစ်လာတဲ့အခါ မီးဖိုပေါ်မှချပြီး လိုသလို ပုံစံနဲ့ အခဲခံလိုက်ရတဲ့အခါ စားကောင်းတဲ့ ထန်းလျက်ဖြစ်လာပါသည်။

          ထန်းလျက်ကို အနယ်နယ် အရပ်ရပ်တွင် ဝယ်လို့ရပြီး ကုန်ကျစရိတ်လည်း မများပဲ ကျန်းမာရေးအတွက် အကျိုးကျေးဇူးရစေနိုင်ပါသည်။ ဈေးနှုန်းများအနေဖြင့် တစ်ဆယ်ကျပ်သားလျှင် (၁၀၀၀)ကျပ်ဖြင့် ရောင်းချပြီး ပိဿာလုံး ဈေးမှာ (၈၀၀၀)ကျပ်ဖြင့် ရောင်းချကြောင်း သိရသည်။

DOCA(ပဲခူး)

    ပြည်မန်ကျည်းမှည့် ပွဲရုံများတွင် လှောင်မန်ကျည်းမှည့်လက်ကျန်မျာ ဒေသတွင်း အရောင်း အဝယ်ရှိနေတာသိရသည်။မန်ကျည်းပွဲရုံများတွင် မန်ကျည်းမှည့် တစ်ပိဿာဈေးမှာ (အသား) (၉၅၀၀-၁၀၀၀၀)ကျပ်ဖြင့် ရောင်းချနေသည်။ လက်လီဈေးမှာ အသားဈေး တစ်ပိဿာလျှင် (၁၂၀၀၀-၁၃၀၀၀)ကျပ်ဖြင့် ရောင်းချနေပြီး ဈေးကွက်များတွင် အစေ့ပါမန်ကျည်းမှည့်ကို ရောင်းချခြင်း မရှိကြောင်းတွေ့ရသည်။ တစ်ပတ်အတွင်း မန်ကျည်းပိဿာချိန် (၁၀၀)ကျော် အရောင်းအဝယ် ပုံမှန်ရှိနေကြောင်း သိရသည်။ မန်ကျည်းပိဿာချိန် (၅၀၀)ကျော် အရောင်းအဝယ်ပုံမှန်ရှိနေတာ သိရ သည်။ မန်ကျည်းသီးစိမ်း တစ်ပိဿာ (၃၀၀၀)ကျပ်ဈေးဖြင့် ရောင်းချလျက်ရှိနေတာလည်း တွေ့ရပါသည်။

DOCA(ပဲခူး)

    ပဲခူးတိုင်းဒေသကြီး၊ သာယာဝတီခရိုင်၊  အုတ်ဖိုမြို့နယ်တွင် ဩဂုတ်လတတိယပတ်မှစ၍ မိုးစပါးများစတင်ရိတ်သိမ်းလျက်ရှိရာ မြို့နယ်အတွင်းရှိ စပါးဝယ်ယူနေသော စက်ရုံ/သိုလှောင်ရုံနှင့် အလုပ်အကိုင်အခွင့်အလမ်းများ ပေါများလာပြီဖြစ်ပါသည်။

     အုတ်ဖိုမြို့နယ်ရှိ စပါးဝယ်ယူနေသော ဆန်စက်ပိုင်ရှင်များ၏ ပြောကြားချက်အရ တနေ့လျှင် စပါးတင်း ၂၅၀၀၀ မှ ၃၀၀၀၀ အထိ အရောင်းအဝယ်ရှိပြီး ရက်၉၀ စပါး အသွယ်အမျိုးအစားများ အဓိ ကဝယ်ယူရပြီး စပါးဈေးနှုန်းမှာ အစိုဓာတ် ၂၂ % မှ ၂၅ % အတွင်း  ပေါင် ၅၀ စပါးတင်း ၁၀၀ လျှင် ၁၁၅၀၀၀၀ ကျပ်ဖြင့် ဝယ်ယူလျက်ရှိကြောင်း စုံစမ်းသိရှိရပါသည်။

DOCA(ပဲခူး)