ပြည်တွင်းကုန်သွယ်မှုသတင်း

     ကျွန်းလှမြို့နယ်အတွင်းရှိ ကျေးရွာများတွင် စပါး၊ ပဲမျိုးစုံနှင့် စားဖိုဆောင်သီးနှံများကို စိုက်ပျိုးရောင်းချကြရာ တောကြက်ဟင်းခါးသီး၊ ကြောင်လျှာသီးနှင့် ခဆော့သီးကိုလည်း စိုက်ပျိုးလျက်ရှိကြောင်း သိရသည်။

           ၂၀၂၅ ခုနှစ်၊ ဇူလိုင်လ နောက်ဆုံးပတ်တွင် ရောင်းချလျက်ရှိသည့် ဈေးနှုန်းများမှာ တောကြက်ဟင်းခါးသီး ဈေးနှုန်းများမှာ တစ်ပြည်လျှင် (၆၀၀၀)ကျပ်၊ နို့ဆီ တစ်ဘူးလျှင်(၈၀၀)ကျပ်၊ ကြက်ဟင်းခါးသီး အလုံးကြီး တစ်ပိဿာလျှင် (၄၀၀၀)ကျပ်၊ (၅၀)ကျပ်သားလျှင်(၂၀၀၀)ကျပ် ဈေးဖြင့်လည်းကောင်း ခဆော့သီး တစ်ပြည်လျှင်(၃၂၀၀)ကျပ်၊ နို့ဆီ တစ်ဘူးလျှင်(၄၀၀)ကျပ် ဈေးနှုန်းတို့ဖြင့် လည်းကောင်း၊ ကြောင်လျှာသီး အကြီး တစ်တောင့်လျှင်(၁၅၀၀)ကျပ်၊ ကြောင်လျှာသီး အသေး တစ်တောင့်လျှင် (၁၀၀၀)ကျပ်နှုန်းတို့ဖြင့်  အရောင်းအဝယ်ဖြစ်လျက်ရှိကြောင်း သစ်ရာမြိုင်ဈေးတွင် ကုန်စိမ်းသီးနှံ  ရောင်းချနေသော ဈေးသည်ထံမှ သိရသည်။

DOCA(စစ်ကိုင်း)

   မြန်မာနိုင်ငံ သစ်သီးဝလံနှင့်ပန်းမာန်မှာဆိုလျှင် ထောပတ်သီး အမျိုးအစားသည်လည်း နေရာ တစ်ခုရလာကာ လူအများစားသုံးကြသည်ကို တွေ့ရှိရပါသည်။ မိရိုးဖလာမျိုးဖြစ်သည့် မြောက်ကျွန်းသူ ထောပတ်မျိုးလည်းရှိသလို ၊ နိုင်ငံခြားမျိုးဖြစ်သည့် Pinkerton၊ Hass တို့သည် နာမည်ကြီး လူကြိုက်များပြီး အခြားနိုင်ငံခြားမျိုးများစွာလည်း ရှိသေးကြောင်း၊ ယခင်နှစ်များဆီက ထောပတ်သီးကို အိမ်ခြံဝန်း များသာ တွေ့ရှိရပြီး ယခုချိန်ခါ ထောပတ်စိုက်ဧကများလည်းများစွာ စီးပွားဖြစ်စိုက်ပျိုးလာကြပါသည်။ ထောပတ်သီးစိုက်ပျိုးခြင်းကို စိတ်ပါဝင်စားသူများလည်း မျိုး၊ အပင်စိုက်ခြင်းများကို ဝန်ဆောင်မှု ပေးနေကြောင်း၊ ပြင်ဦးလွင်ထောပတ်သီး အစုအဖွဲ့နှင့် ဆွေးနွေးမှုအရ သိရှိရပါသည်။ ယခင်နှစ် ထောပတ်သီးများကို (၃)လုံး 1 kg နှင့်(၅)လုံး 1 kg လျှင် (၅၀၀၀-၈၀၀၀)ကျပ် ရရှိခဲ့ပြီး၊ ယခုနှစ်မှာလည်း ဈေးနှုန်းမြင့်မားစွာရရှိပြီး အရည်အသွေးကောင်း ထောပတ်သီးရရှိဖို့ အားထည့် ဆောင်ရွက်နေကြောင်း သိရှိရပါသည်။

DOCA(မန္တလေး)

      မိုးဖြိုင်ဖြိုင်ရွာပြီးစိုစွတ်တဲ့ ရာသီမှာထွက်ပေါ်တဲ့ရာသီစာ ကတက်ဥကို လူတော်တော် များများ မြင်ဖူးကြမှာပါ။ အဖျားမှာဖြူဖွေးပြီး လုံးလုံးတုတ်တုတ်အရွယ်ရှိပြီး၊ သွယ်လျလျပုံစံ လည်းရှိပါသည်။ ကတက်ဥကို ပုသိမ်မြို့အနီးဝင်းကျင်ရှိရွာများတွင်လည်း စိုက်ပျိုးကြပါသည်။ ကတက်ဥကို သင်္ဘောဥ ဟုလည်းတချို့ကခေါ်ဆိုကြသည်။ ကတက်ဥကို ဟင်းချိုချက် သောက်ရာတွင် ခံတွင်းရှင်းလင်းစေပြီး ထမင်းလည်းမြိန်စေပါသည်။ တချို့မှာ ပုဇွန်နှင့်ရော၍ ချက်ပြုတ်ကြပါသည်။ ကတက်ဥ အရွယ် အစားပေါ်မူတည်ပြီး ဈေးအမျိုးမျိုးရှိပါသည်။အသေး တစ်ဥလျှင်(၇၀၀) ကျပ်၊ အလတ်တစ်ဥ လျှင် (၁၅၀၀)ကျပ်နှင့် အကြီးတစ်ဥလျှင်(၂၀၀၀)ကျပ်ရှိကြောင်း ရောင်းချသူထံမှ သိရပါသည်။

(Doca ဧရာဝတီ)

    မန္တလေးတိုင်းဒေသကြီး ၊ ကျောက်ဆည်မြို့နယ်သည် ဆီထွက်သီးနှံမျိုးစုံအောင်မြင်ဖြစ်ထွန်း လျက်ရှိရာ ၄င်းသီးနှံများအနက် နွေနှမ်းသီးနှံကို၂၀၂၅-၂၀၂၆ဘဏ္ဍာနှစ်တွင် ကျောက်ဆည်မြို့နယ် တွင်(၄၄၂၀၆)ဧက စိုက်ပျိုးပြီး ၎င်းဧကများအားလုံး ရိတ်သိမ်းပြီးစီးပြီဖြစ်ကြောင်း၊ သက်ဆိုင်ရာ ဌာန၏စာရင်းများအရ သိရှိရပါသည်။ နွေနှမ်း(၁)ဧကစိုက်ပျိုးလျှင် မျိုးအနေဖြင့်(၂-၃) ပြည်စိုက်ပျိုး ရကြောင်း(၁)ပြည်လျှင် (၈၀၀၀/-)ကျပ်စျေးနှုန်းဖြင့် ဝယ်ယူစိုက်ပျိုးရကြောင်း ၊ နွေနှမ်းစိုက်ပျိုးမှု (၁)ဧကကုန်ကျစရိတ်အနေဖြင့် မျိုး၊သွင်းအားစု၊လုပ်သားခအပါအဝင် စုစုပေါင်း (၃၅၀၀၀၀/-) ကျပ်ခန့် ကုန်ကျကြောင်း၊စိုက်ပျိုးသော မျိုးများမှာ နှမ်းဖြူ၊ နှမ်းညို၊ နှမ်းနက်မျိုးများကို အများဆုံးစိုက်ပျိုး ကြကြောင်း၊ ယခုအချိန်တွင် နှမ်းဖြူတစ်တင်း လျှင်(၁၂၂၀၀၀/-)ကျပ်၊ နှမ်းညို တစ်တင်း လျှင် (၉၆၀၀၀/-)ကျပ်၊ နှမ်းနက်တစ်တင်းလျှင်(၉၆၀၀၀/-)ကျပ် စျေးနှုန်းများဖြင့် အရောင်းအဝယ်ဖြစ်နေ ကြောင်း သိရှိရပါသည်။(၁)ဧက အထွက်နှုန်းအနေဖြင့် (၁၀-၁၁)တင်းခန့်ထွက်ရှိခဲ့ ပြီးအကျိုးအမြတ်အနေဖြင့်(၈၇၀၀၀၀/-)ကျပ်မြတ်ခဲ့ကြောင်း နွေနှမ်းစိုက်ပျိုးသော တောင်သူတစ်ဦး၏ ပြောကြားချက် အရသိရှိရပါသည်။

DOCA(မန္တလေး)

           ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်းရှိ နိုင်ငံ့ဝန်ထမ်းပင်စင်အငြိမ်းစားများအား ရန်ကုန်တိုင်းဒေသကြီး စားအုန်းဆီအိမ်တိုင်ရာရောက် ဖြန့်ဖြူးရောင်းချရေး ကော်မတီ၏ စီစဉ်ကြီးကြပ်မှုဖြင့် လစဉ်စားအုန်းဆီများ ဖြန့်ဖြူးရောင်းချပေးလျက်ရှိရာ  ဇူလိုင်လ (၂၄)ရက်နေ့၊ နံနက်(၀၆:၀၀) နာရီအချိန်တွင် ဆီကုန်သည်ကြီးများအသင်းမှ ခရမ်းမြို့နယ်သို့ လာရောက်ရောင်းချပေးခဲ့ကြောင်း သိရှိရပါသည်။

           ထိုသို့ စားအုန်းဆီများ ရောင်းချပေးရာတွင် နိုင်ငံ့ဝန်ထမ်း ပင်စင်စားအငြိမ်းစားဝန်ထမ်း (၁)ဦးလျှင် စားအုန်းဆီ (၂.၅၅)ပိဿာ (၁)ဗူးနှုန်းဖြင့် ဆီဗူးပေါင်း( ၉၂၀)ဗူးခန့်ကို မြန်မာနိုင်ငံ ဆီကုန်သည်ကြီးများ အသင်းအဖွဲ့ဝင်ကိုယ်စားလှယ်များက ဖြန့်ဖြူးရောင်းချပေးခဲ့ကြောင်း သိရှိရပါသည်။

DOCA(ရန်ကုန်)