ပြည်တွင်းကုန်သွယ်မှုသတင်း

     စားဖိုဆောင်သီးနှံ တစ်မျိုးဖြစ်သည့် ကြက်သွန်ဖြူကို ဟင်းလျာများတွင် အသုံးပြုပြီး ပြည်နယ်အတွင်းတွင် တစ်နိုင်တစ်ပိုင် စိုက်ပျိုးလျက်ရှိကြပြီး အောင်ပန်း၊ ကလောတို့မှသယ်ယူ ရောင်းချလျက်ရှိပါသည်။ လက်ရှိစျေးကွက်အတွင်းဖြစ်ပေါ်နေသော ကြက်သွန်ဖြူ‌ စျေးနှုန်းမှာ ယခု စက်တင်ဘာလအတွင်း ကြက်သွန်ဖြူ (ရှမ်းစ) တစ်ပိသာလျှင် (၁၅၀၀၀)ကျပ်နှင့်၊ (ကြူဂုတ်) တစ်ပိသာလျှင် (၂၄၀၀၀)ကျပ် ဖြစ်သွားကြောင်း  ထားဝယ်မြို့ စည်ပင်သာယာစျေးအတွင်းရှိ စားဖို ဆောင်သုံး ပစ္စည်းများရောင်းချနေသူတစ်ဦးထံမှ သိရှိရပါသည်။

DOCA(တနင်္သာရီ)

    တနင်္သာရီတိုင်းဒေသကြီး မြိတ်ခရိုင် မြိတ်မြို့အတွင်းရှိ မီးဖိုချောင်သုံးသီးနှံတစ်မျိုးဖြစ် သည့် ကြက်သွန်ဖြူကို နေရာအနှံ့အပြားတွင် ရောင်းချကြပါသည်။ မြိတ်မြို့ဈေးကွက်အတွင်း အပတ် စဥ်ဝင်ရောက်လျက်ရှိပြီး ဈေးကွက်အတွင်း ဒေသအတွင်းလက်လီ/လက်ကားဝယ်ယူသူ များ၊ မြို့နယ်မှတစ်ဆင့်ပြန်လည် ရောင်းချသူများဖြင့် ပုံမှန်ဝယ်ယူ‌ရောင်းချနေကြောင်း သိရှိရပါ သည်။ ယခုလတွင် ကားလမ်းအခြေအနေကြောင့် ဈေးနှုန်းများ တက်‌နေကြောင်းလည်း သိရှိရပါသည်။

          ၂၀၂၅ခုနှစ်၊ စက်တင်ဘာလဒုတိယပတ်တွင် မြိတ်မြို့ပေါ်တွင် ရောင်းချနေသော ကြက်သွန် ဖြူဈေးနှုန်းမှာ ကြက်သွန်ဖြူ(ရှမ်း) တစ်ပိဿာလျှင် (၁၁၀၀၀)ကျပ်ခန့်ရှိပြီး ကြက်သွန်ဖြူ (ကြူဂုတ်) တစ်ပိဿာလျှင် (၁၆၀၀၀)ခန့်ထိရှိကြောင်းသိရှိရပါသည်။

DOCA(တနင်္သာရီ)

      တနင်္သာရီတိုင်းဒေသကြီး၊ မြိတ်မြို့ပေါ်တွင် ရာသီပေါ်သီးနှံများကို စိုက်ပျိုးရောင်းချလျက်ရှိရာ ယခုအခါ ကြက်ဟင်းခါးပင်များကိုလည်း နေအိမ်ခြံများနှင့် တောင်ယာများတွင် တစ် နိုင်တစ်ပိုင်စိုက်ပျိုးကြကြောင်း သိရှိရပါသည်။ ကြက်ဟင်းခါးသီးသည် အခါးဓါတ်ကိုပေးသော ဟင်းလျာအသီးတစ်မျိုးဖြစ်သည်။ ကြက်ဟင်းခါးသီးကို ပြုတ်တို့၍ဖြစ်စေ၊ ကြော်စား၍ဖြစ်စေ စားသုံးကြကြောင်း သိရှိရပါသည်။ ကြက်ဟင်းခါးသီးကို စားသုံးခြင်းဖြင့် သွေးလည်ပတ်မှုကို ကောင်းစေပြီး ဝမ်းချုပ်ခြင်း၊ ဆီးချို၊ သွေးချိုနှင့် ကင်ဆာရောဂါများကို ကာကွယ်ပေးနိုင်သော အသီးတစ်မျိုးဖြစ်သည်။ ဈေးကွက်အတွင်း၌ ဗမာကြက်ဟင်းခါးသီး၊ တောကြက်ဟင်းခါးသီးနှင့် ထိုင်ဝမ်ကြက်ဟင်းခါးသီးဟူ၍ မျိုးစုံရောင်းချလျက်ရှိကြောင်း သိရှိရပါသည်။ ယခုမိုးရာသီကာလ တွင် တောကြက်ဟင်းခါးသီးများ လှိုင်လှိုင်ထွက်နေကြောင်းလည်း သိရှိရပါသည်။

          ယခု၂၀၂၅ခုနှစ် စက်တင်ဘာလဒုတိယပတ်တွင် မြိတ်မြို့ပေါ်တွင် ရောင်းချနေသော ကြက်ဟင်းခါးသီးမှာ တစ်လုံးလျှင် (၇၀၀)ကျပ်နှင့် (၈၀၀)ကျပ်ခန့်ရှိကြောင်း သိရှိရပါသည်။

DOCA(တနင်္သာရီ)

    တနင်္သာရီတိုင်းဒေသကြီး၊ မြိတ်မြို့သည် ပင်လယ်ရေ ပတ်လည်ဝန်းရံလျက်ရှိသော မြို့ တစ်မြို့ဖြစ်ပြီး ဓနိပင်များ အများအပြားပေါက်ရောက်သော မြို့ဖြစ်သည်။ အဆိုပါဓနိပင်များသည် ဓနိပျား၊ ဓနိရည်များထွက်ရှိလျက်ရှိပြီး မြိတ်ဒေသအတွက် အစားအသောက်များတွင် အဓိက အသုံးပြုသော ပအုန်းရည် (သို့)သဘာဝရှာလကာရည်များကို ထုတ်ယူကြပါသည်။ ပအုန်းရည် သည် မွန်ပြည်နယ်၊ တနင်္သာရီတိုင်းနှင့် မြစ်ဝကျွန်းပေါ်ဒေသပင်လယ်ကမ်းစပ်အနီးတွင် ပေါက်ရောက် သော ရေငန်ပင်ဖြစ်သည့် ဓနိပင်မှထုတ်ယူရရှိသော ဓနိရည်ကို အချဥ်ဖောက်ထားသော အရည် ဖြစ်သည်။

    ယခုစက်တင်ဘာလဒုတိယပတ်တွင်မြိတ်မြို့ပေါ်ရှိ ပအုန်းရည်တစ်ဘူးလျှင် (၁၅၀၀)ကျပ် ခန့်ရှိကြောင်း သိရှိရပါသည်။

DOCA(တနင်္သာရီ)