ပြည်တွင်းကုန်သွယ်မှုသတင်း

             ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ်ရှိ ဩဇာသီးများသည် ကျွန်းကုန်းကြီးကျေးရွာ၊ ရွာသာကုန်းကျေးရွာနှင့် နှစ်ရွာကျေးရွာများတွင် အများဆုံးစိုက်ပျိုးထွက်ရှိပါသည်။

          ဩဇာသီးပင်များသည် နှစ်ရှည်သီးနှံဖြစ်သဖြင့် အိမ်တိုင်းလိုလိုခြံထွက် အိမ်ခြံစည်းရိုးများတွင် လည်းစိုက်ပျိုးကျပါသည်။ ယခုလအချိန် ဩဇာသီးပေါ်ချိန်ဖြစ်သည့်အတွက် ပြန်ရောင်းသမားများက အပင်ပြတ်ဝယ်ယူကြသကဲ့သို့ ခြံများတွင်လိုက်လံကြည့်ရှုကာ အသီးများလိုက်ကောက်၍ ဝယ်ယူကြကြောင်းသိရပါသည်။ ကြို့ပင်ကောက်မြို့တွင် ခွန်နှစ်ရွာဩဇာသီးဟုနာမည်ကြီးပြီး၎င်းရွာမှ အများဆုံးထွက်ရှိပါသည်။ ခွန်နှစ်ရွာရွာသည် ရန်ကုန်ပြည်ကားလမ်းဘေး၊ အရှေ့အနောက်ဘက်များတွင်တည်ရှိပြီး ဩဇာသီးပေါ်ချိန်တွင်  အိမ်ရှေ့ကားလမ်းဘေးများတွင် တဲဆိုင်များထိုး၍ ရောင်းချကြပါသည်။ ခြင်းအလိုက်(၁၀)လုံးတစ်ခြင်း၊ (၁၅)လုံးတစ်ခြင်းဖြင့်ရောင်းချပါသည်။

           ယခုစက်တင်ဘာလဒုတိယအပတ်မှစ၍ ဩဇာသီးပေါ်ချိန်တွင် အလုံးအကြီးအသေးပေါ်မူတည်၍ (၁၂၀၀/၁၀၀၀/၉၀၀/၇၀၀) ကျပ်နှုန်းအထိ ဈေးရပါကြောင်း၊ လက်ဆောင်ပေးရန်နှင့် ခရီးသွားကားများကလည်း ဝယ်ယူကြကြောင်း သိရှိရပါသည်။ ယခုအချိန်တွင် ဩဇာသီးများလှိုင်လှိုင်မပေါ်သေးသဖြင့် ဈေးကောင်းရရှိပါကြောင်း သိရှိရပါသည်။

DOCA(ပဲခူး)

             မြန်မာလူမျိုးတို့၏ ထမင်းဝိုင်းများတွင် မပါမဖြစ်စားသုံးကြသည့်ငါးပိသည် မြစ်ဝကျွန်းပေါ် ဒေသများနှင့် ပင်လယ်ကမ်းရိုးတမ်းဒေသများတွင် ပေါများစွာ ထွက်ရှိလေ့ရှိရာ မြစ်ချောင်းများ ပေါများသည့် ပဲခူးတိုင်းဒေသကြီး ကဝမြို့နယ်အတွင်း ထွက်ရှိသည့် ငါးပိအမျိုးအစားများစွာထဲမှ ငါးရံ့ ငါးပိသည် ဈေးကွက်အတွင်းဈေးကောင်းရရှိလျက်ရှိပြီး ဝယ်လိုအား အင်မတန်ကောင်းသည့် ထုတ် ကုန်ပစ္စည်းတစ်ခုအနေဖြင့် ရပ်တည်လျက်ရှိသည်။ ကဝမြို့နယ်တွင် ငါးရံ့ငါးပိကို ရေကျိုငါးပိနှင့် ငါး ရံ့ငါးပိကောင်ဟူ၍ (၂)မျိုးပြုလုပ်လေ့ရှိပြီး ဈေးကွက်အတွင်း ရောင်းချမှုအားကောင်းမှုနှင့် လူကြိုက် များလေ့ရှိသည်မှာ ငါးရံ့ရေကျိုငါးပိဖြစ်ရာ ၎င်းရေကျိုငါးပိအား ငါးပိကြော်အဖြစ်လည်းကောင်း၊ ငပိချက် အဖြစ်လည်းကောင်း၊ ဟင်းခပ်အဖြစ်သော်လည်းကောင်း အမျိုးမျိုးစားသုံးလေ့ရှိကြသည်။

            ငါးရံ့ငါးပိပြုလုပ်ရန် ငါးရံ့ကောင်များကို ရေချိုအရပ်များဖြစ်သည့် အင်း၊ အိုင်၊ ချောင်း၊ မြောင်းများ၊ လယ်ကွင်းများထဲမှ ရရှိလေ့ရှိပြီး နှစ်ဆယ်သား၊ နှစ်ဆယ့်ငါးကျပ်သားရှိသည့် အကောင် များကို ရေကျိုငါးပိပြုလုပ်လေ့ရှိကြောင်းနှင့် အရွယ်အစားကြီးမားသည့် ငါးများအား ငါးပိကောင်အဖြစ် ပြုလုပ်လေ့ရှိကြောင်း ငါးရံ့ငါးပိပြုလုပ်သူတစ်ဦးထံမှ သိရသည်။

          ငါးရံ့ငါးပိပြုလုပ်သူများသည် ငါးရံ့ပေါများချိန် ဆောင်းဦးကာလခန့်က တစ်ပိဿာလျှင် (၅၀၀၀) ကျပ်နှုန်းဖြင့် ဝယ်ယူ၍ ငါးပိပြုလုပ်ထားရှိခဲ့ပြီး ယခုစက်တင်ဘာလတတိယအပတ်တွင် ဈေး ကွက်အတွင်း ငါးရံ့ရေကျိုငါးပိ တစ်ပိဿာလျှင်(၁၅၀၀၀)ကျပ်နှုန်းနှင့် ငါးပိကောင်(၁)ပိဿာလျှင် (၁၀၀၀၀) ကျပ်နှုန်းအထိ ဈေးကွက်အတွင်း ဈေးကောင်းရရှိလျက်ရှိကြောင်းနှင့် မြန်မာလူမျိုးများ၏ ထမင်းဝိုင်းများတွင် ထမင်းကို အသား၊ ငါး၊ ဟင်းကျွေး ဟင်းလျာဖြင့် တွဲဖက်၍စားသောက်ရသည့်တိုင်အောင် ငါးပိ၊ တို့စရာမပါရှိပါက တင်းတိမ်ကျေနပ်မှုမရှိကြသဖြင့် အခြားငါးပိများထက် အနံ့၊ အရသာလွန်စွာကောင်းမွန်ပြီး အာဟာရမျှတလှသည့် ငါးရံ့ငါးပိမှာ ဈေးကွက်အတွင်း၌ ဝယ်လိုအား၊ ရောင်းလိုအားကျဆင်းသွားမှုမရှိဘဲ ဈေးကွက်အတွင်း ခိုင်မာစွာရပ်တည်နိုင်သည့် ကုန်ပစ္စည်းတစ်ခုဖြစ်ကြောင်း ငါးပိပြုလုပ်သူများနှင့် ငါးပိကုန်သည်များထံမှ သိရှိရပါသည်။

DOCA(ပဲခူး)

    ၂၀၂၄ ခုနှစ်၊ ဒီဇင်ဘာလ (ဒုတိယ)တွင် အာလူးဈေးနှုန်းများ အနည်းငယ်ကျဆင်းလာ ကြောင်း ဈေးကွက်အတွင်းရှိ ကုန်သည်၊ ပွဲရုံများထံမှ လေ့လာသိရှိရပါသည်။ ရှမ်းပြည်နယ် (တောင်ပိုင်) ပင်လောင်းမြို့နယ်၊ နောင်တရား၊ တီကျစ် ဒေသတို့မှ အာလူးအဝင်များလာသော ကြောင့် အားလူးဈေးနှုန်းကျဆင်းရခြင်းဖြစ်ပါသည်။ ယခုအပတ်တွင် အာလူးဈေးနှုန်းများနေဖြင့် မျက်နီ S2- ၈၀၀၀ကျပ်၊ မျက်နီ S1-၇၀၀၀ ကျပ်၊ OK- ၆၅၀၀ကျပ်၊ A1- ၄၅၀၀ကျပ်၊ ဆွဲသီး- ၃၅၀၀ ကျပ်နှင့် ဂေါ်လီဆိုဒ်- ၂၀၀၀ကျပ်ခန့် ဈေးပေါက်နေကြောင်းနှင့် စီးဆင်းမှုမှာာလည်း ပုံမှန်သာရှိနေ ကြောင်း ဈေးကွက်အတွင်းရှိ ကုန်သည်၊ ပွဲရုံများထံမှ လေ့လာစုံစမ်း သိရှိရပါသည်။

DOCA(ရှမ်း)

  တောင်ကြီးမြို့ရှိ မြို့နယ်အနှံ့အပြားတွင် မိသားစုအိမ်ခြံဝင်း၌လည်းကောင်း၊ တစ်နိုင်တစ်ပိုင် စိုက်ပျိုး၍လည်ကောင်း ချဉ်ပေါင်ပင်များကို စိုက်ပျိုးကြကြောင်းသိရှိရပါသည်။ ဒေသအခေါ်အဝေါ် အရ ချဉ်ပေါင်ပင်ကို ချဉ်ပေါင်လက်ကြားနှင့် ချဉ်ပေါင်ဗီးလပ်ဟူ၍ နှစ်မျိုးရှိပြီး ချဉ်ပေါင်လက်ကြားကို ဆေးချဉ်ပေါင်အဖြစ် အသုံးပြုကြောင်းသိရှိရပါသည်။ ချဉ်ပေါင်ရွက်များကို တစ်နှစ်ပတ်လုံးစားသုံးရန် စိုက်ပျိုးကြသော်လည်း ချဉ်ပေါင်သီးမှာ ဆောင်းရာသီအချိန်ရောက်မှသာ အဖူးများထွက်လာပြီး ရာသီစာသီးနှံအဖြစ် ရောင်းချကြကြောင်းသိရှိရပါသည်။

          တောင်ကြီးမြို့ရှိ အမှတ်(၅)ဈေးနှင့် (၅)ရက်တစ်ပတ်ဈေးတို့တွင်  ရာသီစာတစ်ခုဖြစ်သော ချဉ်ပေါင်သီးများ ဈေးကွက်အတွင်းနေရာအနှံ့မှ အများအပြားလာရောက် ရောင်းချကြကြောင်းသိရှိရ ပါသည်။ ချဉ်ပေါင်သီးကို အလေးချိန်ဖြင့်လည်းကောင်း၊ အပုံဖြင့်လည်းကောင်း နှစ်မျိုးရောင်းချကြ ကြောင်းသိရှိရပါသည်။  (၃.၁၂.၂၀၂၄)ရက်နေ့ ဈေးကွက်အတွင်း၌ ရောင်းချလျက်ရှိသည့် ချဉ်ပေါင်သီး ရောင်းဈေးနှုန်းမှာ  (၂၅ ကျပ်သား)လျှင်(၁၀၀ဝိ/-)ကျပ်၊ အလုံး(၂၀)ခန့်ပါတစ်ပုံလျှင် (၅၀ဝ/-)ကျပ်နှုန်း ဖြင့်လည်းကောင်း ရောင်းချကြကြောင်းသိရှိရပါသည်။ ချဉ်ပေါင်ရွက်ဈေးမှာ အစည်းတစ်စီးလျှင် (၅၀ဝ/-)ကျပ်နှုန်းဖြင့် ရောင်းချကြကြောင်းသိရှိရပါသည်။ ပေါ်ခါစတွင် ရာသီစာ ချဉ်ပေါင်သီးမှာ ဈေးနှုန်း ကောင်းနေပြီး ရောင်းအားကောင်းလျက်ရှိ ကြောင်းသိရှိရပါသည်။

DOCA(ရှမ်း)

          ရှမ်းပြည်နယ်၊ တောင်ကြီးမြို့၊ အမှတ်(၅)ဈေးရှိ (၅)ရက်ဈေးနေ့တွင် အခြေခံစားသောက်ကုန် များ၊ အသားငါးများ၊ လျှပ်စစ်ပစ္စည်းများ၊ အဝတ်အထည်များ၊ အိုးခွက်ပုဂံများနှင့်သစ်သီးဝလံများကို ဈေးနှုန်းချိုသာစွာ ရောင်းချသည့်အတွက် ရောင်းသူ/ဝယ်သူများဖြင့် စည်ကားပြီး အရောင်းအဝယ် ဖြစ်လျက်ရှိကြောင်းသိရှိရပါသည်။

          ပုံမှန်ဈေးတွင် ရောင်းချမှုမရှိသော ငါးပတ်၊ ငါးခူ၊ ငါးရံ့၊ ဇလားဗီးယား၊ ငါးခုံးမနှင့်ငါးအသေး လေးများအား အင်လေး၊ ညောင်ရွှေ၊ အောင်ပန်း၊ ငါးကန်များနှင့်နီးစပ်ရာဒေသများမှ ဈေးနှုန်းချိုသာ စွာဖြင့် လာရောက်ရောင်းချသည့်အတွက် စားသုံးသူများမှ (၅)ရက်ဈေးကို စောင့်မျှော်၍ ဝယ်ယူ စားသောက်ကြကြောင်းသိရှိရပါသည်။

          ဇလားဗီးယားငါးများမှာ အရွယ်အစားပေါ်မူတည်ပြီး(၁)ပိဿာလျှင် (၃၅၀ဝိ/-)ကျပ်မှ (၇၀၀ဝိ/-)ကျပ်အထိ ဈေးနှုန်းရှိကြောင်း၊ ငါးခူး၊ ငါးရံ့၊ ငါးပတ်များမှာ (၁)ပိဿာလျှင် (၂၀၀၀ဝိ/-)ကျပ် မှ (၂၄၀၀ဝိ/-)ကျပ်အထိလည်းကောင်း၊ ငါးအသေးလေးများမှာ (၁)ပိဿာလျှင် (၃၅၀ဝိ/-)ကျပ်မှ (၅၀၀ဝိ/-)ကျပ်အထိရှိကြောင်းသိရှိရပါသည်။ ငါးရံ့ခြောက်၊ ‌ဇလားဗီးယားခြောက်၊ ပုဇွန်ခြောက်များ နှင့် ငါးဆယ်နယ်များလဲ ဈေးနှုန်းချိုကြောင်းသိရှိရပါသည်။

          ဟင်းသီးဟင်းရွက်များလည်း ဈေးနှုန်းချိုသာစွာရောင်းချသည့်အပြင် လတ်ဆက်သည့်အတွက် ဝယ်ယူစားသုံးမှုများကြောင်း၊ မုန်ညှင်းတစ်စည်းလျှင် (၈၀ဝိ/-)ကျပ်၊ မုန်ညှင်းဖြူတစ်ထုပ်လျှင် (၈၀ဝိ/-) ကျပ်၊ ပန်းဂေါ်ဖီတစ်ထုပ်လျှင် (၁၅၀ဝိ/-)ကျပ်မှ (၃၀၀ဝ/-)ကျပ်၊ ဂေါ်လခါးသီးတစ်လုံးလျှင် (၅၀ဝိ/-) ကျပ်၊ဘူးသီးတစ်လုံးလျှင် (၁၀၀ဝိ/-)ကျပ်၊ပဲလိပ်ပြာ(ခ)ပဲစိတ်တို(၁)ဘူးလျှင် (၁၀၀ဝိ/-)ကျပ်၊ ကိုက်လန်ဆိုင်တစ်စည်းလျှင် (၅၀ဝိ/-)ကျပ်၊ ဂေါ်လခါးအညွန့်တစ်စည်းလျှင် (၈၀ဝိ/-)ကျပ်၊ ကန်စွန်း ရွက်တစ်စည်းလျှင် (၅၀ဝိ/-)ကျပ်နှင့် ငှက်ပျောသီးတစ်ဖီးလျှင် (၁၀၀ဝိ/-)ကျပ်မှ (၃၀၀ဝိ/-)ကျပ်အထိ ရောင်းချကြောင်းသိရှိရပြီး ဈေးကွက်အတွင်း အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(ရှမ်း)