ပြည်တွင်းကုန်သွယ်မှုသတင်း

     သကြားပြောင်းဖူးများ ရန်ကုန်သီရိမင်္ဂလာဈေးမှ မအူပင်ကုန်စိမ်းဈေးကွက်သို့ နေ့စဉ် ဝင်ရောက်လျက်ရှိသည် ။ မအူပင်မြို့နယ်တွင် စိုက်ပျိုးသော ဖူးစားပြောင်းများ မထွက်ရှိသေးချိန်တွင် ရန်ကုန်မှ မှာယူရောင်းချကြောင်း သိရသည်။ ရန်ကုန်မှ သကြားပြောင်းဖူးများကို နေ့စဉ် အဖူး ၁၀၀ပါ ၅၀အိတ် နေ့စဉ် မအူပင် အခွန်လွတ်ဈေး ကုန်စိမ်းသည်များက မှာယူရောင်းချကြောင်း၊ ပြောင်းဖူး ၁၀၀ပါ ၁အိတ်ကို ၃ရက်အတွင်း ရောင်းကုန်ကြောင်း သိရသည်။

      ၂၀၂၅ခုနှစ် စက်တင်ဘာလ တတိယပါတ်က ၁ဖူးလျှင် ၈၀၀ကျပ်ဖြင့် ရောင်းချပြီး အဖူး၁၀၀ပါ ၁အိတ် တန်ဖိုးမှာ သယ်ယူစရိတ်အပါအဝင် ၆သောင်းကျပ် ကုန်ကျကြောင်း၊ အကျိုးအမြတ်အနေဖြင့် ငွေကျပ် ၂၀၀၀၀ကျပ်ကို ၃ရက်အတွင်း ရရှိကြောင်း၊ ရောင်းအားကောင်း၍ သကြားပြောင်းများ ဈေးနှုန်း တည်ငြိမ်လျက် ရှိကြောင်း သကြားပြောင်းများကို  မေလမှ စက်တင်ဘာလ အထိ ပုံမှန် ဝင်ရောက်၍ ရောင်းချနေရကြောင်း ကုန်စိမ်းသည်ထံမှ သိရသည်။

DOCA(ဧရာဝတီ)

            အငယ်စား၊ အသေးစားနှင့် အလတ်စားလုပ်ငန်းများ (MSME) ဝန်ကြီးဌာနသည် Funding- Worthy Business (Bislaf) ပရိုဂရမ်မှတစ်ဆင့် အိမ်ရာမြေကဏ္ဍရှိ MSME လုပ်ငန်းများအား ချေးငွေထောက်ပံ့ပေးနိုင်ရေး ကြိုးပမ်းလျှက်ရှိကြောင်း သိရပါသည်။ ထိုကနဦးဆောင်ရွက်မှုသည် MSME လုပ်ငန်းများ၏ ဘဏ္ဍာရေးလိုအပ်ချက်များအား ဘဏ္ဍာရေးအသင်းအဖွဲ့များ၊ ရင်းနှီးမြှုပ်နှံ သူများထံမှ ရန်ပုံငွေအခွင့်အလမ်းများနှင့် ချိတ်ဆက်ပေးရန် အားထုတ်မှုဖြစ်ပြီး တစ်ချိန်တည်းမှာ ပင် အစိုးရ၏အိမ် ၃ သန်း ပရိုဂရမ်ကို ပံ့ပိုးပေးရန်ဖြစ်ကြောင်း သိရပါသည်။ အနောက်ဂျာဗားရှိ Bogor မြို့တွင် စက်တင်ဘာလ ၁၁ ရက်နေ့ကကျင်းပခဲ့သည့် Bislaf Intimate စီးပွားရေး ချိတ်ဆက်မှုအခမ်းအနားတွင် ဝန်ကြီးဌာန၏ အသေးစားလုပ်ငန်းများဦးစီးဌာနမှ ဒုတိယအကြီး အကဲဖြစ်သူ Temmy Satya Permana က MSME လုပ်ငန်းများသည် အိမ်ဆောက်လုပ်ရေးတွင် အဓိကအခန်းကဏ္ဍ၌ ပါဝင်နေကြောင်း၊ ၎င်းတို့သည် MSME လုပ်ငန်းများ၏ စီးပွားရေးစွမ်းရည် တိုးတက်စေရန်ကြိုးပမ်းနေကြောင်းနှင့် သို့မှသာ အိမ် ၃ သန်း ဆောက်လုပ်ရေးတွင် ပူးပေါင်း ပါဝင်နိုင်ရန် ၎င်းတို့အဆင်သင့်ဖြစ်မည်ဖြစ်ကြောင်း ပြောကြားခဲ့ပါသည်။ ဝန်ကြီးဌာနထံမှ အချက် အလက်များအရ အိမ်ရာမြေကဏ္ဍတွင်လုပ်ငန်းလည်ပတ်နေသည့် MSME လုပ်ငန်းပေါင်း ၁၀၄၀၀၀ ပတ်လည်ရှိပြီး ၃၅၀၀၀ မှာဆောက်လုပ်ရေးဝန်ဆောင်မှုတွင်ဖြစ်ပြီး ၇၀၀၀၀ နီးပါးမှာ ဆောက်လုပ်ရေးပစ္စည်းရောင်းချသူများဖြစ်ကြောင်း သိရပါသည်။ Permana က ထို MSME လုပ်ငန်းများသည် စိန်ခေါ်မှုများနှင့်ဆက်လက်ရင်ဆိုင်နေရပြီး အထူးသဖြင့် ချေးငွေရရှိမှုတွင် ဖြစ်ကြောင်း၊ ထိုအချက်ကိုအဆုံးသတ်ရန် Bislaf သည် MSME လုပ်ငန်းများ၏လိုအပ်ချက်နှင့် ဘဏ္ဍာရေးအသင်းအဖွဲ့များ၊ ရင်းနှီးမြှုပ်နှံသူများနှင့် အစိုးရပရိုဂရမ်များပါဝင်သည့် များစွာသော အရင်းအမြစ်များထံမှ ဘဏ္ဍာရေးအခွင့်အလမ်းများကြားတွင် ပေါင်းကူးတံတားသဖွယ်ဆောင်ရွက် ပေးသွားမည်ဖြစ်ကြောင်း ပြောကြားခဲ့ပါသည်။ အစိုးရသည် အိမ်ရာ ၃၅၀၀၀၀ အတွက် အိမ်ရာ ချေးငွေအထောက်အပံ့ဖော်ဆောင်ပေးမှုအစီအစဉ် (FLPP) နှင့် ကိုယ်တိုင်တည်ဆောက်သည့် အိမ်ရာအတွက်လှုံ့ဆော်မှုအထောက်အပံ့ (BSPS)  အစရှိသည့်များစွာသော ပံ့ပိုးမှုမူဝါဒများ ဖော်ဆောင်လျှက်ရှိကြောင်း သိရပါသည်။ အသေးစားလုပ်ငန်းဦးစီးဌာန၏  ဘဏ္ဍာရေးနှင့် ရင်းနှီး မြှုပ်နှံမှု ဒုတိယဌာနမှူးအကူ Ali Manshur က Intimate Business Matching အခမ်းအနားသည် ၂၀၂၅ ခုနှစ် ဇွန်လမှစတင်ကျင်းပခဲ့သည့်အခမ်းအနားများထဲတွင် ထိပ်တန်းအခမ်းအနား ဖြစ်ကြောင်း ပြောကြားခဲ့ပါသည်။ အခမ်းအနားတွင် ရွေးချယ်ခြင်းခံရသည့် MSME လုပ်ငန်း ၁၆ ခုသည် pitching နှင့် pitching ပြုလုပ်ခြင်းနှင့် ဘဏ္ဍာရေးအသင်းများနှင့် တစ်ဦးခြင်းတွေ့ဆုံ မှုများပြလုပ်ခဲ့ကြောင်း သိရပါသည်။

DOCA(ရန်ကုန်)

           ဘုရင့်နောင်ကုန်စည်ဒိုင်အတွင်းသို့ ဧရာဝတီတိုင်းဒေသကြီး၊ မန္တလေးတိုင်းဒေသကြီး၊ ရှမ်း ပြည်နယ်တို့မှ ငြုပ်သီးများဝင်ရောက်လျက်ရှိရာ ဧရာဝတီတိုင်းဒေသကြီးမှ အများဆုံးဝင် ရောက်ပြီး ငြုပ်သီးဈေးနှုန်းများမှာ ၁၅.၉.၂၀၂၅ ရက်နေ့ ကုန်စည်ဒိုင်တွင် ဖြစ်ပေါ်ခဲ့သော ငြုပ်သီး တစ်ပိဿာ ဈေးနှုန်းများမှာ ပန်းရဲ(ဟောင်း) အမြင့်ဆုံးဈေး ကျပ် ၇၅၀၀ မှ  အနိမ့်ဆုံးဈေး ကျပ် ၆၅၀၀၊ ပန်းရဲ(AC) အမြင့်ဆုံးဈေး ကျပ် ၁၁၀၀၀ မှ  အနိမ့်ဆုံးဈေး ကျပ် ၁၀၀၀၀၊ မြှားနီ(ဟောင်း) အမြင့်ဆုံးဈေး ကျပ် ၉၀၀၀ မှ  အနိမ့်ဆုံးဈေး ကျပ် ၈၀၀၀၊ မြှားနီ(AC) အမြင့်ဆုံးဈေး ကျပ် ၁၂၀၀၀ မှ အနိမ့်ဆုံး ကျပ် ၁၁၀၀၀၊ မြစ်ဝ မိုးထောင် အမြင့်ဆုံးဈေး ကျပ် ၁၂၀၀၀ မှ အနိမ့်ဆုံးဈေး ကျပ် ၁၁၀၀၀၊ ဆင်ဖြူကျွန်း(ပု) သစ် အမြင့်ဆုံးဈေး ကျပ် ၁၇၀၀၀ မှ အနိမ့်ဆုံးဈေး ကျပ် ၁၆၀၀၀၊ ဆင်ဖြူကျွန်း(ပု) (AC) ကျပ် ၂၁၀၀၀၊ မြစ်ဝ (ပု) (AC) အမြင့်ဆုံးဈေး ကျပ် ၁၉၀၀၀ မှ အနိမ့်ဆုံးဈေး ကျပ် ၂၀၀၀၀ တို့အသီးသီးဖြစ်ကြောင်း ကုန်စည်ဒိုင်မှ သတင်းရရှိပါသည်။ ငြုပ်သီးဈေးနှုန်းမှာ  ယခင်တစ်ပတ်နှင့် ယခုတစ်ပတ်တွင် ဈေးနှုန်းပြောင်းလဲမရှိကြောင်း သိရှိရပါသည်။

DOCA(ရန်ကုန်)

         ၁၅.၉.၂၀၂၅ ရက်နေ့၊ ကုန်စည်ဒိုင်တွင်ဖြစ်ပေါ်ခဲ့သော ထန်းလျက် တစ်ပိဿာ ဈေးနှုန်း များမှာ တောင်သာ၊ မလိုင်(ဒုံး) သစ် အနိမ့်ဆုံးဈေး ကျပ် ၅၄၀၀ မှ အများဆုံး ကျပ် ၅၇၀၀၊ ညောင်ဦးဆေးရှယ်ကျပ် အနိမ့်ဆုံးဈေး ၅၄၀၀ မှ အများဆုံး ကျပ် ၆၈၀၀၊ ညောင်ဦးဆေးရှယ် (ထန်းရော)  အနိမ့်ဆုံးဈေး ကျပ် ၄၄၀၀ မှ အများဆုံး ကျပ် ၄၅၀၀၊ ၊ ပခုက္ကူကြမ်း ကျပ် ၅၆၅၀၊ ရေစကြိုထန်းလျက် အနိမ့်ဆုံးဈေး ကျပ် ၆၈၀၀ မှ အများဆုံး ကျပ် ၇၀၀၀ ၊ ကြံသကာ (ရှမ်း) ကျပ် ၃၅၀၀၊ ကြံသကာ (သကြားရော) ကျပ် ၅၂၀၀၊ မန်ကျည်းသီးများဖြစ်သော မန်းကျည်းသီး ပွင့်ကပ် (သစ်) အနိမ့်ဆုံးဈေး ကျပ် ၅၀၀၀ မှ ကျပ် ၆၀၀၀ ၊ မန်းကျည်းသီးအသား အနိမ့်ဆုံးဈေး ကျပ် ၇၀၀၀ မှ ကျပ် ၉၃၀၀ ၊ ပြည်တွင်းသကြား  အနိမ့်ဆုံးဈေး ကျပ် ၄၄၀၀ မှ ကျပ် ၄၆၅၀ တို့ အသီးသီးဖြစ် ကြောင်း ကုန်စည်ဒိုင်မှ သတင်းရရှိပါသည်။

DOCA(ရန်ကုန်)

      ဘုရင့်နောင်ကုန်စည်ဒိုင်သို့ ၁၂.၉.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၃၆၂၀ အိတ်နှင့် ဈေးနှုန်း မှာ ၅၅၀၀၀ မှ ၅၆၀၀၀ ကျပ်၊ ဆန်ကြမ်းထိပ်စအိတ်ရေ ၃၂၅၆ နှင့် ဈေးနှုန်းမှာ ၅၄၀၀၀ မှ ၅၅၀၀၀ ကျပ်၊ လက်စအိတ်ရေ ၁၄၂၀ နှင့် ဈေးနှုန်းမှာ ၅၃၀၀၀ မှ ၅၄၀၀၀ ကျပ်၊ ၂၅ မတ်ဆန်အိတ် ၉၆၇ နှင့် ဈေးနှုန်းများမှာ ၅၁၀၀၀ မှ ၅၂၀၀၀ ကျပ်၊ ဆန်ကွဲအိတ်ရေ ၄၇၇၂ နှင့် ဈေးနှုန်းများမှာ ၄၆၀၀၀ မှ ၄၈၀၀၀ ကျပ်၊ ပဲခူး(အနောက်) မှ ရှယ်စ ၃၄၀၀ အိတ်၊ ဈေးနှုန်းမှာ ၅၅၀၀၀ မှ ၅၆၀၀၀ ကျပ်၊ ဆန်ကြမ်းထိပ်စအိတ်ရေ ၃၀၈၅၊ ဈေးနှုန်းမှာ ၅၄၀၀၀ မှ ၅၅၀၀၀ ကျပ်၊ လက်စအိတ်ရေ ၁၃၅၀  ဈေးနှုန်းမှာ ၅၃၀၀၀ မှ ၅၄၀၀၀ ကျပ်၊ ၂၅ မတ်ဆန်အိတ် ၈၅၃ ဈေးနှုန်းများမှာ ၅၁၀၀၀ မှ ၅၂၀၀၀ ကျပ်၊ ဆန်ကွဲအိတ်ရေ ၄၅၂၀ နှင့် ဈေးနှုန်းများမှာ ၄၆၀၀၀ မှ ၄၈၀၀၀ ကျပ်၊ ဧရာဝတီတိုင်းမှ ရှယ်စ ၃၈၅၂ ဈေးနှုန်းမှာ ၅၅၀၀၀ မှ ၅၆၀၀၀ ကျပ်၊ ဆန်ကြမ်းထိပ်စအိတ်ရေ ၃၁၀၀ ဈေးနှုန်းမှာ ၅၄၀၀၀ မှ ၅၅၀၀၀ ကျပ်၊ လက်စအိတ်ရေ ၁၂၀၀ ဈေးနှုန်းမှာ ၅၃၀၀၀ မှ ၅၄၀၀၀ ကျပ်၊ ၂၅ မတ်ဆန်အိတ် ၁၁၂၀ဈေးနှုန်းများမှာ ၅၁၀၀၀ မှ ၅၂၀၀၀ ကျပ်၊  ဆန်ကွဲအိတ်ရေ ၄၆၀၀ နှင့် ဈေးနှုန်းမှာ ၄၆၀၀၀ မှ ၄၈၀၀၀ ကျပ် တို့ဝင်ရောက်ကြောင်း သိရှိရပါသည်။                  

      ၁၂.၉.၂၀၂၅ ရက်နေ့တွင် ဘုရင့်နောင်ကုန်စည်ဒိုင်သို့ ဆန်အိတ်ပေါင်း(၄၁၁၁၅) အိတ်ဝင် ရောက်ခဲ့ပြီး ဆန်ဈေးနှုန်းများမှာ ပြောင်းလဲမှုမရှိကြောင်း  သိရှိရပါသည်။

DOCA(ရန်ကုန်)